تۇراقتى كوميتەتتىڭ 6 - ءماجىلىسىن 9 - ايدىڭ 18 - كۇنى اشۋدى ۇيعاردى
ءتىلشىمىز لياڭ ليحۋا 9 - ايدىڭ 13 - كۇنى ۇرىمجىدەن حابارلايدى. 9 - ايدىڭ 13 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى 28 - رەتكى مەڭگەرۋشىلەر ءماجىلىسىن اشىپ، تۇراقتى كوميتەتتىڭ 6 - ءماجىلىسىن 9 - ايدىڭ 18 - كۇنى اشۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
ءماجىلىس تۇراقتى كوميتەت 6 - ءماجىلىسىنىڭ كۇن ءتارتىپ جوباسىن جانە ورنالاستىرۋ پىكىرىن قارادى. مەڭگەرۋشىلەر ءماجىلىسىنىڭ ۇسىنىستىق كەڭەس تاقىرىبىنا ساي، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 6 - ءماجىلىسى «شينجياڭ ۇيعۇر اۆتونوميالى رايونىنىڭ ينفورماتسيالاندىرۋدى جەبەۋ ەرەجەسىن (وزگەرتىلگەن جوباعا وزگەرىس ەنگىزۋ نۇسقاسى)»، «شينجياڭ ۇيعۇر اۆتونوميالى رايونىنىڭ نەگىزگى زاڭعا سەرت بەرۋ ءتۇزىمىن اتقارۋ ءادىسىن (جوبا)» قارايدى، اۆتونوميالى رايوندىق حالىق ۇكىمەتى ۇسىنعان «شينجياڭ ۇيعۇر اۆتونوميالى رايونىنىڭ اراق - شاراپ باسقارۋ ەرەجەسىن» كۇشىنەن قالدىرۋ جونىندەگى كەڭەس جوبانى قارايدى، «<شينجياڭ ۇيعۇر اۆتونوميالى رايونىنىڭ جاراتىلىستىق قورىقتاردى باسقارۋ ەرەجەسى> سياقتىلارعا شوعىرلى وزگەرىس ەنگىزۋ جونىندەگى 7 جەرگىلىكتى زاڭ - ەرەجەنى (جوبا)»، «شينجياڭ ۇيعۇر اۆتونوميالى رايونىنىڭ پوچتا ەرەجەسىن (وزگەرىس ەنگىزۋ جوباسى جوبا نۇسقاسى)»، «شينجياڭ ۇيعۇر اۆتونوميالى رايونىنىڭ تاس جول قۇرىلىسى ساپاسىن باقىلاۋ - باسقارۋ ەرەجەسىن (جوبا)»، «شينجياڭ ۇيعۇر اۆتونوميالى رايونىنىڭ اتموسفەرانىڭ لاستانۋىنان ساقتانۋ جانە ونى وڭاۋ ەرەجەسىن (جوبا)» قارايدى؛ سانجى حۇيزۋ اۆتونوميالى وبلىستىق حالىق قۇرىلتايى تۇراقتى كوميتەتى ۇسىنىس ەتكەن «جامبۇلاق كورىنىس رايونىن قورعاۋدى باسقارۋ ەرەجەسىن» بەكىتۋ جونىندەگى كەڭەس جوباسىن، قارامايلى قالالىق حالىق قۇرىلتايى تۇراقتى كوميتەتى ۇسىنىس ەتكەن «قارامايلى قالاسىنىڭ بوران اپاتىنان ساقتانۋ ەرەجەسىن» بەكىتۋ جونىندەگى كەڭەس جوباسىن تەكسەرەدى؛ «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ەكولوگيالىق قورشاعان ورتانى قورعاۋدى جان - جاقتى كۇشەيتىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزۋدى زاڭ بويىنشا ىلگەرىلەتۋ جونىندەگى قاراردى (جوبا)» قارايدى؛ اۆتونوميالى رايوندىق حالىق ۇكىمەتىنىڭ اۆتونوميالى رايوننىڭ مەملەكەت مەنشىگىندەگى مال - مۇلىكتى باسقارۋ جاعدايى جونىندەگى بايانداماسىن، اۆتونوميالى رايوننىڭ ساياحات قىزمەتى جاعدايى جونىندەگى