تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«باۋىرىم، ۇنەمى كەلىپ تۇرعايسىڭ»

  ەرىكتى ءتىلشى ۋاڭ شينحۇڭ

  9 - ايدىڭ 10 - كۇنى بۇراتالا قالالىق 1 - ورتا مەكتەپتىڭ زەينەتكە شىققان وقىتۋشىسى ءاسيا ءيۇسۇپ اراسان اۋدانىنداعى زەينەتكە شىققان كادر پىڭ گۋاڭميڭعا تەلەفوندا: باۋىرىم، كىشى ءسىڭلىمنىڭ شيامىن داشۋەسىندە وقيتىن قىزى تەلەفون سوعىپ، ناعاشىسىنىڭ جىبەرگەن كورپەسىنىڭ سونداي جىلى ەكەنىن، كورپەدەن اۋىلدىڭ ماقتاسىنىڭ ءيىسى اڭقىپ تۇرعانىن ايتتى، - دەدى.

  تەلەفوندى قويعاننان كەيىن، 64 جاستاعى پىڭ گۋاڭميڭ قاتتى تەبىرەندى، 51 جىلدىڭ الدىنداعى كورىنىس ونىڭ كوز الدىنا قايتا ەلەستەدى.

  پىڭ گۋاڭميڭ جياڭسۋ ولكەسىنىڭ تۇڭشيان اۋدانىنان. 1967 - جىلى 7 - ايدا 13كە كەلگەن پىڭ گۋاڭميڭ پويەزبەن ۇرىمجىگە كەلەدى، پويەزدەن ءتۇسىپ اۆتوبۋزعا وتىرىپ، بيڭتۋان 5 - شىسىنىڭ 89 - تۋانىندا تۇراتىن اپەكەسىن ىزدەپ جولعا شىعادى. پىڭ گۋاڭميڭ بىلاي دەدى: ءاسيا اپەكەم شينجياڭ داشۋەسى حيميا فاكۋلتوتىنىڭ وقۋشىسى ەكەن، سول كەزدە جازدىق دەمالىسقا تاراپ اۆتوبۋزبەن ۇيىنە قايتىپ بارا جاتىپتى، الدىڭعى قاتاردا وتىرعان ول مەنەن جاسىمدى، قايدا باراتىنىمدى سۇرادى.

  ۇيىنەن العاش رەت الىستاپ شىققان پىڭ گۋاڭميڭ جاسى كىشكەنە بولعاندىقتان، بوتەن ادامنىڭ ايتقان سوزىنە جاۋاپ قاتپايدى.

  سول كەزدە جول جامان بولعاندىعى سەبەپتى، اۆتوبۋز ورتا جولدا ءبىر قونىپ ارەڭ جەتەتىن. جاتاققا ورنالاسىپ بولعاننان كەيىن، ءاسيا پىڭ گۋاڭميڭدى ەرتىپ كوشەگە شىعادى. ءاسيا كوشەدەن بىرنەشە كيلوگرام ورىك ساتىپ الادى، ءتاتتى دە ۇلكەن ورىكتى ەكەۋى شۇيىركەلەسە وتىرىپ جەيدى، پىڭ گۋاڭميڭنىڭ قارنى دا تويادى. «ءۇيىم بۇراتالا قالاسىندا تۇرادى، 89 - تۋان بۇراتالا قالاسىنان 28 شاقىرىم شالعاي، اپەكەڭدى مەن تاۋىپ بەرەمىن، الاڭداما». ءاسيانىڭ بۇل ءسوزىن ەستىگەن پىڭ گۋاڭميڭ نەشە كۇننەن بەرگى ۋايىمنان ادا - كۇدە ايىعادى.

  اۆتوبۋز بۇراتالا موڭعۇل اۆتونوميالى وبلىستىق جولاۋشىلار قاتىناس بەكەتىنە كەلىپ توقتايدى، ءاسيانى كۇتىپ تۇرعان باۋىر - سىڭلىلەرى قاۋمالاي كورىسىپ، ەكەۋىن ۇيگە باستاپ اپارادى. «وتكەن عاسىردىڭ 60 - جىلدارىندا زات تاپشى ەدى، ءاسيا وتباسىنىڭ تۇرمىسى دا، ءۇپى - ءتاپى بولاتىن، وسىلاي بولا تۇرسا دا، مەن ولاردىڭ ۇيىندە ءبىر اپتا تۇردىم، ءبىر اپتادان كەيىن اپەكەم كەلىپ الىپ كەتتى، ول كەزدە ءبىر اۋىز ءۇيدىڭ ىشىندە ۇلكەن ساكى بار بولاتىن دا، ساكىنىڭ ۇستىندەگى ۇستەلدە ءبىر كارەسىن شام تۇراتىن، ءتۇن ورتاسىندا ويانعانىمدا ءاسيانىڭ شەشەسى − مەنىڭ توحتىحان شەشەمنىڭ جاماۋ جاماپ وتىراتىنى ماعان ەڭ تەرەڭ اسەر قالدىردى»، - دەدى پىڭ گۋاڭميڭ.

  پىڭ گۋاڭميڭنىڭ اپەكەسى ءاسيانىڭ ۇيىنە كەلىپ شەكسىز العىسىن بىلدىرەدى، ءاسيا پىڭ گۋاڭميڭگە: باۋىرىم، ۇيگە كەلىپ تۇرعايسىڭ، - دەيدى. توحتىحان اپاي وعان: سەن دە مەنىڭ بالامسىڭ، ءۇيدىڭ ەسىگى قاشاندا وزىڭە اشىق، - دەيدى.

  1972 - جىلى 9 - ايدا جاسى 18گە تولعان پىڭ گۋاڭميڭ اراسان اۋدانى حاربوح قالاشىعىندا تراكتورشى بولىپ جۇمىسقا ورنالاسادى. ءاسيا ايرىقشا قۋانىپ: باۋىرىم، مىنا قىزمەتىڭ وتە جاقسى بولدى! - دەيدى. اراسان اۋدانىنىڭ كليماتىنىڭ سۋىقتىعىن ويلاعان ءاسيا مەن شەشەسى تۇندەلەتىپ ءبىر كورپە جاسايدى، ونى وزدەرى اپارىپ بەرۋدى ويلاعانىمەن، قاتىناستىڭ قولايسىزدىعىنان ۋاقىت كوپ كەتىپ قالاما دەپ الاڭداپ، ءاسيا كورپەنى پوچتا مەكەمەسى ارقىلى پىڭ گۋاڭميڭگە جىبەرىپ بەرەدى.

  10 - ايدا پىڭ گۋاڭميڭ تراكتورمەن بۇراتالا قالاسىنا ديزەل الۋعا كەلگەندە، ءاسيا وتباسىنا جول - جونەكەي ەكى داعار كارتوپ اكەلىپ بەرىپ، ءبىر ءۇيلى جاندى قىستىق كوكونىسپەن قامتاماسىز ەتەدى. كەتەر كەزىندە ءاسيا مەن توحتىحان شەشەي اۋلاداعى جۇزىمنەن ەكى شەلەك ءۇزىپ، ونىڭ كولىگىنە سالىپ بەرەدى.

  پىڭ گۋاڭميڭ ۇيلەنگەننەن كەيىن، توحتىحان شەشەيدىڭ وتباسىمەن قارىم - قاتىناسى بارعان سايىن جيىلەيدى. مەيلى كوكتەم مەرەكەسى، الدە قۇربان ايت بولسىن، مەيلى يگى ىستەردە، الدە قيىن ىستەردە بولسىن، ەكى وتباسى ءجيى بارىس - كەلىس جاساسىپ، ءوزارا كومەكتەسىپ، ءبىر وتباسىنىڭ ادامدارىنداي وتەدى.

   ۋاقىت زىمىراپ ءوتتى، پىڭ گۋاڭميڭ مەن ءاسيانىڭ زەينەتكە شىققانىنا دا تالاي جىل بولدى، توحتىحان شەشەي الدىڭعى جىلى بۇل دۇنيەمەن قوشتاستى. بيىل ءاسيانىڭ كىشى ءسىڭلىسىنىڭ قىزى شيامىن داشۋەسىنە قابىلداندى، پىڭ گۋاڭميڭ جيەن قىزىنا كورپە - جاستىق جانە 1000 يۋان اقشا سيلىق ازىرلەپ، ونى جاقسى وقۋعا شابىتتاندىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • حايشۇي كۇرىشىنىڭ ءتۇسىمىن مولشەرلەدى، مۋ باسىندىق ءونىمى 546.74 كيلوگرام بولدى
  • ءشول دالا جاسىلداندى
  • جاڭا قىستاقتىڭ جاڭا كەلبەتى