تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشتى

اسپانى اشىق، جەرى جاسىل، سۋى تۇنىق كورىكتى شينجياڭ قۇرايىق

  ءتىلشىمىز جاۋ جىيۇن 9 - ايدىڭ 13 - كۇنى ۇرىمجىدەن حابارلايدى. 9 - ايدىڭ 13 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلسىن باسقارىپ اشىپ، «شينجياڭ تيانچى، بوعدا شىڭى جاراتىلىستىق قورىعىنىڭ جالپىلىق جوباسىن (2018 - جىلدان 2027 - جىلعا دەيىن)»، «اۆتونوميالى رايوننىڭ توپىراقتىڭ لاستانۋىنان ساقتانۋ جانە ونى جونگە سالۋ قىزمەتى جوباسىنىڭ اتقارىلۋ جاعدايىن باعالاۋ، تەكسەرۋ ءادىسىن (سىناق رەتىندە اتقارىلادى)»، «اۆتونوميالى رايوننىڭ كوك اسپاندى قورعاۋ شايقاسىنىڭ جەڭىسىنە قول جەتكىزۋدىڭ 3 جىلدىق ارەكەت جوسپارىن (2018 - جىلدان 2020 - جىلعا دەيىن)» جانە «اۆتونوميالى رايوننىڭ قاتەرلى جاراقسىز زاتتاردى ءبىر جايلى ەتۋ، پايدالانۋ قۇرىلعىلارىن سالۋ، ورنالاستىرۋ جەتەكشى پىكىرىن» اقىلداستى.

  ءماجىلىس مىنالاردى اتاپ كورسەتتى: شينجياڭ بوعدا كولى، بوعدا شىڭى جاراتىلىستىق قورىعىنىڭ ەكولوگيالىق جۇيەسى ەرەكشە، ءتۇرى مول بيولوگيالىق بايلىققا تولعان، سونىمەن بىرگە، ول ءۇرىمجى قالاسىنىڭ، سانجى حۇيزۋ اۆتونوميالى وبلىسىنىڭ، تۇرپان قالاسىنىڭ ماڭىزدى ەكولوگيالىق قالتقىسى، وڭىرلىك ەكونوميكانىڭ، قوعامنىڭ باياندى دامۋى جونىنەن ايرىقشا ماڭىزدى.

  «شينجياڭ تيانچى، بوعدا شىڭى جاراتىلىستىق قورىعىنىڭ جالپىلىق جوباسى (2018 - جىلدان 2027 - جىلعا دەيىن)» وسى جاراتىلىستىق قورىقتىڭ جۇيەلەندىرۋ قۇرىلىسىن باسقارۋ قىزمەتىن شىنايى كۇشەيتىپ، جاراتىلىستىق قورىقتىڭ كولەمى، سيپاتى، ءتۇرى سياقتىلاردى اناعۇرلىم ايقىنداۋ؛ سونىمەن بىرگە، جاراتىلىستىق قورىقتىڭ جاراتىلىستىق بايلىعىن ۇيلەسىمدى پايدالانۋعا، ەكولوگيالىق فۋنكتسياسىن دالمە - ءدال بەلگىلەۋگە نەگىز ازىرلەۋ ماقساتىندا جاسالدى.

  ءماجىلىس مىنالاردى باسا دارىپتەدى: توپىراقتىڭ لاستانۋىنان ساقتانۋ جانە ونى جونگە سالۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تۇراقتاندىرعان لاستانۋدان ساقتانۋ جانە ونى جونگە سالۋ جونىندەگى «ءۇش ءىرى شايقاستىڭ» ءبىرى، مەملەكەتتىڭ قاتىستى بەلگىلەمەسىن دايەكتىلەندىرۋ، تياناقتاندىرۋ ءۇشىن، رايونىمىز «اۆتونوميالى رايوننىڭ توپىراقتىڭ لاستانۋىنان ساقتانۋ جانە ونى جونگە سالۋ قىزمەتى جوباسىنىڭ اتقارىلۋ جاعدايىن باعالاۋ، تەكسەرۋ ءادىسىن (سىناق رەتىندە اتقارىلادى)» جاساپ، ايماق، وبلىس، قالالار حالىق ۇكىمەتتەرىنىڭ توپىراقتىڭ لاستانۋىنان ساقتانۋ جانە ونى جونگە سالۋ نىساناسىن ورىنداۋ جاعدايىنا جانە توپىراقتىڭ لاستانۋىنان ساقتانۋ جانە ونى جونگە سالۋ ءتۇيىندى قىزمەتىن ورىنداۋ جاعدايىنا تەكسەرۋ جۇرگىزدى. ايماق، وبلىس، قالالاردىڭ حالىق ۇكىمەتتەرى، قاتىستى تاراۋلار توپىراقتىڭ لاستانۋىنان ساقتانۋ جانە ونى جونگە سالۋ قىزمەت جاۋاپكەرشىلىگىن مۇقيات وتەپ، قىزمەت مىندەتىن ۋاعىندا ورىنداۋعا كەپىلدىك ەتۋلەرى كەرەك. ءماجىلىس مىنالاردى اتاپ كورسەتتى: كوك اسپاندى قورعاۋ شايقاسى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكولوگيالىق ورتانى قورعاۋدى بارىنشا كۇشەيتۋ جونىندەگى بۇيرىعى، ول حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋعا، جاپپاي دوڭگەلەك داۋلەتتى قوعام ورناتۋعا، ەكونوميكانى جوعارى ساپالى دامىتۋعا جانە كورىكتى جۇڭگو قۇرىلىسىنا سايادى، سوندىقتان، رايونىمىز «اۆتونوميالى رايوننىڭ كوك اسپاندى قورعاۋ شايقاسىنىڭ جەڭىسىنە قول جەتكىزۋدىڭ 3 جىلدىق ارەكەت جوسپارىن (2018 - جىلدان 2020 - جىلعا دەيىن)» جاساپ شىعاردى. جەر - جەر ونى شىنايى ويداعىداي تياناقتاندىرىپ، كوك اسپاندى قورعاۋ شايقاسىندا باتىل جەڭىسكە جەتۋلەرى كەرەك.

  ءماجىلىس تاعى باسقا ىستەردى اقىلداستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.