وزەكتى رايون قۇرىلىسىن جەدەلدەتىپ، مەملەكەتتىڭ جالپى تۇلعالىق ديپلوماتيالىق جالپى جاعدايىنا بەلسەنە قىزمەت كورسەتىپ، پارتيا ورتالىق كوميتەتىنىڭ رەفورمانى جاپپاي تەرەڭدەتۋدەگى كەلەلى ستراتەگيالىق ورنالاستىرۋلارىنىڭ تەرەڭ تامىر تارتۋىن ىلگەرىلەتەيىك
چىن چۋانگو ءماجىلىستى باسقاردى
ءتىلشىمىز ياۋ تۇڭ 9 - ايدىڭ 7 - كۇنى ۇرىمجىدەن حابارلايدى. 9 - ايدىڭ 7 - كۇنى ءتۇستىڭ الدىندا اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا سويلەگەن ارقاۋ ءسوزىنىڭ رۋحىن جەتكىزدى، ۇيرەندى، «اۆتونوميالى رايوننىڭ پارتيا 19 - قۇرىلتايىنىڭ بايانداماسىنداعى ماڭىزدى رەفورما شارالارىن دايەكتىلەندىرۋ، تياناقتاندىرۋ جونىندەگى اتقارۋ جوباسى (2022 − 2018)»، «اۆتونوميالى رايوننىڭ جاڭا داۋىردەگى وقىتۋشىلار قوسىنى قۇرىلىسى رەفورماسىن جاپپاي تەرەڭدەتۋ جونىندەگى اتقارۋ پىكىرى» سياقتىلاردى قارادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس بىلاي دەپ اتاپ كورسەتتى: 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ تابىستى وتكىزىلۋى جۇڭگو - افريكا قارىم - قاتىناسىنىڭ جاڭا تاريحي پاراعىن اشىپ، وڭتۇستىك - وڭتۇستىك سەلبەستىگىنىڭ جاڭا ەسكەرتكىشىن تۇرعىزدى. باس شۋجي شي جينپيڭ اشىلۋ سالتىندا سويلەگەن ارقاۋ سوزىندە دۇنيە ءجۇزىنىڭ دامۋ جالپى جاعدايىنا تەرەڭ تالداۋ جاساپ، حالىقارالىق قوعامدى دۇنيە ءجۇزىنىڭ بەيبىتشىلىگى مەن دامۋىن قول ۇستاسا جەبەۋگە ۇندەپ، وسى داۋىرلىك تاقىرىپقا جاۋاپ بەرەتىن جۇڭگو دارىپتەمەسىن العا قويىپ، تالقى مىنبەرىنە قاتىناسقان سيلى قوناقتاردىڭ جاپپاي القاۋىن الىپ، حالىقارالىق قوعامنىڭ بارىنشا مويىنداۋىنا يە بولدى. ءبىز باس شۋجي شي جينپيڭنىڭ ارقاۋ ءسوزىنىڭ رۋحىن مۇقيات ۇيرەنىپ، ءتۇسىنىپ، شىن مانىندە «ءتورت تانىمدى» كۇشەيتىپ، «ءتورت سەنىمدى» بەكەمدەپ، دايەكتىلەندىرۋ، تياناقتاندىرۋدىڭ ساياسي سانالىلىعىن، يدەيالىق سانالىلىعىن، ارەكەت سانالىلىعىن كۇشەيتىپ، جۇڭگو - افريكا قارىم - قاتىناسىن تەرەڭدەتۋگە، جاڭا داۋىردەگى اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن سومداۋعا بەلسەندى ۇلەس قوسۋىمىز كەرەك، كەلەلى ماڭىزىن جەتە تانۋىمىز كەرەك. باس شۋجي شي جينپيڭنىڭ ماڭىزدى ءسوزى جۇڭگو - افريكا قارىم - قاتىناسىنىڭ تاريحى، رەال جاعدايى جانە بولاشاعى جونىندە تەرەڭ پايىم جاساپ، ادامزاتتىڭ بولاشاق تاعدىرىنا نازار اۋداراتىن دارقان پەيىلىن تولىق كورسەتتى، ادامزاتقا جاڭا، ءتىپتى زور ۇلەس قوساتىن تاريحي جاۋاپكەرشىلىگىن تولىق ايگىلەدى، جۇڭگونىڭ حالىقارالىق قوعاممەن بىرگە سەلبەسىپ تەڭ يگىلىككە كەنەلۋ جولىمەن ءجۇرۋ، ادامزاتتىڭ تاعدىرلاس ورتاق تۇلعاسىن قۇرۋ ۇستانىم، دارىپتەمەسىن اڭعارتتى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ سىرتقى ىستەر قىزمەتىنە ورتالىقتانعان ءبىر تۇتاس باسشىلىعىنا باتىل بويسۇنىپ، يدەيا مەن ارەكەتتى پارتيا ورتالىق كوميتەتىنىڭ سىرتقى ىستەر قىزمەتى جونىندەگى كەلەلى شەشىم - ورنالاستىرۋلارىمەن شىن مانىندە بىرلىككە كەلتىرۋ كەرەك. نازاردى باس نىساناعا بۇلجىماي شوعىرلاندىرىپ، ءتۇرلى قىزمەتتەرگە قوعام ورنىقتىلىعى مەن باياندى تىنىشتىق باس نىساناسى ارقىلى ءبىر تۇتاس باسشىلىق ەتۋگە تاباندى بولىپ، قوعام ورنىقتىلىعى قىزمەتىن شىنايى، ىجداعاتتى، ىشكەرىلەي ىستەپ، شينجياڭنىڭ قوعامدىق جالپى جاعدايىنىڭ جاراسىمدىلىعىنا، ورنىقتىلىعىنا شىنايى كەپىلدىك ەتىپ، ورنىقتىلىقتىڭ يگىلىگىن ۇزدىكسىز ىسكە اسىرىپ، تاماشا دامۋ ورتاسىن قالىپتاستىرۋ كەرەك. ەسىكتى تاباندىلىقپەن ايقارا اشىپ، مەملەكەتتىڭ جالپى تۇلعالىق ديپلوماتيالىق جالپى جاعدايىنا تاباندى بولىپ، قىزمەت كورسەتىپ، بويسۇنىپ، شينجياڭنىڭ ءىس جۇزىندىك جاعدايىمەن تىعىز ۇشتاستىرىپ، بەلسەندى تۇردە ىرىقتىلىقپەن ىستەپ، «ءبىر بەلدەۋ، ءبىر جول» قۇرىلىسىمەن تەرەڭ توعىسىپ، وزەكتى رايون قۇرىلىسىن تىڭعىلىقتى ىلگەرىلەتىپ، ەنگىزۋ مەن شىعارۋعا قاتار ءمان بەرۋگە تاباندى بولىپ، حالىقارالىق، ەل ءىشى ەكى بازاردان، ەكى ءتۇرلى بايلىقتان پايدالانۋ قابىلەتىن ءوسىرىپ، ىشكە، سىرتقا ەسىك اشۋ دەڭگەيىن جاپپاي ءوسىرۋ كەرەك.
ءماجىلىس بىلاي دەپ اتاپ كورسەتتى: پارتيانىڭ 19 - قۇرىلتايىندا ءبىر قىدىرۋ كەلەلى رەفورما شارالارى ورنالاستىرىلدى، بۇل − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا جاعدايدا رەفورمانى جاپپاي تەرەڭدەتۋ جونىندە جاساعان كەلەلى ستراتەگيالىق ورنالاستىرۋى. بۇكىل رايونىمىزداعى جەر - جەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، يدەيانى پارتيا 19 - قۇرىلتايىنىڭ رۋحىمەن ونان ارى بىرلىككە كەلتىرىپ، كۇش - قۋاتتى پارتيا 19 - قۇرىلتايىندا بەلگىلەنگەن نىسانالىق مىندەتتەرگە شوعىرلاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋدەگى كەلەلى شەشىم - ورنالاستىرۋلارىن باتىل دايەكتىلەندىرىپ، تياناقتاندىرىپ، رەفورمانى بۇلجىماستان العا ىلگەرىلەتۋ كەرەك. «ءتورت تانىمدى» مىقتاپ ورناتىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، بارلىق ارەكەتتە پارتيا ورتالىق كوميتەتىنىڭ بۇيرىعى مەن قولباسشىلىعىنا بويسۇنىپ، پارتيا ورتالىق كوميتەتىنىڭ شەشىم - ورنالاستىرۋلارىن قاز - قالپىندا دايەكتىلەندىرۋ كەرەك. مىندەتتەردىڭ تياناقتاندىرىلۋىن ويداعىداي يگەرىپ، پارتيا مەن مەملەكەت ىستەرىنىڭ جالپى جاعدايىنا نازار اۋدارىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋگە نازار اۋدارىپ، پارتيا ورتالىق كوميتەتىنىڭ شەشىم - ورنالاستىرۋلارىن جاپپاي تياناقتاندىرىپ، ءتۇيىندى سالالار مەن شەشۋشى بۋىندارداعى رەفورمانى جەدەل ىلگەرىلەتىپ، رەفورمانىڭ ەكونوميكانىڭ، قوعامنىڭ دامۋىن جەتەكتەۋ رولىن تولىق ساۋلەلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، رەفورما رۋحىن، رەفورما ورنالاستىرۋىن، رەفورما تالابىن ءدال يگەرىپ، رەفورمانى جاپپاي تەرەڭدەتۋدىڭ جۇيەلىلىگىن، جالپى تۇلعالىلىعىن، سايكەستىلىگىن كۇشەيتىپ، ءتۇرلى رەفورما شارالارىنىڭ ساياسات بەتالىسىندا ءبىر - بىرىنە سايكەسۋىن، اتقارۋ بارىسىندا ءبىرىن - ءبىرى جەبەۋىن، رەفورما ونىمدىلىگىندە ءبىر - بىرىنە ساي كەلۋىن جەبەۋ كەرەك. قىزمەت بىرىككەن كۇشىن قالىپتاستىرۋ كەرەك، اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسى پارتيا 19 - قۇرىلتايىنىڭ بايانداماسىنداعى ماڭىزدى رەفورما شارالارىنىڭ تياناقتاندىرىلۋىنا ءبىر تۇتاس باسشىلىق ەتۋى جانە ونى سايكەستى ىلگەرىلەتۋى، اۆتونوميالى رايوندىق پارتكومنىڭ رەفورما كەڭسەسى جوبا بويىنشا اشىق ەسەپ ورناتىپ، تياناقتاندىرىلۋ جاعدايىن قۋزاپ تەكسەرۋى، ارناۋلى گرۋپپالار مەن باستاماشى ورىندار ناقتى رەفورما شارالارىنىڭ تياناقتاندىرىلۋى مەن اتقارىلۋىنا جاۋاپتى بولۋى، تاراۋلار ءوزارا قولداپ، سايكەستى ىلگەرىلەتىپ، بىرىككەن كۇش قالىپتاستىرىپ، 2022 - جىلعا دەيىن پارتيا 19 - قۇرىلتايىندا العا قويىلعان نىسانالىق مىندەتتەردىڭ جاپپاي ورىندالۋىنا شىنايى كەپىلدىك ەتۋى كەرەك.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ وقۋ - اعارتۋ قىزمەتى جونىندەگى ماڭىزدى پايىمىن مۇقيات دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ تۇرعىسىنان، ونەگە كورسەتىپ ادام تاربيەلەۋدىڭ ءتۇبىرلى مىندەتىن تياناقتاندىرۋ، سوتسياليزم قۇرىلىسشىلارى مەن ءىزباسارلارىن جەتىلدىرۋ تۇرعىسىنان، حالىق رازى بولاتىن وقۋ - اعارتۋدى ويداعىداي جۇرگىزۋ تۇرعىسىنان، وقىتۋشىلىق قىزمەتتىڭ توتەنشە ماڭىزدىلىعىن جەتە تانىپ، وقىتۋشىلار قوسىنىن جاپپاي كۇشەيتۋدى كەلەلى مىندەت جانە ءتۇبىرلى حالىق تۇرمىسى ينجەنەرياسى ەتىپ، شىن مانىندە مىقتى، شىنايى، ويداعىداي يگەرۋ كەرەك. دۇرىس ساياسي باعداردان جازباي، پارتيانىڭ وقىتۋشىلار قوسىنى قۇرىلىسىنا باسشىلىعىن جاپپاي كۇشەيتىپ، پارتيانىڭ باسشىلىعىنا تاباندى بولۋدى، پارتيا قۇرىلىسىن كۇشەيتۋدى وقىتۋشىلار قوسىنى قۇرىلىسىنىڭ جالپى بارىسىمەن ساباقتاستىرىپ، پارتكومنىڭ (پارتيا باسشىلىق گرۋپپاسى) باسشىلىق ۇيتقىلىق جانە ساياسي ۇيتقىلىق رولىن تولىق ساۋلەلەندىرىپ، پارتيانىڭ وقىتۋشىلار قوسىنى قۇرىلىسىن مىقتاپ يگەرۋدەگى باسشىلىق ۇقىعىنا شىنايى كەپىلدىك ەتۋ كەرەك. جوعارى ساپالى وقىتۋشىلار قوسىنىن جەتىلدىرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، تياناقتاندىرىپ، سوتسياليستىك مەكتەپ باسقارۋ بەتالىسىنان جازباي، وتاننىڭ تۇتاستىعىن قورعاۋ، ۇلتتار ىنتىماعىن قورعاۋ، ۇلتتىق بولشەكتەۋشىلىككە قارسى تۇرۋ، ءدىننىڭ سىنالاپ كىرۋىنە قارسى تۇرۋ جاقتارىنداعى يدەيالىق - ساياسي جانە رەال بەينەسىن وقىتۋشىلاردى تاڭداپ ۇسىنىس ەتۋدىڭ ەڭ باستى شارتى مەن ماڭىزدى مازمۇنى ەتۋگە تاباندى بولىپ، ۇستازدىق ءمورال، ۇستازدىق ستيل قۇرىلىسىن كۇشەيتىپ، ساياسي ساپاسى كۇشتى، كاسىپتىك قابىلەتى ىسىلعان، ادام تاربيەلەۋ دەڭگەيى ەلدەن ەرەك جوعارى ساپالى وقىتۋشىلار قوسىنىن جەدەل جەتىلدىرۋ كەرەك. بۇكىل قوعامدا وقىتۋشىلاردى قۇرمەتتەۋ، وقۋ - اعارتۋعا ءمان بەرۋدى دارىپتەپ، تاڭداۋلى دارىندىلار باسەكەلەسە وقىتۋشىلىقپەن شۇعىلداناتىن، وقىتۋشىلار ءوز دارىنىن بارىنشا ايگىلەيتىن، «تورتكە يە» جاقسى وقىتۋشىلار ۇزدىكسىز جارىققا شىعاتىن تاماشا جاعدايدى قالىپتاستىرىپ، قالىڭ وقىتۋشىلارعا قىزمەت ورىندارىندا باقىت سەزىمىن، ىستەرىندە تابىس سەزىمىن، قوعامدا داڭق سەزىمىن سەزىندىرۋ، وقىتۋشىلىقتىڭ جۇرت قىزىعاتىن كاسىپكە اينالۋىنا مۇمكىندىك جاساۋ كەرەك.
ءماجىلىس باسقا دا ىستەردى اقىلداستى. شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين، شۇي حايرۇڭ، تيان ۋىن، سارقىت اقان ۇلى، ياڭ شين، جاڭ چۇنلين، پىڭ جيارۇي ماجىلىسكە قاتىناستى.
