− اۆتونوميالى رايوننىڭ ساياحاتتى دامىتۋ جونىندەگى جينالىسى رايونىمىزداعى بارلىق سالادا قىزۋ اڭىس تۋدىردى
اۆتونوميالى رايوننىڭ ساياحاتتى دامىتۋ جونىندەگى جينالىسىنىڭ اشىلۋى شينجياڭنىڭ ساياحات كاسىبىندە قارىشتاپ دامۋدىڭ جۇمىلۋ دابىلىن قاقتى. بىرنەشە كۇننەن بەرى، رايونىمىزداعى ءار دارەجەلى ساياحاتتى دامىتۋ كوميتەتتەرى جانە ءار دارەجەلى فۋنكتسيالىق تاراۋلار، ساياحاتقا ساياتىن تاراۋلار، مەكەمە - ورىندار جينالىستىڭ رۋحىن مۇقيات ۇيرەندى، دايەكتىلەندىردى، كوپشىلىك ءبىر اۋىزدان بىلاي دەدى: جينالىس جۇرت جۇرەگىن جەلپىندىردى، العا باسۋعا ىنتالاندىردى، ءسوز جوق، جالپى جاعداي كوزقاراسىن ورناتىپ، سايكەسۋدى، سەلبەسۋدى كۇشەيتىپ، قۇدىرەتتى بىرىككەن كۇش قالىپتاستىرىپ، ساياحات ارقىلى شينجياڭدى گۇلدەندىرۋ ستراتەگياسىن بار كۇشپەن اتقارۋعا بەلسەندى ۇلەس قوسامىز.
فۋنكتسيانى ساۋلەلەندىرىپ، جوباعا جەتەكشىلىك ەتۋدى كۇشەيتەمىز
اۆتونوميالى رايوندىق دامۋ - رەفورما كوميتەتى پارتيا باسشىلىق گرۋپپاسىنىڭ شۋجيى دولقۇن توحتى بىلاي دەدى: ءبىز اۆتونوميالى رايوننىڭ ساياحات ارقىلى شينجياڭدى گۇلدەندىرۋ ستراتەگياسىن اتقارۋدىڭ جالپى تالابىن، نىساناسى مەن مىندەتتەرىن جانە قىزمەت ءتۇيىنىن مىقتاپ يگەرىپ، فۋنكتسيالىق رولىمىزدى تولىق ساۋلەلەندىرىپ، جوباعا جەتەكشىلىك ەتۋدى كۇشەيتىپ، اۆتونوميالى رايوننىڭ «شينجياڭنىڭ ساياحات كاسىبىن دامىتۋدىڭ <13 - بەسجىلدىق> جوباسىن اتقارۋداعى 3 جىلدىق ارەكەت جوباسىن» جاپپاي تياناقتاندىرىپ، ساياحات نەگىزدىك قۇرىلعى قۇرىلىسىن جەدەل ىلگەرىلەتىپ، ساياحات نەگىزدىك قۇرىلعىسىنداعى ولقىلىقتاردى تولىقتاپ، شينجياڭعا كومەكتەسەتىن 19 ولكە، قالانىڭ باسىمدىعىن تولىق ويداعىداي ساۋلەلەندىرىپ، شينجياڭدى دۇنيە جۇزىندەگى ماڭىزدى ساياحات كوزەۋلى جەرى ەتىپ قۇرىپ شىعۋعا قۇلشىنامىز.
اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى اسەنجان احىمەت بىلاي دەدى: قاتىناس - تاسىمال مەڭگەرمەسى «قاتىناس پەن ساياحاتتىڭ توعىسپالى دامۋىن جەدەل ىلگەرىلەتۋگە» باسشىلىق ەتۋ گرۋپپاسىن دەر كەزىندە قۇرىپ، «قاتىناس - تاسىمال مەن ساياحاتتىڭ توعىسپالى دامۋىنىڭ 12 ءتۇرلى شاراسىن» جاساپ، جاريالاپ، ءبىر توپ «قاتىناس + ساياحاتتان» ۇلگى كورسەتۋ ينجەنەرياسىن ىلگەرىلەتتى. كەلەر قادامدا «شينجياڭنىڭ قاتىناس - تاسىمالىنىڭ ساياحات كاسىبىنىڭ توعىسپالى دامۋىن جەبەۋدەگى جەتەكشى پىكىرىن» تەز ارادا جاريالاپ، «ءبىر جول، ءبىر كورىنىس، ءبىر قادام، ءبىر كورىنىس» جوباسى ۇستانىمى بويىنشا، شينجياڭ ەرەكشەلىگىنە يە ماركالى كورىنىس ءوڭىرىن قۇرۋعا قاتىناس - تاسىمال قىزمەتكەرلەرى تيەسىلى ۇلەسىن قوسادى.
وي جەلىنى جاڭالاپ، ساياحاتتىڭ توعىسپالى دامۋىن ىلگەرىلەتەمىز
قۇمىل قالالىق ساياحات مەكەمەسى پارتيا باسشىلىق گرۋپپاسىنىڭ مۇشەسى، ساياحات مەكەمەسىنىڭ ورىنباسار باستىعى چين شۋەبيڭ بىلاي دەدى: 2020 - جىلى شىعىس تيانشان تۋنەلىنىڭ سالىنىپ، ىسكە قوسىلۋىنا ىلەسە، قۇمىلدىڭ ساياحاتتاعى بايلىق باسىمدىعى مەن وڭىرلىك باسىمدىعى اناعۇرلىم كورنەكتىلەنەتىن بولادى. كەلەر قادامدا، ءبىز زەردەلى ساياحات تۇعىرىنان پايدالانىپ، ورتا، جوعارى دەڭگەيدە جوبالانعان ساياحاتتى كۇش سالا دامىتامىز.
اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتى وتباسىن دامىتۋ باسقارماسىنىڭ باستىعى لين چۋان - ي بىلاي دەدى: اۆتونوميالى رايوننىڭ ساياحاتتى دامىتۋ جونىندەگى جينالىسى شينجياڭنىڭ ساياحات كاسىبىن جاپپاي سايكەستى دامىتۋداعى جاڭا وي جەلىسىن اشتى. ءبىز ەكولوگيالىق ساياحات، سالاماتتىق كۇتىنۋ، جانساۋلىعىن كۇتۋ، جۇڭگوشا شيپاگەرلىكتى، دارىگەرلىكتى دامىتۋ سياقتى جاقتاردا بەلسەنە ىزدەنىس جاساپ جانە ۇتىمدى سىناق جاساپ، دەنساۋلىقتى كۇتىمدەۋ ساياحاتىنا ات سالىسۋشىلارعا ريزا بولاتىن قىزمەت كورسەتەمىز.
ىشكى شىڭدالۋدى جاپالىلىقپەن جۇرگىزىپ، ساياحاتتىق تۇتىنۋ ورتاسىن قورعايمىز
اۆتونوميالى رايوندىق ونەركاسىپ - ساۋدا اكىمشىلىك باسقارۋ مەكەمەسى بازاردى ارناعا ءتۇسىرىپ باسقارۋ باسقارماسىنىڭ ورىنباسار تەكسەرىپ - زەرتتەۋشىسى ان جۇنحۇي بىلاي دەدى: ءبىز بۇكىل رايونىمىزداعى ونەركاسىپ - ساۋدانى اكىمشىلىك باسقارۋ جانە بازار باقىلاۋ - باسقارۋ تاراۋلارىن ۇيىمداستىرىپ، ساياحات بازارىن تەكسەرۋدى ىشكەرىلەي ورىستەتىپ، بازاردى باقىلاۋ - باسقارۋدى تەرەڭدەتىپ، ساياحات بازارىنىڭ ءتارتىبىن ۇزدىكسىز ارناعا تۇسىرەمىز. كەلەسى قادامدا اۆتونوميالى رايوندىق ونەركاسىپ - ساۋدانى اكىمشىلىك باسقارۋ مەكەمەسى ساياحات بازارىنداعى رۇقسات كۋالىگى، تيجارات كۋالىگى بولماعان جاعدايدا تيجارات جۇرگىزۋ ارەكەتتەرىن باقىلاۋدى، باسقارۋدى كۇشەيتىپ، ساياحات قىزمەت وتەۋ تۇرىندەگى جارنامالاردى تاراتۋ جاعدايىن قولما - قول باقىلاپ، كورىنىس وڭىرلەرىندەگى تيجارات سۋبيەكتتەرىن «تۇتىنۋ جاعىنداعى ۇقىقتى قورعاۋ قىزمەت وتەۋ پۋنكتىن» قۇرۋ مەن ونى كەمەلدەندىرۋگە جەتەكتەپ جانە قۋزاپ، رايونىمىزدىڭ تاماشا ساياحات تۇتىنۋ ورتاسىن قورعايمىز.
جۇڭگو ساياحات كووپەراتيۆتەرى ساياحاتشىلار ارناۋلى كوميتەتىنىڭ ورىنباسار باستىعى، شينجياڭ ساياحاتتاتۋشىلار قوعامىنىڭ باستىعى جاۋ شيۋحۇڭ بىلاي دەدى: ساياحاتتى دامىتۋ جينالىسىنىڭ اشىلۋى شينجياڭنىڭ ساياحات قىزمەتكەرلەرىنىڭ قايتا باستان سىعايلانىپ ساپارعا اتتانۋىنا مۇمكىندىك جاسادى. كەلەسى دە ءبىز ساياحات ونىمدەرىن دەن قويا جوبالاپ، ساياحاتشىلارعا ءتىپتى باي ساياحاتتىق تالعام ازىرلەيمىز. بۇكىل شينجياڭداعى ساياحاتشىلارعا قىزمەت وتەۋ ساپاسىن جان - جاقتى جوعارىلاتىپ، ساياحاتشىلارعا ءتىپتى دە جاقسى ساياحات اسەرىن سيلايدى.
ورايدى يگەرىپ، جالپى ءوڭىر ساياحاتىنىڭ جاڭا ايگىلى ماركاسىن جاسايمىز
تاشقورعان تاجىك اۆتونوميالى اۋداندىق ساياحات مەكەمەسىنىڭ جاۋاپتىسى جوۋ حاۋ بىلاي دەدى: اۆتونوميالى رايوننىڭ ساياحاتتى دامىتۋ جينالىسى ءبىزدىڭ پامير ۇستىرتىنە جاڭا دامۋ ورايىن اكەلدى، ءبىز ءىس جۇزىندىك جاعدايمەن ۇشتاستىرا وتىرىپ كاسىپ سالاسىن دامىتۋ شارالارى مەن ادىستەرىن بەلگىلەپ، «جۇڭگو حالىقارالىق ءۇستىرت سالت - سانا ساياحات نىسانالى جەرى» جانە «قىزىل شەكارا قورعانىس قاراۋىلى مادەنيەتىن سەزىنۋ ورنى» سىندى ەكى ماركانى ۇگىتتەپ، ءتىپتى دە كوپ بۇقارانى قولونەر بۇيىمدارىن وڭدەۋگە، ساياحات ونىمدەرىن ساتۋعا، مالشىلار شاتتىعى ساياجايىن اشۋعا قاتىناسۋعا جەتەكتەپ، ءتىپتى دە كوپ كەدەي بۇقارانىڭ ساياحاتتىڭ دامۋ جەتىستىكتەرىنەن بىرگە يگىلىكتەنۋىنە باستاماشىلىق ەتەمىز.
باعراش اۋداندىق پارتكومنىڭ شۋجيى شياۋ نيۋ بىلاي دەدى: وسى جولى باعراش اۋدانىنىڭ اۆتونوميالى رايوننىڭ جالپى ءوڭىر ساياحاتىنان ۇلگى كورسەتۋ ءوڭىرىن ءساتتى قۇرۋى ءبىزدىڭ ساياحاتتى دامىتۋ سەنىمىمىزدى ارتتىردى. اۋدانىمىز ەكولوگياعا جەتەكشىلىك ەتۋگە تاباندى بولىپ، باعراشتىڭ جالپى ءوڭىر ساياحاتىنىڭ جاسىل تىرەگىن قالىپتاستىرادى؛ «كوپ ەرەجەنى بىرىكتىرۋگە» تاباندى بولىپ، باعراش ساياحاتىنىڭ «جالپى كورىنىس كارتاسىن» سىزادى؛ وزەكتى كورىنىس ءوڭىرى قۇرىلىسىن جەدەلدەتىپ، باعراشتى ەكولوگيالىق فۋنكتسياسى كەمەلدى، قونىستانۋعا، دەنساۋلىق كۇتۋگە، ساياحاتقا وڭتايلى سەيىل - سەرۋەن دەمالىس ساياحاتىنىڭ نىسانالى جەرى ەتىپ قۇرىپ شىعادى.
جالپى حالىق ارەكەتتەنىپ، ادامداردىڭ بارلىعى ات سالىساتىن ساياحات ورتاسىن جارىققا شىعارامىز
قارامايلى قالالىق ساياحات مەكەمەسىنىڭ باستىعى ۋاڭ حۋا بىلاي دەدى: ءبىز «مەيماندوس مۇنايلى قالا» قيمىلىن جاپپاي ورىستەتىپ، قالا تۇرعىندارىن «جۇرتتىڭ بارلىعى ساياحاتتاتۋشى، جۇرتتىڭ بارلىعى ءتۇسىندىرۋشى، جۇرتتىڭ بارلىعى ساياحات وبرازى» تانىمىن ورناتۋعا جەتەكتەپ، ساياحاتتىڭ باۋرام كۇشىن ارتتىرامىز.
بۇراتالا قالاسى بىلىنحارمودون اۋىلىنىڭ ورىنباسار باستىعى سۇن چۇنشىڭ بىلاي دەدى: جينالىس اۋىلىمىزدىڭ اۋىل - قىستاق ساياحات كاسىبىن دامىتۋىمىزعا دەم بەردى، ءبىز اۋىل - قىستاق ساياحات نىساندارىن عىلمي جوبالاپ، ءتىپتى دە كوپ ەگىنشى - مالشى قاۋىمىنىڭ ساياحاتتان كىرىس تاۋىپ، باقىتقا كەنەلۋىنە مۇمكىندىك جاسايمىز.
(تىلشىلەرىمىز گاۋ فاڭ، لۋ فىڭباۋ، شى شين، گاۋۋا، جاڭ حايفىڭ، تاڭ كاندۇڭ، ياۋ گاڭ، جاڭ بەي، شيا چيڭ، چاۋ جين، يە شياۋمين، گازەتىمىزدىڭ بايىنعولين وبلىسىنداعى تىلشىلەر پۋنكتىنەن ياڭ شياۋدۇڭ، ەرىكتى تىلشىلەر ۋاڭ تيڭ، ما جىجۋان)
