تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

[ۇلتتار ىنتىماعىنىڭ بەرەكەلى شاڭىراعى] تۋداۋبا قىستاعىنداعى مول ءونىمدى قۇتتىقتاۋ قوناعاسى

  9-ايدىڭ 11-كۇنى، ءۇرىمجى قالاسى ميدۇڭ رايونى تۋداۋبا قىستاعىنىڭ تۇرعىندارى قىستاقتا تۇراتىن قىزمەت اترەتىندەگىلەرگە ارناپ مول ءونىمدى قۇتتىقتاۋ قوناعاسىندا، قىستاق تۇرعىندارى ءبي بيلەۋدە.

  وسى بىرنەشە كۇندە، ءۇرىمجى قالاسى ميدۇڭ رايونى تۋداۋبا قىستاعىنىڭ تۇرعىندارى سارىمساق، پاميدور، بۇرىش، كۇنباعىستاردى جيناۋمەن قاربالاس بولدى، ولار تاعى دا قوناعاسى وتكىزۋگە دايىندالدى.

  بۇل قوناعاسىنى ميدۇڭ رايوندىق ورمان شارۋاشىلىعى مەكەمەسىنىڭ قىستاقتا تۇراتىن قىزمەت اترەتى مەن قىستاق ەكى كوميتەتىنىڭ قىزمەتكەرلەرىنە العىس ايتۋ ءۇشىن ارناۋلى ورنالاستىرعان.

  9-ايدىڭ 11-كۇنى، تۋداۋبا قىستاعى مول ءونىمدى قۇتتىقتاۋ قوناعاسىن وتكىزدى. تاڭەرتەڭ ەرتە، قىستاق ەكى كومىتەتىنىڭ اۋلاسى دۋمانعا بولەندى. ۇلكەندەر ۇستەل-ورىندىق تىزسە، بالالار اۋلا ىشىندە اسىر سالدى.

  70 جاستاعى قىستاق تۇرعىنى ليۋ داۋكۋان بۇل رەتكى قيمىلدى اتتانىسقا كەلتىرۋشىلەردىڭ ءبىرى. ول: «بيىل 3-ايدا، قىزمەت اترەتى اۋىل شارۋاشىلىعىنا كومەكتەسۋ قىزمەت وتەۋ اترەتىن قۇردى، تۇقىم ءسىڭىرىپ، جيناعانعا دەيىن قىستاق تۇرعىندارىنا كومەكتەستى، اتىز باسىنان قىزمەت اترەتىنىڭ مۇشەلەرىن ۇنەمى كەزدەستىرەمىز»،-دەدى.

  قىزمەت اترەتىنىڭ مۇشەلەرى ەگىس جۇمىستارىنىڭ بارلىعىن ىستەي الادى، جاز كۇندەرى جاسىل بۇرشاق سورپاسىن قايناتىپ اكەلىپ حال سۇرايدى»،-دەدى ليۋ داۋكۋان.

  تۋداۋبا قىستاعى ەگىنشىلىكپەن شۇعىلداناتىن قىستاق، جاستارى سىرتقا شىعىپ جۇمىس ىستەيدى، تۇتاس قىستاقتاعى 190 وتباسىنىڭ مۇشەلەرى نەگىزىنەن 55 جاستان اسقاندار.

  «ولاردىڭ بارلىعى جۇپ قۇراپ تۋىس بولعان، تۋىسىنا كومەكتەسۋدەن سىرت، كىمنىڭ ۇيىندە جۇمىس بولسا سوعان كومەكتەسەدى، قازىر ولار قىستاقتاعى بارلىق تۇرعىننىڭ تۋىسى»،-دەدى ليۋ داۋكۋان.

  ساعات 12 دەن باستاپ، قىستاق تۇرعىندارى ىركەس-تىركەس تاعامداردى اكەلە باستادى. ليۋ داۋكۋان تاۋىق سورپاسىن اكەلدى، ول: «ءبىزدىڭ اترەت باستىعىمىز مەن جاساعان تاۋىق سورپاسىن ۇناتىپ ىشەدى»،-دەدى.

  ليۋ داۋكۋاننىڭ بالالارى جانىندا ەمەس، ءوزى شاعىن دۇكەن اشادى، تاعى بىرنەشە مۋ جەرى بار، اترەت باستىعى وعان ۇنەمى كومەكتەسىپ تۇراتىن.

  مايسا وتىرعىزعاندا جالعىز ءوزىم جەتىسە الماعان ەدىم، اترەت باستىعى اترەت مۇشەلەرىن باستاپ كەلىپ كومەكتەستى، ءۇش كۇندە ىستەيتىن جۇمىستى ءبىر كۇندە-اق بىتىردىك»،-دەدى ليۋ داۋكۋان.

  قىستاق تۇرعىنى جوۋ تاي سالقىن قۋىرماشىن الا كەلدى، ول تۋىسى ياڭ شياۋحۇڭعا العىسىن ءبىلدىردى.

  ساعات 13 دە ۇستەل ءتۇرلى قۋىرماشتارعا لىق تولدى، قىستاقتاعى كوركەمونەر اترەتى وزدەرى دايىنداعان ويىن نومىرلەرىن قويدى.

  قيمىل باستالدى، بارلىعى قىزمەت اترەتىنىڭ مۇشەلەرىن وزدەرى جاساعان تاعامدارعان ءدام تاتۋعا ۇسىنىس ەتتى. كوپشىلىك: «بيىل ەگىس داقىلدارىنان مول ءونىم الدىق، مول ءونىمدى قۇتتىقتايمىز ءارى قىزمەت اترەتى مەن قىستاق ەكى كوميتەتىنە ايرىقشا العىس ايتامىز»،-دەستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى