سۇيىسپەنشىلىك شۋاعىن شاشىپ، پارتيا مۇشەسىنىڭ ىنتا - ىقىلاسىن ايگىلەدى

− جەمسارى اۋدانى مانچىڭ جولى الەۋمەتتىك اۋماعىنداعى پارتيا مۇشەسى باعيگۇل نىعىمەت قىزى تۋرالى

ەرىكتى ءتىلشى ليۋ يۇڭ

　　باعيگۇل نىعىمەت قىزى جەمسارى اۋدانى مانچىڭ جولى الەۋمەتتىك اۋماعىنىڭ كادرى، بيىل 44 جاستا. تالاي جىلدان بەرى پارتيا مۇشەسى سالاۋاتىن ەسىنە بەرىك ساقتاپ، الەۋمەتتىك قايىرىمدىلىق ىستەرىنە بار كۇشىن سالىپ، قيىنشىلىعى بار بۇقاراعا ۇنەمى قامقورلىق جاساۋمەن، كومەكتەسۋمەن كەلدى. ول ىلگەرىندى - كەيىندى قيىنشىلىعى بار 11 وتباسىمەن جۇپ قۇراپ، تۋىس بولىپ، 400دەن استام قيىنشىلىعى بار وتباسىنا كومەكتەسىپ، جيىنى 100 مىڭ يۋاننان استام بۇيىمدى جىلۋعا بەردى، باعيگۇل نىعىمەت قىزى 2016 - جىلى جەمسارى اۋدانىنىڭ 4 - كەزەكتى «بەيتيڭدى اسەرلەندىرگەن» تۇلعا بولىپ باعالاندى.

كىشكەنتاي ىستەردەن ايگىلەنگەن سۇيىسپەنشىلىك شۋاق شاشتى

　　باعيگۇل نىعىمەت قىزى جەمسارى اۋدانى سانتاي قالاشىعىنىڭ ادامى، 1997 - جىلى شينجياڭ كاسىپتىك داشۋەسىنەن وقۋ تاۋىسقاننان كەيىن، جەمسارى قالاشىق ۇكىمەتتە قىزمەتكە ورنالاسادى، حالىق ىستەرى قىزمەتىمەن اينالىسقان ول نەگىزگى ساتىداعى بۇقارامەن ەتەنە بولدى.

　　2002 - جىلى بۇقارانىڭ جاعدايىن ۇعىسۋ بارىسىندا باعيگۇل نىعىمەت قىزى ليۋ گوچۇن ەرلى - زايىپتىلاردىڭ ەسكى - قۇسقى جيناۋمەن كۇنەلتەتىنىن بىلەدى. قارتايعاندا بالاسىنان ايرىلعان ەكى قاريا ومىرگە دەگەن سەنىمىن جوعالتۋعا شاق قالعان بولاتىن. ءار رەت اپتا سوڭدارىندا نەمەسە مەرەكە - دەمالىس كۇندەرى باعيگۇل نىعىمەت قىزى ولارعا امانداسا بارىپ، ولاردىڭ تازالىعىن ىستەپ، ءۇي جۇمىستارىنا قولعابىس ەتەدى. بىلتىر 9 - ايدا باباعيگۇل نىعىمەت قىزى ەكى قارياعا سەرىك بولىپ حىنانداعى اۋىلىنا بارىپ، ولاردىڭ 40 جىلدان بەرگى ارمانىن ورىندايدى.

　　2004 - جىلى باعيگۇل نىعىمەت قىزى وتباسىلاردى ارالاپ احۋال ۇعىسۋ بارىسىندا 75 جاستاعى ما كىميڭمەن تانىسادى. سالت باستى ما كىميڭنىڭ تۇرمىسىندا قيىنشىلىعى اۋىر بولاتىن، ۇزاق جىلدىق جالعىزدىق تۇرمىسىندا ول سويلەۋ قابىلەتىنەن ايرىلۋعا دا تاياپ قالعان - دى. باعيگۇل نىعىمەت قىزى ول ءۇشىن ەڭ تومەنگى تۇرمىستى قامتاماسىز ەتۋ قاراجاتىن، بەيقۇت ءۇي الۋدى ءوتىنىش ەتىپ، ونىڭ جىلى باسپاناعا يە بولۋىنا كومەكتەسەدى. قىس تۇسكەندە باعيگۇل نىعىمەت قىزى ءوزىنىڭ ەڭبەكاقىسىنان ما كىميڭنىڭ جىلۋمەن قامداۋ اقىسىن تاپسىرادى. مۇنان سىرت، ول قاريانىڭ ۇيىنە ۇنەمى تاماق جەتكىزىپ، ءۇيىن تازالاپ، كورپەسىن جۋادى، ما كىميڭ اسەرلەنگەنىنەن كوزىنە جاس الادى.

　　10 نەشە جىلدان بەرى باعيگۇل نىعىمەت قىزى ءار ۇلتتان 11 قارياعا قارايلاسىپ، بەيتانىستان تانىس بولادى، ول سۇيىسپەنشىلىگىمەن، اق نيەتىمەن، سابىرلىلىعىمەن قارتتارعا مەيىر باعىشتادى.

«ولارعا كومەكتەسۋ مەنىڭ بۇلتارتپاس بورىشىم»

　　2015 - جىلى جازدىڭ ءبىر ءتۇنى قاتتى جاڭبىر جاۋادى. توسەگىنە ەندى عانا قيسايعان باعيگۇل نىعىمەت قىزىنىڭ ەسىنە كەنەتتەن الەۋمەتتىك اۋماق تۇرعىنى جاڭ شياۋحۋا قاريانىڭ كونە ۇيدە تۇراتىنى، قىزىنىڭ ءىسساپاردا جۇرگەنى، كۇيەۋىنىڭ اۋرۋدان قايتىس بولعانى، ءوزىنىڭ جاپادان - جالعىز ەكەنى تۇسەدى. بىردەڭە بولىپ قالماسىن دەپ ويلاعان باعيگۇل نىعىمەت قىزى ۇيىقتاپ جاتقان كۇيەۋىن وياتىپ، ەكەۋى بىرگە جاڭ شياۋحۋانىڭ ۇيىنە كەلەدى. ۇيدەن تامشىلاعان سۋدان توسەكتىڭ سۋعا مالشىنعانىن كورگەن ولار قاريانى قوناقجايعا اپارىپ جاتقىزادى ءارى قاريانىڭ قىزىنا تەلەفون شالىپ شەشەسىنىڭ اماندىعىن بىلدىرەدى. باعيگۇل نىعىمەت قىزىنىڭ كومەگىندە كەيىن جاڭ شياۋحۋا جەمسارى اۋدانىنداعى قارتتار كۇتىمحاناسىنا كىرىپ، الاڭسىز ءومىر وتكىزەدى.

　　سىرتتان جۇمىس ىستەۋگە كەلگەن يان پەيشيا اپايدىڭ شارۋاشىلىق قۇرۋىنا كومەكتەستى، جۇمىستان بوساعان ايەل قىزمەتكەر شۇي جينپيڭنىڭ ۇلىنىڭ داشۋەگە شىعۋ ارمانىن ورىنداۋىنا كومەكتەستى... 10 نەشە جىلدا باعيگۇل نىعىمەت قىزى ءار ايدا نەشە ءجۇز يۋان، ءتىپتى، تۇتاس ايلىق ەڭبەكاقىسىن جۇمساپ باسقالارعا كومەكتەستى، كۇيەۋى ءالي سىماعۇل ۇلى بۇعان كەيىگەنى بىلاي تۇرسىن، ءوزىنىڭ دە ەڭبەكاقىسىن قوسادى، قىزمەتتەن دەمالىسقا شىققان قايىن اتاسى دا نەشە 10 مىڭ يۋانىن جومارتتىقپەن كومەككە اتايدى.

　　«ولاردىڭ بارلىعىنىڭ تۇرمىسىندا قيىنشلىعى بار، ولارعا كومەكتەسۋ مەنىڭ بۇلتارتپاس بورىشىم»، - دەيدى باعيگۇل نىعىمەت قىزى.

سۇيىسپەنشىلىكتى قولدان - قولعا جالعادى

　　2017 - جىلى 4 - ايدا باعيگۇل نىعىمەت قىزى قىزمەت كەڭسەسىن قۇردى.

　　جەمسارى اۋدانى مانچىڭ جولى الەۋمەتتىك اۋماعىنىڭ قىزمەتكەرى لي لۋ بىلاي دەدى: باعيگۇلدىڭ ىقپالىمەن ول كومەكتەسكەن ادامدار دا ءبىزدىڭ قامقورلىق ۇيىمىمىزعا قاتىناسىپ، كومەك قاجەت ەتەتىن ءتىپتى دە كوپ ادامدارعا بىرگە كومەكتەستى.

　　55 جاستاعى يان پەيشيا بەيتيڭ اۋىلى شيمىن قىستاعىندا اۋدانى 450 شارشى مەتر كەلەتىن ەرەن بازار اشاتىن. 12 جىلدىڭ الدىنداعى تەمىر ۇيدەگى كوكونىس دۇكەنىن تىلگە العاندا، ول قازىرگە دەيىن اسەرلەنگەنىنەن كوزىنە جاس الادى. ول كەزدە يان پەيشيانىڭ كۇيەۋى تۇتقيىل اۋىرىپ قايتىس بولادى، تۇراقتى كىرىسى جوق، وعان قوسا ەكى بالاسى وقۋدا، سونىمەن اسىلىندەگى باقىتتى وتباسى قيىنشىلىق قىسپاعىندا قالادى. باعيگۇل نىعىمەت قىزى بۇل جاعدايدان حابار تاپقاننان كەيىن، 20 مىڭ يۋانعا جۋىق اقشا شىعارىپ، يان پەيشيانىڭ كوكونىس دۇكەنىن اشىپ، شارۋاشىلىق قۇرۋىنا كومەكتەسەدى، مۇنىمەن بىرگە ونىڭ بالاسىنىڭ وقۋ اقىسىن تاپسىرىپ، وعان ەڭ تومەنگى تۇرمىستى قامتاماسىز ەتۋ قاراجاتىن ءوتىنىش ەتەدى.

　　قازىر كەدەيلىكتەن قۇتىلعان يان پەيشيا دا مانچىڭ جولى الەۋمەتتىك اۋماعىنىڭ ەرىكتىلەر قىزمەت كورسەتۋ قوسىنىنا قاتىناسىپ، باعيگۇلدىڭ قىزمەت كەڭسەسىنىڭ مۇشەسى بولىپ، باعيگۇل نىعىمەت قىزى باستاعان قامقورلىق ۇيىمىمەن بىرگە قيىنشىلىعى بار 10نان استام وتباسىنا مەيىر - شاپاعات باعىشتادى.

　　«مەن كوممۋنيستىك پارتيا مۇشەسىمىن، وزىمە ءتىپتى دە جوعارى ولشەممەن تالاپ قويۋىم كەرەك»، - دەيدى باعيگۇل نىعىمەت قىزى. قازىر دە مانچىڭ جولى الەۋمەتتىك اۋماعى جەلەكتىلەردىڭ ەرىكتى قىزمەت كورسەتۋ اترەتى سياقتى 8 ەرىكتىلەر قوسىنىن قۇردى، قوسىنداعى ەرىكتىلەر 500 نەشە ادامعا جەتتى.