ءۇرىمجى قالالىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى
احمەتجان احنياز
شينجياڭ لاڭكەستىككە، سىنالاپ كىرۋگە، بولشەكتەۋشىلىككە قارسى كۇرەستىڭ الدىڭعى شەبىندە تۇر، قيان - كەسكى كۇرەس جاعدايىندا، قالىڭ پارتيالى كادرلار ەرەكشە پارتيالىلىق شىڭدالۋ مەن سەنىم سىناعىنان ءوتىپ، وبۇلقاسىم ءماتتۇرسىن سياقتى تۇرعىسى بەرىك، تۋى ايقىن، كۇرەستە باتىل ءبىر توپ تاڭداۋلى كادر جارىققا شىقتى. ايتسە دە ءبىز كادرلار قوسىنى اراسىندا «ەكىبەتكەيلەردىڭ» ءالى دە ءومىر ءسۇرىپ وتىرعاندىعىن سەرگەكتىكپەن كورە ءبىلۋىمىز، ءسوز جوق، قىراعىلىقتى ارتتىرىپ، دالمە - ءدال اجىراتىپ، ەش اياۋسىزدىقپەن ولاردى اشكەرەلەپ، تىپ - تيپىل الاستاۋىمىز كەرەك.
«ەكىبەتكەيلەر» ماندىك جاقتان سەنىمگە جانە وتانعا وپاسىزدىق جاساعان ازعىندار، سۇرقيالار. ولار مۇرات - سەنىمىن جوعالتىپ، ساياسي تۇرعىدا كەرتارتپالىق ىستەپ، پارتيانىڭ ساياسي ءتارتىبى مەن ساياسي قاعيداسىن قالاعانىنشا اياق استى ەتتى، كوممۋنيستىك پارتيانىڭ اسىن ءىشىپ، قازانىن شاقتى، پارتيانى ءسۇيۋ، وتاندى ءسۇيۋ تانىمىنان جۇرداي بولىپ، كورىنىستە بويسۇنعانسىپ، كومەسكىدە قارسى تۇرىپ، اس اتقانعا تاس اتتى. «ەكىبەتكەيلەر» يدەيادا بىلىقپالىق تۋدىرىپ، وتاندى بولشەكتەۋ، ۇلتتار ىنتىماعىن ءبۇلدىرۋ، ۇلتتىق وشپەندىلىك تۋدىرۋ سۇرقيا ماقساتىنا جەتۋگە ۇرىندى. فاكت «ەكىبەتكەيلەردىڭ» ۇلتتار ىنتىماعىن بۇلدىرەتىن پەردە ارتىنداعى قاراقولدار ەكەندىگىن، قوعامنىڭ ورنىقتىلىعىنا زيان جەتكىزەتىن ۋلى وسپە ەكەندىگىن دالەلدەدى. كادرلار قوسىنى اراسىنداعى «ەكىبەتكەيلەردى» الاستامايىنشا، ادىلدىكتى ايگىلەۋ قيىنعا سوعادى، ورنىقتىلىقتى قامتاماسىزداندىرۋ قيىنعا سوعادى، حالىقتىڭ تىلەگىن توعىستىرۋ قيىنعا سوعادى، شينجياڭ قىزمەتىنىڭ باس نىساناسىن جۇزەگە اسىرۋ قيىنعا سوعادى.
پارتيالى باسشى كادر رەتىندە، مەن بولشەكتەۋشىلىككە قارسى كۇرەستىڭ الدىڭعى لەگىندە باتىلدىقپەن تۇرىپ، «ەكىبەتكەيلەرگە» قارسى ايقىن پوزيتسيا ءبىلدىرىپ، بەتپە - بەت سوققى بەرىپ، باتىلدىقپەن وتاننىڭ تۇتاستىعىن قورعايمىن، شينجياڭنىڭ قوعام ورنىقتىلىعى مەن باياندى تىنىشتىعىن قورعايمىن. «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىن. ساياسي جاۋاپكەرشىلىكتى ەستە بەرىك ساقتاپ، ساياسي جاۋاپكەرشىلىك ارقالاۋدى كۇشەيتىپ، ساياسيدا بەرىك بولۋدى ءبىرىنشى ولشەم ەتىپ، وتاننىڭ تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ سىندى ۇلكەن دۇرىس پەن ۇلكەن بۇرىس ماسەلەسى الدىندا، ءارقانداي ۋاقىتتا، ءارقانداي جاعدايدا باستان - اياق تۋىم ەرەكشە ايقىن، پوزيتسيادا ەرەكشە باتىل، تۇرعىدا ەرەكشە بەرىك بولامىن.
مەن قوعام ورنىقتىلىعى مەن باياندى تىنىشتىق باس نىساناسىن باتىلدىقپەن دايەكتىلەندىرەمىن، تياناقتاندىرامىن. باس نىسانانى باس پروگرامما، وزەكتى مىندەت، كوزدەۋ ءتۇيىنى مەن كۇش سالۋ ءتۇيىنى ەتۋگە تاباندى بولىپ، سانالىلىقپەن باس نىسانانى بەكەمدەپ، باس نىسانادان كوز جازباي، باس نىسانانى تياناقتاندىرامىن. اۆتونوميالى رايوندىق پارتكومنىڭ ورنالاستىرۋىنا ساي، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتىپ، بولشەكتەۋشىلىككە قارسى كۇرەستە اتويلاپ الدا ءجۇرىپ، باستاماشى، ونەگە بولىپ، باتىلدىقپەن لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» جاقسى جۇرگىزىپ، ناقتى ارەكەتىممەن باس نىسانانىڭ تياناقتانۋىن ىلگەرىلەتەمىن.
مەن ۇزدىكسىز باتىل ءۇن قاتىپ، ايقىن پوزيتسيا ءبىلدىرىپ، «ەكىبەتكەيلەرمەن» باتىل كۇرەسەمىن. باستان - اياق باس نىسانانى ارقاۋ ەتىپ، نازاردى باس نىساناعا شوعىرلاندىرىپ، ۇزدىكسىز باتىل ءۇن قاتىپ، ۇزدىكسىز ايقىن پوزيتسيا ءبىلدىرىپ، «شينجياڭنىڭ ءتورت تاريحىن» بەلسەنە ۇگىتتەپ، پانتۇركيزم، ءپانىسلاميزم يدەياسىنا ىشكەرىلەي تويتارىس بەرەمىن. ءوز باسىمنان باستاپ ىستەپ، بار اقىل - قايراتىممەن ۇلتتار ىنتىماعىن جەبەيتىن ىستەر ىستەپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلى سىندى دانەكەردەن تولىق پايدالانىپ، ارتىقشىلىعىمدى ساۋلەلەندىرىپ، ءار ۇلت بۇقاراسى اراسىندا ۇگىت - تاربيەنى بەلسەندىلىكپەن ورىستەتىپ، «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا ماقساتى مەن سالعان اۋىر زيانىن انىق ايتىپ، ءار ۇلت كادرلارى مەن بۇقاراسىن ماركسيزمدىك «بەس كوزقاراستى» بەرىك ورناتىپ، «بەستى شىنايى مويىنداۋدى» ۇزدىكسىز كۇشەيتىپ، قىراعىلىقتى ارتتىرىپ، دۇرىس پەن بۇرىستى ايقىن اجىراتىپ، باستان - اياق پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋگە باستاپ، باس نىسانانى جۇزەگە اسىرۋعا قۇدىرەتتى كۇش ۇيىستىرامىن.
