ءتاڭىرتاۋ تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

جاڭا جاۋاپكەرلىك ارقالاپ، جاڭا ىسكەرلىك كورسەتىپ، باس نىسانانى تاباندىلىقپەن، باتىلدىقپەن تياناقتاندىرامىن

اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى

اسەنجان احمەت

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ەكونوميكاسى مەن قوعامى اقاۋسىز دامىدى، ءار ۇلت بۇقاراسىنىڭ تۇرمىسى بارعان سايىن جاقساردى، تيانشاننىڭ وڭتۇستىگى مەن سولتۇستىگىندە ءار ۇلت بۇقاراسىنىڭ ءبىر نيەت، ءبىر تىلەكپەن قول ۇستاسىپ، دوڭگەلەك داۋلەتكە بىرگە ۇمتىلعان كورىنىسى ايشىقتالدى.

  مەن وڭتۇستىك شينجياڭداعى شەت - شالعاي قىستاقتا تۋدىم، كىشكەنتايىمنان پارتيانىڭ تاماشا ساياساتىنىڭ شۋاعىنا بولەنىپ شات - شادىمان ەسەيىپ - ەرجەتتىم، پارتيانىڭ ۇزاق جىلدىق قامقورلىعى مەن تاربيەلەۋىندە قازىرگى قىزمەت ورنىما شىقتىم. مەن پارتيانىڭ شينجياڭداعى ءار ۇلت حالقىنا باسشىلىق ەتىپ ءبىزدىڭ ورتاق كورىكتى مەكەنىمىزدى قۇرىپ، شينجياڭداعى ءار ۇلت بۇقاراسىن تىنىش، ىنتىماقتى، جاراسىمدى، باي - باقىتتى تۇرمىسقا جەتكىزگەندىگىن تەرەڭ سەزىندىم.

  ءبىراق، «ءۇش ءتۇرلى كۇش» سىندى ۋلى وسپە گۇلدەنگەن، باي، جاراسىمدى، ورنىقتى سوتسياليستىك شينجياڭدى كورگىسى كەلمەدى، ولار وتاندى بولشەكتەپ، شينجياڭدى بىلىقتىرۋعا ۇرىنعان ارام نيەتىنەن قايتپادى؛ ءبىزدىڭ قاسىمىزدا «ەكىبەتكەيلەر» ءالى دە بار، ولار قوي تەرىسىن جامىلعان قاسقىرلار، كورىنىستە ءبىر ءتۇرلى، كومەسكىدە ءبىر ءتۇرلى، كورىنىستەگى ۇرانى جۇرتتىڭ بارىنەن كوتەرىڭكى بولعانىمەن، ال كومەسكىدە وتاننىڭ تۇتاستىعىن بۇلدىرۋدەي، ۇلتتار ىنتىماعىن بۇلدىرۋدەي سۇرقيالىقپەن اينالىسىپ، «ءۇش ءتۇرلى كۇشتىڭ» پەردە ارتىنداعى قارا قولى بولدى. مەيلى «ءۇش ءتۇرلى كۇش» بولسىن، الدە كادرلار قوسىنىنداعى «ەكىبەتكەيلەر» بولسىن، بارلىعى دا شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى ەڭ ۇلكەن كەدەرگى، ءار ۇلت حالقىنىڭ ورتاق جاۋى.

  مەن «ءۇش ءتۇرلى كۇشتىڭ»، «ەكىبەتكەيلەردىڭ» وتاندى بولشەكتەۋىنە، ءبىزدىڭ باقىتتى تۇرمىسىمىزدى بۇلدىرۋىنە استە جول قويمايمىن! وسى ارادا مەن بىلاي دەپ ايبىندى ۋادە بەرەمىن: باس شۋجي شي جينپيڭنىڭ ۇيتقىلىق ورنىن باتىل قورعايمىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعايمىن، بارلىق ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇندەۋى مەن قولباسشىلىعىنا بويسۇنۋعا تاباندى بولىپ، باستان - اياق بولشەكتەۋشىلىككە قارسى كۇرەستىڭ ەڭ الدىندا تۇرىپ، باتىل تۇردە وتان تۇتاستىعىن قورعايمىن، ۇلتتار ىنتىماعىن قورعايمىن، شينجياڭنىڭ قوعام ورنىقتىلىعى مەن باياندى تىنىشتىعىن قورعايمىن، استە ساياسيدا «ءدۇدامال ادام» بولمايمىن، كورىنىستە دە، كومەسكىدە دە «ەكىبەتكەي ادام» بولمايمىن، ءىستى وزىنە قاتىسسىز سانايتىن «مونتانى» ادام بولمايمىن!

  مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ساياسي دەڭگەيىمدى سانالىلىقپەن جوعارىلاتىپ، «ءتورت تانىمدى» بەرىك ورناتىپ، باستان - اياق پارتياعا مۇلدە ادال بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرەمىن، تياناقتاندىرامىن، باس نىسانانى قىزمەتتەردى ورىستەتۋدىڭ كوزدەۋ ءتۇيىنى مەن كۇش سالۋ ءتۇيىنى ەتۋگە تاباندى بولىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىن» باستاماشىلدىقپەن تياناقتاندىرامىن، ىرىقتىلىقپەن جاۋاپكەرشىلىك ارقالاپ، الدا ءجۇرىپ ىسكەرلىك كورسەتىپ، ورنىقتىلىقتى قورعاۋداعى جاۋاپكەرشىلىك پەن قىسىمدى نەگىزگى ساتىنىڭ الدىڭعى شەبىنە جەتكىزىپ، قوعام ورنىقتىلىعىنىڭ ءتۇرلى قىزمەتتەرىن بار كۇشپەن مىقتى ۇستاپ، باس نىسانانى ەش بۇلجىماي امالياتتا ايگىلەيمىن.

  مەن اۆتونوميالى رايوندىق پارتكومنىڭ بولشەكتەۋشىلىككە قارسى كۇرەس ءتارتىبىن قاتايتۋ جونىندەگى تالاپتارىن قاتاڭ دايەكتىلەندىرىپ، تياناقتاندىرىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن باستاماشىلدىقپەن ورىستەتىپ، «ءۇش ءتۇرلى كۇشكە»، «ەكىبەتكەيلەرگە» سايىس جاريالاپ، ءۇنىمدى بارلىق وتباسىنا، اتىز - ارىق باسىنا، مالىلەرگە دەيىن جەتكىزەمىن، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، باتىلدىقپەن «ەكىبەتكەيلەردى» تارتىپ شىعارىپ، تىپ - تيپىل تازالاۋعا، «ءۇش ءتۇرلى كۇشكە» ءومىر سۇرەتىن توپىراق جانە كەڭىستىك قالدىرماي، قوعام ورنىقتىلىعى مەن باياندى تىنىشتىقتىڭ قۇرىش قورعانىن مىقتاپ بەكەمدەۋگە جەتەكتەيمىن.

  مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىنا تاباندى بولىپ، قاتىناس نەگىزدىك قۇرىلعىلارى قۇرىلىسىن بەلسەنە ىلگەرىلەتىپ، «ءبىر بەلدەۋ، ءبىر جول» قۇرىلىسىنا قىزمەت كورسەتۋدىڭ اتويشىسى بولامىن؛ قاتىناس ارقىلى كەدەيلىكتەن قۇتىلدىرۋدان قامال الۋ اياق الىسىن تەزدەتىپ، اۋىر كەدەي وڭىرلەردەگى «ەڭ سوڭعى ءبىر شاقىرىم» ينجەنەرياسىن ىشكەرىلەي تياناقتاندىرىپ، «تورتتە جاقسى» اۋىل - قىستاق تاس جولىن بار كۇشپەن سالىپ، ءار ۇلت بۇقاراسىنىڭ كەدەيلىكتەن قۇتىلىپ اۋقاتتانۋىن، دوڭگەلەك داۋلەتكە ۇمتىلۋىن، اۋىل - قىستاقتاردى كوركەيتۋدى جۇزەگە اسىرۋدى اناعۇرلىم جاقسى كەپىلمەن قامتاماسىز ەتەمىن؛ قاتىناس - تاسىمالدان قىزمەت كورسەتۋ ساپاسىن بار كۇشپەن جوعارىلاتىپ، كورىنىس اۋماقتارى جولى مەن كورىنىستىك جولدار قۇرىلىسىن تەزدەتىپ، ءبىر توپ «قاتىناس + ساياحات» ۇلگى كورسەتۋ ينجەنەريالارىن ىلگەرىلەتىپ، بۇكىل شينجياڭداعى تۇتاس وڭىرلىك ساياحاتتىڭ قاۋىرت دامۋىن ىلگەرىلەتۋگە كۇش قوسىپ، باس نىسانانى جۇزەگە اسىرۋدى، جاپپاي دوڭگەلەك داۋلەتتى قوعام ورناتۋدى پارمەندى قاتىناس - تاسىمال كەپىلىمەن قامتاماسىز ەتەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى