شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي قۇرىلتايعا قاتىناسىپ قۇتتىقتادى
حان جىڭ پارتيا ورتالىق كوميتەتى، مەملەكەتتىك كەڭەس اتىنان ءسوز سويلەدى
جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايى 9 - ايدىڭ 14 - كۇنى بەيجيڭدەگى حالىق سارايىندا اشىلدى. سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار قۇرىلتايعا قاتىناسقان ۋاكىلدەرمەن ىستىق ىقىلاسپەن قول الىسۋدا. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايى 9 - ايدىڭ 14 - كۇنى بەيجيڭدەگى حالىق سارايىندا اشىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار ءتوراعالار مىنبەسىنەن ورىن الىپ، قۇرىلتايدىڭ اشىلعاندىعىن قۇتتىقتادى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى (تىلشىلەر جاڭ شياۋسۇڭ، لو جىڭگۋاڭ). جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايى 9 - ايدىڭ 14 - كۇنى تۇستەن بۇرىن بەيجيڭدەگى حالىق سارايىندا اشىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي قاتارلى پارتيا مەن مەملەكەت باسشىلارى قۇرىلتايعا قاتىناسىپ قۇتتىقتادى، حان جىڭ پارتيا ورتالىق كوميتەتى، مەملەكەتتىك كەڭەس اتىنان ءسوز سويلەدى.
ايبىندى حالىق سارايىنىڭ ۇلكەن زالى سالتاناتتى ءارى دۋماندى بەينەگە شومدى. ءتوراعالار مىنبەسىنىڭ جوعارعى جاعىنا «جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايى» دەگەن جازۋ جازىلعان كەرمە تۋ ىلىنگەن، ساحنا شىمىلدىعىنىڭ قاق ورتاسىنداعى جۇڭگو مۇگەدەكتەر بىرلەستىگىنىڭ بەلگىسى ەرەكشە كوز تارتادى، 10 قىزىل تۋ ەكى جاققا بەس - بەستەن قويىلعان. 2 - قاباتتىڭ تەكشەسىنە «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردە مۇگەدەكتەر ىستەرىنىڭ جاڭا جاعدايىن اشىپ، مۇگەدەك اعا - باۋىرلاردى، اپەكە - سىڭلىلەردى ىنتىماقتاستىرا باستاپ، تاماشا تۇرمىس جاراتايىق» دەگەن ۇلكەن كەرمە تۋ تارتىلعان. ەلىمىزدىڭ جەر - جەرىنەن كەلگەن 600 نەشە ۋاكىل 85 ميلليون مۇگەدەكتىڭ ماڭىزدى تاپسىرماسىن ارقالاپ قۇرىلتايعا قاتىناستى.
تۇستەن بۇرىن ساعات 9دان 30 مينۋت وتكەندە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس الاڭىنا كىرگەندە تۇتاس الاڭدا قىزۋ شاپالاق ءۇنى كوتەرىلدى.
قۇرىلتاي ايبىندى جۇڭحۋا حالىق رەسپۋبليكاسىنىڭ مەملەكەت انىمەن باستالدى.
حان جىڭ پارتيا ورتالىق كوميتەتى، مەملەكەتتىك كەڭەس اتىنان «جاڭا داۋىردەگى ۇلى ساپار بارىسىندا مۇگەدەكتەردى اناعۇرلىم باقىتتى، تاماشا جاڭا تۇرمىسقا كەنەلدىرەيىك» تاقىرىبىندا ءسوز سويلەدى. حان جىڭ الدىمەن قۇرىلتايدىڭ اشىلعاندىعىن قىزۋ قۇتتىقتادى، بۇكىل ەلدەگى قالىڭ مۇگەدەكتەرگە، مۇگەدەكتەردىڭ تۋىس - تۋعاندارىنا جانە مۇگەدەكتەر قىزمەتكەرلەرىنە ىقىلاستى سالەم جولدادى.
