ءبىر بەلدەۋ، ءبىر جول، بىرگە اقىلداسۋ، بىرگە قۇرۋ، بىرگە يگىلىكتەنۋ
جۇڭگو − ازيا - ەۆروپا ەكونوميكالىق دامۋ سەلبەستىگى تالقى مىنبەرى باستالدى
حۋ چۇنحۋا ارقاۋ ءسوز سويلەدى، چىن چۋانگو قارسى الۋ ءسوزىن سويلەدى
ءمۇسىليميار، تسكيتيشيۆيلي، لۇڭ گوچياڭ لەكسيا سويلەدى، فۋ زىيىڭ ارناۋ ءسوز سويلەدى
سىمايىل تىلەۋالدى، ابىلەت ابدىرەشيت ۇسىنىسپەن قاتىناستى
8 - ايدىڭ 30 - كۇنى 6 - كەزەكتى جۇڭگو − ازيا - ەۆروپا كورمەسى ۇرىمجىدە اشىلدى. سۋرەتتە: ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا ارقاۋ ءسوز سويلەۋدە. سۋرەتتى ءتىلشىمىز لۋ مين - ي تۇسىرگەن
تىلشىلەرىمىز ياۋ تۇڭ، دۇڭ شاۋحۋا 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 30 - كۇنى تۇستەن بۇرىن، 6 - كەزەكتى جۇڭگو − ازيا - ەۆروپا كورمەسى ۇرىمجىدە اشىلدى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا اشىلۋ سالتىنا جانە جۇڭگو − ازيا - ەۆروپا ەكونوميكالىق دامۋ سەلبەستىگى تالقى مىنبەرىنە قاتىناستى ءارى ارقاۋ ءسوز سويلەدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو اشىلۋ سالتىنا جانە نەگىزگى تالقى مىنبەرىنە قاتىناستى ءارى قارسى الۋ ءسوزىن سويلەدى. اۋعانستان پارلامەنتى اقساقالدار پالاتاسىنىڭ ءتوراعاسى ءمۇسىليميار، گرۋزيانىڭ ورىنباسار زۇڭليى تسكيتيشيۆيلي، جۇڭگو مەملەكەتتىك كەڭەسى دامۋدى زەرتتەۋ ورتالىعىنىڭ ورىنباسار مەڭگەرۋشىسى لۇڭ گوچياڭ قاتارلىلار اشىلۋ سالتىنا جانە نەگىزگى تالقى مىنبەرىنە قاتىناستى ءارى لەكسيا سويلەدى، ساۋدا ىستەرى مينيسترلىگىنىڭ حالىقارالىق ساۋدا كەلىسسوز وكىلى، قوسىمشا ورىنباسار مينيستر فۋ زىيىڭ ارناۋ ءسوز سويلەدى. مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت ۇسىنىسپەن قاتىناستى. 6 - كەزەكتى جۇڭگو − ازيا - ەۆروپا كورمەسىن ۇيىمداستىرۋ كوميسسياسىنىڭ مەڭگەرۋشىسى، اۆتونوميالى رايوننىڭ ءتوراعاسى شوكىرات زاكىر اشىلۋ سالتىن جانە نەگىزگى تالقى مىنبەرىن باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين قاتارلىلار اشىلۋ سالتىنا جانە نەگىزگى تالقى مىنبەرىنە قاتىناستى.
وسى كەزەكتى كورمەنىڭ تاقىرىبى: «ءبىر بەلدەۋ، ءبىر جول، بىرگە اقىلداسۋ، بىرگە قۇرۋ، بىرگە يگىلىكتەنۋ». تۇستەن بۇرىن ساعات 11دە، 6 - كەزەكتى جۇڭگو − ازيا - ەۆروپا كورمەسىنىڭ اشىلۋ سالتى جانە جۇڭگو − ازيا - ەۆروپا ەكونوميكالىق دامۋ سەلبەستىگى تالقى مىنبەرى رەسمي باستالدى. شينجياڭ حالىقارالىق ءماجىلىس - كورمە ورتالىعىنىڭ كوپ فۋنكتسيالى زالى سيلى قوناقتارعا تولىپ، ەل ءىشى - سىرتىنان كەلگەن ۇكىمەت قايراتكەرلەرى مەن سيلى قوناقتار وسى جەردە كەڭەسىپ، پىكىرلەسىپ، «ءبىر بەلدەۋ، ءبىر جول» حالىقارالىق سەلبەستىگىن بىرگە جوسپارلادى.
حۋ چۇنحۋا ارقاۋ ءسوز سويلەگەندە مىنالاردى اتاپ كورسەتتى: ءتوراعا شي جينپيڭ 2013 - جىلى «ءبىر بەلدەۋ، ءبىر جولدى» بىرگە قۇرۋ باستاماسىن ورتاعا قويعاننان بەرى، جۇڭگو مەن جىبەك جولى بويىنداعى ەلدەردىڭ «ءبىر بەلدەۋ، ءبىر جول» اياسىنداعى ناقتى سەلبەستىكتەرى ۇزدىكسىز تەرەڭدەپ، مول تابىسقا قول جەتتى. جۇڭگو ءار ەلمەن ستراتەگيالاردى ۇشتاستىرۋدى ونان ارى كۇشەيتۋدى، سەلبەستىك سالالارىن كەڭەيتۋدى، ساۋدانىڭ جاڭا ارتۋ ءتۇيىنىن تابۋدى، قارجى قوسۋ مەن كاسىپ سالاسى سەلبەستىگىن كەڭەيتۋدى، تەمىر جول، تاس جول، پورت، ەنەرگيا، تەلەگراف سياقتى نەگىزدىك قۇرىلعىلاردى ءوزارا ۇلاستىرۋدى جەدەلدەتۋدى قالايدى. فينانس قۇرالدارى مەن سەلبەستىك ۇلگىسىنە جاڭالىق ەنگىزۋ، كاسىپورىنداردىڭ قارجى قۇراۋ ارنالارىن كەڭەيتۋ، كاسىپ سالاسى نىساندارىنا، نەگىزدىك قۇرىلعىلارعا فينانستىق قولداۋدى ارتتىرۋ كەرەك. جۇڭگو تاباندىلىقپەن رەفورمانى جاپپاي تەرەڭدەتىپ جانە ەسىك اشۋدى كەڭەيتىپ، ساۋدا مەن قارجى قوسۋدىڭ ەركىن، قولايلى بولۋىن جەبەيدى، ازيا - ەۆروپاداعى ءار ەل كاسىپورىندارىنىڭ ءتيىمدى ورايدى مىقتى يگەرىپ، جۇڭگو كاسىپورىندارىمەن قول ۇستاسا قۇلشىنىپ، سەلبەستىكتىڭ كەڭدىگى مەن تەرەڭدىگىن ۇزدىكسىز ارتتىرۋىن قارسى الادى. جۇڭگو ۇكىمەتى شينجياڭنىڭ ورايدى مىقتى يگەرۋىن، ەسىك اشۋدى كەڭەيتۋىن، جۇڭگونىڭ سىرتقا ەسىك اشۋىندا اناعۇرلىم زور رول اتقارۋىن قولدايدى.
چىن چۋانگو قارسى الۋ سوزىندە بىلاي دەدى: ءتوراعا شي جينپيڭ «ءبىر بەلدەۋ، ءبىر جولدى» بىرگە قۇرۋ باستاماسىن ورتاعا قويىپ، الەمدىك جونگە سالۋ جۇيەسى وزگەرىسىنىڭ ىشكى تالابىنا ۇيلەسىپ، ءار ەلدىڭ دامۋدى جەدەلدەتۋ ورتاق تىلەگىن بەينەلەدى. «ءبىر بەلدەۋ، ءبىر جول» باستاماسىنىڭ ورتاعا قويىلۋىنىڭ 5 جىلدىعى قارساڭىندا، ءتوراعا شي جينپيڭ كەڭەسۋگە، اقىلداسۋعا، بىرگە قۇرۋعا، بىرگە كەنەلۋگە، سەلبەسىپ تەڭ يگىلىكتەنۋگە، اۋىس - كۇيىس جاساپ، ءوزارا ونەگە الۋعا تاباندى بولۋدى، جىبەك جولى بويىنداعى ەلدەرمەن سەلبەستىكتىڭ ەڭ ۇلكەن ورتاقتىعىن قاراستىرۋدى ورتاعا قويىپ، «ءبىر بەلدەۋ، ءبىر جولدى» بىرگە قۇرۋدىڭ تەرەڭدەتۋ جولىمەن، ناقتى ىسكەرلىك جولىمەن ءجۇرۋىن ىلگەرىلەتۋ، ءار ەل حالقىن اناعۇرلىم ويداعىداي باقىتقا كەنەلتۋ ءۇشىن ايقىن العا باسۋ باعدارىن كورسەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ءار ەلمەن بىرگە، جۇڭگو − ازيا - ەۆروپا كورمەسى سىندى ماڭىزدى تۇعىردان ويداعىداي پايدالانىپ، «ءبىر بەلدەۋ، ءبىر جول» حالىقارالىق سەلبەستىگىن بەلسەنە جەبەپ، «ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، حالىق تىلەگىن توعىستىرۋدى» جۇزەگە اسىرۋعا قۇلشىنىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەڭگەرىمدى، تەڭ يگىلىكتەنەتىن بەتالىسقا قاراي دامۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن بىرگە قۇرىپ، قول ۇستاسا اناعۇرلىم تاماشا الەم قۇرۋدى قالايمىز.
فۋ زىيىڭ ارناۋ سوزىندە بىلاي دەدى: شينجياڭ ازيا - ەۆروپا قۇرلىعىنىڭ سەنترىنە ورنالاسقان، جىبەك جولى ەكونوميكالىق بەلدەۋىندەگى وزەكتى رايون. جۇڭگو ساۋدا ىستەرى مينيسترلىگى شينجياڭنىڭ ەسىك اشۋدى كەڭەيتۋىن، توڭىرەكتەگى ەلدەرمەن ءوزارا بايلانىستى كۇشەيتۋىن، ساۋدانى، قارجى قوسۋدى جەبەۋ مەحانيزمىن كەمەلدەندىرۋىن، اشىق ەكونوميكا جۇيەسىنىڭ دەڭگەيىن ءوسىرۋىن اۋەلگىدەي قولداي بەرەدى. الەمدەگى ءار ەلدىڭ، ءار جاقتىڭ جانە قارجى قوسۋشىلاردىڭ شينجياڭعا كەلىپ سەلبەستىك تۋرالى كەڭەسۋىن، قارجى قوسىپ، كاسىپ وركەندەتۋىن شىن جۇرەكتەن قارسى الادى، جۇڭگو ساۋدا ىستەرى مينيسترلىگى قىزمەت كورسەتۋ، قامتاماسىزداندىرۋ قىزمەتىن كۇش سالا جاقسى ىستەپ، «ءبىر بەلدەۋ، ءبىر جولدى» بىرگە قۇرۋدىڭ تەرەڭدەتۋ جولىمەن، ناقتى ىسكەرلىك جولىمەن ءجۇرۋىن، حالىقتى باقىتقا كەنەلتۋىن ىلگەرىلەتەدى.
ءمۇسىليميار لەكسياسىندا بىلاي دەدى: اۋعانستان جۇڭگونىڭ ەكونوميكالىق، قوعامدىق دامۋ تابىستارىنا سۇيىنەدى، جۇڭگونىڭ اۋعانستاننىڭ بەيبىتشىلىك ءۇردىسى مەن ەكونوميكالىق قۇرىلىسىن قولداعانىنا العىس ايتادى. جىبەك جولى ەكونوميكالىق بەلدەۋى قۇرىلىسى اۋعانستان - جۇڭگو سەلبەستىگىن جانە وڭىرلەردىڭ ءوزارا بايلانىسىن جەبەۋدە ماڭىزدى مانگە يە، ءبىز جۇڭگونىڭ «ءبىر بەلدەۋ، ءبىر جول» باستاماسىن جانە وڭىرلىك سەلبەستىكتى كۇشەيتۋ تۋرالى ماڭىزدى دارىپتەمەسىن ۇزدىكسىز قولدايمىز، ەكى جاقتىڭ ساۋدا، وقۋ - اعارتۋ، نەگىزدىك قۇرىلعى، وڭىرلىك حاۋىپسىزدىك سياقتى سالالارداعى ناقتى سەلبەستىگىن بەلسەنە ىلگەرىلەتەمىز.
تسكيتيشيۆيلي لەكسياسىندا بىلاي دەدى: ءتوراعا شي جينپيڭ ورتاعا قويعان «ءبىر بەلدەۋ، ءبىر جول» باستاماسىنىڭ گرۋزيا ءۇشىن ءمانى زور. گرۋزيا ءوزىنىڭ دارا جاعراپيالىق ورىن باسىمدىعىن تولىق ساۋلەلەندىرۋدى، «ءبىر بەلدەۋ، ءبىر جول» اياسىندا، جۇڭگومەن قول ۇستاسىپ، ەنەرگيا اشۋ، جاساۋ كاسىبى، وسى زامانعى قىزمەت كورسەتۋ سالاسى، اۋىل شارۋاشىلىعىن كاسىپ سالالاندىرۋ سياقتى سالالارداعى سەلبەستىكتەر مەن پىكىرلەسۋدى تەرەڭدەتۋدى، ازيا - ەۆروپا قۇرلىعىنىڭ ءوزارا بايلانىسىن جەدەلدەتۋدى، ەكونوميكالىق ارتۋدى، قوعامنىڭ دامۋىن جانە ۇزدىكسىز ورنىقتىلىقتى بىرگە جۇزەگە اسىرۋدى قالايدى.
لۇڭ گوچياڭ لەكسياسىندا بىلاي دەدى: «ءبىر بەلدەۋ، ءبىر جول» جۇڭگودان باستاۋ العان، ونىڭ سەلبەستىك جەمىسى الەمگە ءتان. 5 جىلدان بەرى، «ءبىر بەلدەۋ، ءبىر جول» باستاماسى ۇستانىمنان ارەكەتكە، ۇمىتتەن شىندىققا اينالىپ، الەم ەكونوميكاسىنىڭ دامۋىنا جاڭا قوزعاۋشى كۇش ۇستەدى. جۇڭگونىڭ شينجياڭى «ءبىر بەلدەۋ، ءبىر جول» سەلبەستىگىندە ماڭىزدى رول اتقارىپ، ەلەۋلى ۇلەس قوستى، مول تابىسقا قول جەتكىزدى. شينجياڭنىڭ رەفورمانى ونان ارى تەرەڭدەتۋىن، ەسىك اشۋدى ونان ارى كەڭەيتۋىن، رولىن اناعۇرلىم ويداعىداي ساۋلەلەندىرۋىن، «ءبىر بەلدەۋ، ءبىر جول» قۇرىلىسىن ىلگەرىلەتۋىن ءۇمىت ەتەمىن.
ازيا - ەۆروپاداعى ءبىر ءبولىم مەملەكەتتەر مەن حالىقارالىق ۇيىمداردان كەلگەن سيلى قوناقتار، اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، مەملەكەتتىڭ مينيسترلىك - كوميتەتتەرىنىڭ، تۋىسقان ولكە، قالالاردىڭ باسشىلارى جانە ءار سالا قايراتكەرلەرىنىڭ ۋاكىلدەرى اشىلۋ سالتىنا جانە نەگىزگى تالقى مىنبەرىنە قاتىناستى.
اشىلۋ سالتىنان بۇرىن حۋ چۇنحۋا، چىن چۋانگو قاتارلىلار جۇڭگو − ازيا - ەۆروپا كورمەسىنىڭ ءبىر ءبولىم كورمە رايوندارىن ارالاپ كوردى.
8 - ايدىڭ 29 - كۇنى حۋ چۇنحۋا، چىن چۋانگو مۇسىليميارمەن، تسكيتيشيۆيليمەن جەكە - جەكە كەزدەستى.
