تيانشان تورى   ›   زاڭ تارازى   ›   زاڭنان كەڭەس

رايونىمىز كەدەيلەردى سۇيەمەلدەۋ سالاسىنداعى فورماشىلدىققا، تورەشىلدىككە ساياتىن 8 تيپتىك دەلونى اشىق جاريالادى

  ءوز حابارىمىز. جۋىردا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى كەدەيلەردى سۇيەمەلدەۋ سالاسىنداعى فورماشىلدىققا، تورەشىلدىككە ساياتىن 8 تيپتىك دەلونى اشىق جاريالادى. بۇل 8 تيپتىك دەلو مىنالار:

  1. اقتاۋ اۋدانى قاراكەشىك اۋىلدىق پارتكومنىڭ بۇرىنعى شۋجيى يان دۇڭنىڭ، پارتكومنىڭ بۇرىنعى ورىنباسار شۋجيى، اۋىل باستىعى اكپار امەتتىڭ كەدەيلىكتەن قۇتىلدىرۋدان قامال الۋ ساياساتىن، شارالارىن دايەكتىلەندىرۋدە، اتقارۋدا دارمەنسىزدىك ىستەۋ قاتارلى ماسەلەلەرى. 2016 - جىلى 3 - ايدا قاراكەشىك اۋىلى بەيقۇت ءۇي سالىپ، حالىقتى اۋقاتتاندىرۋ بويىنشا سالىناتىن ۇيلەردىڭ سالىنۋ ۇلگىسىن ءوز بەتىنشە وزگەرتىپ، شوعىرلى، ءبىر تۇتاس سالۋ فورماسىندا كوپ قاباتتى 161 ءۇي سالعاندا، 34 مىڭ يۋاننان 83 مىڭ يۋانعا دەيىنگى اقشانى تۇرعىنداردىڭ وزدەرىنە كوتەرتىپ، بۇقارانىڭ اۋىرتپالىعىن اۋىرلاتقان؛ قۇرىلىس قاراجاتىنىڭ كەمدىگى ءبىرشاما اۋىر بولعاندىقتان، سۋ، ەلەكتر، جول سياقتى قوسىمشا قۇرىلىستار قازىرگە دەيىن سالىنىپ بولماي، قىستاق تۇرعىندارى ۇيلەرگە كوشىپ كىرۋگە شاراسىز قالعان. مۇنان سىرت، 2015 - جىلى 12 - ايدان 2016 - جىلى 9 - ايعا دەيىن، بۇل اۋىل اۋلا شارۋاشىلىعى، شەبەرلىككە باۋلۋ سياقتى كەدەيلەردى سۇيەمەلدەۋ نىساندارىنىڭ قاراجاتىنان ءبىر ميلليون 534 مىڭ 800 يۋاندى باسقا قىزمەتتىك شىعىستارعا اينالدىرىپ پايدالانعان. يان دۇڭ مەن اكپار امەت قاراكەشىك اۋىلدىق پارتكوم مەن ۇكىمەتتىڭ نەگىزگى باسشىلارى بولا تۇرا، كەدەيلىكتەن قۇتىلدىرۋدان قامال الۋدىڭ ساياسات - شارالارىن دايەكتىلەندىرۋدە، اتقارۋدا كەمەيتۋ، وزگەرتۋ جايتتەرىن تۋدىرىپ، بۇقارانىڭ مۇددەسىنە زيان سالعان. 2018 - جىلى 7 - ايدا يان دۇڭ مەن اكپار امەتكە پارتيا ىشىندەگى مىندەتىنەن قالدىرۋ، اكىمشىلىك مىندەتىنەن قالدىرۋ جازاسى بەرىلىپ، ورىنباسار ءبولىم دارەجەلى باسشىلىق ەمەس مىندەتكە تومەندەتىلدى.

  2. قۇلجا اۋداندىق ورمان شارۋاشىلىق مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى رانا ابلەكىمنىڭ كەدەيلەردى سۇيەمەلدەۋ نىسانىنىڭ تيىمدىلىگىنەن يگىلىكتەنەتىن وتباسىلارىن تەكسەرۋدە قاتاڭ بولماۋ، باقىلاۋدا دارمەنسىزدىك ىستەۋ ماسەلەسى. 2015 - جىلى 3 - ايدا رانا ابلەكىم تۇرپانيۇزى اۋىلدىق پارتكومنىڭ ورىنباسار شۋجيى، اۋىل باستىعى مىندەتىن وتەپ تۇرعان كەزىندە، وسى اۋىلدىڭ تۇرپانيۇزى قىستاعى جوعارىعا تاپسىرعان ارحيۆ تۇرعىزىلىپ، كارتچكە بەرىلگەن كەدەي وتباسىلارىنىڭ تىزىمدىگىن تەكسەرۋدە وتكەلدى قاتاڭ مەڭگەرمەي، كەدەيلەردى سۇيەمەلدەۋ بۇيىمدارىن تاراتۋدى باقىلاۋدا دارمەنسىزدىك ىستەپ، كەدەيلەردى سۇيەمەلدەۋگە ارنالعان 100 سيىردىڭ كەدەي ەمەس وتباسىلارىنا ءبولىنۋىن كەلتىرىپ شىعارىپ، كەدەي وتباسىلارىنىڭ مۇددەسىنە زيان سالعان. 2018 - جىلى 8 - ايدا رانا ابلەكىمگە پارتيا ىشىندە ەسكەرتۋ بەرۋ جازاسى بەرىلدى.

  3. قۇتىبي اۋدانى تورعايتى قالاشىعى پارتكومىنىڭ مۇشەسى، حالىق قۇرىلتايىنىڭ ءتوراعاسى مۇراتقان جانىمقان ۇلىنىڭ قىزمەت مىندەتىن ادا ەتۋدە دارمەنسىزدىك ىستەپ، كەدەيلەردى سۇيەمەلدەۋ قارجىسىنىڭ پايدالانىلماي تۇرىپ قالۋىن، ىسىراپ بولۋىن كەلتىرىپ شىعارۋ ماسەلەسى. 2016 - جىلى 12 - ايدا تورعايتى قالاشىعى شيگوۋ قىستاعى 500 مىڭ يۋاندىق ۇلتتىق كەستە نىسانىن اتقارعان، مۇندا قۇنى 256 مىڭ 700 يۋان كەلەتىن 24 كەستە تىگىن ماشيناسىن، جيەكتەۋ ماشيناسىن ساتىپ الىپ، توقىماشىلىق كاسىپورىندارىمەن سەلبەسۋ فورماسىن جولعا قويىپ، 41 كەدەي وتباسى جابدىق ارقىلى ۇلەسكەر بولىپ، پايدانى سالىستىرما بويىنشا بولىسەتىن بولعان. سايكەستى قۇرىلعى كەمەلدى بولماۋ، ىزىنە ءتۇسىپ قىزمەت كورسەتۋ تىڭعىلىقتى بولماۋ سەبەبىنەن 24 تىگىن ماشيناسى 13 اي بويى پايدالانىلماي تۇرىپ قالىپ، كەدەيلەردى سۇيەمەلدەۋ نىسانىنىڭ كەدەي وتباسىلارىنىڭ كەدەيلىكتەن قۇتىلىپ بايۋىن جەبەۋ رولى ساۋلەلەنبەگەن. مۇراتقان جانىمقان ۇلى تورعايتى قالاشىعىنىڭ كەدەيلەردى سۇيەمەلدەۋ قىزمەتىنە جاۋاپتى باسشى رەتىندە بۇل ىستە نەگىزگى جاۋاپكەرشىلىك ارقالاۋعا ءتيىس. 2018 - جىلى 6 - ايدا مۇراتقان جانىمقان ۇلىنا پارتيا ىشىندە ەسكەرتۋ بەرۋ جازاسى بەرىلدى.

  4. تولى اۋداندىق ۇلت، ءدىن ىستەرى كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى دۋمان تاۋقان ۇلىنىڭ از ۇلتتاردى وركەندەتۋ، كەدەيلەردى سۇيەمەلدەۋ نىسانىن باقىلاۋ - باسقارۋدا قىزمەتىن، جاۋاپكەرشىلىگىن اتقارماۋ ماسەلەسى. 2017 - جىلى 3 - ايدا تولى اۋداندىق ۇلت، ءدىن ىستەرى كوميتەتى وشەتى اۋىلى داربىتى قىستاعىنا از ۇلتتاردى اۋلا شارۋاشىلىعىن دامىتۋ ارقىلى كەدەيلەردى سۇيەمەلدەۋ نىسانىن 20 كەدەي وتباسىنا ءبولىپ، ءار وتباسىنا 25 مىڭ يۋان جاردەماقى بەرۋدى تالاپ ەتكەن. نىساندى اتقارۋ بارىسىندا دۋمان تاۋقان ۇلى قۋزاۋ - تەكسەرۋدە دارمەنسىزدىك ىستەپ، باقىلاۋ - باسقارۋ جاۋاپكەرشىلىگىن اتقارماۋ سەبەبىنەن كەدەيگە جاتپايتىن 18 وتباسى وسى نىساننان يگىلىكتەنىپ، كەدەي وتباسىلارىنىڭ مۇددەسى زياندالعان. 2018 - جىلى 8 - ايدا دۋمان تاۋقان ۇلىنا پارتيا ىشىندە ەسكەرتۋ بەرۋ جازاسى بەرىلدى.

