− باس شۋجي شي جينپيڭنىڭ وقۋ - اعارتۋ جونىندەگى مەملەكەتتىك ماجىلىستە سويلەگەن ماڭىزدى ءسوزى تۋرالى
حالىق گازەتىنىڭ شولۋشىسى
قانداي ادام تاربيەلەۋ − وقۋ - اعارتۋداعى ماڭداي الدى ماسەلە.
«احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ كەرەك»، وقۋ - اعارتۋ جونىندەگى مەملەكەتتىك ماجىلىستە باس شۋجي شي جينپيڭ پارتيا مەن مەملەكەت ىستەرى دامۋى جالپى جاعدايىنىڭ ستراتەگيالىق تۇرعىسىنان وقۋ - اعارتۋ قىزمەتىنىڭ ءتۇبىرلى مىندەتىن، وقۋ - اعارتۋدى وسىزامانداندىرۋدىڭ باعىت - نىساناسىن ايقىن كورسەتىپ، سوتسياليزمنىڭ قۇرىلىسشىلارى مەن ءىزباسارلارىن باۋلۋدىڭ 6 جاقتاعى ءتۇيىندى مىندەتتەرىن ايقىندادى، بۇل ونەگە كورسەتىپ، ادام تاربيەلەۋگە تاباندى بولۋداعى ماڭىزدى تانىم نازارياسى جانە ءادىسناما، وقۋ - اعارتۋدى وسىزامانداندىرۋدى جەدەل ىلگەرىلەتۋگە، وقۋ - اعارتۋداعى قۇدىرەتتى ەل قۇرۋعا ءتۇبىرلى ولشەم ازىرلەدى.
بۇرىن دا، قازىر دە، جۇڭگودا دا، شەتەلدە دە ءار مەملەكەت ءوزىنىڭ ساياسي تالابىنا ساي ادام تاربيەلەيدى. باس شۋجي شي جينپيڭنىڭ ماجىلىستە «ەلىمىز جۇڭگو كوممۋنيستىك پارتياسى باسشىلىعىنداعى سوتسياليستىك مەملەكەت، بۇل ءبىزدىڭ وقۋ - اعارتۋىمىز، ءسوز جوق، سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدى ءتۇبىرلى مىندەت ەتىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن قولدايتىن، جۇڭگوشا سوتسياليزم ءۇشىن ءومىر بويى كۇرەس جۇرگىزۋدى مۇرات ەتەتىن سانسىز ۇرپاق جارامدى دارىندىلار تاربيەلەۋ كەرەكتىگىن بەلگىلەگەن» دەگەنىندەي، وقۋ - اعارتۋدى وسىزامانداندىرۋدى ىلگەرىلەتۋدە اۋەلگى ماقساتتى ۇمىتۋعا بولمايدى، ءسوزسىز، وقۋ - اعارتۋ حالىق ءۇشىن قىزمەت ەتۋگە، جۇڭگو كوممۋنيستىك پارتياسىنىڭ ەل باسقارۋى ءۇشىن قىزمەت ەتۋگە، جۇڭگوشا سوتسياليزم ءتۇزىمىن بەكەمدەۋگە جانە دامىتۋعا قىزمەت ەتۋگە، رەفورما جاساپ، ەسىك اشۋ مەن سوتسياليستىك وسىزامانداندىرۋ قۇرىلىسىنا قىزمەت ەتۋگە تاباندى بولىپ، تۇتاس حالىقتى تاربيەلەۋ، تۇتاس بارىس بويىنشا ادام تاربيەلەۋ، جان - جاقتى ادام تاربيەلەۋ ءتۇزىلىس مەحانيزمىن كەمەلدەندىرىپ، سوتسياليزمنىڭ سانسىز ۇرپاق قۇرىلىسشىلارى مەن ءىزباسارلارىن ۇزدىكسىز باۋلۋ كەرەك. مەيلى قاي كەزدە بولسىن، پارتيا ءۇشىن ادام تاربيەلەيتىن اۋەلگى ماقساتتى ۇمىتۋعا بولمايدى، مەملەكەت ءۇشىن ادام تاربيەلەۋ تۇرعىسىن وزگەرتۋگە بولمايدى.
ءبىز باۋليتىن سوتسياليزمنىڭ قۇرىلىسشىلارى مەن ءىزباسارلارى قانداي نەگىزگى ساپا مەن رۋحاني كۇي ازىرلەۋى كەرەك؟ ءبىز باۋليتىن ادام، ءسوزسىز، كوممۋنيستىك ۇلى مۇرات جانە جۇڭگوشا سوتسياليستىك ورتاق مۇرات ورناتۋ كەرەك، بۇل بولماسا، سوتسياليزمنىڭ قۇرىلىسشىلارى مەن ءىزباسارلارىن باۋلۋ ىسكە اسپايدى؛ وتانشىلدىق − جۇڭحۋا ۇلتىنىڭ ۇلتتىق تىلەگى، ۇلتتىق رۋحى، ءبىز باۋليتىن ادامدا، ءسوزسىز، وتانشىلدىق سەزىم بولۋى، قاي - قاشان دا ءوزىنىڭ جۇڭگولىق ەكەندىگىن ۇمىتپاۋى كەرەك؛ ادام تاربيەلەۋدىڭ ءتۇبىرلىسى ونەگە ورناتۋدا، ءبىز باۋليتىن ادام، ءسوزسىز، ونەگەنى ەڭ الدىعا قويۋى، ءوزىن جەتىلدىرۋدى نەگىز ەتۋى، دارقان سۇيىسپەنشىلىككە، ۇلى سەزىمگە يە بولۋى كەرەك؛ قۇلشىنا ۇيرەنبەگەندە قابىلەت وسپەيدى، ءبىز باۋليتىن ادامدا جۇڭگو سۇيىسپەنشىلىگى بولىپ قانا قالماستان، دۇنيە جۇزىلىك كوزايا مەن حالىقارالىق وي ورىسكە يە بولۋى كەرەك؛ قاي - قاشان دا كۇرەس جۇرگىزۋ رۋحىن جوعالتۋعا بولمايدى، ءبىز باۋليتىن ادام، ءسوزسىز، اسقاق مۇرات ورناتۋى، ەرلىكپەن كۇرەس جۇرگىزەتىن رۋحاني كۇيگە، ۇمىتشەڭ، ورگە ۇمتىلاتىن ءومىر پوزيتسياسىنا يە بولۋى كەرەك؛ سوتسياليزمنىڭ قۇرىلىسشىلارى مەن ءىزباسارلارى، ءسوزسىز، جان - جاقتى دامۋى كەرەك، ءبىز باۋليتىن ادام، ءسوزسىز، احىلاق، اقىل - وي، دەنە، ەستەتيكا، ەڭبەك جاعىنان جالپى بەتتىك ساپاعا يە بولۋى كەرەك.
سوتسياليزمنىڭ قۇرىلىسشىلارى مەن ءىزباسارلارىن قالاي تاربيەلەۋ كەرەك؟ باس شۋجي شي جينپيڭ سوزىندە مۇرات - سەنىمدى بەكەمدەۋ، تەرەڭ وتانشىلدىق سۇيىسپەنشىلىك ورناتۋ، مىنەز - قۇلىق ساپاسىن كۇشەيتۋ، ءبىلىمدى ءوسىرىپ، وي ءورىستى كەڭەيتۋ، كۇرەسكەرلىك رۋحتى جەتىلدىرۋ، جالپىلىق ساپانى كۇشەيتۋ سىندى 6 جاققا كۇش سالۋدى باسا دارىپتەدى. ءبىز مۇقيات ۇيرەنۋىمىز، جەتە ءتۇسىنۋىمىز، جان - جاقتى دايەكتىلەندىرۋىمىز كەرەك. مىنالاردى، ءسوزسىز، جەتە تانۋىمىز كەرەك: تەك مۇرات - سەنىمدى بەكەمدەۋگە كۇش سالىپ، وقۋشىلاردىڭ «ءتورت سەنىمىن» كۇشەيتكەندە عانا، ولار ۇلتتىڭ گۇلدەنۋى سىندى ءداۋىردىڭ ماڭىزدى مىندەتىن ارقالاۋ مۇراتىن ورناتاتىن بولادى؛ تەك وتانشىلدىق سۇيىسپەنشىلىكتى تەرەڭدەتۋگە كۇش سالىپ، وقۋشىلاردى وتاندى ءسۇيۋ مەن سوتسياليزمدى ءسۇيۋدىڭ بىرلىگىنە تاباندى بولۋعا تاربيەلەگەندە، جەتەكتەگەندە عانا، ولاردى پارتيانىڭ سوزىنە قۇلاق اسۋ، پارتياعا ىلەسۋ مۇراتىن ورناتۋعا، حالىققا تامىر تارتىپ، مەملەكەتكە ۇلەس قوسۋ مۇراتىن ورناتاتىن ەتۋگە بولادى؛ تەك مىنەز - قۇلىق ساپاسىن وسىرۋگە كۇش سالىپ، وقۋشىلاردى سوتسياليستىك وزەكتى قۇن كوزقاراسىن جەتىلدىرۋگە جانە امالياتتا ايگىلەۋگە تاربيەلەگەندە، جەتەكتەگەندە عانا، ولاردى ۇلى سۇيىسپەنشىلىككە، ۇلى ءمورالعا، دارقان ىقىلاسقا يە ادام ساناتىندا سومداۋعا بولادى؛ تەك ءبىلىمدى ءوسىرىپ، وي ءورىستى كەڭەيتۋگە كۇش سالىپ، وقۋشىلاردى وي ءورىستى كەڭەيتىپ، ءبىلىمىن مولايتۋعا تاربيەلەگەندە، جەتەكتەگەندە عانا، ولاردى اقيقاتقا تالپىنۋ، ءجون - جوسىندى ءتۇسىنۋ، جۇيە - جۇلگەنى ءبىلۋ بەتالىسىمەن العا باساتىن ەتۋگە بولادى؛ تەك كۇرەسكەرلىك رۋحتى جەتىلدىرۋگە كۇش سالىپ، وقۋشىلاردى باتىلدىقپەن جاۋاپكەرلىك ارقالايتىن، تالماي كۇرەسەتىن رۋحتى شىڭداۋعا تاربيەلەگەندە، جەتەكتەگەندە عانا، ولاردى قاجىرلى دا ىسكەر بولىپ، تىنباي قۇلشىناتىن ەتۋگە بولادى؛ تەك جالپىلىق ساپانى كۇشەيتۋگە كۇش سالىپ، وقۋشىلاردىڭ جالپىلىق قابىلەتتى جەتىلدىرۋگە تاربيەلەگەندە، جەتەكتەگەندە عانا، ولاردى احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلدىرۋگە بولادى.
گۇل تامىرىمەن ءنار قابىلدايدى، ادام تاربيەمەن جەتىلەدى. ونەگە كورسەتىپ، ادام تاربيەلەۋدى ءتۇبىرلى مىندەت ەتۋگە تاباندى بولىپ، سوتسياليزمنىڭ قۇرىلىسشىلارى مەن ءىزباسارلارىن بار كۇشپەن باۋلىپ، قوعامنىڭ دامۋىنا، ءبىلىمنىڭ قوردالانۋىنا، مادەنيەتكە مۇراگەرلىك ەتۋگە، مەملەكەتتىڭ باياندى بولۋىنا، ءتۇزىمنىڭ اينالىس جاساۋىنا قاجەتتى ادامدى باۋلىساق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى سانسىز ۇرپاق ادامداردىڭ كۇش جالعاپ كۇرەس جۇرگىزۋىندە رەالدىققا اينالاتىن بولادى.
(شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى)