حان جىڭ سوزىندە بىلاي دەدى: پارتيانىڭ 18 - قۇرىلتايىنان بەرى، ەلىمىزدىڭ مۇگەدەكتەر ىستەرى تاريحي ىلگەرىلەۋشىلىككە جانە كورنەكتى ناتيجەگە قول جەتكىزدى. باس شۋجي شي جينپيڭ مۇگەدەكتەر جانە مۇگەدەكتەر ىستەرىنىڭ دامۋى جونىندە ءبىرسىپىرا ايقىن تالاپ قويىپ، جاڭا داۋىردە جۇڭگوشا مۇگەدەكتەر ىستەرىنىڭ دامۋىنا ايقىن العا باسۋ بەتالىسىن كورسەتتى، ءتۇبىرلى ولشەم ازىرلەدى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، دۇرىس قۇن ۇستانىمىن ورناتۋعا تاباندى بولىپ، السىزدەردى سۇيەمەلدەۋ پرينسيبى تۇرعىسىنان تاپجىلماي، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدەگى شەشۋشى مىندەتتى ورىنداپ، مۇگەدەكتەردىڭ جالپى بەتتىك دامۋىن جانە ورتاق بايۋىن جەبەپ، مۇگەدەكتەر ىستەرىن ىلگەرىلەتۋدى تيەسىلى جاۋاپكەرشىلىگىمىز ەتىپ، جۇڭگو ارمانىن جۇزەگە اسىرۋدىڭ ۇلى ساپارىندا مۇگەدەكتەردى اناعۇرلىم باقىتتى، تاماشا جاڭا تۇرمىسقا كەنەلتۋىمىز كەرەك.
كوممۋنيستىك جاستار وداعى 18 - كەزەكتى ورتالىق كوميتەتى شۋجيچۋىنىڭ ءبىرىنشى شۋجيى حى جۇنكى جۇڭحۋا مەملەكەتتىك باس جۇمىسشى ۇيىمى، جۇڭگو كوممۋنيستىك جاستار وداعى ورتالىق كوميتەتى، جۇڭحۋا مەملەكەتتىك ايەلدەر بىرلەستىگى، جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى، جۇڭگو عىلىم - تەحنيكا قوعامى، جۇڭحۋا مەملەكەتتىك وتانعا ورالعان حۋاچياۋلار بىرلەستىگى، جۇڭحۋا مەملەكەتتىك تايۋاندىق باۋىرلاستار دوستىق قوعامى اتىنان قۇرىلتايعا قۇتتىقتاۋ ءسوزىن سويلەدى. قۇتتىقتاۋ سوزىندە مىنانى اتاپ كورسەتتى: ءارقايسى بۇقارالىق ۇيىمدار يدەيالىق، ساياسي جەتەكشىلىكتى ۇزدىكسىز كۇشەيتىپ، پارتيا مەن مەملەكەت قىزمەتىنىڭ جالپى جاعدايىنا بەلسەنە قىزمەت وتەپ، بۇقارامەن تىعىز بايلانىستى شىنايى كۇشەيتىپ، وزىنە رەفورما جاساۋدى بۇلجىتپاي تەرەڭدەتىپ، جاڭا داۋىردە پارتيا قۇرىلىسىنىڭ جالپى تالابىن مۇقيات دايەكتىلەندىرىپ، جۇڭگو ارمانىن جۇزەگە اسىرۋ جولىندا تىنباي قۇلشىنۋ كەرەك.
جۇڭگو مۇگەدەكتەر بىرلەستىگىنىڭ ءتوراعاسى جاڭ حايدي جۇڭگو مۇگەدەكتەر بىرلەستىگىنىڭ 6 - كەزەكتى ءتوراعالار القاسى اتىنان قۇرىلتايعا «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، مۇگەدەك اعا - باۋىر، اپەكە - سىڭلىلەردى ىنتىماقتاستىرا باستاپ، تاماشا دوڭگەلەك داۋلەتتى تۇرمىسقا بىرگە ۇمتىلايىق» تاقىرىبىندا قىزمەت بايانداماسىن جاسادى.
ج ك پ ورتالىق كوميتەتى ساياسي بيۋروسىنىڭ ءىشىنارا مۇشەلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار قۇرىلتايعا قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى، ءارقايسى دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى، ءارقايسى حالىقتىق ۇيىمدارداعى، بەيجيڭ قالاسىنداعى جاۋاپتى جولداستار، جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايىنىڭ ۋاكىلدەرى سياقتىلاردان جالپى 3000داي ادام اشىلۋ سالتىنا قاتىناستى.
