ءتاڭىرتاۋ تورابى   ›   جاڭالىقتار   ›   شۋجي ەستەلىگى

اۆتونوميالى رايوندىق جۇمىسشى ۇيىمىنىڭ 12 - قۇرىلتايى ۇرىمجىدە وتكىزىلدى

  چىن چۋانگو، لي يۇيفۋ، شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين قاتىناستى

  9 - ايدىڭ 12 -، 13 - كۇندەرى اۆتونوميالى رايوندىق جۇمىسشى ۇيىمىنىڭ 12 - قۇرىلتايى ۇرىمجىدە وتكىزىلدى. سۋرەتتە: 9 - ايدىڭ 12 - كۇنى اۆتونوميالى رايوندىق پارتكومنىڭ شۋجيى چىن چۋانگو، جۇڭحۋا مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، شۋجيچۋىنىڭ ءبىرىنشى شۋجيى لي يۇيفۋ قاتارلى باسشىلار قۇرىلتايعا قاتىناسقان ۋاكىلدەرمەن كەزدەستى. سۋرەتتى ءتىلشىمىز سۇي جىجيان تۇسىرگەن

  تىلشىلەرىمىز ياۋ تۇڭ، جاۋ جىيۇن، ميھىرگۇل ناسىر 9 - ايدىڭ 14 - كۇنى ۇرىمجىدەن حابارلايدى. 9 - ايدىڭ 12 - ، 13 - كۇندەرى اۆتونوميالى رايوندىق جۇمىسشى ۇيىمىنىڭ 12 - قۇرىلتايى ۇرىمجىدە وتكىزىلدى.

  اۆتونوميالى رايوندىق پارتكومنىڭ شۋجيى چىن چۋانگو، جۇڭحۋا مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، شۋجيچۋىنىڭ ءبىرىنشى شۋجيى لي يۇيفۋ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتارلىلار قۇرىلتايعا قاتىناستى نەمەسە ۋاكىلدەرمەن كەزدەسۋ قيمىلىنا قاتىناستى.

  قۇرىلتايعا قاتىناسقان ۋاكىلدەرمەن كەزدەسكەندە، چىن چۋانگو اۆتونوميالى رايوندىق پارتكوم مەن ۇكىمەت جانە اۆتونوميالى رايونداعى ءار ۇلت حالقى اتىنان قۇرىلتايدىڭ اشىلعانىن قىزۋ قۇتتىقتاپ، اۆتونوميالى رايونداعى قالىڭ جۇمىسشى - قىزمەتكەرلەرگە، ەڭبەك ۇلگىلەرىنە جانە جۇمىسشى ۇيىمىنىڭ قىزمەتكەرلەرىنە شىن جۇرەكتەن سالەم جولداپ، ۇزاق مەزگىلدەر بويى جۇمىسشى ۇيىمىنىڭ قىزمەتىنە كوڭىل بولگەن، قولداۋ كورسەتكەن قوعامنىڭ ءار سالاسىنداعىلارعا شىن جۇرەكتەن العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى جۇمىسشى تابىنا جانە كەڭ ەڭبەكشى بۇقاراعا ەرەكشە كوڭىل ءبولىپ، جۇمىسشى ۇيىمىنىڭ قىزمەتىنە جانە قالىڭ جۇمىسشى - قىزمەتكەر بۇقاراسىنىڭ تۇرمىسىنا باسا نازار اۋدارىپ، كوپ رەت ماڭىزدى ءسوز سويلەپ، ماڭىزدى نۇسقاۋلار بەردى. بۇكىل اۆتونوميالى رايونداعى ءار دارەجەلى جۇمىسشى ۇيىمدارى مەن ءار ۇلت جۇمىسشى - قىزمەتكەرلەرىنىڭ وسى رەتكى قۇرىلتايدى وراي ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ جانە تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن بۇلجىماستان دايەكتىلەندىرىپ جانە تياناقتاندىرىپ، «ءتورت تانىمدى» نىعايتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ ورنالاستىرۋى بويىنشا جۇمىسشى ۇيىمى رەفورماسىن جاپپاي تەرەڭدەتىپ، ساياسي، العاباسارلىق، بۇقارالىق سيپاتتى ۇزدىكسىز كۇشەيتىپ، جۇمىسشى - قىزمەتكەر بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، سوتسياليستىك وسىزاماندانعان مەملەكەتتى جاپپاي قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ساپارىندا جۇمىسشى تابىنىڭ جاڭا كەلبەتىن ايگىلەپ، جۇمىسشى تابىنىڭ جاڭا ۇلەستەر قوسۋىن ءۇمىت ەتەمىن.

  لي يۇيفۋ سوزىندە مىنالاردى اتاپ كورسەتتى: شينجياڭ جۇمىسشى ۇيىمىنىڭ 11 - قۇرىلتايىنان بەرى، اۆتونوميالى رايوندىق پارتكومنىڭ پارمەندى باسشىلىعىندا بۇكىل اۆتونوميالى رايونداعى ءار دارەجەلى جۇمىسشى ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، پارتيانىڭ ىستەرىنە ادال بولۋ، جۇمىسشى - قىزمەتكەرلەرگە شىن كوڭىلمەن قىزمەت ەتۋ بورىشى مەن جاۋاپكەرشىلىگىن مۇقيات اتقارىپ، جۇمىسشى ۇيىمى قىزمەتىندە سۇيىنەرلىك تابىستارعا جەتتى؛ قالىڭ جۇمىسشى ۇيىمى كادرلارى وتاننىڭ شەكارا وڭىرىنە توراڭعىداي تامىر تارتىپ، تيانشاننىڭ تۇستىگى مەن تەرىستىگىنە ءوزىن ارناپ، ەلەۋلى ۇلەس قوستى. شينجياڭداعى ءار دارەجەلى جۇمىسشى ۇيىمدارى پارتيا ورتالىق كوميتەتىنىڭ شەشىم - ورنالاستىرۋىن ىشكەرىلەي دايەكتىلەندىرىپ جانە تياناقتاندىرىپ، جاعداي مەن مىندەتتەردىڭ وزگەرىسىنە بەيىمدەلىپ، تاريحي جاۋاپكەرشىلىكتى سانالىلىقپەن ارقالاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، قاشاندا دۇرىس ساياسي بەتالىسقا تاباندى بولىپ، جاڭا دامۋ ۇستانىمىن بەرىك ورناتىپ، شينجياڭداعى ءار ۇلت جۇمىسشى - قىزمەتكەرلەرىن جۇمىسشى تابىنىڭ نەگىزگى قوسىندىق رولىن تولىق ساۋلەلەندىرۋگە ۇيىمداستىرىپ جانە جۇمىلدىرىپ، ۇقىق قورعاۋعا قىزمەت ەتۋ قىزمەتىن شىنايى جاقسى ىستەپ، شينجياڭداعى ءار ۇلت جۇمىسشى - قىزمەتكەر بۇقاراسىنىڭ تابىس سەزىمىن، باقىت سەزىمىن جانە حاۋىپسىزدىك سەنىمىن ۇزبەي نىعايتىپ، جۇمىسشى ۇيىمى رەفورماسىندا جاڭالىق اشۋدى ۇزدىكسىز ىلگەرىلەتىپ، جۇمىسشى ۇيىمى ۇيىمدارىنىڭ باۋراۋ، ۇيىستىرۋ قابىلەتتەرى مەن جاۋىنگەرلىك قابىلەتىن ونان ارى نىعايتىپ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ شينجياڭ پاراعىن ويداعىداي جازۋعا بەلسەندى ۇلەس قوسۋى كەرەك.

  شوكىرات زاكىر سوزىندە مىنالاردى اتاپ كورسەتتى: 5 جىلدان بەرى، ءار دارەجەلى پارتكومدار مەن ۇكىمەتتەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىم - ورنالاستىرۋلارىن باتىل دايەكتىلەندىرىپ جانە تياناقتاندىرىپ، جۇمىسشى ۇيىمىنىڭ ساياسي قۇرىلىسىن ماڭداي الدى ورىنعا قويىپ، قالىڭ جۇمىسشى - قىزمەتكەرلەردى سەنىمدى بەكەمدەپ، پارتياعا ىلەسۋگە باستادى، بۇكىل شينجياڭنىڭ جۇمىسشى ۇيىمى ىستەرى تىڭ دامۋشىلىقتاردى ىسكە اسىردى؛ ءار دارەجەلى جۇمىسشى ۇيىمدارى قاي - قاشان دا پارتيانىڭ باسشىلىعىنا تاباندى بولىپ، جۇڭگوشا سوتسياليزم جولىمەن جۇرۋگە تاباندى بولدى، ولاردىڭ قوعامدىق ىقپالى مەن ۇيىستىرۋ قابىلەتى ۇزدىكسىز جوعارىلادى؛ ءار ۇلت جۇمىسشى - قىزمەتكەر بۇقاراسى قاي - قاشان دا پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، بولشەكتەۋشىلىككە قارسى تۇرۋ كۇرەسىن ورىستەتۋ، قوعام ورنىقتىلىعىن قورعاۋ، ۇلتتار ىنتىماعىن كۇشەيتۋ، جاڭا دامۋ ۇستانىمىن امالياتتا ايگىلەۋ سياقتى ءتۇرلى سالا مەن ءوز جۇمىس ورىندارىندا جاڭا ءداۋىر جۇمىسشى تابىنىڭ داۋىرلىك كەلبەتىن ايگىلەدى. بۇكىل اۆتونوميالى رايونداعى ءار دارەجەلى جۇمىسشى ۇيىمدارى باس شۋجي شي جينپيڭنىڭ تاپسىرماسىن ەسكە بەرىك ساقتاپ، ساياسي بەتالىستى يگەرىپ، مۇرات - سەنىمدى بەكەمدەۋدىڭ ۇلگىسى بولىپ، باس نىسانانى بەكەم نازارعا الىپ، شينجياڭنىڭ ورنىقتىلىعىن قورعاۋدىڭ ۇلگىسى بولىپ، ءداۋىردىڭ اۋىر جۇگىن ارقالاپ، جوعارى ساپالى دامۋدى ىلگەرىلەتۋدىڭ ۇلگىسى بولىپ، قىزمەت جاۋاپكەرشىلىگىن تولىق وتەپ، جۇمىسشى - قىزمەتكەر بۇقاراسىمەن بايلانىس جاساۋدىڭ ۇلگىسى بولىپ، جۇمىسشى ۇيىمى ۇيىمدارىنىڭ جاندىلىعى مەن ومىرشەڭدىگىن ۇزبەي لاۋلاتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋدىڭ ۇلى ساپارىندا تاعى دا تىڭ تابىستار جاراتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ شينجياڭ پاراعىنىڭ كوركەم كارتيناسىن ەڭبەكپەن ورنەكتەۋى كەرەك.

  اۆتونوميالى رايوندىق ايەلدەر بىرلەستىگىنىڭ ۋاكىلى بۇقارالىق ۇيىمدارى اتىنان ءسوز سويلەدى.

  قۇرىلتايدا «اۆتونوميالى رايوندىق باس جۇمىسشى ۇيىمى 11 - كەزەكتى كوميتەتىنىڭ قىزمەتىنەن بايانداما»، «اۆتونوميالى رايوندىق باس جۇمىسشى ۇيىمى 11 - كەزەكتى كوميتەتىنىڭ قازىنالىق ىستەر قىزمەتىنەن بايانداما»، «اۆتونوميالى رايوندىق باس جۇمىسشى ۇيىمى 11 - كەزەكتى كوميتەتى قاراجات تەكسەرۋ كوميتەتىنىڭ قىزمەتىنەن بايانداما» قارالدى جانە ماقۇلداندى؛ اۆتونوميالى رايوندىق باس جۇمىسشى ۇيىمى 12 - كەزەكتى كوميتەتى مەن قاراجات تەكسەرۋ كوميتەتى سايلاندى، سارقىت اقان ۇلى اۆتونوميالى رايوندىق باس جۇمىسشى ۇيىمىنىڭ ءتوراعاسى بولىپ سايلاندى، چىن جۇڭكۋان، ءانۋار ابدىراحىمان، جىڭ لۇيميڭ، تيان جيافۋ، مارلان جاقسىقان ۇلى، لي جۇڭيۇن، روزىمامەت باقى، ليۋ جۇنچاڭ، رۇڭ شۋەليڭ، حۋاڭ بين ورىنباسار ءتوراعا بولىپ سايلاندى. قۇرىلتايدا تاعى اۆتونوميالى رايوننان جۇڭگو جۇمىسشى ۇيىمىنىڭ مەملەكەتتىك 17 - قۇرىلتايىنا قاتىناساتىن ۋاكىلدەر سايلاندى.

  اۆتونوميالى رايوننىڭ باسشىلارىنان شۇي حايرۇڭ، ەركىن تۇنياز، سارقىت اقان ۇلى، جاڭ چۇنلين، باداي، جاۋ چيڭ، چىڭ جىنشان، ليۋ جيانشين، ليۋ جيانميڭ قاتارلىلار جوعارىداعى قيمىلدارعا جەكە - جەكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى