الداعى 3 جىلدا شينجياڭعا، كەم دەگەندە، 20 ميلليارد يۋان قارجى قوسادى
ءتىلشى ۋاڭ يۇڭفەي 9 - ايدىڭ 10 - كۇنى ۇرىمجىدەن حابارلايدى. 9 - ايدىڭ 10 - كۇنى اۆتونوميالى رايوندىق حالىق ۇكىمەتى مەن جۇڭگو حالىق قامسىزداندىرۋ توبى شەكتى جارنا سەرىكتەستىگى ستراتەگيالىق سەلبەستىك كەلىسىمىنە قول قويىستى، ەكى جاق قامسىزداندىرۋ كاسىبى، قارجى قوسۋ، قارجى توپتاۋ، دارىندىلار اۋىس - كۇيىسى سياقتى سالالاردا سەلبەستىك ورتاق تانىمىنا كەلدى.
وسى رەتكى كەلىسىمگە قول قويىلۋى اۆتونوميالى رايوندىق حالىق ۇكىمەتى مەن جۇڭگو حالىق قامسىزداندىرۋ توبى شەكتى جارنا سەرىكتەستىگى سەلبەستىگىنىڭ تىڭ ساتىعا قادام تاستاعاندىعىن بەينەلەيدى. كەلىسىمگە نەگىزدەلگەندە، جۇڭگو حالىق قامسىزداندىرۋ توبى شەكتى جارنا سەرىكتەستىگى اۋىل شارۋاشىلىعىن الۋەتتەندىرۋگە، اۋىل - قىستاقتارعا تيىمدىلىك جەتكىزۋگە، شارۋالاردى بايىتۋعا قىزمەت كورسەتۋ، كەدەيلىكتەن قۇتىلدىرۋدان قامال الۋعا كۇش ۇستەۋ، جەرگىلىكتى ورىننىڭ حالىق تۇرمىسىن جاقسارتۋىنا قىزمەت كورسەتۋ، قوعامدى جونگە سالۋعا بەلسەنە ات سالىسۋ، جەرگىلىكتى ورىن ەكونوميكاسىنىڭ تيبىن وزگەرتىپ، دارەجەسىن جوعارىلاتۋىنا قولداۋ كورسەتۋ، فينانس، عىلىم - تەحنيكا سالالارىندا سەلبەستىك جاساۋ سياقتى جاقتاردا اۆتونوميالى رايوندى بار كۇشپەن قولدايدى؛ جۇڭگو حالىق قامسىزداندىرۋ توبى شەكتى جارنا سەرىكتەستىگى الداعى 3 جىلدا شينجياڭعا، كەم دەگەندە، 20 ميلليارد يۋان قارجى قوسۋدى ءارى ءتۇرلى فورمالار ارقىلى اۆتونوميالى رايوننىڭ نەگىزدىك قۇرىلعىلارىنا قارجى قوسۋ ىستەرىنە، ءتۇيىندى نىسان قۇرىلىستارىنا بەلسەنە ات سالىسۋدى جوسپارلادى؛ ەكى جاق وزدەرىنىڭ دارىندى جاعىنداعى ابزالدىلىقتارىن اناعۇرلىم ساۋلەلەندىرىپ، ءوزارا دارىندى جىبەرۋ، ءوزارا اۋىس - كۇيىس جاساۋ مەحانيزمىن ورناتىپ، قىزمەت جاقتان شىڭالۋعا جانە كاسىپتىك بارىس - كەلىس جاساۋعا ءوزارا ادام جىبەرىپ، كاسىپتىك جاقتاعى سەلبەستىكتى كۇشەيتەدى.
جۇڭگو حالىق قامسىزداندىرۋ توبى شەكتى جارنا سەرىكتەستىگى پارتكومىنىڭ شۋجيى، باسالقا مياۋ جيانمين، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين قول قويىسۋ سالتىنا قاتىناستى. جاقىنعى 5 جىلدان بەرى، جۇڭگو حالىق قامسىزداندىرۋ توبى شەكتى جارنا سەرىكتەستىگى اۆتونوميالى رايونىمىزدىڭ ءتۇيىندى سالالارىن جانە كەدەيلىكتەن قۇتىلدىرۋدان قامال الۋىن قولداۋ تەبىنىن ۇزدىكسىز كۇشەيتىپ، جالپى تولەگەن قامسىزداندىرۋ تولەمى 22 ميلليارد يۋاننان اسقان.
