شينحۋا اگەنتتىگىنىڭ 9 - ايدىڭ 17 - كۇنى بەيجيڭنەن بەرگەن حابارى. الەم جۇرتشىلىعىنىڭ عىلمي ساپاسىن جەبەۋ جينالىسى 9 - ايدىڭ 17 - كۇنى بەيجيڭدە ءوتتى. مەملەكەت ءتوراعاسى شي جينپيڭ جينالىسقا قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: عىلىم - تەحنيكا − ءبىرىنشى وندىرگىش كۇش، جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش. قازىر بۇكىل الەمدە جاڭا ءبىر كەزەكتى عىلىم - تەحنيكا توڭكەرىسى باستالىپ، دۇنيە ءجۇزى دامۋ ارناسىنا تەرەڭدەي ىقپال جاساپ، ادامزاتتىڭ ءوندىرىس، تۇرمىس تاسىلىنە ايرىقشا وزگەرىس اكەلۋدە. عىلىم - تەحنيكا كاسىپ سالاسى مەن قوعامداعى ءار سالانىڭ سايكەسىپ جاڭالىق اشۋىن كۇشەيتىپ، ءار ەلدىڭ ەسىك اشۋىن، سەلبەسۋىن جەبەۋ − عىلىم - تەحنيكا دامۋىنىڭ ادامزات قوعامىنىڭ العا باسۋىندا اناعۇرلىم زور رول اتقارۋىنا مۇمكىندىك جاساۋدىڭ ماڭىزدى جولى.
شي جينپيڭ مىنانى باسا دارىپتەدى: جۇڭگو عىلىم جالپىلاستىرۋعا وسكەلەڭ ءمان بەرىپ، جالپى حالىقتىڭ عىلىم، مادەنيەت ساپاسىن ۇزبەي جوعارىلاتىپ كەلەدى. جۇڭگو دۇنيە جۇزىندەگى ءار ەلمەن عىلىم جالپىلاستىرۋ جاعىندا بەلسەنە اۋىس - كۇيىس جاساپ، حالىقتىڭ عىلمي ساپاسىن كۇشەيتۋدەگى تاجىريبەلەردەن، ادىستەردەن ورتاق پايدالانىپ، دامۋ جەتىستىكتەرىنەن ورتاق يگىلىكتەنۋدى، گۇلدەنىپ - كوركەيگەن دۇنيە ءجۇزىن بىرگە قۇرۋدى ىلگەرىلەتەدى. قوناقتاردىڭ وسى رەتكى جينالىس كەزىندە عىلمي بىلىمدەردى جالپىلاستىرۋ، عىلمي رۋحتى اسقاقتاتۋ، عىلمي يدەيانى تاراتۋ، عىلمي ءادىستى دارىپتەۋ جاعىندا بەلسەنە اۋىس - كۇيىس جاساپ، ءوزارا ۇلگى الىپ، جالپى جۇرتتىڭ عىلمي ساپاسىن كۇشەيتۋ، عىلمي جەتىستىكتەردەن ورتاق يگىلىكتەنۋدى جەبەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن ۇلەس قوسۋلارىن ءۇمىت ەتەمىن.