− اۆتونوميالى رايونىمىزداعى ءار دارەجەلى ساياحاتتى دامىتۋ كوميتەتتەرى، ساياحاتقا قاتىستى سالالار اۆتونوميالى رايوننىڭ ساياحاتتى دامىتۋ جونىندەگى جينالىسىنىڭ رۋحىن بەلسەنە تياناقتاندىردى
اۆتونوميالى رايوننىڭ ساياحاتتى دامىتۋ جونىندەگى جينالىسى ساياحات ارقىلى شينجياڭدى گۇلدەندىرۋ ستراتەگياسىن بار كۇشپەن اتقارۋ تۋراسىندا جان - جاقتى ورنالاستىرۋ جاساپ، ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا ويىسۋىن ىسكە اسىرۋدىڭ نەگىزگى جولى مەن كوركەم جوباسىن جاسادى. اۆتونوميالى رايونىمىزداعى ءار دارەجەلى ساياحاتتى دامىتۋ كوميتەتتەرى مەن ساياحاتقا قاتىستى سالالار جابال «بىلەك ءتۇرىپ قايراتتانا ىستەپ، ساياحات ارقىلى شينجياڭدى گۇلدەندىرۋدىڭ شەشىمدەرى مەن ورنالاستىرۋىن تىڭعىلىقتى تياناقتاندىرىپ، شينجياڭنىڭ ساياحات شارۋاشىلىعىنىڭ اناعۇرلىم زور دامۋىن ىسكە اسىراتىندىعىن» ءبىلدىردى.
جوبا ارقىلى جەتەكشىلىك ەتىپ، دۇنيە جۇزىلىك ساياحاتتاعى كوزەۋلى جەردى سومداۋ
اۆتونوميالى رايوندىق ساياحاتتى دامىتۋ كوميتەتى پارتيا باسشىلىق گرۋپپاسىنىڭ شۋجيى حوۋ حانمين بىلاي دەدى: بۇكىل اۆتونوميالى رايوننىڭ ساياحات كاسىبى ءار دارەجەلى، ءار ءتۇرلى ساياحاتتى دامىتۋ جوبالارىن عىلمي جولمەن جاساپ، قىزمەت تالابىنا ىرىقتى تۇردە ۇيلەسىپ، سۋبيەكتتىك رولدى ساۋلەلەندىرىپ، ستيلگە بۇرىلىس جاساپ، جاڭالىق اشىپ، امالياتتا ايگىلەپ، نەگىزدىك قابىلەتتى ۇشتاۋعا قۇلشىنىپ، ساياحاتتىڭ دامۋىن جوبالاۋ، جەتەكتەۋ، باسقارۋ، وعان قىزمەت ەتۋ قابىلەتى مەن دەڭگەيىن ۇزدىكسىز جوعارىلاتىپ، دۇنيە جۇزىنە شينجياڭنىڭ ەرەكشە باۋراعىشتىعىن ايگىلەپ، اۆتونوميالى رايون العا قويعان «ەلدىڭ ءىشى - سىرتىنان قابىلدايتىن ساياحاتشى سانىنىڭ %30تىڭ ۇستىندە ارتۋىن كۇش سالا ىسكە اسىرۋ» مىندەتىن قۇلشىنا ىسكە اسىرىپ، بۇلجىماستان ويداعىداي تياناقتاندىرىپ، ساياحاتتىڭ الداعى ەكى جىلداعى دامۋىنا ويداعىداي نەگىز قالاپ، 2020 - جىلى ەل ءىشى - سىرتىنان 300 ميلليون ادام - رەت ساياحاتشى قابىلداۋ، جالپى ساياحات تۇتىنۋىن ءبىر تريلليون يۋاننىڭ ۇستىنە شىعارۋ مىندەتىنىڭ ورىندالۋىنا كەپىلدىك ەتۋى كەرەك.
سانجى حۇيزۋ اۆتونوميالى وبلىستىق ساياحات مەكەمەسىنىڭ باستىعى جاڭ زىبين مىنالاردى ءبىلدىردى: ساياحاتقا قىزمەت ەتۋ جۇيەسىن ۇزدىكسىز اقاۋسىزداندىرىپ، ساياحات قاتىناس بەلگىلەرى مەن تاقتالارىن كەمەلدەندىرىپ، 2 ەرەكشە كوشە اۋماعى مەن 18 «شينجياڭ تارتۋى سانجى ولشەمدى كورمە دۇكەنىن» قۇرامىز؛ ۇيشە اۆتوموبيل، جەكە اۆتوكولىك اشىق لاگەرىنەن ءبىر توبىن قۇرىپ، ساياحات دارەتحاناسىنان 500ىن جاڭادان سالامىز جانە كەڭەيتىپ سالامىز. جانبۇلاقتىڭ مەملەكەتتىك 5A دارەجەلى كورىنىس رايونى بولىپ قۇرىلۋىن جەدەل ىلگەرىلەتەمىز؛ شونجى اۋدانى بانجيەگۋ قالاشىعى سياقتى 10 ەرەكشە ساياحات اۋىل - قالاشىعى، موري ىنگىبۇلاق اۋىلى يۋەلياڭدي قىستاعى سياقتى 18 اۋىل - قىستاق ساياحاتىنان ۇلگى كورسەتۋ قىستاق قۇرىلىسىن مىقتى يگەرىپ، «تيانشاندى اينالۋ. شينجياڭنىڭ جالپى كورىنىسى» ءۇرىمجى - سانجى - تۇرپان بىرلەسكەن تانىستىرۋ قيمىلى سياقتىلاردى باستايمىز.
اۆتونوميالى رايوندىق ساياحات قوعامىنىڭ باستىعى جي شياڭ بىلاي دەدى: ساياحات كاسىپورىندارىنا ءتىپتى ويداعىداي قىزمەت ەتىپ، شينجياڭنىڭ ساياحات شارۋاشىلىعىنىڭ دامۋىن ىلگەرىلەتۋ − ءبىزدىڭ ءتۇبىرلى نىسانامىز. الداعى قىزمەتتەردە قوعامدىق كۇشتەرگە بەلسەنە جەتەكشىلىك ەتىپ، تىرەكتى كاسىپورىنداردى باۋلىپ، ساياحات ونىمدەرىن بايىتىپ، باسقارۋ - ساتۋ امالدارىن بىرىكتىرىپ، شينجياڭدى دۇنيە جۇزىلىك ساياحات كوزەۋلى جەرىنە اينالدىرامىز.
ءتاسىلدى جاڭالاپ، ەرەكشە بايلىقتىڭ باۋراعىشتىعىن سومداۋ
قارامايلى قالالىق ساياحات مەكەمەسىنىڭ باستىعى ۋاڭ حۋا بىلاي دەدى: «ءتۇز ساياحاتى. ءسان قالاسى» انىقتاماسى بويىنشا، قارامايلى گەولوگيالىق جەر بەدەرى ساياحاتىن، مۇناي ونەركاسىبى ساياحاتىن، قالا سەيىل - سەرۋەن ساياحاتىن تىرەك، «ورقى ەرەكشە شاعىن قالاشىعىن»، «مايتاۋ - كۇچار تاس جولى ساياحات رايونىن»، «جەڭىس جولى ساياحات بەلدەۋىن»، «قارامايلى وزەنى ساياحات بەلدەۋىن» ءتۇيىن ەتكەن ساياحات نىساندارىنىڭ قۇرىلىسىن ۇزدىكسىز ىلگەرىلەتىپ، قالا مەن ءوڭىردىڭ ەرەكشەلىگىن ايگىلەيتىن، دارالانعان ساياحات بىرەگەي ونىمدەرىن جەتىلدىرەدى. مۇنان سىرت، زەرتتەۋ - وقۋ ساياحاتى، جەكە كولىك ساياحاتى، دەمالىس ساياحاتى، جاياۋ ءجۇرىس - ۆەلوسيپەد ساياحاتى، كەزۋ - سۋرەتكە ءتۇسىرۋ ساياحاتى، اۆتوكولىك سوڭعى شارۋاشىلىعى سياقتى ساياحاتتىڭ جاڭا شارۋاشىلىق تاسىلدەرىن جاڭالىق اشا دامىتۋعا دالمە - ءدال كۇش سالىپ، ساياحات بازارىن جاندىراندىرادى.
شينجياڭ ساياحات كورىنىس وڭىرلەرى (تۇيىندەرى) قوعامىنىڭ باستىعى سۇي جيانچىڭ بىلاي دەدى: بۇدان بىلاي «باستاماشىنى يگەرۋ، بۇقاراعا قىزمەت ەتۋ، اۋەلگى ماقساتتى ەستە ساقتاۋ» بويىنشا قىزمەت ورىستەتىپ، «ساياحات + جاساندى سەرىك» مودەلى ارقىلى، حالىقارالىق ويلاۋ تاسىلىنە يە جاڭالىق اشۋ جولىن اشامىز؛ «جىبەك جولى ەكونوميكالىق بەلدەۋى ساياحات جيناۋ - جونەلتۋ ورتالىعى − جۇڭگو ساياحات شارۋاشىلىعى جاڭالىق اشۋ، قىزمەت كورسەتۋ بازاسى» قۇرىلىسىن ىلگەرىلەتەمىز؛ شىندىققا جۇگىنۋ، جاڭالىق اشۋ، شىنايى ىستەۋ پوزيتسياسى ارقىلى، شينجياڭنىڭ ساياحات ىستەرى ءۇشىن تىڭعىلىقتى ۇلەس قوسىپ، شينجياڭ ەرەكشەلىگىنە يە ساياحاتتىڭ دامۋ مودەلى ۇستىندە ىزدەنىس جاسايمىز.
شياڭگاڭ جۇڭگو ساياحاتى حالىقارالىق توبى شينجياڭ ساياحات كووپەراتيۆىنىڭ باس ديرەكتورى جاۋ شيۋحۇڭ بىلاي دەدى: اۆتونوميالى رايوننىڭ ساياحاتتى دامىتۋ جونىندەگى جينالىسىنىڭ تالابى بويىنشا، ءبىز ساياحاتشىلاردىڭ قاجەتىن قاناعاتتاندىراتىن ەكولوگيالىق ساياحات، كۇتىنۋ - دەمالۋ ساياحاتى، قىزىل ساياحات، سەيىل - سەرۋەن، جەكە كولىك ساياحاتى، ساۋدالىق ساياحات، اۋىل - قىستاق ساياحاتى، سالت - سانا - مادەنيەت ساياحاتى، دالا سەرۋەنى سپورتتىق ساياحاتى، شەكارالىق ساياحات ونىمدەرى سياقتىلاردى مۇقيات جوبالاپ، ساياحاتشىلارعا ءتىپتى مول تاڭداۋ ۇسىنىپ، ەلدىڭ ءىشى - سىرتىنداعى ءتىپتى كوپ ساياحاتشىنىڭ شينجياڭعا كەلۋىنە مۇمكىندىك جاسايمىز. شينجياڭنىڭ ءىشى - سىرتىندا، جەلىدە جانە جەلىدەن تىس بەلسەندى تۇردە ساتىلىم جۇرگىزىپ، جان - جاقتى، كوپ تۇرعىلى، جوعارى جيىلىكتى ساتىلىم جۇرگىزىپ، تولىق مەديالى ستەرەولى ساتىلىم تۇعىرىن ورناتامىز.
جاسىل دامىپ، ايگىلى ماركالاردى قۋاتتاندىرۋ، سارالاۋ
التاي ايماقتىق ساياحات مەكەمەسى پارتيا باسشىلىق گرۋپپاسىنىڭ شۋجيى گو ۋىنحۇي بىلاي دەدى: التاي ايماعى «ساياحات شارۋاشىلىعىن نەگىزگى شارۋاشىلىق ەتىپ، 1 - كاسىپتى جەتەكتەۋ، 2 - كاسىپتى كوتەرۋ» ەكونوميكانى دامىتۋ وي جۇلگەسىنە ۇزدىكسىز تۇردە تاباندى بولىپ، ورايدى مىقتى يگەرىپ، «وتاندى ءسۇيۋ، ادال بولۋ، شەكارانى قورعاۋ قىزىل ساياحاتى، جاسىل تاۋ، ءمولدىر وزەن، كوركەم كورىنىس جاسىل ساياحاتى، شاڭعى تەبۋ، قاردى قىزىقتاۋ، قاردا كوڭىل كوتەرۋ ساياحاتى، التىن، جاقۇت، قاس تاسى ساياحاتى، ءان - ءبي، ءدامدى تاعام، حالىقتىق سالت مادەنيەت ساياحاتى» سياقتى 5 ءىرى شارۋاشىلىق ايگىلى ماركاسىن قۇلشىنا سومداپ، سەيىل - سەرۋەن، قار - مۇز ساياحاتى، تومەنگى كەڭىستىك ساياحاتى، قىزىل ساياحات سياقتى جاقتاردى قۋاتتاندىرىپ، زورايتىپ، سارالاپ، اشالايدى.
اقسۋ دولان وزەنى كورىنىس ءوڭىرىنىڭ (اقسۋ قالاسى گۋمو ساياحاتتى دامىتۋ شەكتى جاۋاپكەرشىلىك سەرىكتەستىگى) ورىنباسار القا باستىعى ۋي شياۋفي بىلاي دەدى: ءبىز دولان وزەنى كورىنىس ءوڭىرىنىڭ 4A دارەجەسىنە كوتەرىلۋ ورايىن مىقتاپ يگەرىپ، كورىنس ءوڭىرىنىڭ نەگىزدىك قۇرىلعى قۇرىلىستارىن كەمەلدەندىرىپ، قىزمەت كورسەتۋ مەن باسقارۋدى ارناعا ءتۇسىرىپ، ۇزدىكسىز جەتىلدىرە ءتۇسىپ، ونى كۇن ىلگەرى ەل ىشىنە ايگىلى بىرەگەي كورىنىس وڭىرىنە اينالدىرۋعا كۇش سالامىز. سونىمەن قاتار، سۋلى جەردىڭ تابيعي كورىنىسىن قورعاپ، دولان وزەنى كورىنىس ءوڭىرى ەكولوگيالىق سەرۋەن ساياحاتىن جاقسى ىستەپ، اقسۋدىڭ ساياحات ىستەرىنىڭ تەرەڭدەي دامۋىن ىلگەرىلەتەمىز.
(تىلشىلەرىمىز گاۋ فاڭ، جاڭ حايفىڭ، تاڭ كاندۇڭ، جاڭ بەي، ياۋ گاڭ)
