− باس شۋجي شي جينپيڭنىڭ وقۋ - اعارتۋ جونىندەگى مەملەكەتتىك ماجىلىستە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
عاسىرلىق ۇلى ءىس وقۋ - اعارتۋدى نەگىز ەتەدى. وقۋ - اعارتۋ ۇلى ءىسى وقىتۋشىلاردى نەگىز ەتەدى.
«سوتسياليستىك وسىزاماندانعان قۇدىرەتتى ەل قۇرۋ وقىتۋشىلار قوسىنى قۇرىلىسىنا جاڭا، ءتىپتى، جوعارى تالاپتار قويىپ وتىر، بۇكىل پارتياعا، بۇكىل قوعامعا دا وقىتۋشىلاردى قۇرمەتتەۋ، وقۋ - اعارتۋعا ءمان بەرۋ تۇرعىسىنان جاڭا، ءتىپتى جوعارى تالاپتار قويىپ وتىر». 9 - ايدىڭ 10 - كۇنى، ءدال وقىتۋشىلار مەرەكەسى كۇنى اشىلعان وقۋ - اعارتۋ جونىندەگى مەملەكەتتىك ماجىلىستە باس شۋجي شي جينپيڭ ماڭىزدى ءسوز سويلەپ، پارتيا مەن مەملەكەت ىستەرى دامۋ جالپى جاعدايىنىڭ ستراتەگيالىق بيىك تۇرعىسىنان قالىڭ وقىتۋشىلاردىڭ مەملەكەتتىڭ دامۋى مەن ۇلتتىڭ گۇلدەنۋىنە ماڭىزدى ۇلەس قوسقانىن جوعارى باعالاپ، ايبىندى، ماماندانعان جوعارى ساپالى وقىتۋشىلار قوسىنىن قۇرۋدى شىنايى ءۇمىت ەتىپ، وقىتۋشىلار قوسىنى قۇرىلىسىن كۇشەيتۋ جونىندە ايقىن تالاپتاردى ورتاعا قويىپ، قالىڭ وقىتۋشىلاردى ءبىلىم بەرىپ، ادام تاربيەلەۋ جۇمىس ورنىندا پارتيا مەن حالىق ىستەرىنە جاڭا، ءتىپتى زور ۇلەستەر قوسۋعا بارىنشا جىگەرلەندىردى جانە ىنتالاندىردى.
وقىتۋشى − ادام جانىنىڭ ينجەنەرى، ادامزات وركەنيەتىنىڭ جالعاستىرۋشىسى. جۇڭحۋا ۇلتىنىڭ 5000 جىلدان استام وركەنيەت تاريحىندا قاھارمانداردىڭ قاۋلاپ شىعىپ، ۇلى ۇستازداردىڭ تولاسسىز بوي كورسەتۋى ءبىرىنىڭ ءىزىن ءبىرى باسقان وقىتۋشىلاردىڭ جاپالى ەڭبەگىنەن ايرىلا المايدى. جاڭا جۇڭگو قۇرىلعان 69 جىلدان بەرى، پارتيا مەن مەملەكەت وقۋ - اعارتۋ ىستەرىنە بارىنشا ءمان بەرىپ، دۇنيە جۇزىندەگى كولەمى ەڭ ۇلكەن وقۋ - اعارتۋ جۇيەسىن قۇرىپ، ميلليارد حالىقتىڭ ءبىلىم الۋ ۇقىعىن قامتاماسىز ەتىپ، ەكونوميكالىق، قوعامدىق دامۋدى پارمەندى تۇردە ىلگەرىلەتتى. بۇگىنگى تاڭدا، ءبىزدىڭ وقىتۋشىلار قوسىنىمىزدا 16 ميلليوننان استام ادام بار، بۇل كەرەمەت كۇش. ۇزاق مەزگىلدەن بەرى، قالىڭ وقىتۋشىلار پارتيانىڭ وقۋ - اعارتۋ باعىتىن دايەكتىلەندىرىپ، ءبىلىم بەرىپ، ادام تاربيەلەپ، جۇرەك قانىن سارقا جۇمساپ، ءۇن - ءتۇنسىز ۇلەس قوسىپ، ءداۋىر جۇكتەگەن ءبىلىم تاراتۋ، يدەيا تاراتۋ، اقيقات تاراتۋ، رۋحتى سومداۋ، ءومىردى سومداۋ، جاڭا ادام سومداۋ اۋىر تاپسىرماسىن سانالى تۇردە ارقالاپ، پارتيا مەن حالىققا قانشاما بۋىن ۇزدىك دارىندىلار تاربيەلەپ بەرىپ، بۇكىل قوعامنىڭ كەڭىنەن القاۋى مەن جاپپاي قۇرمەتتەۋىنە بولەندى.
«ءبىلىم بەرۋ قيىن ەمەس، ونەگە شاشۋ قيىن». جاقسى وقىتۋشىدان ونەگە كورۋ − ومىرلىك باقىت، جاقسى وقىتۋشى − مەكتەپتىڭ ماقتانىشى، ۇلتتان جاقسى وقىتۋشىلاردىڭ تولاسسىز جارىققا شىعۋى سول ۇلتتىڭ دامۋىنىڭ ءتۇبىرلى تياناعى مەن بولاشاق ارقاۋى. وسى ماننەن ايتقاندا، وقىتۋشىلارعا جوعارى ولشەم، قاتاڭ تالاپ قويۋ − بۇلجىماس قاعيدا، بۇل وقۋشىلارعا جاۋاپتى بولۋ، سونداي - اق ۇلتقا جاۋاپتى بولۋ سانالادى. بۇگىنگى كۇندە، جاڭا ءداۋىر، جاڭا جاعدايدىڭ وقىتۋشىلارعا قويعان جاڭا، ءتىپتى جوعارى تالاپتارىنا سايكەس، سوتسياليستىك وسىزاماندانعان قۇدىرەتتى ەل قۇرۋدىڭ وقىتۋشىلار قوسىنىنىڭ قابىلەتى مەن دەڭگەيىنە قويعان جاڭا، ءتىپتى جوعارى تالاپتارىنا سايكەس، ءبىز، ءسوز جوق، وقىتۋشىلار قوسىنى قۇرىلىسىن كۇشەيتۋدىڭ ماڭىزدى ءمانىن ستراتەگيالىق بيىك تۇرعىدان جىعا تانىپ، وقىتۋشىلار قوسىنى قۇرىلىسىن نەگىزدىك قىزمەت ەتۋگە تاباندى بولىپ، وقىتۋشىلاردى مۇراتتى دا سەنىمدى، ءمورالدى دا قۇلىقتى، تەرەڭ ءبىلىمدى، باۋىرمال جاقسى وقىتۋشىلار بولۋعا، وقۋشىلاردىڭ مىنەز - قۇلىقتى شىڭاپ، ءبىلىم الىپ، جاڭاشا ويلاپ، وتانعا ۇلەس قوسۋىنداعى جول باستاۋشى بولۋعا جەتەكتەپ، ايبىندى دا ماماندانعان جوعارى ساپالى وقىتۋشىلار قوسىنىن قۇرۋعا كۇش سالۋ كەرەك.
وقىتۋشى − وقۋ - وقىتۋدىڭ نەگىزى، وقۋ - اعارتۋدى گۇلدەندىرۋدىڭ قاينارى. ماماندانعان جوعارى ساپالى وقىتۋشىلار قوسىنىن قۇرۋدا باس شۋجي شي جينپيڭ العا قويعان ايقىن تالاپتاردى تىڭعىلىقتى تياناقتاندىرۋ كەرەك. وقىتۋشىنىڭ ءمورالى مەن ستيلى − وقىتۋشىلار قوسىنىنىڭ ساپاسىن باعالاۋداعى ءبىرىنشى ولشەم، وقىتۋشىلاردىڭ مادەنيەت اياسىن كەڭەيتىپ، وقىتۋشىلاردىڭ جالپىلىق ساپاسىن جوعارىلاتىپ، وقىتۋشىلاردى تاربيەلەۋ جۇيەسى قۇرىلىسىن كۇشەيتىپ، وقىتۋشىلاردىڭ وزىق يدەيا - مادەنيەتتىڭ تاراتۋشىسى، پارتيانىڭ بيلىك جۇرگىزۋىنىڭ تاباندى قولداۋشىسى، وقۋشىلاردىڭ اقاۋسىز ءوسىپ - جەتىلۋىنىڭ جەتەكشىسى مەن جول باستاۋشىسى بولۋىن ىلگەرىلەتۋ كەرەك؛ حالىق وقىتۋشىسى − تەڭدەسسىز داڭق، ءاربىر وقىتۋشى وسى داڭقتى قاستەرلەپ، وسى ماماندىقتى قاستەرلەپ، وزىنە قاتاڭ تالاپ قويىپ، ءوزىن ۇزبەي كەمەلدەندىرىپ، ءبىلىم بەرىپ، ادام تاربيەلەۋدەن جازباۋى، بويىندا وقۋ - اعارتۋدى قىزۋ سۇيەتىن تاباندىلىق، اتاق - ابىرويعا قىزىقپايتىن تاباندىلىق بولۋى، ىستىق مەيىر مەن سۇيىسپەنشىلىككە ءنار بەرىپ، سۇيىسپەنشىلىككە دەم بەرىپ، سۇيىسپەنشىلىكتى تاراتۋى كەرەك؛ بۇكىل پارتيا، بۇكىل قوعام وقىتۋشىنى قۇرمەتتەپ، وقۋ - اعارتۋعا ءمان بەرەتىن قوعامدىق سالتتى اسقاقتاتىپ، وقىتۋشىلاردىڭ ساياسي ورنىن، قوعامدىق ورنىن، كاسىبي ورنىن قۇلشىنا جوعارىلاتىپ، وقىتۋشىلاردىڭ ءتيىستى قوعامدىق بەدەلگە يە بولۋىنا مۇمكىندىك جاساۋ، سونىمەن بىرگە وقۋ - اعارتۋ ۇسىنىلىمىن وقىتۋشىلارعا كوبىرەك بەيىمدەپ، وقىتۋشىلاردىڭ يگىلىگىن ۇزدىكسىز جوعارىلاتىپ، قالىڭ وقىتۋشىلاردىڭ وقىتۋ جۇمىسىمەن الاڭسىز، ىنتالى تۇردە اينالىسۋىنا مۇمكىندىك جاساۋ كەرەك.
«ءۇش سۇن بور، ءۇش چى مىنبە مەملەكەتتىڭ تاعدىرىنا سايادى؛ ءبىر ادال جۇرەك، ءبىر ءومىر شىراق ۇلتتىڭ رۋحىن سومدايدى». ۇستازدىق ءمورالى ۇستەم، كاسىپكە ىسىلعان، قۇرىلىمى ۇيلەسىمدى، ومىرشەڭدىككە تولى ايبىندى، ماماندانعان جوعارى ساپالى وقىتۋشىلار قوسىنىن بار كۇشپەن تاربيەلەپ، دايىنداپ، قالىڭ وقىتۋشىلاردىڭ قاسيەتتى جاۋاپكەرشىلىك پەن بورىشتى ءتىپتى جاقسى ارقالاۋىنا مۇمكىندىك جاساساق، ءبىز، ءسوز جوق، وقۋ - اعارتۋدىڭ وسىزاماندانۋىن جەدەلدەتىپ، وقۋ - اعارتۋدا قۇدىرەتتى مەملەكەت قۇرىپ، حالىق رازى بولاتىن وقۋ - اعارتۋدى ويداعىداي ىستەۋگە بەرىك نەگىز قالاي الامىز.
(شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى)
