سيفرلى ەكونوميكانىڭ دامۋ ورايىنان بىرگە يگىلىكتەنىپ، جاساندى زەردەنىڭ ادامزاتقا باقىت جاراتۋىن بىرگە ىلگەرىلەتۋدى باسا دارىپتەدى
قۇتتىقتاۋ حاتى
2018 - جىلعى الەمدىك جاساندى زەردە جينالىسىنىڭ اشىلۋ قارساڭى بايلانىسىمەن مەن قىزۋ قۇتتىقتايتىندىعىمدى بىلدىرەمىن! جينالىسقا قاتىناسقان ءار ەل ۋاكىلدەرىن، حالىقارالىق قۇرىلىمداردىڭ جاۋاپتىلارىن جانە مامان - وقىمىستىلار، كاسىپورىنشىلار سياقتى ءار سالا قايراتكەرلەرىن قىزۋ قارسى الاتىندىعىمدى بىلدىرەمىن!
جاڭا ۇرپاق جاساندى زەردە دۇنيە ءجۇزى كولەمىندە قارىشتاپ دامىپ، ەكونوميكالىق، قوعامدىق دامۋعا جاڭا دەمەۋشى قۋات ۇستەۋدە، ادامداردىڭ ءوندىرىس، تۇرمىس تاسىلىنە تەرەڭ وزگەرىس اكەلۋدە. وسى دامۋ ورايىن ويداعىداي يگەرىپ، جاساندى زەردەنىڭ زاڭ، حاۋىپسىزدىك، جۇمىستاندىرۋ، ءمورال - ەتيكا جانە ۇكىمەتتى جونگە سالۋ سياقتى جاقتاردا ورتاعا قويعان جاڭا تاقىرىپتارىن ويداعىداي ءبىر جاقتى ەتۋ ءار ەلدىڭ سەلبەستىكتى تەرەڭدەتۋىن، بىرگە تالقىلاۋىن قاجەت ەتەدى. جۇڭگو جاساندى زەردە سالاسىندا ءار ەلمەن دامۋدى بىرگە ىلگەرىلەتۋدى، حاۋىپسىزدىكتى بىرگە قورعاۋدى، تابىستان بىرگە يگىلىكتەنۋدى قالايدى.
جۇڭگو جوعارى ساپالى دامۋدى جۇزەگە اسىرۋعا كۇش سالۋدا، جاساندى زەردەنىڭ دامۋى، قولدانىلۋى ەكونوميكالىق، قوعامدىق دامۋدى زەردەلەندىرۋ دەڭگەيىن پارمەندى جوعارىلاتىپ، الەۋمەتتىك قىزمەت كورسەتۋمەن قالانى باسقارۋ قابىلەتىن ۇتىمدى كۇشەيتەدى. جۇڭگو تەحنيكالىق اۋىس - كۇيىس، ساندى مالىمەتتەن بىرگە يگىلىكتەنۋ، قولدانبالى بازار سياقتى جاقتاردا ءار ەلمەن اۋىس - كۇيىس، سەلبەستىك جاساسىپ، سيفرلى ەكونوميكانىڭ دامۋ ورايىنان بىرگە يگىلىكتەنۋدى قالايدى. جينالىسقا قاتىناسقان سيلى قوناقتاردىڭ «جاساندى زەردە جاڭا داۋىرگە كۇش ۇستەدى» نەگىزگى تاقىرىبىن ارقاۋ ەتىپ، ىشكەرىلەي اۋىس - كۇيىس جاساپ، ورتاق تانىمدى ۇيىستىرىپ، جاساندى زەردەنىڭ ادامزاتقا باقىت جاراتۋىن بىرگە ىلگەرىلەتۋىن ءۇمىت ەتەمىن.
2018 - جىلعى الەمدىك جاساندى زەردە جينالىسىنىڭ تولىق تابىستى بولۋىن تىلەيمىن!