  5. ۇلىقشات اۋداندىق مال شارۋاشىلىق - مال شيپاگەرلىك مەكەمەسى پارتيا باسشىلىق گرۋپپاسىنىڭ بۇرىنعى شۋجيى، ورىنباسار مەكەمە باستىعى حوۋ دىليننىڭ كەدەيلەردى سۇيەمەلدەۋ نىسانىن جۇرگىزۋ بارىسىندا مىندەتىن اتقارۋدا دارمەنسىزدىك ىستەۋ ماسەلەسى. 2017 - جىلى 4 - ايدان 11 - ايعا دەيىن، حوۋ دىلين بۇكىل اۋدانداعى كەدەيلەردى سۇيەمەلدەۋدەگى ەسەك ساتىپ الۋ، ءوسىرۋ نىسانىنا جاۋاپتى بولعان كەزدە، قىزمەتتە جاۋاپكەرسىزدىك ىستەپ، ستيلى ناقتى بولماي، تەكسەرىپ وتكىزىپ الۋدا قاتاڭ بولماعان، ىندەتتىڭ الدىن الۋ جانە ونى ەمدەۋ شاراسى تىڭعىلىقتى بولماعاندىقتان، قودىقتاعان ەسەكتەردى كەدەي وتباسىلارىنا ءبولىپ بەرگەننەن كەيىن ىلگەرىندى - كەيىندى 120دان استام ەسەك اۋىرىپ ولگەن. كەدەيلەردى سۇيەمەلدەۋگە تاراتىلعان ەسەكتەر اۋىرىپ ولگەنىن ەستىگەننەن كەيىن دە، حوۋ دىلين توقتامداعى شارت بويىنشا مەردىگەر بولعان جاقتى قۇتقارۋ شارالارىن ىستەۋگە قۋزاۋدىڭ ورنىنا مەردىگەر بولعان جاققا تورتكە ءبولىپ 450 مىڭ يۋان كەپىلدىك اقشا تۇسىرگەن. 2018 - جىلى 8 - ايدا حوۋ دىلينگە پارتيا ىشىندەگى مىندەتىنەن قالدىرۋ، اكىمشىلىك مىندەتىنەن قالدىرۋ جازاسى بەرىلىپ، ورىنباسار ءبولىم دارەجەلى باسشىلىق ەمەس مىندەتكە تومەندەتىلدى.

  6. اراسان اۋدانى اڭگىلىك قالاشىق پارتكومىنىڭ مۇشەسى داڭ تۇڭ - اڭنىڭ قىزمەت مىندەتىن، جاۋاپكەرشىلىگىن اتقارماۋ، رەتتەۋ - تۇزەتۋدە سالعىرتتىق ىستەۋ سياقتى ماسەلەلەرى. 2017 - جىلى 4 - ايدان بەرى، داڭ تۇڭ - اڭ اڭگىلىك قالاشىعىنىڭ بەيقۇت ءۇي سالىپ، حالىقتى اۋقاتتاندىرۋ بويىنشا ءۇي سالۋ قىزمەتىنە جاۋاپتى بولعان، قىزمەتكە ءمان بەرمەي، تەكسەرۋدە قاتاڭ بولماي، باقىلاۋ - باسقارۋ جاۋاپكەرشىلىگىن اتقارماعاندىقتان، وسى قالاشىقتىڭ تولى قىستاعىندا بەيقۇت ۇيلەردى سالعاندا توپىراق - شاعىلدان داۋال تۇرعىزۋداي اۋىر ساپا ماسەلەسى تۋىلعان. وبلىستىق، اۋداندىق ەكى دارەجەلى قاتىستى تاراۋلار تەكسەرۋدەن كەيىن اڭىس ەتكەندە، ول كەرەناۋ پوزيتسيا قولدانىپ، قارسىلاسۋ يدەياسىندا بولىپ، سالعىرتتىق ىستەپ، رەتتەۋ - تۇزەتۋگە سايكەسۋى تىڭعىلىقتى بولماعان. 2018 - جىلى 7 - ايدا داڭ تۇڭ - اڭعا پارتيا ىشىندە قاتاڭ ەسكەرتۋ بەرۋ جازاسى بەرىلدى.

