تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ابىلاجان وتباسىنىڭ باياندى باقىتى

  ءتىلشىمىز فۋ شياڭلۇڭ

  ۇرىمجىگە كەلگەنىنە 16 جىل بولعان ابىلاجان رۋسۇل وتباسى ۋاڭ چۋانفا سياقتى كوپتەگەن ىزگى جانداردىڭ جاردەمىنە يە بولىپ، باياندى باقىتتى سەزىندى.

  ابىلاجان مەن ايەلى باھارگۇل ابدۇھيلەم 2002 - جىلى يوپۇرعا اۋدانىنان ۇرىمجىگە كەلىپ، ءۇرىمجى بۇرىنعى ەكونوميكالىق - تەحنيكالىق اشۋ رايونى حىنانجۋاڭ قىستاعىندا ءۇي جالداپ تۇردى. «ول كەزدە ءبىر اۋىز ورتاق ءتىل دە بىلمەيتىنمىن، جات ەل، جات جەر ەدى. جالداعان ءۇيىمىزدىڭ يەسى ۋاڭ چۋانفا اعاي ءبىزدى قۇدىعىنان سۋ الۋعا، اتىزىنان كوكونىس ۇزۋگە باستاپ باراتىن، تۇرمىس تارشىلىعىنان وتۋىمىزگە كومەگىن ايامادى»، - دەدى باھارگۇل.

  ابىلاجان سانجىدا بىرنەشە جىل تەحنيكالىق مەكتەپتە وقىعان، ۋاڭ چۋانفا ونى شينجياڭ حۇيشينيۋان ەلەكتر اسپاپتار شەكتى سەرىكتەستىگىنە جۇمىسقا تانىستىرادى. كوپ وتپەي، باھارگۇل دە وسى كاسىپورىندا جۇمىس ىستەپ، ابىلاجانمەن ءبىر گرۋپپاعا ورنالاسادى. ولار 2006 - جىلى ءبىر ۇل، 2008 - جىلى ءبىر قىز سۇيەدى، الايدا ەرلى - زايىپتى ەكەۋى ەرتە شىعىپ، كەش قايتاتىندىقتان، بالانى كىم باعادى؟ تاعى دا سول ۋاڭ چۋانفا ىرىقتىلىقپەن قارايلاسادى.

  «اعايدىڭ 3 دوڭگەلەكتى ۆەلوسيپەدى بار بولاتىن، كۇندە 2 بالانى وتىرعىزىپ الىپ، ەگىس جۇمىستارىن ىستەپ، ەكەۋىن ويناتادى، ارناۋلى ءبىر كىشكەنە قازان ساتىپ الىپ بالالارعا تاماق جاساپ بەردى، جۇمىستان وتە كەش تۇسكەن كەزدەرىمىزدە، ۋاڭ اعايدىڭ ۇيىندە ۇيىقتاپ قالعان بالالارىمىزدى قانشا رەت كوتەرىپ الىپ قايتقانىمىز ەسىمىزدە جوق»، − دەدى ابىلاجان. بالالارى بالاباقشاعا تۇسكەننەن كەيىن دە بالاباقشانىڭ وقىتۋشىلارى بالالاردى كەزەكپەن ۋاڭ چۋانفانىڭ ۇيىنە جەتكىزىپ بەرىپ تۇردى، ابىلاجان مەن ايەلى جۇمىستان تۇسكەننەن كەيىن بالالارىن ۋاڭ چۋانفانىڭ ۇيىنەن الىپ قايتاتىن. «وقىتۋشىلار وتباسىمىزدىڭ جاعدايىنان حابار تاپقاننان كەيىن، ولار وزدىكتەرىنەن كەزەكتەسىپ، بۇگىن بىرەۋى، ەرتەڭ بىرەۋى جەتكىزىپ تۇردى»، − دەدى باھارگۇل.

  قاجىرلى ەڭبەگىنە سۇيەنىپ 10 جىلدا ابىلاجان وتباسى تىرناشتاپ اقشا جيادى. «مەن ءبىر كۇن ىستەسەم 80 يۋان، ايەلىم 100 يۋان كىرىس كىرگىزەدى، ءبىر تيىندى دا ىسىراپ ەتۋگە باتپايمىز، بانكەگە قويعان اقشامىز 50 مىڭ يۋانعا جەتەيىن دەدى»، − دەدى باھارگۇل كوڭىلى جايلانا.

  جيناعان تيىن - تەبەنمەن ابىلاجان مەن ايەلى ءۇي ساتىپ الماقشى بولادى، بۇدان حابار تاپقان ۋاڭ چۋانفا توڭىرەكتەن لايىقتى ءۇي قاراستىرادى. 2017 - جىلى 7 - ايدا ۋاڭ چۋانفانىڭ بايلانىس جاساۋىمەن ابىلاجان وتباسى ءۇرىمجى ەكونوميكالىق، تەحنيكالىق اشۋ رايونى (توۋتۇنحى) سولتۇستىك ۆوكزال باتس جولى ءمالىسى سولتۇستىك ۆوكزال جولى الەۋمەتتىك اۋماعىنان ءۇي الادى.

  47 شارشى مەترلىك وتكەرمە ءۇيدىڭ باعاسى 160 مىڭ يۋاننان اسادى، ازىناۋلاق جيناعان قورى بولعانىمەن، ءبىر جولدا تولەۋگە قاۋقارلارى جەتپەيدى، ەندى قايتۋ كەرەك؟ ارينە، قارىز الۋ كەرەك.

  «ۋاڭ اعاي 70 مىڭ يۋان قارىز بەردى، حۇيشينيۋان ەلەكتر اسپاپتار شەكتى سەرىكتەستىگىنىڭ جاۋاپتىسى لي ي - رىن 40 مىڭ يۋان قارىز بەردى، مۇنان تىس جۇمىس ىستەگەن كەزدە تانىسقان جاقسى دوسىم حى ابياۋ 30 مىڭ يۋان قارىز بەردى، بانكەدەگى جيناعان اقشامدى قوسىپ، ءۇي ساتىپ الاتىن اقشانى اقىرى تولىقتادىم»، − دەدى ابىلاجان اسەرلەنە، «ارالاسقانىمىزعا 10 نەشە جىلدىڭ ءجۇزى بولدى، ءبىر - بىرىمىزگە سەنەمىز، ولاردىڭ كومەگى بولماسا، وزىمە تيەسىلى ۇيگە قاشان يە بولارىمدى بىلمەيمىن».

  «ۇيگە كوشىپ كىرگەننەن كەيىن، الەۋمەتتىك اۋماق كادرلارى ءۇيدى اقتاپ بەرىپ، ءۇيىمىز ءۇي بەينەسىنە كەلدى، الەۋمەتتىك اۋماق كادرلارى تۇرمىستا قينالعانىمىزدى كورىپ، الەۋمەتتىك اۋماقتىڭ قىزمەتكەر قابىلداۋىنا قاتىناسۋىمىزدى ايتتى، قازىر جولداسىم ەكەۋىمىز دە الەۋمەتتىك اۋماقتا جۇمىس ىستەيمىز»، − دەدى باھارگۇل.

  جاڭا ءۇي، جاڭا قىزمەت، جاڭا تۇرمىس باھارگۇلدى قيىنشىلىق تۇرمىستان ارىلتقانداي بولادى. دەسەدە، 2018 - جىلى 5 - ايدا 9 جاسار قىزى تۇمارىس تۋما سيپاتتى وڭ جاق مويىن بولەگىنىڭ قان تامىر كەمىستىگى اسقىنىپ، ءبىر وتباسىنىڭ ەندى عانا باستالعان جاقسى تۇرمىسى تاعى دا قيىنشىلىققا تاپ بولادى.

  الەۋمەتتىك اۋماق كادرلارى وتباسىلارىن ارالاپ جاعداي ۇعىسۋ بارىسىندا بۇل بالانىڭ وڭ جاق مويىندا تور دوپتىڭ ۇلكەندىگىندەي كوك ءتۇستى تومپاق نارسەنىڭ بار ەكەنىن، كاپيلليار قان تامىرلارىنىڭ ايقىن كورىنىپ تۇرعانىن، بالانىڭ قاتتى ازاپتانعانىن كورەدى. ۇعىسا كەلە بالانىڭ 3 اي كەزىندە سىرقاتتانىپ، ايقىن دياگنوز قويىلماعانىن، وپەراتسيا جاساۋعا اقشالارى جوق بولعاندىقتان، − وسى كۇنگە دەيىن كەشىككەنىن بىلەدى. سونىمەن الەۋمەتتىك اۋماق كادرلارى شيپاحانامەن دەرەۋ بايلانىس جاسايدى، بيىل 6 - ايدا تۇمارىسقا اقىرى وپەراتسيا جاسالادى. «شيپاگەر قاتەرسىز وسپە ەكەن، وپەراتسيا ءساتتى بولدى، 12 جاستان بۇرىن قايتالاماسا، ابدەن ساۋىعىپ كەتەتىندىگىن ايتتى»، - دەدى باھارگۇل قۋانا.

  30 مىڭ يۋانعا جۋىق وپەراتسيا اقىسى ابىلاجان مەن ايەلىنىڭ باسىن كوپ قاتىرعان ەدى. «الەۋمەتتىك اۋماق كادرلارى بىزگە جىلۋ جيناپ بەردى، شيپاحانا ۇيىمىزدە قيىنشىلىعىمىز بار ەكەنىن ءبىلىپ، ءبىر ءبولىم اقىنى كەشىرىم ەتتى، اۋىل - قىستاق جاڭاشا سەلبەسىپ ەمدەۋ بويىنشا ءبىر ءبولىمى ەسەپتەن كوتەرىلدى، سونىمەن اۋىرتپالىعىمىز جەڭىلدەدى»، «باسىمىزعا تونگەن قارا بۇلتتان تاعى ايىقتىق!»، − دەدى باھارگۇل جاسىن سۇرتە.

  «ۇلتتار ىنتىماعىنىڭ بەرەكەلى شاڭىراعى دەگەن مىنە وسى! وسىنشاما كوپ جىلدان بەرى وسى ىزگى جانداردىڭ كومەگى بولماسا، وتباسىمىزداعىلار بۇگىنگىدەي جايلى دا باقىتتى تۇرمىس كەشىرە الماس ەدى»، − دەدى ابىلاجان اسەرلەنە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى