8-ايدىڭ 30-كۇنى 6-كەزەكتى جۇڭگو — ازيا-ەۆروپا كورمەسى اشىلادى، شينجياڭ حالىقارالىق كورمە ورتالىعى قاربالاستىققا ءتۇستى، كەيبىر كورمە ورنى ەندى عانا اشەكەيلەنىپ بولسا، كەيبىر كورمە ورنى سورەگە زاتتاردى دا ءتىزىپ بولدى.
تارباعاتاي ايماعىنىڭ كورمە ورنىنان ءتىلشى باستىسى تارباعاتاي ايماعىنداعى كورىنىس رايوندارىن ۇگىتتەيتىندىگىن، «ماي بوياۋلى سۋرەت تارباعاتاي جىبەك جولىن» باستى تاقىرىپ ەتكەندىگىن بايقادى.
جۇڭگو — ازيا-ەۆروپا كورمەسىندەگى شينجياڭ ساياحات ساۋدا ونىمدەرى كورمە رايونى.
ىرگەدەگى ىلە قازاق اۆتونوميالى وبلىسى دا كورمە سارايىن ەڭ كورنەكتى ورىنعا قويىپ ساياحاتتى ۇگىتتەدى، مىسالى، موڭعۇلكۇرەنىڭ قىشى گۇلى، نارات جايلاۋى، تەكەستىڭ سەگىز تاڭبالىسى قاتارلىلار. «مەن تۇڭعىش رەت شينجياڭعا كەلىپ كورمەگە قاتىناسىپ تۇرمىن، شينجياڭنىڭ ءارقايسى وبلىس، ايماقتارىنىڭ كورمە سارايىندا كورسەتىلگەن ساياحات رايوندارى وتە كوركەم ەكەن، ازيا-ەۆروپا كورمەسى جابىلعاننان كەيىن مەن التاي مەن ىلەگە ساياحاتتايمىن»،-دەدى حىبەيدەن كەلگەن ساۋداگەر ليۋ كۇن.
ليۋ كۇننىڭ بۇل رەت شينجياڭعا كەلۋدەگى ماقساتى — ازىق-تۇلىك قوراپتاۋ ماشيناسىن ساتۋ، « ‹ءبىر بەلدەۋ، ءبىر جول› كورىنىسىنىڭ ارقاسىندا، شينجياڭنىڭ ساۋدا ورايى كوپ، ءبىز جۇڭگو ازيا-ەۆروپا كورمەسىنەن پايدالانىپ بازار اشۋدى ءۇمىت ەتەمىز»،-دەدى ليۋ كۇن.
9-اي — جەمىس-جيدەكتىك پىساتىن مەزگىلى، قۇمىلدىڭ كورمە رايونىنداعى قۇمىل قاۋىنىنىڭ ءمۇسىنى مەن مۇندالايدى، «شينجياڭعا كەلگەن وسى بىرنەشە كۇندە، كۇندە قۇمىل قاۋىنىن، ءجۇزىم، قاربىز جەۋمەن بولدىم. بۇل جەردىڭ جەمىسى ءدامدى بولىپ قالماستان باعاسى دا لايىقتى»،-دەدى گۋاڭجوۋدان كەلگەن ساۋداگەر چىن شۋيۇڭ.
ءتىلشى چىن شۋيۇڭدى كورگەن كەزدە ول كورمە زالىندا قولفونمەن سۋرەتكە ءتۇسىرىپ ابىگەر بولىپ ءجۇر ەكەن، «مەنىڭ كورمە ورنىم 1-زالدا، باستىسى كيىم-كەشەك ماركاسىن كورمەگە قويىپ، شينجياڭنان ۋاكىلاتان ساتۋشى قابىلدايدى. قازىر تۇسىرگەن سۋرەتتەردى اۋىلداعى دوستارىما جولداپ بەرەمىن دە ۇناتقان نارسەلەرىن الا بارامىن»،-دەدى چىن شۋيۇڭ.
6-كەزەكتى جۇڭگو — ازيا-ەۆروپا كورمەسى كەدەيلەردى دالمە-ءدال سۇيەمەلدەۋ جەمىسى كورمە رايونىن ارناۋلى قۇردى، اتالعان كورمە رايونىنان ءتىلشى باستىسى قولونەر كەستە بۇيىمدارى، كەپتىرىلگەن جەمىس قاتارلى جەرلىك وزگەشەلىككە يە ونىمدەر قويىلعاندىعىن كوردى، ماقساتى — ازيا-ەۆروپا كورمەسىنەن پايدالانىپ، ساتۋ بازارىن ءتىپتى دە كەڭەيتۋ.