  7. شەريا اۋدانى جاقا اۋىلى اشى قىستاعى پارتيا ياچەيكاسىنىڭ شۋجيى نازىر توحتىقۇرباننىڭ كەدەي وتباسىلارىن انىقتاۋ قىزمەتىندە قول ۇشىمەن ىستەۋ سياقتى ماسەلەلەرى. 2017 - جىلى 3 - ايدا، 9 - ايدا نازىر توحتىقۇربان وسى قىستاقتاعى كەدەيلەردىڭ ءمان - جايىن انىقتاپ تەكسەرىپ، دالمە - ءدال تۇراقتاندىرۋ قىزمەتىنە جاۋاپتى بولعان كەزدە، كەدەيلىكتەن قۇتىلدىرۋدان قامال الۋ قىزمەتىنە تولىق ءمان بەرمەي، تياناقتاندىرۋدا دارمەنسىزدىك ىستەپ، تەكسەرۋدە قاتاڭ بولماي، بۇكىل قىستاقتاعى ارحيۆ تۇرعىزىلىپ، كارتچكە بەرىلەتىن كەدەيلەر دالمە - ءدال انىقتالماي، كەدەي ەمەس وتباسىلارى دا كەدەي وتباسىلارىنىڭ كولەمىنە كىرگىزىلىپ، كەدەي ەمەس 17 وتباسى بەلگىلەمەگە قايشى تۇردە 210 مىڭ 50 يۋان كەدەيلەردى سۇيەمەلدەۋ قاراجاتىنان يگىلىكتەنگەن. 2018 - جىلى 8 - ايدا نازىر توحتىقۇربانعا پارتيا ىشىندە قاتاڭ ەسكەرۋ بەرۋ جازاسى بەرىلدى.

  8. توقسۋ اۋدانى ۇشقات اۋىلى عوجاتورۇس قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى توحتى ءيميتتىڭ قىستاقتاعى ەڭ تومەنگى تۇرمىسى قامتاماسىز ەتىلەتىن ادامداردى ديناميكالى رەتتەۋ قىزمەتىندە ءىس تىندىرماۋ ماسەلەسى. 2018 - جىلى 1 - ايدان 3 - ايعا دەيىن، توحتى ءيميت قىزمەت مىندەتىن مۇقيات اتقارماي، وسى قىستاقتاعى ەڭ تومەنگى تۇرمىسى قامتاماسىز ەتىلەتىن وتباسىلارىنىڭ اۋقىمدىق ينفورماتسياسىن تىڭعىلىقتى يەلەمەگەن، تىڭعىلىقتى باسقارماعان، اۋىلدىق حالىق ىستەرى كەڭسەسى تالاي رەت قۋزاعان جاعدايدا دا تالاپ جانە بەلگىلەمە بويىنشا شارت - جاعدايى تولىمسىز ادامداردىڭ ەڭ تومەنگى تۇرمىستى قامتاماسىز ەتۋ تولىمدىلىعىن كۇشىنەن قالدىرماي، وسى قىستاقتاعى 21 وتباسىنداعى 40 تۇرعىننىڭ بەلگىلەمەگە قايشى تۇردە 21 مىڭ 800 يۋان ەڭ تومەنگى تۇرمىستى قامتاماسىز ەتۋ قاراجاتىن الۋ جاعدايىن كەلتىرىپ شىعارعان. 2018 - جىلى 7 - ايدا توحتى يميتكە پارتيا ىشىندە ەسكەرتۋ بەرۋ جازاسى بەرىلدى.

  جوعارىداعى كەدەيلەردى سۇيەمەلدەۋ سالاسىنداعى فورماشىلدىققا، تورەشىلدىككە ساياتىن 8 تيپتىك دەلودا مىندەتىن اتقارۋدا دارمەنسىزدىك ىستەۋ، باقىلاۋ - باسقارۋ جاۋاپكەرشىلىگىن اتقارماۋ، تەكسەرۋ وتكەلىن قاتاڭ ۇستاماۋ جايتتەرى بولۋمەن بىرگە، سالعىرتتىق ىستەپ، جاۋاپكەرشىلىكتەن جالتارۋ، ەنجارلىقپەن توتەپ بەرۋ، دايەكتىلەندىرۋدە، تياناقتاندىرۋدا دارمەنسىزدىك ىستەۋ جايتتەرى دە بار، بۇل ماسەلەلەر قيىنشىلىعى بار بۇقارانىڭ مۇددەسىنە اۋىر زيان سالىپ، كەدەيلىكتەن قۇتىلدىرۋدان قامال الۋ اياق الىسىنا ىقپال ەتتى، ءسوزسىز، قاتاڭ تۇردە جاۋاپكەرشىلىگىن قۋزاۋ، جاۋاپقا تارتۋ ارقىلى كۇشتى سەسكەندىرۋ جاعدايىن قالىپتاستىرۋ كەرەك.

  تۇتاس رايونداعى ءار دارەجەلى پارتيا ۇيىمدارى، ءتارتىپ تەكسەرۋ، باقىلاۋ - تەكسەرۋ ورگاندارى ورتالىق ءتارتىپ تەكسەرۋ كوميتەتىنىڭ كەدەيلەردى سۇيەمەلدەۋ سالاسىنداعى ءىرىپ - ءشىرۋ جانە ستيل ماسەلەلەرىن ارنايى جونگە سالۋدى تەرەڭدەتۋ قىزمەتىن ىلگەرىلەتۋ ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، كەدەيلىكتەن قۇتىلدىرۋدان قامال الۋداعى سۋبيەكتتىك جاۋاپكەرشىلىكتەرىن، باقىلاۋ جاۋاپكەرشىلىكتەرىن شىن مانىندە ارقالاپ، پارتيانى جاپپاي قاتاڭ جونگە سالۋدىڭ نەگىزگى ساتىعا كەڭەيۋىن ىلگەرىلەتۋ كەرەك. پارتكومدار (پارتيا باسشىلىق گرۋپپالارى) كەدەيلەردى سۇيەمەلدەۋدىڭ، كەدەيلىكتەن قۇتىلدىرۋدىڭ تالاپتارىن باتىل تياناقتاندىرىپ، پارتيا مۇشەلەرىنە باعىتتالعان داعدىلى تاربيەنى، باقىلاۋدى، باسقارۋدى كۇشەيتىپ، ءار دارەجەلى پارتيالى كادرلاردى كەدەيلىكتەن قۇتىلدىرۋدان قامال الۋداعى قىزمەت جاۋاپكەرشىلىكتەرىن مۇقيات اتقارۋعا قۋزاپ، جاۋاپكەرشىلىك ارقالاۋدى كۇشەيتىپ، كەدەيلىكتەن قۇتىلدىرۋدان قامال الۋدىڭ ساياسي جاۋاپكەرشىلىگىن باستان - اياق كوڭىلدە ساقتاۋ، ۇستىگە الۋ، مىقتاپ يگەرۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى ارنايى جونگە سالۋدى ورىستەتۋدى «ەكىنى قورعاۋدى» اتقارۋدىڭ ناقتى ارەكەتى ەتىپ، «ءبىر جىلدا ونىمدىلىك كورسەتۋ، 2 جىلدا بەكەمدەۋدى يگەرۋ، 3 جىلدا جوعارىلاتۋدى جەبەۋ» نىساناسىن ارقاۋ ەتىپ، ارنايى جونگە سالۋعا كۇش سالىپ، ماسەلەنى باعدار ەتۋدەن جازباي، كەدەيلەردى سۇيەمەلدەۋ سالاسىنداعى «ءتورت تانىم» كۇشتى بولماۋ، قىزمەت مىندەتىن اتقارۋ تىڭعىلىقتى بولماۋ، باقىلاۋ - باسقارۋدا مۇقيات بولماۋ، قىزمەت شارالارى دالمە - ءدال بولماۋ، قاراجاتتى باسقارۋ ارناعا تۇسپەۋ، قىزمەت ستيلى تىڭعىلىقتى بولماۋ سياقتى كورنەكتى ماسەلەلەردەن كوز جازباي، باقىلاۋ، ءتارتىپ اتقارۋ، جاۋاپقا تارتۋ جانە تەكسەرىپ ءبىر جاقتى ەتۋ قىزمەتىنىڭ تەبىنىن ۇزدىكسىز ارتتىرىپ، ارنايى جونگە سالۋ قىزمەتىن بۇلجىماستان ىشكەرىلەي ىلگەرىلەتىپ، پارتيا ورتالىق كوميتەتىنىڭ كەدەيلىكتەن قۇتىلدىرۋدان قامال الۋداعى ەلەۋلى شەشىمدەرىنىڭ، ورنالاستىرۋلارىنىڭ جانە اۆتونوميالى رايوندىق پارتكومنىڭ قىزمەت تالاپتارىنىڭ ناقتى تياناقتانۋىنا كەپىلدىك ەتىپ، ءار ۇلت بۇقاراسىن ءتىپتى مول تابىس سەزىمىنە كەنەلتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى