ءتاڭىرتاۋ تورابى   ›   جاڭالىقتار   ›   شۋجي ەستەلىگى

شاڭحاي قالاسىنىڭ ۋاكىلدەر ۇيىرمەسى شينجياڭدا قىزمەت تەكسەرىپ، شينجياڭعا كومەكتەسۋ قىزمەتىن ۇشتاستىردى

لي چياڭ، چىن چۋانگو، لي پىڭشين قيمىلعا قاتىناستى

  8 - ايدىڭ 22 - كۇنى اۆتونوميالى رايوندىق پارتكومنىڭ شۋجيى چىن چۋانگو شاڭحاي قالالىق پارتكومىنىڭ شۋجيى لي چياڭعا سەرىك بولىپ، ياركەن اۋدانى ارال اۋىلى بايدوۋە قىستاعىنا كەلىپ كەدەي وتباسى مامەتتۇرسىن مامۇت وتباسىنا امانداسا بارىپ، ولاردان حال سۇرادى. سۋرەتتى ءتىلشىمىز سۇي جىجيان تۇسىرگەن

  ءتىلشىمىز ياۋ تۇڭ 8 - ايدىڭ 24 - كۇنى قاشقاردان حابارلايدى. 8 - ايدىڭ 22 - كۇنىنەن 24 - كۇنىنە دەيىن شاڭحاي قالالىق پارتكومنىڭ شۋجيى لي چياڭ شاڭحاي قالاسىنىڭ ۋاكىلدەر ۇيىرمەسىن باستاپ شينجياڭعا كەلىپ قىزمەت تەكسەرىپ، شينجياڭعا باعىتتامالى كومەكتەسۋ قىزمەتىن ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.

  شينجياڭداعى كەزىندە، شاڭحاي قالاسىنىڭ ۋاكىلدەر ۇيىرمەسى قاشقار ايماعىنىڭ ياركەن اۋدانىنا، پوسكام اۋدانىنا، قاعىلىق اۋدانىنا، قاشقار قالاسىنا بارىپ، شينجياڭعا كومەكتەسۋ نىساندارىنىڭ ىلگەرىلەۋ جاعدايىن ۇستىندە تەكسەردى، كەدەي وتباسىلارىن ارالاپ حال سۇراپ، شينجياڭعا كومەككە كەلگەن كادرلارعا، دارىندىلارعا امانداسا باردى.

  8 - ايدىڭ 24 - كۇنى تۇستەن بۇرىن شاڭحاي. شينجياڭ باعىتتامالى كومەكتەسۋ قىزمەتى جونىندەگى اڭگىمە ءماجىلىس قاشقار قالاسىندا اشىلدى. چىن چۋانگو اۆتونوميالى رايوندىق پارتكوم مەن حالىق ۇكىمەتى، سونداي - اق تۇتاس شينجياڭداعى ءار ۇلت حالقى اتىنان شاڭحاي قالاسىنىڭ ۋاكىلدەر ۇيىرمەسىن قىزۋ قارسى الىپ، شاڭحاي قالاسىنىڭ ۇزاق ۋاقىتتان بەرى شينجياڭدى بارىنشا قولداپ، قالتقىسىز ۇلەس قوسىپ كەلگەندىگىنە شىن جۇرەكتەن العىس ايتتى. چىن چۋانگو بىلاي دەدى: شاڭحاي − جۇڭگو كوممۋنيستىك پارتياسىنىڭ دۇنيەگە كەلگەن جەرى، پارتيامىزدىڭ ارمان ساپارىنا اتتانعان جەرى، ەلىمىز بويىنشا رەفورما جاساپ، ەسىك اشۋدىڭ كوش باسشىسى جانە جاڭالىق اشا دامۋدى الدىمەن اتقارۋشى. شاڭحاي قالالىق پارتكوم مەن قالالىق حالىق ۇكىمەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، باس شۋجي شي جينپيڭنىڭ شاڭحايعا قويعان «تورتتە جاڭا ىسكەرلىك بولۋ» ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ەكونوميكالىق، قوعامدىق دامۋدا كىسىنى جالت قاراتارلىقتاي تىڭ تابىستارعا قول جەتكىزدى. ءبىز شاڭحايدىڭ تاماشا تاجىريبەلەرىن، جاقسى ادىستەرىن مۇقيات ۇيرەنىپ، كوركەم شينجياڭ قۇرۋدى جەدەلدەتۋىمىز كەرەك.

