ءتىلشىمىز چىن چياڭۋي 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 30 - كۇنى «ءبىر بەلدەۋ، ءبىر جول» حالىقارالىق زات اينالىم سەلبەستىگى تالقى مىنبەرى شينجياڭ حالىقارالىق كورمە ورتالىعىندا وتكىزىلدى، جينالىستا اۆتونوميالى رايوندىق ساۋدا ىستەرى مەڭگەرمەسى گانسۋدىڭ، گۋاڭشيدىڭ، چۇڭچيڭنىڭ، گۇيجوۋدىڭ، چيڭحايدىڭ قاتىستى تاراۋلارىمەن «شينجياڭ ۇيعۇر اۆتونوميالى رايونىنىڭ جۇڭگو - سينگاپۋر ءوزارا بايلانىس جاساۋ، ءوزارا توعىسۋ نىسانىنىڭ وڭتۇستىك باعىت وتكەلىن بىرگە قۇرۋعا قاتىناسۋ قىزمەت مەحانيزمى ەسكەرتپەسىنە» قول قويىستى، بۇل شينجياڭنىڭ جۇڭگو - سينگاپۋر ءوزارا بايلانىس جاساۋ، ءوزارا توعىسۋ نىسانىنا قاتىناسىپ، جۇڭگو - سينگاپۋر ءوزارا بايلانىس جاساۋ، ءوزارا توعىسۋ نىسانىنىڭ وڭتۇستىك باعىت وتكەلىن (تومەندە قىسقارتىلىپ وڭتۇستىك باعىت وتكەلى دەلىنەدى) بىرگە قۇراتىندىعىن بەينەلەيدى.
جۇڭگو - سينگاپۋر ءوزارا بايلانىس جاساۋ، ءوزارا توعىسۋ نىسانى جۇڭگونىڭ سينگاپۋرمەن قول قويىسقان ءۇشىنشى ۇكىمەت ارالىق سەلبەستىك نىسانى. جۇڭگو - سينگاپۋر ءوزارا بايلانىس جاساۋ، ءوزارا توعىسۋ نىسانىنىڭ وڭتۇستىك باعىت وتكەلى − جۇڭگو - سينگاپۋر ءوزارا بايلانىس جاساۋ، ءوزارا توعىسۋ نىسانى جۇلگەسىندە چۇڭچيڭدى تيجارات ورتالىعى، گۋاڭشيدى تەڭىزگە شىعاتىن قاقپا، گۇيجوۋ، گانسۋ، چيڭحاي، شينجياڭدى ءتۇيىندى بۋىن ەتكەن، جۇڭگونىڭ باتىس بولىكتەگى ولكە (رايون)، قالالارىنىڭ سينگاپۋر سياقتى شىعىس وڭتۇستىك ازيا وداعى ەلدەرىمەن وڭىرلەر ارا بىرلەسىپ قيمىلداۋ، حالىقارالىق سەلبەستىك جاساۋ ارقىلى بىرگە تۇلعالاعان، «ءبىر بەلدەۋ، ءبىر جولدى» ورگانيكالى توعىستىرعان حالىقارالىق قۇرلىق، تەڭىز ساۋداسىنداعى جاڭا وتكەل سانالادى. ەسكەرتپەگە قول قويىسقاننان كەيىن، شينجياڭ وزگە ولكە، قالالارمەن نەگىزدىك قۇرىلعىلار قۇرىلىسىن كەمەلدەندىرۋ، ءوڭىر اتتاعان بىرلەسىپ قيمىلداپ دامۋدى جەبەۋ، كاسىپورىنداردىڭ بىرلەسىپ قارجى قوسۋىن، سەلبەستىك جاساۋىن ىلگەرىلەتۋ، ەل ىشىندەگى (حالىقارالىق) كەدەندىك سەلبەستىك مەحانيزمىن كەمەلدەندىرۋ، سونداي - اق ساياساتتا جاڭالىق اشۋ، سەلبەسىپ سىرتپەن بايلانىس جاساۋ، ۇگىتتەۋ، تانىستىرۋ سياقتى ءتۇيىندى سالالارداعى سەلبەستىكتى كۇشەيتۋ ارقىلى وڭتۇستىك باعىت وتكەلىن سەلبەسىپ بىرگە قۇرادى.
ۇعىسۋعا قاراعاندا، جۇڭگو - سينگاپۋر ءوزارا بايلانىس جاساۋ، ءوزارا توعىسۋ نىسانى ىسكە قوسىلعان 2 جىلدان استام ۋاقىتتان بەرى، اياق الىسى ءساتتى بولعان. قازىرگە دەيىن جالپى سوماسى 21 ميلليارد 400 ميلليون دوللاردان اساتىن جيىنى 118 ءتۇيىندى نىسانعا قول قويىسقان، سوماسى 11 ميلليارد 980 ميلليون دوللار كەلەتىن 53 نىسان باستاپ اتقارىلعان نەمەسە ناقتاپ تياناقتاندىرىلعان.
