تيانشان تورى   ›   جاڭالىقتار   ›   شينجياڭ حابارلارى

6- كەزەكتى جۇڭگو − ازيا - ەۆروپا كورمەسىنىڭ تانىستىرۋ ءماجىلىسى جانە ءتۇيىندى نىساندارعا قول قويىسۋ سالتى وتكىزىلدى

162 ءتۇيىندى نىسانعا قول قويىستى، قول قويىسقان جالپى سوما 270 ميلليارد 943 ميلليون يۋانعا جەتتى

  ءتىلشىمىز شى شين 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 30 - كۇنى تۇستەن كەيىن 6 - كەزەكتى جۇڭگو − ازيا - ەۆروپا كورمەسىنىڭ جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتۋدى تانىستىرۋ ءماجىلىسى جانە ءتۇيىندى نىساندارعا قول قويىسۋ سالتى وتكىزىلىپ، ىشپەن جانە سىرتپەن بايلانىس جاساۋ بويىنشا 162 سەلبەستىك توقتام نىسانىنا قول قويىسىپ، قول قويىسقان جالپى سوما 270 ميلليارد 943 ميلليون يۋانعا جەتىپ، وتكەن كەزەكتەگىدەن %11.98ارتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قيمىلعا قاتىناستى ءارى ءسوز سويلەدى.

  شوكىرات زاكىر بىلاي دەدى: 5 جىلدان بەرى «ءبىر بەلدەۋ، ءبىر جول» باستاماسىن بىرگە قۇرۋ جۇلگەسىندە جۇڭگونىڭ شينجياڭى جاعراپيالىق، بايلىق جانە گۋمانيتارلىق جاقتاعى ارتىقشىلىقتارىن تولىق ساۋلەلەندىرىپ، جاسىل دامۋ ۇستانىمىن امالياتتا ايگىلەپ، ساياحات سياقتى ەرەكشەلىككە يە باسىم كاسىپ سالالارىن بارىنشا دامىتۋ ارقىلى وسىزاماندانعان ەكونوميكالىق جۇيەنى بەلسەنە ورناتىپ، ءار سالاداعى حالىقارالىق اۋىس - كۇيىستى، سەلبەستىكتى كەڭەيتىپ، سىرتقا ەسىك اشقان 18 وتكەل جانە مەملەكەت دارەجەلى كاسىپ سالاسى شوعىرلانعان 23 باقشا رايون قۇرىلىسىن ۇزدىكسىز ىلگەرىلەتتى. اسىرەسە، شىعىسپەن بىرلەسىپ باتىسقا شىعارۋ سىندى حالىقارالىق ساۋدا ۇلكەن ارناسىن قۇرۋدى وراي ەتىپ، جەلى بويىنداعى مەملەكەتتەرمەن كاسىپ سالاسى جانە ساۋدا سەلبەستىگىن كۇشەيتىپ، ەكونوميكالىق، قوعامدىق دامۋدىڭ ساپالى دامۋعا قادام قويۋىن ۇزبەي ىلگەرىلەتىپ، جاپپاي سىرتقا ەسىك اشقان جاڭا جۇلگەنى ىشكەرىلەي قالىپتاستىردى.

  شوكىرات زاكىر بىلاي دەدى: شينجياڭ ەرەكشە ابزالدىلىققا جانە وراسان زور دامۋ كومەسكى كۇشىنە يە، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رەفورمانى، ەسىك اشۋدى تەرەڭدەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ۇزبەي جەدەل ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدىڭ تەرەڭدەتۋ جولىمەن، ناقتى ىسكەرلىك جولىمەن ءجۇرۋدى ورگە باستىراتىندىعىمىزعا سەنىمدىمىز. شينجياڭ ەلىمىزدەگى جانە شەتەلدەگى كاسىپورىندارمەن سەلبەسىپ، اناعۇرلىم جوعارى دەڭگەيدە، اناعۇرلىم كەڭ سالادا، اناعۇرلىم زور كولەمدە ەكونوميكا - ساۋدا سەلبەستىگىن كۇشەيتىپ، «ءبىر بەلدەۋ، ءبىر جولدى» بىرگە قۇرۋ تاريحي ۇردىسىندە دامۋ ورايىنان تەڭ يگىلىكتەنىپ، كوركەم بولاشاقتى بىرگە جاراتىپ، جىبەك جولى ەكونوميكالىق بەلدەۋى قۇرىلىسىن بىرگە ىلگەرىلەتىپ، «جىبەك جولى ساۋدا مىنبەرىن قۇرىپ، ەكونوميكا سەلبەستىگىنەن تەڭ يگىلىكتەنۋدى جەبەۋدىڭ» تاماشا داستانىن بىرگە جازۋدى قالايدى.

  تانىستىرۋ ءماجىلىسى جانە ءتۇيىندى نىساندارعا قول قويىسۋ سالتىندا اۆتونوميالى رايوندىق ساۋداگەر شاقىرۋ، دامىتۋ مەكەمەسى 5 - كەزەكتى جۇڭگو − ازيا - ەۆروپا كورمەسىنىڭ ىشپەن بايلانىس جاساۋ بويىنشا ءتۇيىندى قول قويىسقان نىساندارىنىڭ ورىندالۋ جاعدايىنان جانە 6 - كەزەكتى جۇڭگو − ازيا - ەۆروپا كورمەسىندە قول قويىسقان ءتۇيىندى نىسانداردىڭ جاعدايىنان تۇسىنىك جاسادى. اۆتونوميالى رايوندىق دامۋ جانە رەفورما كوميتەتى جىبەك جولى ەكونوميكالىق بەلدەۋى وزەكتى رايون قۇرىلىسىنا قاتىستى جاعداي جونىندە تانىستىرۋ جاساپ، ءسوز سويلەدى؛ ءۇرىمجى قالاسى، بايىنعولين موڭعۇل اۆتونوميالى وبلىسى قارجى قوسۋ جونىندە تانىستىرۋ جاساپ، ءسوز سويلەدى.

  وسى كەزەكتى كورمەدە قول قويىسقان ءتۇيىندى نىساندار «جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەدەل ىلگەرىلەتۋ» تاقىرىبىنا تىعىز سايكەسىپ، مۇناي حيميا ونەركاسىبى، ەنەرگيا ۇنەمدەپ، قورشاعان ورتانى قورعايتىن جاڭا ماتەريالدار، جابدىق جاساۋ، مادەنيەت ساياحاتى، ەلەكتروندىق ينفورماتسيا، قورا - جاي، باس شتاپتىڭ عىلمي زەرتتەۋ بويىنشا قىزمەت كورسەتۋى، توقىماشىلىق، كيىم - كەشەك، ساۋدا زات اينالىمى، قۇرىلىس ماتەريالدارى، جەڭىل ونەركاسىپ جانە اۋىل شارۋاشىلىق قوسىمشا ونىمدەرىن وڭدەۋ سياقتى كوپتەگەن ءتۇيىندى قارجى قوسۋ سالالارىن قامتىدى ءارى بۇرىنعى نەگىزدە ىشپەن بايلانىس جاساۋدى ىشپەن جانە سىرتپەن بايلانىس جاساۋعا ۇزارتىپ، سىرتقا ەسىك اشۋ دەڭگەيىن ونان ارى ارتتىرىپ، سىرتپەن اۋىس - كۇيىس جاساۋدى جانە ەكونوميكا - ساۋدا سەلبەستىگىن كۇشەيتتى.

  اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن قيمىلعا قاتىناستى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين قيمىلدى باسقاردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.