مەملەكەت ءتوراعاسى شي جينپيڭ 9 - ايدىڭ 12 - كۇنى ۆلاديۆوستوكتا رەسەيدىڭ زۇڭتۇڭى پۋتينمەن بىرگە «تەڭىز - مۇحيت» بۇكىل رەسەيلىك بالالار ورتالىعىنا باردى. سۋرەتتە: شي جينپيڭ مەن پۋتين جۇڭگو - رەسەي جاستارى مەن ورەندەرى ۋاكىلدارىمەن جانە ورتالىقتاعى وقىتۋشى - قىزمەتكەرلەر ۋاكىلدەرىمەن سۋرەتكە ءتۇسىپ ەستەلىك قالدىردى.
شينحۋا اگەنتتىگىنىڭ 9 - ايدىڭ 12 - كۇنى ۆلاديۆوستوكتان بەرگەن حابارى (تىلشىلەر ليۋ حۋا، مىڭ نا، حاۋ ۋيۋي). مەملەكەت ءتوراعاسى شي جينپيڭ 9 - ايدىڭ 12 - كۇنى ۆلاديۆوستوكتا رەسەيدىڭ زۇڭتۇڭى پۋتينمەن بىرگە «تەڭىز - مۇحيت» بۇكىل رەسەيلىك بالالار ورتالىعىنا باردى.
شي جينپيڭ بۇل اراعا كەلگەندە، پۋتين ونى ىقىلاسپەن قارسى الدى. ەكى ەلدىڭ مەملەكەت باسشىلارى كەزىندەگى جۇڭگوداعى جەر سىلكىنىسى اپاتى تۋىلعان وڭىردەگى بالالار رەسەيدە ەمدەلگەن - كۇتىمدەلگەندەگى جاعدايلاردان تۇسىرىلگەن قابىرعا تام سۋرەتتەرىن ەكسكۋرسيالاعاننان كەيىن، تەاترحاناعا بىرگە بارىپ، «تەڭىز - مۇحيت» بۇكىل رەسەيلىك بالالار ورتالىعىنىڭ ۋىنچۋان جەر سىلكىنىسى اپاتى تۋىلعان وڭىردەگى بالالاردى قابىلداعاندىعىنىڭ 10 جىلدىعىن ەسكە ءتۇسىرۋ سالتىنا قاتىناستى.
قىزۋ شاپالاق جانە الاقاي ۇنىندە ەكى ەلدىڭ مەملەكەت باسشىلارى جەكە - جەكە ءسوز سويلەدى.
شي جينپيڭ مىنانى اتاپ كورسەتتى: جۇڭگو مەن رەسەي شەكارالاس، تار جول، تايعاق كەشۋدەن بىرگە وتكەن جاقىن كورشى، جاقسى سەرىك. ەكى ەلدىڭ حالقى بىرىنە - ءبىرى قارايلاسىپ، ازاپ - ميحىناتتى بىرگە كەشىپ، جان تەبىرەنتەرلىكتەي كوپتەگەن اڭگىمە جازدى. 2008 - جىلى جۇڭگونىڭ ۋىنچۋان اۋدانىندا جەر سىلكىنىسى تۋىلعاننان كەيىن، رەسەي جاقتىڭ قۇتقارۋ - كومەكتەسۋ اترەتى اپات تۋىلعان وڭىرگە تىزگىن ۇشىندا جەتىپ كومەكتەستى. رەسەي ۇكىمەتىنىڭ ۇسىنىسىمەن، اپات تۋىلعان وڭىردەگى ورتا، باستاۋىش مەكتەپ وقۋشىلارىنان 996 بالا «تەڭىز - مۇحيت» بۇكىل رەسەيلىك بالالار ورتالىعىنا كەلىپ ەمدەلىپ - كۇتىمدەلىپ، «تەڭىز - مۇحيت» ولارعا ماڭگى ەستەن كەتپەستەي ەستەلىك قالدىردى. بۇل جۇڭگو - رەسەي قارىم - قاتىناسىنىڭ دامۋ تاريحى، سونداي - اق ەكى ەل جاستارى مەن ورەندەرىنىڭ قويۋ بارىس - كەلىس جاساسۋ تاريحى. تاياۋ جىلداردا جۇڭگو - رەسەي جاستارى مەن ورەندەرىنىڭ اۋىس - كۇيىسى بارعان سايىن قويۋلاپ، ءوزارا ءتۇسىنىسۋدى جانە دوستىقتى كۇشەيتتى.
شي جينپيڭ مىنانى باسا دارىپتەدى: جاستار مەن ورەندەر − مەملەكەتتىڭ بولاشاعى، جۇڭگو - رەسەي دوستىعىنىڭ بولاشاعى، دۇنيە ءجۇزىنىڭ بولاشاعى. ەكى ەل جاستارى مەن ورەندەرىنىڭ جاستىقتى قاستەرلەپ، قاجىرلىلىقپەن ۇيرەنىپ، بەلسەنە قۇلشىنىپ، ەرتەرەك مەملەكەتتىڭ تىرەكتى دارىندىسى بولۋىن؛ اۋىس - كۇيىستى كۇشەيتىپ، ءوزارا ءتالىم الىپ، بىرگە العا باسىپ، ءبىر نيەتپەن سەلبەسىپ، جۇڭگو - رەسەي دوستىعى ىستەرىنىڭ ءىزباسارلارى بولۋىن، جۇڭگو مەن رەسەيدىڭ ۇرپاقتان - ۇرپاققا جالعاسقان دوستىق ۇلى ىستەرىن عاسىرلار بويى جالعاستىرۋىن، ۇلاستىرا بەرۋىن؛ تۇرلىشە وركەنيەت اۋىس - كۇيىسىنە، كەڭەسىنە قۇلشىنا قاتىناسىپ، ادامزاتتىڭ تاعدىرلاس ورتاق تۇلعاسىن قۇرۋعا جاستىق كوكتەمىن، اقىل - پاراساتىن جانە كۇش - قۋاتىن ارناۋىن ءۇمىت ەتەمىن. ەڭ سوڭىندا، شي جينپيڭ وسى ورتالىقتىڭ وقىتۋشىلارى مەن وقۋشىلارىن جۇڭگوعا بارىپ قوناق بولۋعا، دوستىقتىڭ جاڭا پاراعىن جازۋعا ۇسىنىس ەتتى.
پۋتين مىنانى ءبىلدىردى: رەسەي مەن جۇڭگو ءوزارا سەنىم ارتاتىن، ءوزارا سەلبەستىك جاساساتىن دوستىق قارىم - قاتىناس قالىپتاستىردى. ەكى ەل جاستارى مەن ورەندەرىنىڭ دوستىق اۋىس - كۇيىسى ەكى ەل قارىم - قاتىناسى ءۇشىن اناعۇرلىم بەرىك نەگىز قالايدى، رەسەي - جۇڭگو قارىم - قاتىناسىنىڭ بولاشاعى جونىنەن ايرىقشا ماڭىزدى. ءبىزدىڭ جاستار مەن ورەندەردى ەلدەرىمىزگە كەلىپ ءوزارا ەمدەلۋگە - كۇتىمدەلۋگە ۇسىنىس ەتۋ ءداستۇرىمىز بار. رەسەي - جۇڭگو جاستارى مەن ورەندەرىنىڭ ەكى ەل حالقىنىڭ تەرەڭ ءداستۇرلى دوستىعىنا مۇراگەرلىك ەتىپ، ساۋلەلەندىرۋىن، دامىتۋىن ءۇمىت ەتەمىن.
وسىندا قويىلعان كەسكىندەر ەكى ەلدىڭ مەملەكەت باسشىلارىنا جانە كورەرمەندەرگە 10 جىلدىڭ الدىنداعى قالتقىسىز سۇيىسپەنشىلىك پەن ماحابباتقا تولى كۇندەردى ەلەستەتتى. جەرگىلىكتى وقۋشىلار رەسەيدىڭ ىستىق ىقىلاستى حالىقتىق ءبيى «كارينكانى» بيلەدى. سول جىلدارى «تەڭىز - مۇحيتتا» ەمدەلگەن - كۇتىمدەلگەن ورەندەر قازىر ەرجەتتى، ولاردىڭ ۋاكىلدەرى بۇگىن كەزىندە وزدەرىنە مەيىر باعىشتاعان وسى جەرگە قايتا ورالىپ، ورتالىقتىڭ وقىتۋشى - قىزمەتكەرلەرىمەن بىرگە «العىسقا تولى جۇرەك» حورىن شىرقادى، ءان داۋىسىندا سۇيىسپەنشىلىكتى اقتاۋ مەن دوستىقتى قاستەرلەۋ بەينەلەندى. 2008 - جىلعى ۋىنچۋانداعى جەر سىلكىنىسىنەن كەيىن ورتالىقتا ەمدەلىپ - كۇتىمدەلىپ جاتقان شي جۇنفي ءوزىنىڭ «تەڭىز - مۇحيت» ورتالىعىمەن قالاي تەرەڭ سۇيىسپەنشىلىك ورناتقاندىعىن اڭگىمەلەدى: سول جىلى ول قاعازعا ەرجەتكەندە رەسەيگە بارىپ وقىپ، جۇڭگو - رەسەي دوستىعى ءۇشىن ۇلەس قوساتىندىعى جونىندەگى ارمانىن جازعان، وسى قاعاز سالىنعان قۇمىرا تەڭىزدە 4 اي قالقىپ، سوڭىندا «تەڭىز - مۇحيت» ورتالىعىنداعى قىزمەتكەرلەردىڭ قولىنا قايتىپ كەلگەن. قازىر ونىڭ ارمانى ورىندالىپ، قيىر شىعىس فەدەراتسيالىق داشۋەسىنىڭ 4 - جىلدىعىندا وقيدى. سودان كەيىن، جۇڭگو - رەسەي ەلدەرىنىڭ جاستار مەن ورەندەر ۋاكىلدەرىمەن جانە ورتالىقتىڭ وقىتۋشى - قىزمەتكەرلەر ۋاكىلدەرىمەن بىرگە «جۇڭگو - رەسەي جاستار مەن ورەندەر ۇرپاقتان - ۇرپاققا جالعاسقان دوستىق جارناماسىن» وقىپ، «ىنتىماقتاسىپ، سەلبەسىپ، دۇنيە ءجۇزىنىڭ بەيبىتشىلىگى مەن دامۋىن قورعاپ، جۇڭگو مەن رەسەيدىڭ تاتۋلىعى مەن دوستىعىن ۇرپاقتان - ۇرپاققا جالعاستىرىپ، دۇنيە ءجۇزىنىڭ بارىنشا كوركەم بولاشاققا قادام تاستاۋىن ىلگەرىلەتەمىز» دەپ ۋادە بەردى. ورتالىقتىڭ وقىتۋشى - قىزمەتكەرلەرى جاندى دا جالىندى «ءبىز ۋىلجىعان جاستارمىز» دەگەن ءبي بيلەدى. ويىن - ساۋىق جينالعان كوپشىلىكتىڭ بالالار ورتالىعىنىڭ ءانى − «<تەڭىز - مۇحيت> ءانىن» بىرگە شىرقاۋىمەن اياقتالدى.
شي جينپيڭ مەن پۋتين وقىتۋ عيماراتىنا كەلىپ، جۇڭگونىڭ جەر سىلكىنىسى اپاتىنا ۇشىراعان وڭىردەن كەلگەن بالالاردىڭ ورتالىقتا ەمدەلىپ، كۇتىمدەلىپ جاتقان كەزدەرىندە جاساعان قولونەر بۇيىمدارىن تاماشالاپ، اپاتقا ۇشىراعان وڭىردەگى جاستار مەن ورەندەر ۋاكىلدەرىنە جانە سول كەزدەگى ولاردى قابىلداۋ قىزمەتىنە قاتىناسقان ورتالىقتىڭ وقىتۋشى - قىزمەتكەرلەر ۋاكىلدەرىمەن امانداستى. ەكى ەل باسشىلارىنىڭ وزدەرىنە امانداسا كەلگەنىن كورىپ، ولار ايرىقشا تەبىرەندى. ەكى ەل باسشىلارى ولارمەن ىقىلاستى اڭگىمەلەسىپ، جۇڭگو مەن رەسەي حالقىنىڭ تەرەڭ دوستىعىن جوعارى باعالاپ، كوپشىلىكتى ەكى ەل حالقىنىڭ دوستىعىنىڭ ەلشىسى بولۋعا شابىتتاندىردى. پۋتين جاستار مەن ورەندەر ۋاكىلدەرىنە بىلاي دەدى: بۇگىن مەن ءتوراعا شي جينپيڭمەن بىرگە سەندەردىڭ ارالارىڭا كەلىپ تۇرمىن، مۇنىڭ ءمانى زور، ايرىقشا باعالى. 2008 - جىلى ءبىز سەندەردى ءوز تۋىسىمىزداي كورىپ قابىلدادىق، ال قازىر سەندەردىڭ جانارلارىڭداعى تولقىعان جاس مونشاعى مەنىڭ جانە ءتوراعا شي جينپيڭنىڭ قاجىماي - تالماي جۇرگىزگەن قۇلشىنىسىمىزدىڭ ناتيجەگە قول جەتكىزگەندىگىن تاعى دا دالەلدەدى، سونداي - اق رەسەي مەن جۇڭگو حالقىنىڭ ەكى ەلدىڭ دوستىعىن بەكەمدەۋ، تەرەڭدەتۋ سىندى ىزگى ارمانىن بەينەلەدى.
شي جينپيڭ مىنانى اتاپ كورسەتتى: بۇگىنگى قيمىل تىم ەرەكشە، ول جۇڭگو - رەسەي حالقى اراسىنداعى ۇلى سۇيىسپەنشىلىكتىڭ تەرەڭ تامىر تارتىپ، بۇرشىك جارىپ، گۇل اشىپ، جەمىس بەرگەنىن ايگىلەدى. جۇڭگودا «سۋ ىشكەندە قۇدىق قازۋشىنى ۇمىتپا» دەگەن ءسوز بار، ال بۇل جەر «تەڭىز - مۇحيت»، سەندەر شەكسىز سۇيىسپەنشىلىك ارقىلى رەسەي حالقىنىڭ ءۇمىتىن اقتاۋلارىڭ، وتاندارىڭنىڭ ءۇمىتىن اقتاۋلارىڭ كەرەك. مايدانداعى جاستار مەن ورەندەر جانە وقىتۋشى - قىزمەتكەرلەر ەكى ەل باسشىلارىنىڭ ءسوزىن ەستىپ، ءالسىن - ءالى باستارىن يزەپ، كوزدەرىنە ىستىق جاس الدى. ولار ءبىر اۋىزدان ەكى ەل باسشىلارىنىڭ كۇتكەن ۇمىتىنەن شىعاتىندىقتارىن، مەملەكەتتىڭ تىرەگى، جۇڭگو - رەسەي دوستىعىنىڭ تاراتۋشىلارى بولاتىندىقتارىن ءبىلدىردى.
«تەڭىز - مۇحيت» بۇكىل رەسەيلىك بالالار ورتالىعى رەسەي فەدەراتسياسى وقۋ - اعارتۋ مينيسترلىگىنىڭ قاراستىلىعىنداعى 4 ۇلكەن بالالار ورتالىعىنىڭ ءبىرى. 2008 - جىلى جۇڭگونىڭ ۋىنچۋان اۋدانىندا جەر سىلكىنىسى تۋىلعاننان كەيىن، رەسەي ۇكىمەتىنىڭ ۇسىنىسىمەن جۇڭگونىڭ سىچۋان، گانسۋ قاتارلى جەرلەرىندەگى اپاتقا ۇشىراعان وڭىردەن كەلگەن 2000عا جۋىق بالا ىلگەرىندى - كەيىندى ورتالىققا ەمدەلۋگە، كۇتىمدەلۋگە كەلدى. 2013 - جىلى سىچۋاننىڭ يا - ان قالاسىندا جەر سىلكىنىسى تۋىلعاننان كەيىن، اپاتقا ۇشىراعان وڭىردەن كەلگەن 299 بالا ۇسىنىسپەن ورتالىققا كەلىپ ەمدەلىپ، كۇتىمدەلدى. ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىستى قيمىلدارعا قاتىناستى.
