− «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى مەن قىستاق تۇرعىندارىنىڭ مەرەكەنى بىرگە تويلاعاندىعى جونىندە
ءتىلشىمىز جاۋ جىيۇن، ەرىكتى تىلشىلەر لي شۋەجۇن، جاڭ شين، جوۋ شياۋبيڭ
بىرلەسكەن ساۋىق كەشتە كوپشىلىك بىرگە ءان ايتىپ، ءبي بيلەپ مەرەكەنى تويلادى، اڭگىمە ماجىلىستە كوپشىلىك بىرگە وتىرىپ پارتياعا العىس ايتتى... جۋىقتاعى بىرنەشە كۇندە اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ قاعىلىق اۋدانىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى كوپ ءتۇرلى فورمالارمەن قىستاق تۇرعىندارىن قۇربان ايتتى تويلاۋعا ۇيىمداستىردى.
قاعىلىق اۋدانى جايتەرەك اۋىلى ءتوموباسى قىستاعىنىڭ قۇربان ايت بىرلەسپە ساۋىق كەشىندە 80 جاسقا تاياعان مامەت مامەتالى مەن قىستاق تۇرعىندارى دۋماندى ءماشىراپ بيىنە باستى. «وسى 2 جىلدا قىستاقتا كوپ وزگەرىستەر تۋىلدى، پارتيانىڭ حالىققا تيىمدىلىك جاساۋ ساياساتتارى تۇگەلدەي ناقتى تياناقتاندى، ءبىز بۇقارا مۇنىڭ ەڭ زور يگىلىگىن كورۋشىلەر بولدىق»، - دەدى ول.
قىستاقتا مەرەكەنى تويلاۋدىڭ دۋمانىن كورگەن قاشقار داشۋەسى دەنە تاربيە فاكۋلتەتى جوعارى تەحنيكۋم كلاسىنان وقۋ بىتىرگەن ايگۇل مامەت تەبىرەنە: قىزمەت اترەتى «ءتورت ءتۇرلى قارتتاردان»، «تومەنگى تۇرمىسى قامتاماسىزداندىرىلاتىن وتباسىلارىنان» حال سۇراپ، كوپشىلىككە قوي ەتى جانە كۇرىش، ۇن، ازىقتىق ماي اپارىپ بەردى. قىستاقتا دۋماندى «ۇلتتار ىنتىماعىنىڭ بەرەكەلى شاڭىراعى» بىرلەسپە دوستىق قيمىلدارى وتكىزىلدى، قىستاق تۇرعىندارىنىڭ تۇرمىسى بارعان سايىن جاقساردى، بۇل ءبىزدىڭ مەكەنىمىزدە جۇمىسقا ورنالاسىپ، مەكەنگە ۇلەس قوسۋ، مەكەندى گۇلدەندىرۋ سەنىمىمىزدى بەكەمدەي ءتۇستى، - دەدى.
باعراش اۋدانى شيڭيۇي شاراپ شارۋاشىلىعى ءجۇزىم شارابىن اشىتۋ بازاسىندا جۇمىس ىستەيتىن قىستاق تۇرعىنى قاسيەت روزى قايىن اتاسى ناۋقاستانىپ قالعاندىقتان، وسى بىرنەشە كۇندە قايتىپ كەلىپ قارياعا قاراستى. «وسى 2 جىلدا قىزمەت اترەتى قىستاق تۇرعىندارىن باسقا سالاعا ويىسىپ جۇمىسقا ورنالاسۋعا بەلسەندىلىكپەن سايكەستىردى، سىرتقا شىعىپ جۇمىس ىستەيتىن قىستاق تۇرعىندارىنىڭ قاتارى بارعان سايىن كوبەيدى. ءبىز كىرىسىمىزدى ارتتىرۋمەن بىرگە، كوز ايامىز كەڭەيىپ، وتباسىمىزدىڭ بەرەكەسى كۇشەيدى، بايۋ وي جەلىمىز دە كوبەيدى. ءبىز پارتيانىڭ شاپاعاتىن ماڭگى ەسىمىزدە ساقتاپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىز، تارتىپكە، زاڭعا بويسۇنىپ، قۇلشىنا اقشا تاۋىپ، ءوز تۇرمىسمىزدى جاقسارتۋمەن قوسا مەكەنىمىزدى ءتىپتى دە جاراسىمدى ەتەمىز»، -دەدى ول.
8 - ايدىڭ 21 - كۇنى قاعىلىق اۋدانى سايباق اۋىلى باشتوعىراق قىستاعىنداعى «ءتورت ءتۇرلى قارتتارمەن» اڭگىمە ماجىلىستە اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ قاعىلىق اۋدانى سايباق اۋىلى باشتوعىراق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجي احىمەتجان ازەز ولاردىڭ دەنساۋلىعى مەن تۇرمىس جاعدايىن ءبىر - بىردەن سۇراستىردى. قىستاق تۇرعىنى مامەت توحتى اسەرلەنە: پارتيا ۇيىمىنىڭ بىزگە كوڭىل بولگەنىنە العىس ايتامىز، تۇرمىسىمىز جايلى ءوتىپ جاتىر...، - دەدى، وسى ءسوزدى ايتىپ بولعاننان كەيىن ول «بەيجيڭنىڭ التىن تاۋىندا» اتتى ءاندى تەبىرەنە شىرقادى، كوپشىلىك ءان ىرعاعىنا قوسىلىپ شاپالاق سوقتى.
سانزى، ءدامى ءتىل ۇيىرگەن قوي ەتى، ءتۇرلى - ءتۇرلى بالكۇلشەلەر مەن جەمىس - جيدەك ۇستەلگە تولتىرا ءتىزىلدى. قاعىلىق اۋدانى جايتەرەك اۋىلى وقارىق قىستاعىنىڭ قۇربان ايتتى تويلاۋ قيمىل الاڭىندا قىستاق تۇرعىندارى اينالا وتىرىپ ءبىر - بىرىنە ىزگى تىلەك ءبىلدىردى. ولار «ءبىزدىڭ قازىرگى باقىتتى تۇرمىسىمىزدى پارتيا بەرگەن، پارتيانىڭ شاپاعاتىن ماڭگى ەسىمىزدە ساقتاپ، پارتياعا ماڭگى ىلەسەمىز» دەستى.
8 - ايدىڭ 21 - كۇنى اۆتونوميالى رايوندىق ورگان ىستەرىن باسقارۋ مەكەمەسىنىڭ اتۇش قالاسى قاراجول اۋىلى ورتا قاراجول قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن قىستاقتىڭ «ەكى كوميتەتى» بىرلەسىپ وتكىزگەن «پارتياعا العىس ايتۋ، ىنتىماقتى دارىپتەۋ» اتىنداعى قۇربان ايتتى تويلاۋ بىرلەسپە قيمىلىندا اۋىلىنا قايتقان ستۋدەنتتەردىڭ وزدەرى جازىپ، وزدەرى ورىنداعان كومەديا «پارتيانىڭ جاقسى ساياساتى» كوپشىلىكتىڭ قىزۋ شاپالاق ۇنىنە يە بولدى.
كونسەرتتە اۋىلىنا قايتقان ستۋدەنت مۇراتبەك تەمىرجان «اتا» رولىنا شىعىپ كانيكۋلدا اۋىلىنا قايتقان «نەمەرە قىزىنا» قىستاقتاعى وزگەرىستەردى اسەرلەنە باياندادى. «نەمەرە قىز» رولىن العان جۇلدىز تۇرسىن: اتا الاڭسىز بولىڭىز، مەن، ءسوزسىز، جاقسى وقىپ، پارتيا مەن مەملەكەتتىڭ تاربيەسىن اقتايمىن، - دەدى. كومەدياداعى اسەرلى تۇستارعا قىستاق تۇرعىندارى تولاسسىز بارەكەلدى ايتتى.
قۇربان ايت قارساڭىندا قىستاقتا تۇراتىن قىزمەت اترەتى مەرەكە كەزىندە اۋىلداستارعا ادەبيەت - كوركەمونەر كونسەرتىن قويىپ بەرۋدى ورتاعا قويعاندا جازدىق دەمالىستا اۋىلعا قايتقان ستۋدەنتتەر وزدىكتەرىنەن العا شىعىپ، قىزمەت اترەتىن ىرىقتىلىقپەن ىزدەپ كەلىپ كونسەرتكە قاتىناساتىندارىن ايتتى. شينجياڭ پەداگوگيكا داشۋەسىنىڭ 2 - جىلدىق وقۋشىسى اينۇر داۋىت قىزمەت اترەتىنىڭ مۇشەلەرىنە ءوزىنىڭ مەكتەپتەگى كەزىندە كومەديا ورىنداۋعا قاتىناسقانىن، اكە - شەشەسىنىڭ وزىنە قىزمەت اترەتى ۇيدەگى كوپ قيىنشىلىقتاردى شەشىپ بەردى دەگەنىن، بۇعان بارىنشا العىس ايتاتىنىن، وسى رەتكى كونسەرت ورايىندا پارتيا مەن ۇكىمەتكە، قىزمەت اترەتىنە دەگەن العىستى كوڭىلىن بىلدىرگىسى كەلەتىنىن ايتتى.
قيمىلدا كوشە ءبيى، ۇلتتىق ءبي، ناجاعاي ءبيى كەزەكپەن بيلەندى، بۇعان قوسا اراسىندا قىزىل اندەر، حالىق اندەرى ورىندالىپ، گيتتارعا ءان قوسىلىپ، قىستاق تۇرعىندارىنا مادەنيەت توعىسۋدىڭ ءبىر رەتكى سالتاناتتى تاماشاسىن ۇسىندى.
قىزمەت اترەتىنىڭ مۇشەلەرى ەندى عانا ۇيرەنگەن قىرعىز تىلىندە قىستاق تۇرعىندارىنا مەرەكەلىك ىزگى تىلەكتەرىن ءبىلدىرىپ، 80 كەدەي وتباسىنا كۇرىش، ازىقتىق ماي سياقتى حال سۇراۋ بۇيىمدارىن بەردى، سونىمەن بىرگە 2018 - جىلى جاڭادان داشۋەگە قابىلدانعان ستۋدەنتتەرگە سيلىق اقشا تاراتتى. «پارتيا مەن ۇكىمەتكە راقىمەت، قىزمەت اترەتىنىڭ مۇشەلەرى ءبىزدىڭ ناعىز جان اشىرىمىز بولدى» دەستى قىستاق تۇرعىندارى شىن كوڭىلدەن.
8 - ايدىڭ 21 - كۇنى قاشقار قالاسى قوعان اۋىلى بايحىيۋان الەۋمەتتىك اۋماعىنىڭ بارلىق جەرىنەن مەرەكەنىڭ قويۋ لەبى ەستى، مۇندا وتكىزىلىپ جاتقان «قۇربان ايتتى قول ۇستاسا بىرگە تويلايىق، ۇلتتار ىنتىماعىنىڭ بەرەكەلى شاڭىراعى» اتىنداعى بىرلەسپە دوستىق قيمىلىندا كادر، بۇقارا ءبىر اراعا باس قوسىپ، پارتياعا دەگەن العىستى سەزىمدەرىن بەينەلەپ، تاماشا تۇرمىسقا دەگەن تىلەكتەرىن ايگىلەدى.
شاڭحايدا ىشكى ولكەلەردەگى شينجياڭ ورتا مەكتەپ كلاسىنان اۋىلعا قايتقان وقۋشى ءمادينا يمام قيمىلدىڭ دۋماندى دا دابىرالى ورتاسىنان بارىنشا اسەرلەندى، ول قۋانىشپەن: كلاستا ءبىز ءار ۇلت وقۋشىلارى تاتۋ - ءتاتتى وتەمىز، وسى رەت كانيكۋلدا قايتىپ كەلگەندە الەۋمەتتىك اۋماقتان ءار ۇلت تۇرعىندارىنىڭ توتەنشە بەرەكەلى ەكەنىن كورىپ قاتتى قۋاندىم، - دەدى.
قيمىلدا كادر، بۇقارا اينالا وتىرىپ، ويىن نومىرلەرىن قىزىقتاپ، دامۋدى، ىنتىماقتى تىلگە تيەك ەتىپ، ۇلتتار اراسىنداعى سۇيىسپەنشىلىكتى بەكەمدەپ قانا قالماستان، ءار ۇلت بۇقاراسىنىڭ پارتيا مەن وتانعا دەگەن شىنايى مويىنداۋىن ءتىپتى كۇشەيتتى.
قاشقار قالالىق مادەنيەت - دەنە تاربيە، راديو - كينو - تەلەۆيزيا مەكەمەسىنىڭ قوعان اۋىلى بايحىيۋان الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجي ۋاڭ لين: بۇگىن ءبىز بىرلەسپە دوستىق قيمىلىن وتكىزدىك، «ۇلتتار ىنتىماعىنىڭ بەرەكەلى شاڭىراعىندا» ماڭىزدىسى ات سالىسۋدا، ماڭىزدىسى ارەكەتتە، - دەدى.
