تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ باسشىلارى تاڭداۋلى وقىتۋشى ۋاكىلدەرىنە امانداسا بارىپ، حال سۇرادى

  ونەگە كورسەتىپ، ادام تاربيەلەۋگە تاباندى بولىپ، دارىندىلاردى كوپتەپ جەتىلدىرەيىك، ويداعىداي جەتىلدىرەيىك

  ءتىلشىمىز لي ياڭ 9 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق پارتكوم مەن ۇكىمەتتىڭ ءبىر تۇتاس ورنالاستىرۋىنا ساي، 9 - ايدىڭ 10 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين شينجياڭ پەداگوگيكا داشۋەسىنىڭ پروفەسسورى ءيۇسۇپ ابەيدوللا، شينجياڭ مەديتسينا داشۋەسىنىڭ پروفەسسورلارى جوۋ ميڭشين، گاۋ شياۋلي قاتارلى تاڭداۋلى وقىتۋشى ۋاكىلدەرىنە امانداسا بارىپ، حال سۇرادى، ءۇرىمجى قالالىق 66 - ورتا مەكتەپتەگى، ءۇرىمجى قالالىق 14 - بالاباقشاداعى ءار ۇلت وقىتۋشى - وقۋشىلارعا امانداسا بارىپ، بۇكىل رايونىمىزداعى جالپى وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك سالەم جولدادى جانە وسكەلەڭ قۇرمەت ءبىلدىردى. وقىتۋشىلار مەن وقۋ - اعارتۋ قىزمەتكەرلەرىن مۇرات - سەنىمدى بەكەمدەپ، ونەگە كورسەتىپ، ادام تاربيەلەۋگە تاباندى بولىپ، سوتسياليزم قۇرىلىسشىلارى مەن ءىزباسارلارىن باۋلۋعا، قوعام ورنىقتىلىعى مەن باياندى تىنىشتىقتى جۇزەگە اسىرۋعا تىڭ دا كەسەك ۇلەس قوسۋعا ىنتالاندىردى.

  لي پىڭشين بىلاي دەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، بۇكىل رايونىمىزدا جوعارىدان تومەنگە دەيىن نازاردى باس نىساناعا شوعىرلاندىرىپ، كەشەندى شارالار قولدانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىن بار كۇشپەن ىلگەرىلەتتى، بۇكىل رايونىمىزدا ورنىقتىلىقتىڭ يگىلىگى ۇزبەي ىسكە اسىپ، ەكونوميكا ۇزدىكسىز اقاۋسىز دامىپ، ءار ۇلت حالقى شات - شادىمان ءومىر كەشىرۋدە. قول جەتكەن وسى ناتيجەلەردى جالپى وقىتۋشىلار مەن وقۋ - اعارتۋ قىزمەتكەرلەرىنىڭ قاجىرلى ەڭبەگىنەن جانە قالتقىسىز ۇلەسىنەن بولە قاراۋعا بولمايدى. جالپى وقىتۋشىلارىڭ اۋەلگى ماقساتتى ۇمىتپاي، قاسيەتىن ماڭگى ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تاباندى سەنۋشىسى، ادالدىقپەن امالياتتا ايگىلەۋشىسى، بەلسەندى تاراتۋشىسى بولىپ، ونەگە كورسەتىپ، ادام تاربيەلەۋ ءتۇبىرلى مىندەتىن ويداعىداي تياناقتاندىرىپ، جۇڭگوشا سوتسياليستىك شينجياڭ قۇرۋعا دارىندىلاردى كوپتەپ جەتىلدىرۋىن، ويداعىداي جەتىلدىرۋىن ءۇمىت ەتەمىن.

  لي پىڭشين مىنالاردى باسا دارىپتەدى: عاسىرلىق ۇلى جوسپار وقۋ - اعارتۋدى نەگىز ەتەدى؛ وقۋ - اعارتۋ ۇلى جوسپارى وقىتۋشىلاردى نەگىز ەتەدى. يدەيا - ساياسي قىزمەت جۇيەسى قۇرىلىسىن باسشىلىققا الىپ، پاندەر جۇيەسى، وقىتۋ جۇيەسى، وقۋلىق جۇيەسى، باسقارۋ جۇيەسى قۇرىلىسىن ءبىر تۇتاس ىلگەرىلەتىپ، مامانداردىڭ، وقىمىستىلاردىڭ اقىل - پاراساتىن، دارىنىن تولىق ساۋلەلەندىرۋىنە كەڭ تۇعىر ازىرلەۋ كەرەك. وقىتۋشىلار قوسىنى قۇرىلىسىن كۇشەيتىپ، ساقا وقىتۋشىلاردىڭ ۇيرەتۋ، كومەكتەسۋ، جەتەكتەۋ رولىن تولىق ساۋلەلەندىرىپ، ادال، كىرشىكسىز، جاۋاپكەرلىك ارقالايتىن، كاسىپتە ىسىلعان وقىتۋشىلار قوسىنىن باۋلۋعا قۇلشىنۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ حال سۇراۋعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.