ساياحاتتى دامىتۋ جونىندەگى جينالىستىڭ شارالارىن ناقتاپ تياناقتاندىرايىق
ءتىلشىمىز ياۋ گاڭ 8 - ايدىڭ 26 - كۇنى ۇرىمجىدەن حابارلايدى. اۆتونوميالى رايوننىڭ ساياحاتتى دامىتۋ جونىندەگى جينالىسىنىڭ رۋحىن تياناقتاندىرۋدى ىلگەرىلەتۋ ءماجىلىسى 8 - ايدىڭ 26 - كۇنى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: اۆتونوميالى رايوننىڭ ساياحاتتى دامىتۋ جونىندەگى جينالىسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە باس شۋجي شي جينپيڭنىڭ ساياحات كاسىبىن دامىتۋ جونىندەگى ماڭىزدى نۇسقاۋلارىنىڭ رۋحىن دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، شينجياڭنىڭ ساياحات كاسىبىنىڭ دامۋى جونىندە جاڭا تۇراقتاندىرۋ، جاڭا ورنالاستىرۋ جاساپ، جاڭا نىسانا، جاڭا تالاپتار قويدى. جەر - جەر، تاراۋلار جينالىس رۋحىن ويداعىداي ۇيرەنۋى، ۇگىتتەۋى، ءتۇسىنۋى، تياناقتاندىرۋى، ساياحات ارقىلى شينجياڭدى گۇلدەندىرۋ ستراتەگياسىن بار كۇشپەن اتقارىپ، ساياحاتتى دامىتۋ جونىندەگى جينالىستىڭ شارالارىن ناقتاپ تياناقتاندىرۋ كەرەك.
ءماجىلىس مىنالاردى تالاپ ەتتى: ءار دارەجەلى تاراۋلار شينجياڭدى ساياحات ارقىلى گۇلدەندىرۋ ستراتەگياسى جونىندەگى يدەيالىق تانىمدى جوعارىلاتىپ، اۆتونوميالى رايوندىق پارتكومنىڭ ساياحات قىزمەتى جونىندەگى «ءتورت ماڭىزدى»، «التى جاقسى»، «جەتى ءبىر»، «سەگىز ءتۇيىندى مىندەت» نۇسقاۋىن ويداعىداي تياناقتاندىرۋى، ساياحات كاسىبىن دامىتۋدا قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءوندىرىس حاۋىپسىزدىگىن مىقتى يگەرىپ، ماسەلەنى باعدار ەتۋگە تاباندى بولىپ، ساياحات تاراۋلارىنىڭ سۋبيەكتتىك رولىن ساۋلەلەندىرىپ، ساياحات باسقارۋ دارىندىلارى جانە ساياحات كاسىبىمەن شۇعىلداناتىندار قوسىنى قۇرىلىسىن كۇشەيتىپ، ساياحاتتىڭ قىزمەت كورسەتۋ ساپاسىن شىن مانىندە ءوسىرىپ، بازاردى باقىلاۋ - باسقارۋدى كۇشەيتىپ، ساياحات ساۋدا ورتاسىن كۇش سالا ساپالىلاندىرۋى كەرەك. جەر - جەر ءىس جۇزىندىك جاعدايمەن ۇشتاستىرىپ، ساياحات ىستەرىن كەڭەسۋ، سايكەستىرۋ قۇرىلىمىن ورناتىپ، رەتتەپ، ءتۇرلى شارالاردى دەن قويا ناقتاپ تياناقتاندىرۋ كەرەك.
ماجىلىستە بيڭتۋان ساۋدا مەكەمەسىنىڭ (ساياحات مەكەمەسى)، ايماقتاردىڭ، وبلىستاردىڭ، قالالاردىڭ ساياحات مەكەمەلەرىنىڭ، ساياحات قوعامدارىنىڭ، اۆتونوميالى رايوننىڭ جالپى ءوڭىر ساياحاتىنان ۇلگى كورسەتۋ ءوڭىرىنىڭ، اۆتونوميالى رايوننىڭ جالپى ءوڭىر ساياحاتىنان ۇلگى كورسەتۋ ءوڭىرىن قۇرۋ ورنىنىڭ، جاڭادان 4A دارەجەسىنە كوتەرىلگەن كورىنىس وڭىرلەرىنىڭ قاتىستى جاۋاپتىلارى پىكىر اۋىستىرىپ، ءسوز سويلەدى.
