ءتىلشىمىز لياڭ ليحۋا 9 - ايدىڭ 13 - كۇنى ۇرىمجىدەن حابارلايدى. 9 - ايدىڭ 13 - كۇنى اۆتونوميالى رايوندىق حالىق قۇرىلتايى تۇراقتى كوميتەتى اڭگىمە ءماجىلىسىن اشىپ، اۆتونوميالى رايوندىق 13 - كەزەكتى حالىق قۇرىلتايىنىڭ 1 - ماجىلىسىندە ۋاكىلدەر العا قويعان ۇسىنىستاردىڭ ورىندالۋ، رەتتەلۋ، تۇزەتىلۋ جاعدايىن حابارلادى.
8 - ايدىڭ 2 - كۇنى، اۆتونوميالى رايوندىق حالىق قۇرىلتايى تۇراقتى كوميتەتى 3 قۋزاۋ - تەكسەرۋ گرۋپپاسىن ۇيىمداستىرىپ، ۋاكىلدەردىڭ ۇسىنىسىن ورىنداۋعا جاۋاپتى بولعان ورىنداردىڭ اۆتونوميالى رايوندىق 13 - كەزەكتى حالىق قۇرىلتايىنىڭ 1 - ماجىلىسىندە ۋاكىلدەر العا قويعان ۇسىنىستاردى ورىنداۋ قىزمەتى ءماجىلىسىنىڭ رۋحىن تياناقتاندىرۋ جانە ۇسىنىستاردى ورىنداۋ جاعدايىنا قۋزاۋ - تەكسەرۋ جۇرگىزدى.
ءماجىلىس مىنانى اتاپ كورسەتتى: قۋزاۋ - تەكسەرۋ جاعدايىنان الىپ قاراعاندا، جاۋاپتى بولعان ورىندار ۋاكىلدەردىڭ ۇسىنىستارىن ورىنداۋ قىزمەتىنە وسكەلەڭ دارەجەدە ءمان بەرىپ، كەڭەستىك جوبالاردىڭ، ۇسىنىستاردىڭ «ورىندالۋ سالىستىرماسى» مەن ۋاكىلدەردىڭ «رازى بولۋ سالىستىرماسىن» ۇشتاستىرىپ، جاۋاپكەرشىلىكتى ارتتىرىپ، دەر كەزىندە سايكەستىرىپ، بايلانىس جاساپ، ارناۋلى ادام جىبەرىپ جاۋاپتاندىرىپ، ورىنداۋ ۋاقىت كەستەسىن، باعدار كارتاسىن ايقىنداپ، مىندەتتى، جاۋاپكەرشىلىكتى، ورىنداۋعا جاۋاپتى بولعانداردى تياناقتاندىردى.
ءماجىلىس مىنانى باسا دارىپتەدى: ۇسىنىستاردى ورىنداۋعا جاۋاپتى بولعان ورىندار ساياسي دەڭگەيدى ونان ارى جوعارىلاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ تالابى بويىنشا، ۋاكىلدەردىڭ ۇسىنىستارىن ورىنداۋ قىزمەتىن جاقسى ىستەۋ جاۋاپكەرشىلىك سەزىمى مەن بورىشتىلىق سەزىمىن كۇشەيتىپ، حالىقتى وزەك ەتۋ يدەياسىن مىقتاپ ورناتىپ، قىزمەت مەحانيزمىن ونان ارى كەمەلدەندىرىپ، جاۋاپكەرشىلىكتى تياناقتاندىرۋدى كۇشەيتۋ كەرەك.
ۇسىنىستاردى ورىنداۋعا جاۋاپتى بولعان ورىندار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ۋاكىلدەردىڭ ۇسىنىستارىن ورىنداۋ قىزمەتىن ونان ارى كۇشەيتىپ جانە جاقسارتىپ، قىزمەت ساپاسى مەن ونىمدىلىگىن جوعارىلاتىپ، پارتيا مەن حالىق جۇكتەگەن قىزمەت جاۋاپكەرشىلىكتەرىن شىن مانىندە ويداعىداي وتەيتىندىكتەرىن ءبىلدىردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ يۇڭميڭ، سو يۋە ماجىلىسكە قاتىناستى.
ۋاكىلدەردىڭ ۇسىنىستارىن ورىنداۋعا جاۋاپتى بولعان ءبىر ءبولىم ورىنداردىڭ جاۋاپتىلارى ماجىلىسكە قاتىناستى.