بايانداماسىن تىڭدايدى جانە قارايدى، اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ اۋىل شارۋاشىلىق ونىمدەرى ساپا حاۋىپسىزدىگى زاڭىنىڭ»، «اۆتونوميالى رايوننىڭ <اۋىل شارۋاشىلىق ونىمدەرى ساپا حاۋىپسىزدىگى زاڭىن> اتقارۋ ءادىسىنىڭ» اتقارىلۋ جاعدايىن تەكسەرۋ جونىندەگى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى تەكسەرۋ گرۋپپاسىنىڭ اۆتونوميالى رايوننىڭ ەمدەۋ قامسىزداندىرۋ قىزمەتى جاعدايى بايانداماسىن قاراۋ پىكىرىنىڭ تياناقتاندىرىلۋ جاعدايىن قاداعالاي باقىلاۋ جونىندەگى تەكسەرۋ بايانداماسىن تىڭدايدى جانە قارايدى، اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ ءىشىنارا ۋاكىلدەردىڭ ۋاكىلدىك تولىمدىلىعىن توقتاتۋ جونىندەگى بايانداماسىن قارايدى. كادىرلاردى مىندەتكە تاعايىنداۋ، مىندەتىنەن قالدىرۋ كەڭەس جوباسىن قارايدى.
ءماجىلىس تاعى اۆتونوميالى رايوندىق حالىق ۇكىمەتىنىڭ اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ 2018 - جىلدىڭ الدىڭعى جارتىسىنداعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جونىندەگى باياندامانى قاراۋ پىكىرىن اقىلداسىپ ءبىر جايلى ەتۋ جاعدايى جونىندەگى باياندامانى، اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ 2018 - جىلدىڭ الدىڭعى جارتىسىنداعى اۆتونوميالى رايوننىڭ مەجە ەسەپتى اتقارۋ جاعدايى بايانداماسىن قاراۋ پىكىرىن اقىلداسىپ ءبىر جاقتى ەتۋ جاعدايى جونىندەگى باياندامانى، اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ 2017 - جىلعى اۆتونوميالى رايوننىڭ ءوز دارەجەسىندەگى مەجە ەسەپتى اتقارۋ جانە باسقا قازىنا كىرىس - شىعىسىن قازىنالىق جاقتان باقىلاۋ قىزمەت بايانداماسىن قاراۋ پىكىرىن اقىلداسىپ ءبىر جاقتى ەتۋ جاعدايى جونىندەگى باياندامانى قارادى، اۆتونوميالى رايوندىق حالىق قۇرىلتايى تۇراقتى كوميتەتى تەكسەرۋ - زەرتتەۋ گرۋپپاسىنىڭ اۆتونوميالى رايوننىڭ مەملەكەت مەنشىگىندەگى مال - مۇلىكتى باسقارۋ جاعدايىن تەكسەرۋ - زەرتتەۋ بايانداماسىن، اۆتونوميالى رايوننىڭ ساياحات قىزمەتى جاعدايى جونىندەگى تەكسەرۋ - زەرتتەۋ بايانداماسىن قارادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ يۇڭميڭ، دۇڭ شينگۋاڭ، باداي، گۇلشات ابدىقادىر، سو يۋە ماجىلىسكە قاتىناستى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىسى، ءارقايسى قىزمەت كوميتەتتەرىنىڭ جاۋاپتىلارى؛ اۆتونوميالى رايوندىق حالىق ۇكىمەتىنىڭ، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى ماجىلىسكە سىرتتاي قاتىناستى.
