چىن چۋانگو، شوكىرات زاكىر، لي شىحۇڭ ءسوز سويلەدى، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين جينالىسقا قاتىناستى
تىلشىلەرىمىز ياۋ تۇڭ، دۇڭ شاۋحۋا 8 - ايدىڭ 26 - كۇنى ۇرىمجىدەن حابارلايدى. اۆتونوميالى رايوننىڭ ساياحاتتى دامىتۋ جونىندەگى جينالىسى 8 - ايدىڭ 25 - كۇنى اشىلدى. جينالىس بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ورايدى يگەرىپ، جاعدايعا قاراي العا ۇمتىلىپ، رەفورما جاساپ، جاڭالىق اشىپ، قىزمەتتى تىڭعىلىقتى ىستەپ، رايونىمىزدىڭ ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا ويىسۋىن ىلگەرىلەتۋ كەرەك.
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو جينالىسقا قاتىناستى ءارى ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قورىتىندى ءسوز سويلەدى، مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ مۇشەسى لي شىحۇڭ ءسوز سويلەدى. اۆتونوميالى رايوننىڭ پارتيا، ۇكىمەت، ارميا ورىندارىنىڭ، سونداي - اق بيڭتۋاننىڭ باسشىلارىنان شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، لي ۋي، شۇي حايرۇڭ، ەركىن تۇنياز، تيان ۋىن، جاڭ چۇنلين، پىڭ جيارۇي جينالىسقا قاتىناستى.
چىن چۋانگو سوزىندە بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا رايونىمىزدىڭ ساياحات كاسىبى قارىشتاپ دامىدى، ساياحات كاسىبىنىڭ كولەمى مەن ەكونوميكاسىنىڭ جالپى مولشەرى ۇزدىكسىز زورايىپ، ەكونوميكالىق، قوعامدىق دامۋعا باستاماشىلىق ەتۋ رولى ۇزدىكسىز كۇشەيدى، وتە - موتە، ورنىقتىلىقتىڭ تيىمدىلىگىنىڭ ۇزدىكسىز ىسكە اسۋىنا بايلانىستى، ساياحات كاسىبىندە تەز ارتۋ جارىققا شىقتى. اماليات شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ كورەگەندىك، كەمەڭگەر، ءدانىشپاندىق ەكەنىن تولىق دالەلدەدى، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىماي دايەكتىلەندىرسەك، تياناقتاندىرساق بولعانى، شينجياڭ جاعدايى جاپپاي ورنىقتىلىق باعىتىنا قاراي دامي الادى، قوعام ورنىقتىلىعى مەن باياندى تىنىشتىقتى جۇزەگە اسىرۋعا بولادى، شينجياڭ ەكونوميكاسى، ءسوز جوق، جاڭا دامۋ ۇستانىمىن ويداعىداي دايەكتىلەندىرە، جوعارى ساپالى دامۋدى ىلگەرىلەتە الادى.
چىن چۋانگو مىنالاردى اتاپ كورسەتتى: ساياحات ارقىلى شينجياڭدى گۇلدەندىرۋ ستراتەگياسىن اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ تابيعي تالابى، جاڭا دامۋ ۇستانىمىن دايەكتىلەندىرۋدىڭ، شينجياڭنىڭ جوعارى ساپالى دامۋىن ىلگەرىلەتۋدىڭ ماڭىزدى شاراسى، لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە قول جەتكىزىپ، كورىكتى شينجياڭ قۇرۋدىڭ ماڭىزدى تۇتقاسى، حالىق تۇرمىسىن جاقسارتۋدىڭ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدىڭ ۇتىمدى جولى، ۇلتتار ىنتىماعىن كۇشەيتۋدىڭ، قوعامنىڭ جاراسىمدىلىعىن جەبەۋدىڭ رەال قاجەتى، سىرتقا ەسىكتى ايقارا اشۋدىڭ، شينجياڭ وبرازىن ايگىلەۋدىڭ ءونىمدى دانەكەرى. ساياحات ارقىلى شينجياڭدى گۇلدەندىرۋ ستراتەگياسىن اتقارۋدىڭ كەلەلى ماڭىزىن جەتە تانىپ، ساياحات كاسىبىن كۇش سالا دامىتۋدى شىن مانىندە ءار ۇلت حالقىنىڭ باقىتىنا، جاپپاي دوڭگەلەك داۋلەتتى قوعام ورناتۋعا، قوعام ورنىقتىلىعى مەن باياندى تىنىشتىققا ساياتىن ستراتەگيالىق دەڭگەيگە قويىپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك.
چىن چۋانگو بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ساياحاتتى دامىتۋ جانە ساياحات قىزمەتى جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، پارتيانىڭ ساياحات قىزمەتىنە باسشىلىعىن كۇشەيتىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، جوعارى ساپالى دامۋ تالابىن تياناقتاندىرىپ، 3 ءىرى قامال الۋ شايقاسىنىڭ جەڭىسىنە باتىل تۇردە قول جەتكىزىپ، ساياحاتتىڭ قامداۋ جاعىنداعى قۇرىلىمدىق رەفورماسىن ۇزدىكسىز تەرەڭدەتىپ، ساياحات كاسىبىنىڭ اقاۋسىز دامۋىن ىلگەرىلەتىپ، دۇنيە جۇزىندەگى ماڭىزدى ساياحات نىسانالى جەرى ەتىپ قۇرىپ شىعۋعا قۇلشىنۋ كەرەك. ءبىرىنشى، جوبا ارقىلى جەتەكشىلىك ەتۋگە تاباندى بولۋ كەرەك. جۇيەلىلىك، توعىسپالىلىق، بىلىكتىلىك تالابىنا ساي، ءار دارەجەلى، ءار ءتۇرلى ساياحاتتى دامىتۋ جوبالارىن عىلمي تۇردە جاساپ، جوباعا قاتاڭ نەگىزدەلە وتىرىپ ساياحات نىساندارىن قۇرۋدى تەكسەرىپ بەكىتىپ، ساياحات جوباسىنىڭ ءونىمدى اتقارىلۋىنا شىنايى كەپىلدىك ەتۋ كەرەك. ەكىنشى، ەرەكشە تارتىمدىلىعىن سومداۋ كەرەك. شينجياڭنىڭ ايباتتى، عاجايىپ اسقار تاۋ، ويپاتتارىن، بايىرعى عاجايىپ ءشول - جازيرالارىن، كوركەم وزەن - كولدەرىن، كەڭ - بايتاق جازيرالى جايلاۋ، ورماندارىن، كىسىنى ەلىتەتىن مۇزدىق، قارلى دالالارىن، كوركىنە كوز تويماس ەگىنجاي كورىنىستەرىن، جىبەك جولىنىڭ تايحى ۇزاق باي مادەنيەتىن، سان الۋان ۇلتتىق سالت - ساناسىن تولىق كورسەتىپ، دۇنيە جۇزىنە شينجياڭنىڭ وزگەشە تارتىمدىلىعىن ايگىلەۋ كەرەك. ءۇشىنشى، ايگىلى ماركا جاراتۋ كەرەك. جاراتىلىستىق ەكولوگيا مەن ەرەكشە مادەنيەتتى ارقاۋ ەتىپ، «دارقاندىق» پەن «كوركەمدىكتى» كورنەكتىلەندىرىپ، «شينجياڭ جاقسى جەر» اتتى وزگەشە ايگىلى ماركانى كۇشتى شوعىرلاندىرا وتىرىپ جاراتىپ، شينجياڭ ساياحاتىنىڭ ايشىقتى بەلگىسىن قالىپتاستىرىپ، ساياحاتتىڭ جالپى تۇلعالىق وبرازىن سومداۋ كەرەك. ءتورتىنشى، بازارداعى ساتۋدى كەڭەيتۋ كەرەك. ساتۋدى ءبىر تۇتاس جوسپارلاۋدى كۇشەيتىپ، ساتۋ ءتاسىلىن جاڭالاپ، ساتۋ تورىن كەمەلدەندىرىپ، بىرلىككە كەلتىرۋ مەن ءبولۋ ۇشتاستىرىلعان، شوعىرلى تۇردە كۇش سالاتىن، جىگى ايقىن، رايون ءىشى مەن سىرتى بىرلەسىپ قيمىلدايتىن ساياحات ساتۋ جۇلگەسىن جەدەل قالىپتاستىرۋ كەرەك. بەسىنشى، كاسىپ نەگىزىن نىعايتۋ كەرەك. قاتىناس كەدەرگىسىن كۇش سالا تالقانداپ، سايكەستى قۇرىلعىلاردى ساپالىلاندىرىپ، زەردەلى ساياحاتتى ىلگەرىلەتىپ، ساياحات حاۋىپسىزدىگىن قامتاماسىز ەتىپ، تاماشا ساياحات بازارى ءتارتىبىن جانە تۇتىنۋ ورتاسىن قالىپتاستىرۋ كەرەك. التىنشى، رەفورما، جاڭالىق اشۋدى ىلگەرىلەتۋ كەرەك. ساياحات باسقارۋ ءتۇزىلىسى رەفورماسىن تەرەڭدەتىپ، جالپى ءوڭىر ساياحاتىن ىلگەرىلەتىپ، بازار سۋبيەكتتەرىن زورايتىپ، ساياحات ونىمدەرىن بايىتىپ، ساياحات ارقىلى شينجياڭعا كومەكتەسۋدى كۇشەيتۋ كەرەك. جەتىنشى، جاسىل دامۋعا تاباندى بولۋ كەرەك. «تۇنىق سۋ مەن جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق» دەگەن ۇستانىمدى مىقتاپ ورناتىپ، قورعاۋ سيپاتتى اشىپ پايدالانۋعا تاباندى بولىپ، ەكولوگيالىق ورتانى قورعاۋدى كۇشەيتىپ، ەكولوگيانى قورعاۋدىڭ قىزىل شەگىن، قورشاعان ورتا ساپاسىنىڭ تومەنگى شەگىن جانە جاراتىلىستىق بايلىقتان پايدالانۋدىڭ جوعارعى شەگىن باتىل قورعاۋ كەرەك. سەگىزىنشى، ساياحات ارقىلى كەدەيلەردى سۇيەمەلدەۋدى كۇشەيتۋ كەرەك. اۋىل - قىستاقتى گۇلدەندىرۋ ستراتەگياسىن اتقارۋمەن ۇشتاستىرىپ، اۋىل - قىستاق ساياحاتىن كۇش سالا دامىتىپ، كەدەيلەردى سۇيەمەلدەۋ قارجىسىنان، ساياحاتتى دامىتۋ قارجىسىنان ءبىر تۇتاس ويداعىداي پايدالانىپ، ساياحات پەن كەدەيلەردى سۇيەمەلدەۋدىڭ مۇددەنى جالعاۋ مەحانيزمىن ورناتۋدى ىلگەرىلەتىپ، كەدەيلەر قاۋىمىنىڭ ساياحاتتىڭ دامۋ جەتىستىكتەرىنەن بىرگە يگىلىكتەنۋىنە مۇمكىندىك جاساۋ كەرەك.
چىن چۋانگو مىنالاردى اتاپ كورسەتتى: باسشىلىقتى كۇشەيتىپ، زەر سالا ۇيىمداستىرىپ، ساياحات ارقىلى شينجياڭدى گۇلدەندىرۋ ستراتەگياسىن اتقارۋعا پارمەندى كەپىل ازىرلەۋ كەرەك. اۆتونوميالى رايون تۇتاس رايونداعى ساياحات قىزمەتىن ۇيىمداستىرۋدى، ءبىر تۇتاس جوسپارلاۋدى كۇشەيتۋ، ءار دارەجەلى پارتكومدار مەن ۇكىمەتتەر ساياحات كاسىبىن حالىق شارۋاشىلىعىنىڭ جانە قوعام دامۋىنىڭ جالپى تۇلعالىق جوباسىنا كىرگىزۋ، ءار دارەجەلى باسشى كادرلار كاسىپتىك ۇيرەنۋدى كۇشەيتىپ، سالا مايتالمانى بولۋعا قۇلشىنۋ، ءار دارەجەلى ساياحاتتى دامىتۋ كوميتەتتەرى جان - جاقتى سايكەستىرۋدى، سالاعا جەتەكشىلىك ەتۋدى، بازاردى باقىلاۋ - باسقارۋدى جانە ساياحات ۇگىتى سەرپىنىن كۇشەيتۋ، قاتىستى تاراۋلار فۋنكتسيالىق رولىن ساۋلەلەندىرىپ، سايكەسۋدى كۇشەيتۋ، ءار دارەجەلى ساياحات كاسىپ قوعامدارى كوپىرلىك دانەكەر رولدارىن تولىق ساۋلەلەندىرىپ، ساياحاتتى دامىتۋدىڭ ورتاسىن جاقسارتۋ، ءار ءتۇرلى بازار سۋبيەكتتەرىنىڭ ىرىقتىلىعىن، بەلسەندىلىگىن، يكەمدىلىگىن تولىق ساۋلەلەندىرىپ، ساياحات ارقىلى شينجياڭدى گۇلدەندىرۋ ستراتەگياسىن اتقارۋعا ءتيىستى ۇلەس قوسۋ كەرەك. قولداۋ سەرپىنىن ارتتىرىپ، ساياحات كاسىبىنىڭ قارجى قۇراۋ ارناسىن كەڭەيتۋ كەرەك. ساياحات كادرلارى قوسىنىن، كاسىپتىك دارىندىلار قوسىنىن، قىزمەتكەرلەر قوسىنىن قۇرىپ جانە كۇشەيتىپ، ساياحات كاسىبىنە قۋاتتى دارىندى تىرەگىن ازىرلەۋ كەرەك. ۇگىت سەرپىنىن ارتتىرىپ، بارلىق ادام ساياحاتقا ءمان بەرەتىن، بارلىق ادام ساياحاتتى قولدايتىن، بارلىق ادام ساياحاتقا ات سالىساتىن تاماشا راي ازىرلەۋ كەرەك.
لي شىحۇڭ سوزىندە مىنالاردى اتاپ كورسەتتى: شينجياڭنىڭ ساياحات بايلىعى ەرەكشە، باۋرامدىلىعى شەكسىز، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ جەتەكشىلىگىندە قوعام ورنىقتىلىعىنىڭ تيىمدىلىگى ۇزدىكسىز ىسكە اسىپ، ساياحاتتى دامىتۋدىڭ باسىمدىعى كورنەكتىلەندى، ونىڭ كومەسكى كۇشى وراسان زور. بايلىقتىڭ باسىمدىعىن ساۋلەلەندىرىپ، بازاردىڭ كومەسكى كۇشىن اشىپ، رەفورمانىڭ تيىمدىلىگىن ىسكە اسىرىپ، ساياحاتتىڭ قامداۋ جاعىنداعى قۇرىلىمدىق رەفورماسىن ۇزدىكسىز ىلگەرىلەتىپ، ساياحاتتا جاڭالىق اشۋدىڭ، ساياحاتتى دامىتۋدىڭ كومەسكى كۇشىن تەرەڭدەي اشۋ كەرەك؛ «تۇنىق سۋ مەن جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق» ۇستانىمىن دايەكتىلەندىرىپ، ساياحاتتى جاسىل دامىتۋدىڭ كومەسكى كۇشىن تەرەڭدەي اشۋ كەرەك؛ ساياحاتتاعى نىسانالى جەر جۇيەسى قۇرىلىسىن كەمەلدەندىرىپ، تۇتاس وڭىرلىك ساياحاتتى دامىتۋدىڭ، ونىمەن قامداۋدىڭ كومەسكى كۇشىن تەرەڭدەي اشۋ كەرەك؛ «ساياحات +» قىزمەتىن جاڭالىق اشا ىلگەرىلەتىپ، ساياحاتتىڭ توعىسپالى دامۋىنىڭ كومەسكى كۇشىن تەرەڭدەي اشۋ كەرەك؛ «شينجياڭ جاقسى جەر» دەگەن ساياحات وبرازىن كۇشەيتىپ، جالپى جۇرت ساياحاتى بازارىنىڭ كومەسكى كۇشىن تەرەڭدەي اشۋ كەرەك؛ شينجياڭعا كومەكتەسۋ ءتۇزىمىنىڭ ابزالدىلىعىن تولىق ساۋلەلەندىرىپ، شينجياڭعا كومەكتەسەتىن ولكە، قالالارمەن ساياحات سەلبەستىگىنىڭ كومەسكى كۇشىن تەرەڭدەي اشىپ، ساياحاتتىڭ شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى ىلگەرىلەتۋدەگى فۋنكتسيالىق رولىن تولىق ساۋلەلەندىرۋ كەرەك. مادەنيەت جانە ساياحات مينيسترلىگى شينجياڭنىڭ ساياحات كاسىبىن دامىتۋعا ۇزدىكسىز وسكەلەڭ ءمان بەرىپ، شينجياڭنىڭ مادەنيەتى مەن ساياحاتىنىڭ توعىسپالى دامۋىن قولداۋ، مادەنيەت جانە ساياحات بايلىعىن اشۋ، ساياحاتقا رەفورما جاساپ، ساياحاتتا جاڭالىق اشىپ، ساياحاتتى الدىمەن دامىتۋ، ساياحات جوباسى جۇيەسىن كەمەلدەندىرۋ، شينجياڭعا مادەنيەت جانە ساياحات ارقىلى كومەكتەسۋ سياقتى قىزمەتتەردى جاقسى ىستەپ، ساياحاتتىڭ دامۋىن ىلگەرىلەتۋ ارقىلى حالىق بۇقاراسىنىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن اناعۇرلىم جاقسى قاناعاتتاندىرادى.
شوكىرات زاكىر قورىتىندى سوزىندە مىنالاردى اتاپ كورسەتتى: جەر - جەر، تاراۋلار باس شۋجي شي جينپيڭنىڭ ساياحاتتى دامىتۋ جانە ساياحات قىزمەتى جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ساياحات ارقىلى شينجياڭدى گۇلدەندىرۋ ستراتەگياسىن اتقارۋدىڭ جالپى تۇلعالىق تالاپتارىن، نىسانا - مىندەتتەرىن جانە قىزمەت تۇيىندەرىن مىقتاپ يگەرىپ، دايەكتىلەندىرۋدى، تياناقتاندىرۋدى بەرىك، باتىل، قاز - قالپىندا تىڭعىلىقتى يگەرىپ، جوبانىڭ جەتەكشىلىگىن كورنەكتىلەندىرىپ، ساياحات جوباسىن جاساۋ قىزمەتىن مۇقيات، تىڭعىلىقتى ىستەۋ كەرەك؛ قامداۋ جاعىندا دالمە - ءدال كۇش سالۋدى كورنەكتىلەندىرىپ، ەرەكشە ابزالدىلىقتى ساۋلەلەندىرۋ، ساياحات ماركاسىن جاراتۋ قىزمەتتەرىن قۇلشىنا جاقسى ىستەۋ كەرەك؛ سۇرانىس جاعىندا دالمە - ءدال كۇش سالۋدى كورنەكتىلەندىرىپ، بازاردا ساتۋ جانە كاسىپ نەگىزىن بەكەمدەۋ قىزمەتتەرىن تىڭعىلىقتى، جاقسى ىستەۋ كەرەك؛ رەفورما جاساۋدى، جاڭالىق اشۋدى كورنەكتىلەندىرىپ، بازار مەحانيزمىنەن جاقسى پايدالانىپ، كاسىپورىنداردىڭ سۋبيەكتتىك رولىن ساۋلەلەندىرۋ كەرەك؛ نازاردى باس نىساناعا شوعىرلاندىرۋدى كورنەكتىلەندىرىپ، جاسىل دامۋدان جازباي، ساياحات ارقىلى كەدەيلەردى سۇيەمەلدەۋ، ۇلتتار ىنتىماعى قىزمەتىن ىشكەرىلەي جاقسى ىستەپ، ءىس جۇزىندىك ارەكەتتەرى ارقىلى رايونىمىزدى ساياحات كاسىبىندەگى قۋاتتى رايون، دۇنيە جۇزىندەگى ماڭىزدى ساياحات نىسانالىق جەرى ەتىپ قۇرىپ شىعۋعا ءتيىستى ۇلەس قوسۋ كەرەك. جەر - جەر، تاراۋلار ساياحات ارقىلى شينجياڭدى گۇلدەندىرۋ ستراتەگياسىن اتقارۋدى سانالى تۇردە كورنەكتى ورىنعا قويىپ، باسشىلىقتى كۇشەيتىپ، جاۋاپكەرشىلىكتى ناقتىلاندىرىپ، باسىمدىقتى ساۋلەلەندىرىپ، شەشۋشى ءتۇيىندى يگەرىپ، باقىلاۋ - باسقارۋدى زاڭ بويىنشا كۇشەيتىپ، ساياحات حاۋىپسىزدىگىنە كەپىلدىك ەتىپ، ساياحاتتى دامىتۋعا ساياسي جاقتان، ستراتەگيا جاقتان، جالپى جاعداي جاقتان، ۇزاق ۋاقىت جاقتان ءۇڭىلىپ، جوسپارلاپ جانە ىلگەرىلەتىپ، ورنىقتىلىق تيىمدىلىگىنەن، ساياسات تيىمدىلىگىنەن تولىق ويداعىداي پايدالانىپ، شينجياڭنىڭ ساياحات كاسىبىنىڭ جوعارى ساپالى دامۋىن ىلگەرىلەتىپ، رايونىمىزدىڭ ساياحاتىن دامىتۋدىڭ ءارقايسى نىسانا - مىندەتتەرىن ۋاعىندا ورىنداۋ ءۇشىن قاجىماي - تالماي كۇرەس جاساۋ كەرەك.
جينالىس مەملەكەتتىك AAAA دارەجەلى كورىنىس وڭىرلەرىنە، اۆتونوميالى رايونداعى تۇتاس وڭىرلىك ساياحاتتان ۇلگى كورسەتۋ رايوندارىنا جانە اۆتونوميالى رايونداعى تۇتاس وڭىرلىك ساياحاتتان ۇلگى كورسەتۋ رايوندارىن قۇرعان ورىندارعا ۆيۋەسكا بەردى. اۆتونوميالى رايوندىق ساياحاتتى دامىتۋ كوميتەتى، دامۋ جانە رەفورما كوميتەتى، قاتىناس - تاسىمال مەڭگەرمەسى، بيڭتۋان ساياحات مەكەمەسى، التاي ايماعى، سانجى حۇيزۋ اۆتونوميالى وبلىسى، تۇرپان قالاسى، بايىنعولين موڭعۇل اۆتونوميالى وبلىسى، شاڭحاي شينجياڭعا كومەكتەسۋ الدىڭعى شەپ قولباسشىلىق شتابى، ونەركاسىپ - ساۋدا بانكەسى شينجياڭ بولىمشە بانكەسى سياقتى ورىندار پىكىر اۋىستىرىپ ءسوز سويلەدى.
جينالىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ سالاعا جاۋاپتى باسشىلارى؛ اۆتونوميالى رايوندىق ساياحات كاسىبىن دامىتۋعا باسشىلىق ەتۋ گرۋپپاسىنىڭ مۇشەلەرى، اۆتونوميالى رايونعا (ورتالىققا) توتە قاراستى ورىنداردىڭ نەگىزگى جاۋاپتى جولداستارى؛ اۆتونوميالى رايوندىق ساياحاتتى دامىتۋ كوميتەتى باسشىلىق القاسىنىڭ مۇشەلەرى، ءارقايسى ايماق، وبلىس، قالا ساياحات مەكەمەلەرىنىڭ نەگىزگى جاۋاپتى جولداستارى؛ اۆتونوميالى رايونداعى ساياحاتقا قاتىستى قوعامداردىڭ باستىقتارى، ۇرىمجىدەگى تىرەكتى ساياحات كاسىپورىندارىنىڭ جانە ءتۇيىندى مادەنيەت كاسىپورىندارىنىڭ جاۋاپتىلارى نەگىزگى جيىن زالىندا جينالىسقا قاتىناستى.