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
2018 - جىلى 9 - ايدىڭ 17 - كۇنى
(شينحۋا اگەنتتىگىنىڭ 9 - ايدىڭ 17 - كۇنى شاڭحايدان بەرگەن حابارى)
شينحۋا اگەنتتىگىنىڭ 9 - ايدىڭ 17 - كۇنى شاڭحايدان بەرگەن حابارى. 2018 - جىلعى الەمدىك جاساندى زەردە جينالىسى 9 - ايدىڭ 17 - كۇنى شاڭحايدا اشىلدى.
مەملەكەت ءتوراعاسى شي جينپيڭ حات جولداپ، جينالىستىڭ اشىلعاندىعىن قىزۋ قۇتتىقتايتىندىعىن ءبىلدىردى، جينالىسقا قاتىناسقان ءار ەل ۋاكىلدەرىن، حالىقارالىق قۇرىلىمداردىڭ جاۋاپتىلارىن جانە مامان - وقىمىستىلار، كاسىپورىنشىلار سياقتى ءار سالا قايراتكەرلەرىن قىزۋ قارسى الاتىندىعىن ءبىلدىردى.
شي جينپيڭ قۇتتىقتاۋ حاتىندا مىنانى اتاپ كورسەتتى: جاڭا ۇرپاق جاساندى زەردە دۇنيە ءجۇزى كولەمىندە قارىشتاپ دامىپ، ەكونوميكالىق، قوعامدىق دامۋعا جاڭا دەمەۋشى قۋات ۇستەۋدە، ادامداردىڭ ءوندىرىس، تۇرمىس تاسىلىنە تەرەڭ وزگەرىس اكەلۋدە. وسى دامۋ ورايىن ويداعىداي يگەرىپ، جاساندى زەردەنىڭ زاڭ، حاۋىپسىزدىك، جۇمىستاندىرۋ، ءمورال - ەتيكا جانە ۇكىمەتتى جونگە سالۋ سياقتى جاقتاردا ورتاعا قويعان جاڭا تاقىرىپتارىن ويداعىداي ءبىرجاقتى ەتۋ ءار ەلدىڭ سەلبەستىكتى تەرەڭدەتۋىن، بىرگە تالقىلاۋىن قاجەت ەتەدى. جۇڭگو جاساندى زەردە سالاسىندا ءار ەلمەن دامۋدى بىرگە ىلگەرىلەتۋدى، حاۋىپسىزدىكتى بىرگە قورعاۋدى، تابىستان بىرگە يگىلىكتەنۋدى قالايدى.
شي جينپيڭ مىنانى باسا دارىپتەدى: جۇڭگو جوعارى ساپالى دامۋدى جۇزەگە اسىرۋعا كۇش سالۋدا، جاساندى زەردەنىڭ دامۋى، قولدانىلۋى ەكونوميكالىق، قوعامدىق دامۋدى زەردەلەندىرۋ دەڭگەيىن پارمەندى جوعارىلاتىپ، الەۋمەتتىك قىزمەت كورسەتۋمەن قالانى باسقارۋ قابىلەتىن ۇتىمدى كۇشەيتەدى. جۇڭگو تەحنيكالىق اۋىس - كۇيىس، ساندى مالىمەتتەن بىرگە يگىلىكتەنۋ، قولدانبالى بازار سياقتى جاقتاردا ءار ەلمەن اۋىس - كۇيىس، سەلبەستىك جاساسىپ، سيفرلى ەكونوميكانىڭ دامۋ ورايىنان بىرگە يگىلىكتەنۋدى قالايدى. جينالىسقا قاتىناسقان سيلى قوناقتاردىڭ «جاساندى زەردە جاڭا داۋىرگە كۇش ۇستەدى» نەگىزگى تاقىرىبىن ارقاۋ ەتىپ، ىشكەرىلەي اۋىس - كۇيىس جاساپ، ورتاق تانىمدى ۇيىستىرىپ، جاساندى زەردەنىڭ ادامزاتقا باقىت جاراتۋىن بىرگە ىلگەرىلەتۋىن ءۇمىت ەتەمىن.
