ءتاڭىرتاۋ تورابى   ›   جاڭالىقتار   ›   شينجياڭ حابارلارى

زات تاسىمال بۋىنىن ساپالىلاندىرىپ، ۋاقىت شەگىن قىسقارتىپ، جاسىل ارنانى بىرگە قۇردى

جۇڭگو - ەۆروپا كەزەكشى پويەزدەرىنىڭ تاسىمالى جيىلەي ءتۇستى

   ءتىلشىمىز لۋ فىڭباۋ 9 - ايدىڭ 13 - كۇنى ۇرىمجىدەن حابارلايدى. «بۇرىن جۇكتەر تاشكەنتكە جەتكىزىلگەنشە كەمىندە 10 كۇن ۋاقىت كەتەتىن، قازىر نە ءبارى 5 كۇندە بارىپ بولاتىن بولدى»، - دەدى 9 - ايدىڭ 9 - كۇنى شينجياڭ حۋاتيە شينچياۋ حالىقارالىق زات تاسىمال شەكتى سەرىكتەستىگىنىڭ باس ديرەكتورى ۋ گۇيحۋا، تاسىمال ۋاقىتى بۇرىنعىنىڭ تەڭ جارتىسىنداي قىسقارىپ، سەرىكتەستىككە قارجىنىڭ قايتا قۇيىلۋىن بارىنشا تەزدەتتى.

  2011 - جىلى 5 - ايدا شينجياڭ حۋاتيە شينچياۋ حالىقارالىق زات تاسىمال شەكتى سەرىكتەستىگى قۇرىلىپ، ورتا ازيا بازارىنا زات تاسىمالداۋ كاسىبىن كوتەرىپ الدى، الايدا تاسىمال ۋاقىتىنىڭ تىم ۇزاق بولۋى سەرىكتەستىكتىڭ دامۋىنا تۇساۋ بولىپ كەلدى. «بىرنەشە جىلدىڭ الدىندا باتىستى بەتكە الىپ شەكارادان شىعاتىن تەمىر جول ىركىلىسسىز بولمادى، پويەزدىڭ تاسىمال قۋاتى دا تومەن، الاتاۋ ساعاسى شەكارا وتكەلىنە كەلگەن جۇكتەر توسىلىپ، پويەز تولعانشا تيەلگەننەن كەيىن عانا شەكارادان شىعاتىن، كەي جۇكتەر نىسانالى جەرىنە ءبىر اي شاماسىندا ارەڭ جەتەتىن»، - دەدى ۋ گۇيحۋا. 2016 - جىلى 5 - ايدا جۇڭگو - ەۆروپا كەزەكشى پويەزدەرىنىڭ ءۇرىمجى جيناۋ ورتالىعى سالىنىپ، پايدالانۋعا بەرىلگەننەن باستاپ بۇل جاعداي جاقسارا باستادى.

  «بەكەتتەگى جۇمىس ۋاقىتى كەزىندە 72 ساعات اينالاسىنا سوزىلىپ، كەزەكشى پويەزدەردىڭ قاتىناۋ ونىمدىلىگىنە اۋىر ىقپال جاساعان ەدى»، - دەدى شينجياڭ شينتيە حالىقارالىق زات تاسىمال شەكتى سەرىكتەستىگى پارتكومىنىڭ شۋجيى، القا باستىعى ليۋ چاڭلين، ول ءسوزىن ساباقتاپ بىلاي دەدى: وسىدان بۇرىن جۇكتەر كەدەندىك اداقتاۋدان، تەكسەرۋدەن وتكەننەن كەيىن عانا، ءۇرىمجى جيناۋ ورتالىعى جۇكتەردى پويەزگە تيەۋگە كىرىسەتىن، بۇعان ۋاقىت كوپ جۇمسالاتىن ەدى.

  كەزەكشى پويەزدەردىڭ قاتىناۋ ونىمدىلىگىن جوعارىلاتۋ ءۇشىن، ءۇرىمجى جيناۋ ورتالىعى زات تاسىمالىن ۇيىمداستىرۋ بۋىنىن ۇزدىكسىز ساپالىلاندىرىپ، قىسقا ارالىقتا تاسىمالداۋ، قامبادا ساقتاۋ، باقىلاۋ - باسقارۋ ۋاقىتى سياقتىلاردىڭ جۇمىس ۋاقىتىن قىسقارتقاننان كەيىن، جۇڭگو - ەۆروپا كەزەكشى پويەزدەرىنىڭ ساپار ۋاقىتى بارىنشا قىسقاردى. ليۋ چاڭلين مىنانى ءبىلدىردى: ءۇرىمجى جيناۋ ورتالىعى ءداستۇرلى ويلاۋ تاسىلىندەگى قالىپتى بۇزىپ، بازار سۇرانىسىنا تىعىز سايكەسىپ، جۇكتەردى كەدەندىك اداقتاۋدان وتكىزگەن كەزدە كەزەكشى پويەزدى الدىن الا بەلگىلەپ، كەدەندىك اداقتاۋ راسمياتى اياقتالعاننان كەيىن، دەرەۋ پويەز دايىنداپ، جۇكتەردىڭ كۇتىپ قالۋ ۋاقىتىن قىسقارتىپ، بەكەتتەگى جۇمىس ۋاقىتى 72 ساعات شاماسىنان قىسقارىپ 36 ساعاتتان اسپايتىن بولدى. ەڭ تەز بولعاندا جۇكتى كۇنبە - كۇن جونەلتىپ تۇراتىن بولدى.

  ءۇرىمجى جيناۋ ورتالىعى كەدەن سياقتى تاراۋلارمەن بىرگە كەدەننەن وتكىزۋدىڭ جاسىل ارناسىن قۇرىپ، باسقى بەكەتتە كەدەندىك اداقتاۋ، كارانتيندەۋ جۇرگىزەتىن، شەكارا وتكەلىندە تىكەلەي وتەتىن كەزەكشى پويەزدەردى ۇيىمداستىرۋ ۇلگىسىن جولعا قويدى، سونىمەن، شەكارا وتكەلىندە كەدەننەن ءوتۋ ۋاقىتى بۇرىنعى 12 ساعاتتان 6 ساعاتقا قىسقاردى. قازاقستان تەمىر جول تەز تاسىمالىمەن كەزەكشى پويەزدەردى الدىمەن اۋىستىرىپ تيەۋ، شەكارا سىرتىندا تۇتاس پويەز بويىنشا گرۋپپالاۋ ستراتەگيالىق سەلبەستىك كەلىسىمىنە، سونداي - اق وكىلەتتى توقتامعا قول قويىپ، جۇك قوراپتى پويەزدىڭ اۋىستىرىپ تيەۋ ۋاقىتى 6 ساعاتتان، تۇتاس پويەزدىڭ اۋىستىرىپ تيەۋ ۋاقىتى 30 ساعاتتان اسپايتىن بولدى.

  ءۇرىمجى جيناۋ ورتالىعى ءبىر قىدىرۋ شارالاردى قولداندى، سونىڭ ناتيجەسىندە بۇرىن شينجياڭنان قازاقستاننىڭ الماتى قالاسىنا تاسىمالدانعان جۇك جالپى 5 - 7 كۇندە جەتەتىن بولسا، قازىر نىسانالى جەرگە نەبارى 40 ساعاتتا جەتەتىن بولدى، باسقا باعىتتاعى كەزەكشى پويەزدەردىڭ ساپار ۋاقىتى دا بارىنشا قىسقاردى.

  جوعارى ءونىمدى تاسىمال جۇك قاينارلارىن شينجياڭدا جينالۋعا باۋرادى، ءسويتىپ ءۇرىمجى جيناۋ ورتالىعىنان شىعاتىن جۇڭگو - ەۆروپا كەزەكشى پويەزدەرى بارعان سايىن كوبەيىپ، جىلدامدىعى بارعان سايىن تەزدەي ءتۇستى؛ 2016 - جىلى 135 كەزەككە، 2017 - جىلى 710 كەزەككە جەتسە، بيىل جىل باسىنان قازىرگە دەيىن 706 كەزەككە جەتىپ، بيىلعى جىلدا 1400 كەزەك پويەز جونەلتۋ نىساناسىنا قاراي قادام تاستادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى