ءتاڭىرتاۋ تورابى   ›   ۇيرەنۋ   ›   شولۋ

«سەگىز ءىرى ارەكەت» ارقىلى سەلبەستىكتىڭ تىڭ تاراۋىن جازايىق

− ءتوراعا شي جينپيڭنىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا سويلەگەن ارقاۋ ءسوزى تۋرالى

حالىق گازەتىنىڭ شولۋشىسى

  رەالدىق − بەرگى جاعا، مۇرات − ارعى جاعا، اراسىن اقجال وزەن ءبولىپ تۇر، ال ارەكەت − وزەنگە سالىنعان كوپىر.

  «جۇڭگو جاڭا داۋىردەگى اناعۇرلىم تىعىز جۇڭگو - افريكا تاعدىرلاس ورتاق تۇلعاسىن قالىپتاستىرۋدى جەتەكشى ەتىپ، يوحاننەسبۋرگتەگى باسشىلار باس قوسۋىندا بەلگىلەنگەن جۇڭگو - افريكا <ون ءىرى سەلبەستىك جوسپارى> نەگىزىندە، افريكا ەلدەرىمەن تىعىز سايكەسۋدى، الداعى 3 جىلدا جانە بۇدان كەيىنگى ءبىر مەزگىلدە <سەگىز ءىرى ارەكەتتى> ءتۇيىندى تۇردە اتقارۋدى قالايدى»، 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا ءتوراعا شي جينپيڭ جۇڭگو - افريكا قاتىناسى دامۋىنىڭ رەال قاجەتىن كوزدە ۇستاپ، جۇڭگو - افريكا سەلبەستىگىنىڭ الدىمەن ويلاستىرىلاتىن سالالارى مەن ءتۇيىندى باعدارىن جان - جاقتى جوسپارلاپ، جۇڭگو مەن افريكانىڭ سەلبەسىپ تەڭ يگىلىككە كەنەلۋىن، بىرگە دامۋىن اناعۇرلىم تىڭ دەڭگەيدە جۇزەگە اسىرۋىنىڭ جاڭا جوباسىن كەسكىندەدى.

  2015 - جىلعى جۇڭگو - افريكا سەلبەستىك تالقى مىنبەرىنىڭ يوحاننەسبۋرگ باسشىلار باس قوسۋىنان بەرى، جۇڭگو يوحاننەسبۋرگ باسشىلار باس قوسۋىندا تۇراقتاندىرىلعان جۇڭگو - افريكا «ون ءىرى سەلبەستىك جوسپارىن» جان - جاقتى تياناقتاندىردى: ءبىرسىپىرا تەمىر جول، تاس جول، اۋەجاي، پورت سياقتى نەگىزدىك قۇرىلعىلارى مەن ەكونوميكا - ساۋدا سەلبەستىك اۋماقتارى ىركەس - تىركەس سالىندى نەمەسە سالىنۋدا، جۇڭگو مەن افريكانىڭ بەيبىتشىلىك، حاۋىپسىزدىك، عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، كەدەيلەردى ازايتۋ، حالىققا تيىمدىلىك جاساۋ، حالىق اراسىنداعى بارىس - كەلىس سياقتىلارداعى سەلبەستىگى تەرەڭدەي ىلگەرىلەدى. «ون ءىرى سەلبەستىك جوسپارى» جۇڭگو - افريكا حالىقتارىنا مول جەمىس الا كەلىپ، جۇڭگو مەن افريكانىڭ بىرلەسكەن جاسامپازدىق قۋاتىن، ۇيىستىرۋ قۋاتىن، ارەكەت قۋاتىن ايگىلەپ، جۇڭگو - افريكا جالپى بەتتىك ستراتەگيالىق سەلبەستىك سەرىكتەستىك قاتىناسىن جاڭا تۇرعىعا ءساتتى شىعاردى. الداعى 3 جىلعا جانە بۇدان كەيىنگى ءبىر مەزگىلگە كوز جىبەرسەك، جۇڭگو - افريكا «ون ءىرى سەلبەستىك جوسپارىن» ىلگەرىلەتۋ نەگىزىندە «سەگىز ءىرى ارەكەتتى» ءتۇيىندى اتقارۋدا، جۇڭگو مەن افريكا ستراتەگيالىق ۇشتاسۋدى جانە ساياساتتىق سايكەسۋدى كۇشەيتىپ، جۇڭگو - افريكا سەلبەستىگىنە ءتىپتى دە كوپ وراي ازىرلەپ، ءتىپتى دە قۋاتتى قوزعاۋشى كۇش ۇستەيدى.

