تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

الداعى 5 جىلدا قانداي زاڭدار شىعارىلىپ، قانداي زاڭدارعا وزگەرىس ەنگىزىلەدى؟

مەملەكەتتىك 13 - كەزەكتى حالىق قۇرىلتايىنىڭ تۇراقتى كوميتەتى زاڭ شىعارۋ جوباسىن جاريالادى

   شينحۋا اگەنتتىگىنىڭ 9 - ايدىڭ 7 - كۇنى بەيجيڭنەن بەرگەن حابارى (تىلشىلەر چىن في، لو شا). مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ زاڭ شىعارۋ جوباسى 9 - ايدىڭ 7 - كۇنى جاريالاندى، مۇندا ءتۇرلى زاڭ شىعارۋ نىسانىنان 1166سى قامتىلعان. بۇلاردىڭ اراسىندا ءبىرىنشى تۇردەگى نىساننان 69ى بار، ياعني ولاردىڭ شارت - جاعدايى ءبىرشاما كەمەلدەنگەن، بۇلاردى مەملەكەتتىك 13 - كەزەكتى حالىق قۇرىلتايىنىڭ تۇراقتى كوميتەتى مىندەت وتەگەن مەرزىمى ىشىندە قاراپ تالقىلاۋعا ۇسىنۋدى جوسپارلاپ وتىر.

  بۇل 69 نىسان مەملەكەتتىك حالىق قۇرىلتايىنىڭ ۇيىمدىق زاڭى، مەملەكەتتىك كەڭەستىڭ ۇيىمدىق زاڭى، اماندىق باسقارۋ جازا زاڭى سياقتى وزگەرىس ەنگىزىلەتىن 34 زاڭدى، مەكتەپكە دەيىنگى تاربيە زاڭى، جەكەلىك ينفورماتسيانى قورعاۋ زاڭى سياقتى جاڭادان جاسالاتىن 35 زاڭدى قامتيدى. قازىر نەگىزگى زاڭعا وزگەرىس ەنگىزۋ جوباسى، باقىلاۋ - تەكسەرۋ زاڭى، قاھارمان - قۇربانداردى قورعاۋ زاڭى، جەكەلىك تابىس باجىسى زاڭى سياقتى 7 زاڭ ماقۇلداندى، 12 زاڭنىڭ جوبا نۇسقاسى قاراۋعا تاپسىرىلدى.

  مۇنان سىرت، قىزمەتتى مىقتاپ يگەرىپ، شارت - جاعدايى تولىسقاندا قاراۋعا ۇسىناتىن ەكىنشى تۇرگە كىرگىزىلگەن 47 زاڭ بار، بۇلار وزگەرىس ەنگىزىلەتىن سەرىكتەستىك زاڭى، ساۋدا بانكەلەرى زاڭى، جول - قاتىناس حاۋىپسىزدىگى زاڭى سياقتىلاردى قامتيدى. ال اۋىل - قىستاق كوللەكتيۆ شارۋاشىلىق ۇيىمدارى، قوعامدىق سەنىمدىلىك، جاساندى زەردە، سازدىقتاردى قورعاۋ، وتباسى تاربيەسى سياقتى جاقتارداعى زاڭ شىعارۋ نىساندارى ءۇشىنشى تۇردەگى نىسانعا جاتادى، زاڭ شىعارۋ شارت - جاعدايى ءالى تولىق ازىرلەنبەگەندىكتەن، ۇزدىكسىز زەرتتەۋ جۇرگىزىپ دالەلدەۋدى قاجەت ەتەدى؛ زەرتتەۋ جۇرگىزىپ دالەلدەنگەننەن كەيىن، شارت - جاعداي كەمەلدەنگەندە قاراۋعا ورنالاستىرۋعا بولادى.

  «وتكەن بىرنەشە كەزەك تۇراقتى كوميتەتتەردىڭ زاڭ شىعارۋ جوبالارىمەن سالىستىرعاندا، وسى كەزەكتى زاڭ شىعارۋ جوبالارى تۇراقتاندىرعان زاڭ شىعارۋ نىساندارى، بىرىنشىدەن، سانى كوپ، تىركەلگەن زاڭ شىعارۋ نىساندارى جۋىرداعى بىرنەشە كەزەكتەگىدەن دە كوپ، ەكىنشىدەن، سالماعى اۋىر»، - دەدى مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ ورىنباسار مەڭگەرۋشىسى شۇي انبياۋ. ول: وسى كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مىندەت وتەۋ مەرزىمى «قوس 100 جىلدىق» كۇرەس نىساناسىنىڭ تاريحي توعىسۋ مەزگىلىنە تۋرا كەلەدى، زاڭ شىعارۋ جوباسىندا جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ قاجەتى كوزدە ۇستالۋمەن بىرگە، سوتسياليستىك وسىزاماندانعان مەملەكەتتى جاپپاي قۇرىپ شىعۋدىڭ تىڭ ساپارىن باستاۋدىڭ قاجەتىنە دە كوز جىبەرىلدى، - دەدى.

  زاڭ شىعارۋ جوباسىندا زاڭ شىعارۋ نىساندارىن قاراۋعا تاپسىرۋشى ورگان مەن جوبا نۇسقانى باستاپ جازۋشى ورىن تۇراقتاندىرىلدى. «تياناقتاندىرۋدىڭ شەشۋشى ءتۇيىنى − زاڭ جوباسىن ازىرلەۋشى جانە جوبا نۇسقانى باستاپ جازۋشى ورىن. جوبا نۇسقانى باستاپ جازۋ مىندەتىن ارقالاعان ورىن <مىندەت، ۋاقىت، ۇيىمداستىرۋ، جاۋاپكەرشىلىك> سىندى ءتورتتى تياناقتاندىرۋ تالابى بويىنشا، جوبا نۇسقانى جازۋ قىزمەت جوسپارىن جاساۋى كەرەك، بۇل قىزمەت بارىسىن ورنالاستىرۋ، نەگىزگى ماسەلەلەردى شەشۋدىڭ وي جەلىسى مەن باسقىشتارى، جوبا نۇسقانى جازۋ قىزمەتىنە جاۋاپتى ادام، قاتىناساتىن ورىندار جانە قىزمەت القاسى سياقتىلاردى قامتيدى»، - دەدى شۇي انبياۋ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.