اشىلۋ سالتىندا ج ك پ ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى لي چياڭ شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى. ول مىنانى ءبىلدىردى: ءتوراعا شي جينپيڭنىڭ قۇتتىقتاۋ حاتى ءبىزدىڭ جاساندى زەردەنىڭ تەز، اقاۋسىز دامۋىن ىلگەرىلەتۋىمىزگە ايقىن بەتالىس كورسەتتى. شاڭحاي دۇنيە ءجۇزىن، بولاشاقتى بەتكە الۋداي كوز ايامەن، ورايدى يگەرىپ، ورتا جاراتىپ، جاساندى زەردەنىڭ جاڭالىق اشۋ قاينارى، قولدانۋدان ۇلگى كورسەتۋ، تۇزىممەن قامداۋ جانە دارىندىلاردى شوعىرلاندىرۋ بيىگىن كۇش سالا تۇلعالاندىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى اشىلۋ سالتىنا قاتىناستى ءارى ءسوز سويلەدى. ول مىنانى ءبىلدىردى: ءتوراعا شي جينپيڭنىڭ ارنايى قۇتتىقتاۋ حاتىن جولداۋى جۇڭگو ۇكىمەتىنىڭ وسى رەتكى جينالىسقا جانە جاساندى زەردەنىڭ دامۋىنا وسكەلەڭ ءمان بەرگەندىگىن تولىق ايگىلەدى. جۇڭگو جاساندى زەردەسىنىڭ دامۋى سۇرانىس بەتالىسى ارقىلى ساۋدا ۇلگىسىندە جاڭالىق اشۋعا جەتەكشىلىك ەتۋ، بازار قولدانىسى ارقىلى نەگىزدىك نازاريا مەن شەشۋشى تەحنيكادا جاڭالىق اشۋدى جەبەۋدەي ەرەكشە دامۋ جولىمەن ءجۇردى. كەلەسى قادامدا سۇرانىس ارقىلى دامۋعا جەتەكشىلىك ەتۋگە تاباندى بولىپ، نەگىزدىك زەرتتەۋ مەن نەگىزدىك قۇرىلعىنى كۇشەيتىپ، ميكرو سۋبيەكتتەرىنىڭ جاڭالىق اشۋ ومىرشەڭدىك كۇشىن مازداتىپ، دارىندىلاردى جەتىلدىرۋگە بارىنشا كۇش سالۋ كەرەك. جۇڭگو دۇنيە جۇزىندەگى ءار ەلمەن بىرگە قۇلشىنىپ، جاساندى زەردەنىڭ ادامزاتقا پايدالى بەتالىسقا قاراي دامۋىنا مۇمكىندىك جاساۋدى قالايدى.
2018 - جىلعى الەمدىك جاساندى زەردە جينالىسى 9 - ايدىڭ 17 - كۇنىنەن 19 - كۇنىنە دەيىن وتكىزىلەدى، مەملەكەتتىك دامۋ - رەفورما كوميتەتى، عىلىم - تەحنيكا مينيسترلىگى، ونەركاسىپ جانە ينفورماتسيالاندىرۋ مينيسترلىگى، مەملەكەتتىك ينتەرنەت ينفورماتسياسى كەڭسەسى، جۇڭگو عىلىم اكادەمياسى، جۇڭگو ينجەنەريا اكادەمياسى جانە شاڭحاي قالالىق ۇكىمەت بىرلەسىپ ۇيىمداستىرعان. 40قا تاياۋ ەلدەن جانە رايوننان كەلگەن مامان - وقىمىستى، كاسىپورىنشى، ت. ب جاساندى زەردە تەحنيكاسىنىڭ الدىڭعى لەگىن، كاسىپ بەتالىسىن جانە قولامتالى ماسەلەلەردى ارقاۋ ەتىپ كەڭەس وتكىزىپ، پىكىرلەستى، 200 نەشە جاساندى زەردە سالاسىنىڭ باستاماشى كاسىپورىندارى تالقى مىنبەرىنە جانە كورمە قيمىلىنا قاتىناستى.