  جۇڭگو − دۇنيە جۇزىندەگى ەڭ ءىرى وركەندەپ كەلە جاتقان ەل، افريكا − وركەندەپ كەلە جاتقان ەلدەر ەڭ شوعىرلى قۇرلىق، جۇڭگو مەن افريكانىڭ دامۋ ستراتەگياسى وسكەلەڭ سايكەستى، جۇڭگو مەن افريكا سەلبەسىپ دامۋدا ءبىر - بىرىنە ءزارۋ، ءارقايسىسىنىڭ ءوز باسىمدىعى بار، سەلبەسىپ تەڭ يگىلىككە كەنەلۋ، بىرگە دامۋ تاپتىرماس تاريحي ورايعا ءدوپ كەلدى. «ون ءىرى سەلبەستىك جوسپارىنان» «سەگىز ءىرى ارەكەتكە» دەيىن، جۇڭگو مەن افريكانىڭ ءار سالاداعى ناقتى سەلبەستىكتى جاپپاي كۇشەيتۋدەگى بەرىك بەكىمىن ايگىلەدى ءارى جۇڭگو مەن افريكانىڭ باسىمدىقتار ارقىلى ءوزارا تولىقتىرۋ، ءوزارا تيىمدىلىك جەتكىزىپ تەڭ يگىلىككە كەنەلۋدەي سەلبەستىك ۇستانىمىن ايگىلەدى. شارۋاشىلىقتى جەبەۋ، قۇرىلعىلاردى تۇتاستىرۋ، ساۋدانى قولايلىلاستىرۋ، جاسىل دامۋ، قابىلەت قۇرىلىسى، سالاماتتىق - دەنساۋلىق ساقتاۋ، گۋمانيتارلىق اۋىس - كۇيىس، بەيبىتشىلىك پەن حاۋىپسىزدىك، بۇل «سەگىز ءىرى ارەكەت» جۇڭگو مەن افريكانىڭ «ءبىر بەلدەۋ، ءبىر جولدى» بىرگە قۇرۋىن، افريكا وداعىنىڭ «2063 - جىل كۇن ءتارتىبىن»، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن جانە افريكا ەلدەرىنىڭ دامۋ ستراتەگيالارىن تىعىز ۇشتاستىردى، ءداستۇرلى باسىمدىققا يە سالالاردى ىشكەرىلەي بەكەمدەۋمەن بىرگە، جاڭا شارۋاشىلىق سالالارىندا دا جارقىن تۇيىندەردى جەتىلدىرىپ، جۇڭگو - افريكا سەلبەستىگىنە جاڭا سەلبەستىك كومەسكى كۇشىن اشىپ، جاڭا سەلبەستىك كەڭىستىگىن قوستى.