  چىن چۋانگو مىنانى اتاپ كورسەتتى: شاڭحاي باس شۋجي شي جينپيڭنىڭ ماڭىزدى تاپسىرماسىن باستان - اياق ەستە بەرىك ساقتاپ، شينجياڭعا باعىتتامالى كومەكتەسۋ قىزمەتىنە وسكەلەڭ دارەجەدە ءمان بەرىپ، شىنايى يگەرىپ، ناقتى ىستەۋدەن جازباي، شىن سۇيىسپەنشىلىك، ىزگى تىلەك باعىشتاپ، شينجياڭعا كومەكتەسۋ ۇلگىسىندە جاڭالىق اشىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىن تيانشاننىڭ تۇستىگى مەن تەرىستىگىندەگى ءار ۇلت بۇقاراسىنىڭ كوكەيىنە ۇيالاتىپ، قاشقار ايماعى مەن قارامايلى قالاسىنىڭ ورنىقتىلىق، دامۋ ىستەرىن پارمەندى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىنا ەلەۋلى ۇلەس قوستى. ءبىز بۇعان العىس ايتامىز، بۇنى ماڭگى ەستەن شىعارمايمىز. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس اۆتونوميالى رايونىمىزداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تۇتاس اۆتونوميالى رايونىمىزدا جالپى جاعداي ورنىقتى، اۋقىم مەڭگەرىمدى، بەتالىسى جاقسارعان جاعداي جارىققا شىقتى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن جەتەكشى ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، شينجياڭنىڭ قوعامدىق جالپى جاعدايىنىڭ جاراسىمدىلىعى مەن ورنىقتىلىعىن بار كۇشپەن قورعاپ، شاڭحايدىڭ وزىق تاجىريبەلەرىنەن مۇقيات ۇيرەنىپ، پايدالانىپ، باعىتتامالى كومەكتەسۋ باسىمدىعىن تولىق ساۋلەلەندىرىپ، ەكونوميكانىڭ جوعارى ساپامەن دامۋىن جەبەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىن ىلگەرىلەتىپ، جۇڭگوشا سوتسياليستىك شينجياڭدى قۇلشىنا قۇرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتۋىمىز، شاڭحاي قالاسىنىڭ تەرەڭ سۇيىسپەنشىلىگىنىڭ قارىمجىسىن قايتارۋىمىز كەرەك.

  لي چياڭ شاڭحاي قالالىق پارتكوم، قالالىق ۇكىمەت اتىنان شينجياڭنىڭ ۇزاق ۋاقىتتان بەرى شاڭحايدىڭ دامۋىنا كوڭىل بولگەندىگىنە، قولداۋ كورسەتكەندىگىنە العىس ايتتى. ول بىلاي دەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىنىڭ جەتەكشىلىگىندە، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تالابى بويىنشا، بەرتىنگى جىلداردا شينجياڭ ەكونوميكاسىنىڭ، قوعامىنىڭ دامۋى قۋانارلىقتاي جاڭا جەتىستىكتەرگە قول جەتكىزدى، قوعام ورنىقتىلىعىن قورعاۋدىڭ ونىمدىلىگى كورنەكتى بولدى، جالپىلىق ەكونوميكالىق قۋاتى كورنەكتى دارەجەدە كۇشەيدى، نەگىزدىك قۇرىلعىلار قۇرىلىسى كورنەكتى دارەجەدە جاقساردى، حالىقتىڭ تۇرمىس ورەسى كورنەكتى دارەجەدە جوعارىلادى، شەكارا ءوڭىردىڭ دامۋى، ۇلتتار ىنتىماعى، مەملەكەتتىڭ حاۋىپسىزدىگى ءۇشىن ماڭىزدى ۇلەس قوستى، سونداي - اق شاڭحايدى قامتىعان بۇكىل ەلىمىزدىڭ دامۋى ءۇشىن جاراسىمدى دا ورنىقتى ورتا ازىرلەدى. شينجياڭدىق جولداستاردىڭ جاقسى ستيلى، جاقسى تاجىريبەلەرى شاڭحايدىڭ دەن قويا ۇيرەنۋىنە، ۇلگى ەتۋىنە تاتيدى. شاڭحاي بۇكىل ەلىمىزدىڭ شاڭحايى، شاڭحايدىڭ بۇگىنگىدەي دامۋشىلىقتارعا قول جەتكىزۋى پارتيا ورتالىق كوميتەتىنىڭ پارمەندى باسشىلىعىنان جانە بۇكىل ەلىمىز حالقىنىڭ زور كۇشپەن قولداۋىنان ايىرىلا المايدى. قازىر شاڭحاي باس شۋجي شي جينپيڭنىڭ شاڭحاي قىزمەتى جونىندەگى نۇسقاۋلارى، تالاپتارى بويىنشا، ءتۇرلى جاقتارداعى قىزمەتتەردى كۇش سالا ويداعىداي ىستەۋدە. ورتالىق كوميتەت شينجياڭعا باعىتتامالى كومەكتەسۋدەگى كەيبىر مىندەتتەردى شاڭحايعا تاپسىردى، بۇل شاڭحايعا سەنىم ارتقاندىق، اۋەلى، شاڭحايدىڭ بۇلتارتپاس جاۋاپكەرشىلىگى مەن بورىشى. ءبىز تاباندىلىقپەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارى بويىنشا، شينجياڭنىڭ قوعام ورنىقتىلىعى مەن باياندى تىنىشتىق قىزمەتىنىڭ باس نىساناسىن تىعىز ارقاۋ ەتىپ، شينجياڭعا باعىتتامالى كومەكتەسۋدىڭ كولەمىن كەڭەيتۋگە، تەرەڭدەتۋگە، سەرپىنىن كۇشەيتۋگە كۇش سالىپ، شينجياڭعا باعىتتامالى كومەكتەسۋدىڭ ءتۇرلى قىزمەتتەرىن بار كۇشپەن، قاز - قالپىندا ويداعىداي ورىندايمىز.

  لي چياڭ بىلاي دەدى: شاڭحاي كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدەي ماڭداي الدى مىندەتتى مىقتاپ يگەرىپ، قولداۋ كورسەتۋ سەرپىنىن كۇشەيتىپ، نازاردى كەدەيلەردى دالمە - ءدال سۇيەمەلدەۋگە شوعىرلاندىرىپ، ماڭىزدى تۇيىندەردى، قيىن تۇيىندەردى كورنەكتىلەندىرىپ، جۇمىستاندىرۋ، كىرىستى ارتتىرۋ، كاسىپ سالاسىن كۇشەيتۋ ارقىلى شينجياڭعا كومەكتەسۋگە تىعىز بايلانىستىرىپ، كاسىپتىك وقۋ - اعارتۋ مەن قوس ءتىل وقۋ - اعارتۋىن ماڭىزدى ءتۇيىن ەتىپ، شينجياڭعا وقۋ - اعارتۋ ارقىلى كومەكتەسۋدى كۇشەيتىپ، دەنساۋلىق ساقتاۋ جاعىندا كومەكتەسۋ، سۇيەمەلدەۋدىڭ ءونىمدى ءادىسىن ىشكەرىلەي ىزدەستىرەدى. ۇلتتار ىنتىماعىن جەبەۋدى شينجياڭعا باعىتتامالى كومەكتەسۋ قىزمەتىنىڭ بارلىق جاعىندا، ءارقايسى بۋىنىندا تياناقتاندىرادى. ءوزارا بايلانىستى كۇشەيتىپ، ءوزارا توعىسۋدى تەرەڭدەتىپ، ءوزارا كومەكتەسۋدى كەڭەيتىپ، ەكى جەردەگى كادرلار مەن بۇقارانىڭ كوپ ساتىلى، كوپ ءتاسىلدى، كوپ فورماداعى اۋىس - كۇيىسىن جەبەپ، قوعامداعى ءار سالانى شينجياڭعا كومەكتەسۋگە بەلسەنە جەتەكتەيدى. ەكى جەردىڭ اۋىس - كۇيىس، سەلبەستىك جاساسۋىنىڭ جاڭا كەڭىستىگىن ۇزدىكسىز كەڭەيتىپ، كاسىپ سالاسى، ساۋدا، فينانس، مادەنيەت، ساياحات سياقتى ءتۇرلى سالالارداعى سەلبەستىكتى تەرەڭدەتىپ، «ءبىر بەلدەۋ، ءبىر جول» قۇرىلىسىنا بىرگە ويداعىداي قىزمەت كورسەتەدى.

  اڭگىمە ماجىلىستە، قاشقار ايماعى قاشقار ايماعىنىڭ ورنىقتىلىق، دامۋ جانە باعىتتامالى كومەكتەسۋ قىزمەتىنىڭ جاعدايىنان مالىمەت بەردى، شاڭحاي قالاسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى، قارامايلى قالاسىنا كومەكتەسۋگە قولباسشىلىق ەتۋ شتابى شاڭحايدىڭ شينجياڭعا كومەكتەسۋ، قارامايلىعا كومەكتەسۋ قىزمەتىنىڭ جاعدايىنان مالىمەت بەردى.

     شاڭحاي قالاسىنىڭ، اۆتونوميالى رايوننىڭ باسشىلارىنان ۋىڭ زۋلياڭ، جۋگى يۇيجيە، پىڭ چىنلەي، سارقىت اقان ۇلى، لي شۋەجۇن، جاۋ چۇڭجيۋ، چىڭ جىنشان قاتارلىلار قاتىستى قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى