تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

كەدەيلەردى دالمە - ءدال سۇيەمەلدەۋدىڭ حالىقارالىق كوز اياسىن اشۋ كەرەك

يۋە يانيۇن

  6 - كەزەكتى جۇڭگو − ازيا - ەۆروپا كورمەسى اشىلعان كۇنى تۇستەن كەيىن كەدەيلەردى دالمە - ءدال سۇيەمەلدەۋدىڭ تابىس كورمەسى رايونىندا اۆتونوميالى رايوندىق مال شارۋاشىلىق عىلىم اكادەمياسىنان «ۇعىسۋ، تيىمدىلىك جاساۋ، توعىستىرۋ» قيمىلى بويىنشا مارالباسى اۋدانى سەرىقبۇيا قالاشىعى التاكسەك قىستاعىندا تۇراتىن قىزمەت اترەتى اكەلگەن جۇمىرتقالار ايرىقشا ءوتىمدى بولدى، 2 ساعاتتا مىڭعا تاياۋ جۇمىرتقا ساتىلدى. بۇل جۇمىرتقالار وسى قىستاقتىڭ «10 مىڭ جۇمىرتقالىق تاۋىقتى كولەمدەندىرىپ باعۋدان ۇلگى كورسەتۋ نىسانىنىڭ» ءونىمى، سونداي - اق وسى قىستاقتىڭ كەدەيلەردى سۇيەمەلدەۋ نىسانى ەدى.

  جۇمىرتقادان سىرت، وسى كورمە رايونىنداعى قولدا جاسالعان ايكۇلشە، ەسەك ءسۇت تالقانى سياقتى وزىندىك ەرەكشەلىكتەگى ونىمدەر دە ايرىقشا ءوتىمدى بولدى. كەدەيلەردى دالمە - ءدال سۇيەمەلدەۋدىڭ تابىس كورمەسى رايونى وسى كەزەكتى كورمەنىڭ جارقىن ءتۇيىنى بولدى، كەدەيلەردى دالمە - ءدال سۇيەمەلدەۋ ستراتەگياسىنا سايكەس، كورمە رايونىندا ناقتى بۇيىم، جازۋ، سۋرەت سياقتى الۋان ءتۇرلى فورمامەن اۆتونوميالى رايونىمىزدىڭ كەدەيلەردى سۇيەمەلدەۋ قىزمەتىندە قول جەتكىزگەن كەزەڭدىك سيپاتتى تابىستارى جانە ۋاكىلدىك سيپات الاتىن كەدەيلەردى سۇيەمەلدەۋ نىساندارى، ونىمدەرى ەل ءىشى - سىرتىنان كورمەگە قاتىناسۋعا كەلگەن ساۋداگەرلەرگە ايگىلەنەدى. اۆتونوميالى رايونىمىزدىڭ كەدەيلەردى دالمە - ءدال سۇيەمەلدەۋ قىزمەتىنە حالىقارالىق ءورىس اشتى، بۇل − كەدەيلەردى سۇيەمەلدەۋدىڭ شىت جاڭا، وزىندىك ەرەكشەلىككە يە جولى.

  كەزەكتە اۆتونوميالى رايونىمىزدىڭ كەدەيلىكتەن قۇتىلدىرۋدان قامال الۋ قىزمەتى ەڭ سوڭعى «قامال الۋ» كەزەڭىنە ءوتتى. الدا ءدوپ كەلەتىن كەدەيلىك ىشىندەگى كەدەيلىك، قيىنشىلىق ىشىندەگى قيىنشىلىق، قامالدىڭ ىشىندەگى قامال ماسەلەسى اناعۇرلىم زور بەكىممەن، اناعۇرلىم كەڭ وي ورىسپەن شەشۋدى قاجەت ەتەدى. حالىقارالىق كورمەنى دانەكەر ەتۋ ارقىلى ەل ءىشى - سىرتىنان كورمەگە قاتىناسقان ساۋداگەرلەردى اۆتونوميالى رايونىمىزدىڭ كەدەيلەردى دالمە - ءدال سۇيەمەلدەۋ ىسىنە نازار اۋدارۋعا باۋراۋ، ءار جاقتىڭ بايلىعىن شوعىرلاندىرىپ، كەدەي رايونداردىڭ بازارمەن، قارجىمەن، تەحنيكامەن، دارىندىلارمەن ۇشتاسۋىن جەبەۋ كەدەيلەردى سۇيەمەلدەۋدە «سىرتقى كۇشتەن» شەبەرلىكپەن پايدالانۋ سانالادى، سونىمەن بىرگە، ول كەدەيلىكتەن قۇتىلىپ، اۋقاتتانۋ جولىنا ءتۇسۋدىڭ «ىشكى كۇشىن» تۋىنداتىپ، تۇتاس اۆتونوميالى رايوننىڭ كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ قىزمەتىنىڭ تىڭ ساتىعا كوتەرىلۋىن جەبەيدى.

  حالىقارالىق وي ءورىستى اشىپ، وڭىرلىك شەكارانى بۇزىپ، حالىقارالىق كورمە تۇعىرىن كەدەي رايونداردىڭ وزىندىك ەرەكشەلىككە يە ونىمدەرىمەن، نىساندارىمەن ۇشتاستىرۋ ءبىر ءتۇرلى اشىق شارا ءارى ءبىر ءتۇرلى اشىق وي سانالادى. كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتۋدىڭ شەشۋشى ساتىندە، اۆتونوميالى رايونىمىز اشىق بەينە ۇستانىپ، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى بولۋداي ابزالدىلىعىن يگەرىپ، باتىلدىقپەن ءورىس اشىپ، جاڭالىق جاراتىپ، كەدەيلەردى دالمە - ءدال سۇيەمەلدەۋگە تىڭ جول سالىپ، اۆتونوميالى رايونىمىزدىڭ كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ جانە باتىل جەڭىسكە جەتۋدەگى بەكىمى مەن سەنىمىن تولىق ايگىلەدى.

  كەڭ وي ورىسكە يە اۆتونوميالى رايونىمىزدىڭ كەدەيلەردى ءدالمە - دال سۇيەمەلدەۋ ءىسىنىڭ، ءسوز جوق، تىڭ دەڭگەيگە كوتەرىلەتىندىگىنە، كەدەيلەردى دالمە - ءدال سۇيەمەلدەۋ قىزمەتىندە دە بارلىق ادام كوڭىل بولەتىن، بارلىق ادام ات سالىساتىن، بارلىق ادام قولدايتىن تاماشا قوعامدىق ورتا جارىققا شىعىپ، كەدەي رايوندارداعى ەگىنشى - مالشىلاردىڭ كەدەيلىكتەن ەرتەرەك قۇتىلۋىنا دەم بەرە الاتىندىعىنا سەنىمىمىز كامىل.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى