ءتاڭىرتاۋ تورابى   ›   زاڭ تارازى   ›   زاڭنان كەڭەس

«ساناقتاعى جالعاندىق ىستەۋدەن، كوز بوياۋشىلىق ىستەۋدەن ساقتانۋعا جانە ونى جازالاۋعا باقىلاۋ - تەكسەرۋ جۇرگىزۋ قىزمەتى بەلگىلەمەسى» اتقارىلدى

  شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى. ساناقتاعى كوز بوياۋشىلىقتان، الدامكوستىك ىستەۋدەن ساقتانۋعا جانە ونى جازالاۋعا باقىلاۋ - تەكسەرۋ جۇرگىزۋ مەحانيزمىن ورناتۋ، جەر - جەردىڭ، تاراۋلاردىڭ ساناق تۋرالى زاڭ - ەرەجەلەردى قاتاڭ اتقارۋىن ىلگەرىلەتۋ، ساناق مالىمەتتەرىنىڭ شىنايىلىعىنا، دالدىگىنە كەپىلدىك ەتۋ ءۇشىن، ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى جۋىقتا «ساناقتاعى جالعاندىق ىستەۋدەن، كوز بوياۋشىلىق ىستەۋدەن ساقتانۋعا جانە ونى جازالاۋعا باقىلاۋ - تەكسەرۋ جۇرگىزۋ قىزمەتى بەلگىلەمەسىن» باسىپ تاراتتى. بەلگىلەمە جالپى 20 تارماق، 2018 - جىلى 8 - ايدىڭ 24 - كۇنىنەن باستاپ اتقارىلدى.

  بەلگىلەمەدە مىنالار ايقىندالدى: مەملەكەتتىك ساناق مەكەمەسى ساناققا باقىلاۋ - تەكسەرۋ جۇرگىزۋ قىزمەتىنە ءبىرىڭعاي ورنالاستىرۋ جاساۋعا، جەتەكشىلىك ەتۋگە، باقىلاۋ جۇرگىزۋگە جاۋاپتى بولادى. مەملەكەتتىك ساناق مەكەمەسى ساناق بويىنشا زاڭنىڭ اتقارىلۋىن باقىلاۋ مەكەمەسى ساناقتى باقىلاۋ - تەكسەرۋدىڭ كۇندەلىكتى قىزمەتىن ارقالايدى. ساناقتى باقىلاۋ - تەكسەرۋدىڭ وبيەكتىلەرى ساناق قىزمەتىمەن قاتىستى جەرلەر، قاتىستى تاراۋلار بولادى. ماڭىزدى ءتۇيىن ءار ولكەنىڭ، اۆتونوميالى رايوننىڭ، توتە قاراستى قالانىڭ پارتكومى مەن ۇكىمەتىندەگى نەگىزگى جاۋاپتى جولداس پەن ساناق قىزمەتىمەن قاتىستى باسشىلىق القا مۇشەلەرى بولادى، مۇنى قاجەتتى كەزدە قالا دارەجەلى پارتكوم مەن ۇكىمەتتەگى نەگىزگى جاۋاپتى جولداستارعا جانە ساناق قىزمەتىمەن قاتىستى باسشىلىق القا مۇشەلەرىنە كەڭەيتۋگە بولادى؛ مەملەكەتتىك كەڭەستىڭ قاتىستى تاراۋلارىنداعى نەگىزگى جاۋاپتى جولداستار مەن ساناق قىزمەتىمەن قاتىستى باسشىلىق القا مۇشەلەرى؛ ولكە دارەجەلى ساناق قۇرىلىمدارى مەن ولكە دارەجەلى ۇكىمەتتىڭ قاتىستى تاراۋلارىنىڭ باسشىلىق القا مۇشەلەرى بولادى.

  بەلگىلەمەدە مىنالار ورتاعا قويىلدى: ولكە دارەجەلى پارتكوم مەن ۇكىمەتتىڭ، مەملەكەتتىك كەڭەستىڭ قاتىستى تاراۋلارىنىڭ ساناق قىزمەتىنە باقىلاۋ - تەكسەرۋ جۇرگىزەتىن مازمۇندارى مىنالاردى قامتيدى: پارتيا ورتالىق كوميتەتىنىڭ، مەملەكەتتىك كەڭەستىڭ ساناق رەفورماسى جانە ونى دامىتۋ جونىندەگى ءتۇرلى شەشىم - ورنالاستىرۋلارىن دايەكتىلەندىرۋ، تياناقتاندىرۋ، ساناق قىزمەتىنە ۇيىمدىق باسشىلىقتى كۇشەيتۋ، ەلەۋلى مەملەكەت جاعدايىن، مەملەكەت قۋاتىن تەكسەرۋگە جەتەكشىلىك ەتۋ، ساناق رەفورماسىن جانە ونى دامىتۋدى ىلگەرىلەتۋ، ساناق قۇرىلىسىنداعى ەلەۋلى ماسەلەلەردى اقىلداسۋ جانە شەشۋ سياقتى جاعدايلار؛ ساناققا قاتىستى زاڭدا بەلگىلەنگەن قىزمەت جاۋاپكەرلىگىن اتقارىپ، ساناق تۋرالى زاڭ - ەرەجەلەرگە بويسۇنۋ جانە ونى اتقارۋ، پارتيالى كادرلاردىڭ ساناق تۋرالى زاڭدىق تومەنگى شەگىن قاتاڭ ساقتاۋ، ساناق قۇرىلىمدارىن زاڭ بويىنشا قۇرۋ، ساناق قۇرىلىمدارى مەن قىزمەتكەرلەرىنىڭ زاڭ بويىنشا ساناق قىزمەتى بيلىگىن اتقارۋىن قورعاۋ؛ ساناق قىزمەتىنىڭ شارت - جاعدايىن قامتاماسىز ەتۋ، ساناق قيمىلدارىنىڭ زاڭ بويىنشا جۇرگىزىلۋىن قولداۋ سياقتى جاعدايلار؛ ساناقتاعى جالعاندىق ىستەۋدەن، كوز بوياۋشىلىق ىستەۋدەن ساقتانۋ جانە ونى جازالاۋ جاۋاپكەرلىك ءتۇزىمىن ورناتۋ، ساناققا قاتىستى ءتارتىپ بۇزۋ، زاڭ بۇزۋ ارەكەتتەرىن جاۋاپقا تارتۋ، ساناققا قاتىستى ءتارتىپ بۇزۋ، زاڭ بۇزۋ دەلولارىن وتكىزىپ بەرۋ مەحانيزمىن ورناتۋ، ساناققا قاتىستى ءتارتىپ بۇزعان، زاڭ بۇزعان جاۋاپتى ادامنىڭ جاۋاپكەرلىگىن قۋزاستىرۋ، ساناققا قاتىستى ءتارتىپ بۇزعان، زاڭ بۇزعان تيپتىك دەلولاردىڭ ساقتاندىرۋ، تاربيەلەۋ رولىن ساۋلەلەندىرۋ سياقتى جاعدايلار؛ باقىلاۋ - تەكسەرۋ جۇرگىزۋگە ءتيىستى باسقا دا جاعدايلار.

  بەلگىلەمەدە تاعى مىنالار ايقىندالدى: ساناقتى باقىلاۋ - تەكسەرۋ قىزمەتكەرلەرى ساياسي ءتارتىپ، ۇيىمدىق ءتارتىپ، پاكتىك ءتارتىبى، قىزمەت ءتارتىبى سياقتى قاتىستى ءتارتىپ - تالاپتارعا قاتاڭ بويسۇنۋى ءتيىس. مىنا جاعدايلاردىڭ ءبىرى بولسا، سيپاتىنىڭ اۋىر - جەڭىلىنە قاراي، سىن ايتىپ تاربيە بەرۋ، ۇيىمدىق جاقتان ءبىر جاقتى ەتۋ نەمەسە پارتيا ءتارتىبى جازاسى، اكىمشىلىك جازا بەرىلەدى؛ قىلمىسقا ساياتىندار قاتىستى ورگانداردىڭ زاڭ بويىنشا ءبىر جاقتى ەتۋىنە وتكىزىپ بەرىلەدى: ساناقتاعى جالعاندىق ىستەۋ، كوز بوياۋشىلىق ىستەۋ ماسەلەلەرىن مالىمدەمەي جاسىرعان، تۋىلعان دەلونى تەكسەرمەگەن، دەلو تەكسەرۋدە السىزدىك كورسەتكەن، ساناقتى باقىلاۋ - تەكسەرۋ جاعدايىن شىنايى مالىمدەمەگەن، ءتىپتى، شىندىقتى جاسىرعان، بۇرمالاعان، قولدان جاساعاندار؛ ساناقتى باقىلاۋ - تەكسەرۋ قىزمەتىندە بىلگەن مەملەكەتتىك قۇپيالاردى، ساۋدا قۇپيالىقتارىن، جەكە ينفورماتسيالاردى، سونداي - اق قىزمەت قۇپيالارىن شاشقاندار؛ ساناقتى باقىلاۋ - تەكسەرۋ قىزمەتىندە ۇقىق شەگىنەن اسىپ، ناشار زارداپ تۋدىرعاندار؛ ورتالىقتىڭ سەگىز ءتۇرلى بەلگىلەمەسىنە قايشىلىق جاساعان نەمەسە ساناقتى باقىلاۋ - تەكسەرۋ قىزمەت بابىنان پايدالانىپ، جەكە پايدا كوزدەگەن نەمەسە باسقالار ءۇشىن ورىنسىز مۇددە كوزدەگەندەر؛ ساناقتى باقىلاۋ - تەكسەرۋ ءتارتىبىن بۇزعان باسقا دا ارەكەتتەر.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى