ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

تۇرعىندار وتباسىنداعى شاتتىق ءۇنى

ءتىلشىمىز لۋ فىڭباۋ

  «باۋىرلارىم، كەلگەندەرىڭ توتەنشە جاقسى بولدى، مەن قابات ۇيدەن 2 رەت جەرگە ءتۇسىپ قارايلادىم». 8 - ايدىڭ 22 - كۇنى ساعات 13 مولشەرى، زالدان بىرەۋلەردىڭ سويلەگەنىن ەستىپ، گۇلباھرام احىمەت اسىعىس ەسىكتى اشىپ، يۇي يۇي مەن ۋاڭ سىۋيدى ۇيگە باستاپ كىرگىزدى.

  قوناق ۇيدەگى ۇستەلدىڭ ءۇستى ساڭزى، ماي نان، جەمىس - جيدەك سياقتىلارعا لىق تولىپتى، گۇلباھرام كەلگەن قوناقتارىنا شايىن قۇيىپ بايەك بولدى.

  گۇلباھرام ءۇرىمجى قالاسى سايباق رايونى لۋيۋان كوشەسى اۋماعىن باسقارۋ كوميتەتى حىيۋە الەۋمەتتىك اۋماعى گۋاڭيۋان شاعىن رايونىنىڭ تۇرعىنى، جۇبايى ەرتە قايتىس بولعان، ول ساۋدا ىستەپ وتباسىن اسىراپ كەلگەن.

  بىلتىر 2 - ايدا ءۇرىمجى تاس جول باسقارۋ مەكەمەسىنەن «ۇعىسۋ، تيىمدىلىك جاساۋ، توعىستىرۋ» بويىنشا وسى الەۋمەتتىك اۋماققا كەلگەن قىزمەت اترەتىنىڭ باستىعى، ءبىرىنشى شۋجيى يۇي يۇي قاتارلىلار گۇلباھرامنىڭ جاعدايىنان حابار تاپقاننان كەيىن وعان كومەك قولدارىن سوزادى.

  «حال سۇراي كەلۋ، قۇلىبىم بۇزىلسا اۋىستىرىپ بەرۋ، بالاما ساباق پىسىقتاتۋ، اۋىرسام شيپاحاناعا جەتكىزۋ...». گۇلباھرام قىزمەت اترەتىندەگىلەردىڭ وزىنە جاساعان قامقورلىعىن ايتىپ تاۋىسا المايدى.

  بىلتىر قىستا گۇلباھرام ۇيىندە كەنەتتەن ەسىنەن تانىپ قالادى، قىزى ءزىلالا قورقىپ جىلاپ جىبەرەدى، سول كەزدە ەسىنە الدىمەن قىزمەت اترەتىندەگىلەرگە تەلەفون شالۋ كەلەدى. ۋاڭ سىۋي بىرنەشە قىزمەتكەردى باستاپ گۇلباھرامنىڭ ۇيىنە دەرەۋ جەتىپ كەلىپ گۇلباھرامدى شيپاحاناعا جەتكىزەدى.

  ساۋدا كۇسەت كەزدە گۇلباھرام قىزىنا قارايلاسۋعا مۇرساسى جەتپەيدى، قىزمەتكەرلەر ءزىلالانى قىزمەت اترەتىنە ەرتىپ كەلىپ، وعان ساباق پىسىقتاتىپ، ونىمەن بىرگە ويناپ، تاماعىن جاساپ بەرەدى.

  8 - ايدىڭ 22 - كۇنى تاڭ اتىسىمەن، گۇلباھرام قاربالاستىققا ءتۇستى، قىزىنا قىزمەت اترەتىندەگىلەرگە «ۇيگە كەلىپ ايتشىلاڭدار دەپ تەلەفون بەر» دەپ تاپسىردى. «مەن ولارعا بۇگىن كەلمەيتىن بولساڭدار، مۇنان بىلاي مەنى اپەكە دەپ ايتپاڭدار دەدىم»، - دەدى ول.

  اس ۇيدەن گۇلباھرام 2 تاباق قوي ەتىن الىپ شىقتى.

  قىزمەت اترەتىندەگىلەردىڭ ەتتەن اۋىز تيگەنىن كورىپ، گۇلباھرام كوڭىلى جاي تاۋىپ: سەندەر مەنىڭ تۋىسىمسىڭدار، مەرەكەنى سەندەرمەن بىرگە وتكىزگەنىمە توتەنشە قۋانىشتامىن، - دەدى.

  «مەن سىزدەرگە ءبي بيلەپ بەرەيىن». ءزىلالا ورنىنان تۇرىپ، مۋزيكامەن بىرگە بۇرالا بيگە باستى، كوپشىلىك دۇركىن - دۇركىن شاپالاق سوعىپ، ءماز - مايرام بولىستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ساۋدا - زات تاسىمال ورتالىعى ىركىلىسسىز جۇمىس جۇرگىزدى
  • جەدەل جولداما قويشىنىڭ قولىنا ءتيدى — شەكارا وڭىردەگى مالشىلار ەلەكتروندىق ساۋدا كاسىبىنىڭ تيىمدىلىكتەرىنەن يگىلىكتەندى
  • 27-كەزەكتى جۇڭگو جىبەك جولى تۇرپان ءجۇزىم مەرەكەسى باستالدى
  • تيانشان ۇلكەن اڭعارىنا ساياحات
بىزبەن بايلانىس جارناما قىزمەتى لەبىز قالدىرۋ ءبىز تۋرالى