  جول − جۇرۋمەن پايدا بولادى، ءىس − ىستەۋمەن ىلگەرىلەيدى، تاماشا جوبانى رەالدىققا اينالدىرۋ تىڭعىلىقتى ارەكەتتى قاجەت ەتەدى. «سەگىز ءىرى ارەكەت» جۇڭگو - افريكا سەلبەستىگىنىڭ بارلىق جاعىن قامتىدى، اربىرەۋى شىنايىلىققا تولى، اربىرەۋى ناقتى ىستەر، ول ناقتى دا شىنايى ۇستانىمدى جانە دۇرىس ادىلەت - مۇددە كوزقاراسىن ايگىلەدى. ۇستانىمدى ارەكەتكە اينالدىرۋدا، ارمان - تىلەكتى رەالدىققا اينالدىرۋدا، جۇڭگو افريكامەن بىرگە تالقى مىنبەرىنىڭ بەيجيڭدەگى باسشىلار باس قوسۋىنىڭ ورايىنان پايدالانىپ، «سەگىز ءىرى ارەكەتتىڭ» ءساتتى اتقارىلۋىن ىلگەرىلەتىپ، جۇڭگو - افريكا جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ تىڭ ساتىعا كوتەرىلۋىن بار كۇشپەن ىلگەرىلەتەدى. ءبىز جۇڭگو مەن افريكانىڭ ءداستۇرلى دوستىعىنا بۇلجىماستان مۇراگەرلىك ەتىپ، جۇڭگو مەن افريكانىڭ دوستىق بايتەرەگىن اناعۇرلىم تەرەڭ تامىر تارتتىرىپ، جاپىراعىن جايقالتۋىمىز كەرەك؛ جۇڭگو مەن افريكانىڭ ساياسي ءوزارا سەنىمدىلىگىن بۇلجىماستان تەرەڭدەتىپ، جۇڭگو - افريكا سەلبەستىگىنىڭ ستراتەگيالىق نەگىزىن اناعۇرلىم بەكەمدەۋىمىز كەرەك؛ جۇڭگو مەن افريكانىڭ بىرگە دامۋىن بۇلجىماستان ىلگەرىلەتىپ، سەلبەستىك جەتىستىكتەرىمەن جۇڭگو مەن افريكا حالىقتارىنا اناعۇرلىم مول تيىمدىلىك جەتكىزۋىمىز كەرەك؛ جۇڭگو مەن افريكانىڭ ىنتىماعىن، سەلبەستىگىن بۇلجىماستان كۇشەيتىپ، دۇنيە ءجۇزىنىڭ بەيبىتشىلىك، دامۋ اۋقىمىن اناعۇرلىم قۋاتتى ەتۋىمىز كەرەك.

  «تاس جيىلىپ تاۋ بولار، سۋ جيىلىپ تەڭىز بولار». جۇڭگو - افريكا قاتىناسى ءبىر - اق كۇندە دامىعان ەمەس، بىرەۋدىڭ سيعا تارتقانى ءتىپتى دە ەمەس، قايتا جۇڭگو مەن افريكا تار جول تايعاق كەشۋدى بىرگە وتكەرىپ، جاپا - ماشاقاتتى بىرگە تارتىپ، نىق قاداممەن ءجۇرىپ شىققان. جاڭا داۋىردەگى جۇڭگو - افريكا سەلبەستىگى شاپشاڭ قيمىلدايتىن ارەكەت ىستەۋشىنى قاجەت ەتەدى، تاباندىلىقپەن ىستەيتىن ناقتى ءىس تىندىرۋشىنى قاجەت ەتەدى. جۇڭگو مەن افريكانىڭ دوستىق ءوزارا سەنىمدىلىگىنىڭ قاتپارلى مايەگىنەن كۇش الىپ، جۇڭگو مەن افريكانىڭ ناقتى سەلبەستىگىنىڭ تاسقىنداعان بەتالىسىندا باعداردى يگەرىپ، تىلەكتى ءبىر اراعا توعىستىرىپ، كۇشتى ءبىر جەرگە سالساق، ءبىز بەيجيڭدەگى باسشىلار باس قوسۋىنىڭ جەمىستەرىن جان - جاقتى، ءونىمدى تياناقتاندىرىپ، ناقتى جەتىستىكتەر ارقىلى جۇڭگو - افريكا حالىقتارىن باقىتقا كەنەلتەمىز. (شينحۋا اگەنتتىگىنىڭ 9 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى