ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

جاڭ كى جانە ونىڭ حوتاندىق بالالارى

ءتىلشى حي حۇڭۋي

  «بالالار، قاراڭدارشى، سەندەردى كورگەلى كەلىپ تۇرعان كىم ەكەن...»

  «جاڭ كى شەشە، جاڭ كى شەشە ...»

  9 - ايدىڭ 1 - كۇنى حوتان اۋدانى ۇزۇنشو اۋىلى يىگەنلىك قىستاعىندا چىڭدۋلىق شەشەي جاڭ كى ءوزىنىڭ حوتاندىق بالالارىمەن كەزدەستى. 9 جاستاعى كىشكەنتاي بويجەتكەن ەلمينۇر مامەت ابدۇللا جۇگىرىپ بارىپ جاڭ كىنى باس سالىپ قۇشاقتاي جونەلدى.

  «بۇل مىسىق ايۋ قۋىرشاعى، بۇل <100 مىڭ نە ءۇشىن> كىتابى، سەندەرگە ۇناسا ەكەن دەيمىن...». جاڭ كى حوتاندىق 4 بالاعا ۇقىپتىلىقپەن 4 ءتۇرلى تارتۋ دايىنداپتى، بالالاردىڭ جىنىسىنا، جاسىنا، بويىنىڭ بيىكتىگىنە، دەنە سالماعىنا قاراي، ۇقساماعان كيىم - كەشەك ساتىپ الىپتى، وقۋ قۇرالدارىنان، كىتاپتاردان دا بىرنەشە ۇلكەن سومكە ازىرلەپتى.

  جاڭ كى سىچۋاننىڭ چىڭدۋىنان كەلگەن، قۇرىلىسقا اقىل - كەڭەس بەرۋ سەرىكتەستىگىنىڭ جوعارى دارەجەلى باسقارۋشىسى، ول ءىسساپارعا شىققان كەزىندە بەيجيڭنەن شينجياڭعا باعىتتامالى كومەككە كەلگەن ءبىر كادرمەن تانىسىپ قالادى. شينجياڭعا باعىتتامالى كومەكتەسەتىن وسى كادردىڭ ءۇنحاتىنداعى دوستار شەڭبەرى ارقىلى ول بەيجيڭ قالاسىنىڭ شينجياڭنىڭ حوتان ايماعىنا باعىتتامالى كومەكتەسەتىن قولباسشىلىق شتابىنىڭ «بەيجيڭدىك اكەمەن، بەيجيڭدىك شەشەمەن جۇپ قۇراپ، تۋىستاسۋ» قيمىلىن وتكىزىپ جاتقانىنان حابار تابادى، جاڭ كى شينجياڭعا باعىتتامالى كومەكتەسەتىن وسى كادرعا ءوزىنىڭ جۇپ قۇراپ، تۋىستاسۋ ويىن بىلدىرەدى. شينجياڭعا باعىتتامالى كومەكتەسەتىن وسى كادردىڭ دانەكەر بولۋىندا، جاڭ كى دەرەۋ حوتاندىق 4 بالامەن تۋىستاسادى.

  جاڭ كى بىلاي دەدى: «مەن وقۋ باستالاردان بۇرىن كەلىپ، بالالارعا قاجەتتى كىتاپ، وقۋ قۇرالدارى، كيىم - كەشەك اكەلىپ، بالالاردىڭ كوڭىلدى وقۋىنا مۇمكىندىك جاراتۋدى ءجون كوردىم».

  جاڭ كىنىڭ كەلەرىن بىلگەن ەلمينۇردىڭ وتباسىنداعىلار ەرتە دايىندىق كورىپ، داستارقاندى ساڭزى، مايشۇيكە، جەمىس - جيدەك، جۇمىرتقامەن لىق تولتىردى. «جاڭ كى شەشەمنىڭ سونشاما الىس جەردەن مەنى ىزدەپ كەلەتىنىن ويلاماعان ەدىم، ەرەكشە قۋاندىم»، - دەدى ەلمينۇر.

  تاعى ءبىر بالاسى ابدۇراحمان ءحىلىل وتباسىندا، جاڭ كى ونىڭ قولىنان ۇستاپ تۇرىپ: «ابدۇراحمان، چىڭدۋدا دا ءبىر ءۇيىڭ بار ەكەنىن ۇمىتپا، كەيىن دەمالىسقا تاراعاندا چىڭدۋداعى ۇيىڭە بارىپ، ويناپ قايت، بولا ما؟» دەدى. «ءسوز جوق، بارامىن، ءسىزدىڭ ماعان ارناپ ساۋعا اكەلگەنىڭىزگە راقىمەت». ۇيالشاق ابدۇراحمان ءوزى جاساعان قولونەر بۇيىمىن جاڭ كىعا ۇسىندى ...

  حوتان اۋدانى باقچى قالاشىعى بالالار يگىلىك ورتالىعىندا جاڭ كىنىڭ تاعى 2 بالاسى بار، ولار 14 جاستاعى كايلي مەن 16 جاستاعى ارزىگۇل ەدى، 2 بالا جاڭ كىعا ءبي بيلەپ تاماشا ونەر كورسەتتى. «سەندەر تالانتتى ءارى وتە زەرەك ەكەنسىڭدەر، جاقسى وقىپ، ۇرىمجىدەگى، بەيجيڭدەگى داشۋەلەردەن وقىڭدار، شەشەلەرىڭنىڭ مەكەنى چىڭدۋعا بارىپ وقىڭدار...»، - دەدى جاڭ كى. «ءبىز، ءسوز جوق، قۇلشىنامىز، شەشە، الاڭسىز بولىڭىز»، - دەپ جاۋاپ بەردى بالالار. جاڭ كى ولارعا: تاعى ءبىر ايتارىم، ۇمىتپاي حات جازىپ تۇرىڭدار، حاتتارىڭنان مەن سەندەردىڭ تۇرمىستارىڭنىڭ، ۇيرەنۋلەرىڭنىڭ قانداي ەكەنىن بىلەتىن بولايىن، كوڭىلسىزدىكتەرىڭدى دە حاتقا اشىق جازىڭدار ...

  جاڭ كى بالالارمەن دەن قويا اڭگىمەلەسىپ، ولاردىڭ نەگە اۋەستەنەتىندىگىن، قانداي كىتاپقا قىزىعاتىندىعىن جازىپ الدى. كەلەسى كەزدەسكەندە بالالارعا تارتۋىن الا كەلمەكشى بولدى. جاڭ كى بىلاي دەدى: كوپ ادام مەنەن وسىنشاما شالعايدان بارىپ بالالارمەن تۋىستاستىڭ، مۇنان جالىقپادىڭ با؟ دەپ سۇرادى، راسىندا، مەن سۇيىسپەنشىلىكتە جىلۋلىق بولادى، مەن ولارمەن جولىقتىم، ولار مەنىڭ كوڭىلىمنەن ورىن الدى؛ ولار مەنى كوردى، مەن دە ولاردىڭ كوڭىلىنەن ورىن الدىم. مەن بالالاردىڭ نەشە مىڭ كيلومەتر شالعايدا ءبىر ادامنىڭ ولاردىڭ ەرجەتۋىنە كوڭىل بولىپ وتىرعانىن سەزىنۋىن ءۇمىت ەتەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ساۋدا - زات تاسىمال ورتالىعى ىركىلىسسىز جۇمىس جۇرگىزدى
  • جەدەل جولداما قويشىنىڭ قولىنا ءتيدى — شەكارا وڭىردەگى مالشىلار ەلەكتروندىق ساۋدا كاسىبىنىڭ تيىمدىلىكتەرىنەن يگىلىكتەندى
  • 27-كەزەكتى جۇڭگو جىبەك جولى تۇرپان ءجۇزىم مەرەكەسى باستالدى
  • تيانشان ۇلكەن اڭعارىنا ساياحات
بىزبەن بايلانىس جارناما قىزمەتى لەبىز قالدىرۋ ءبىز تۋرالى