تيانشان تورى   ›   جاڭالىقتار   ›   شينجياڭ حابارلارى

6 - كەزەكتى جۇڭگو − ازيا - ەۆروپا كورمەسى بۇگىن اشىلادى

  ءتىلشىمىز يۋان لەي 8 - ايدىڭ 29 - كۇنى ۇرىمجىدەن حابارلايدى. «ءبىر بەلدەۋ، ءبىر جول. بىرگە اقىلداسۋ، بىرگە قۇرۋ، بىرگە يگىلىكتەنۋدى» نەگىزگى تاقىرىپ ەتكەن 6 - كەزەكتى جۇڭگو − ازيا - ەۆورپا كورمەسى 8 - ايدىڭ 30 - كۇنى سالتاناتپەن اشىلادى.

  6 - كەزەكتى جۇڭگو − ازيا - ەۆروپا كورمەسىنىڭ كورمە ورىن اۋماعى 70 مىڭ شارشى مەتر، وندا قارجى قوسۋ، سەلبەسۋ، وبراز كورمە رايونىن، حالىقارالىق جانە شياڭگاڭ، اۋمىن، تايۋان رايوندارى كورمە رايونىن، تاۋار ساۋداسى كورمە رايونىن، كەدەيلەردى دالمە - ءدال سۇيەمەلدەۋدىڭ جەتىستىكتەرى كورمە رايونىن قامتىعان ءتورت ءىرى كورمە رايونى ورنالاستىرىلعان.

  مۇنىڭ ىشىندەگى تاۋار ساۋداسى كورمە رايونى جىبەك جولى ەكونوميكالىق بەلدەۋىنىڭ وزەكتى رايونىنىڭ «بەس ءىرى ورتالىعى» قۇرىلىسىن ارقاۋ ەتە وتىرىپ اشىلادى، وعان توقىماشىلىق، كيىم - كەشەك، اۋىل شارۋاشىلىق ونىمدەرى، جىنتىكتەي مانەرلەنگەن ازىق - تۇلىكتەر، ساياحات كاسىبى، ەمدەۋ اسپاپتارى جانە ءدارى - دارمەك، دەنساۋلىق كۇتىمدەۋ بۇيىمدارى، وقىتۋ جابدىقتارى، ەنەرگيا، سونداي - اق جوعارى، جاڭا تەحنيكا جابدىقتارى، فينانس، جاسىل قۇرىلىس ماتەريالدارى، ازىق - تۇلىك مانەرلەۋ جانە قوراپتاۋ جابدىقتارى، قۇرىلىس ماشينالارى، اۆتوموبيل سياقتى 11 كورمە ورنى ورنالاستىرىلادى.

  35 مەملەكەت پەن رايوننان سيلى قوناقتار، ساۋداگەرلەر ماجىلىسكە كەلەتىنى تۇراقتاندى، ەلىمىز ءىشى - سىرتىنان جيىنى 704 كاسىپورىن ماجىلىسكە، كورمەگە قاتىناسادى. دۇنيە جۇزىندەگى 500 ەگەي، جۇڭگوداعى 500 ەگەي، كاسىپ سالالارىنداعى باستاماشى كاسىپورىنداردان بيىل ماجىلىسكە، كورمەگە قاتىناساتىن كاسىپورىنداردىڭ سانى مەن كولەمى الدىڭعى كەزەكتەردەگى جۇڭگو − ازيا - ەۆورپا كورمەسىنە قاتىناسقانداردان الدەقايدا كوپ بولىپ، 60قا جەتكەن.

  8 - ايدىڭ 30 - كۇنى تۇستەن بۇرىن 6 - كەزەكتى جۇڭگو − ازيا - ەۆروپا كورمەسىنىڭ اشىلۋ سالتى جانە جۇڭگو − ازيا - ەۆروپا ەكونوميكالىق دامۋ سەلبەستىگى مىنبەرى وتكىزىلەدى، ماجىلىسكە قاتىناساتىن جۇڭگولىق، شەتەلدىك سيلى قوناقتار جىبەك جولى ەكونوميكالىق بەلدەۋى قۇرىلىسىن ارقاۋ ەتىپ، وڭىرلىك سەلبەستىكتىك كەلەلى جوسپارىن، كوپ ساتىلى، كەڭ ءورىستى، جان - جاقتىلى ءوزارا يگىلىك جەتكىزۋ، سەلبەسۋ جاڭا جاعدايىن اقىلداسادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.