تيانشان تورى   ›   جاڭالىقتار   ›   شينجياڭ حابارلارى

ەندىك - بويلىق سىزىقتاردى كىرىكتىرىپ، قالانى بىرگە جونگە سالدى

  بۇراتالا قالاسى نەگىزگى ساتى پارتيا قۇرىلىسىن بەكەمدەپ، دامۋدى جەبەدى

  ەرىكتى تىلشىلەر دۇڭ يەبو، جۋ حۇي

  بيىل 5 - ايدان باستاپ 70 نەشە جاستاعى حۋا جياڭميڭ وزىنە ءار كۇنى بۇراتالا قالاسى نانچىڭ رايوندىق ءمالىسى نانچىڭ الەۋمەتتىك اۋماعىنداعى پارتيانىڭ بۇقاراعا قىزمەت كورسەتۋ ورتالىعىنا بارىپ «تىزىمگە الدىرىپ»، گازەت وقىپ، «ءۇنحاتتاعى پارتيا ساباعىن» تىڭدايمىن دەگەن جاڭا قاعيدا ورناتتى. «الەۋمەتتىك اۋماقتاعى پارتيا ۇيىمى بىزگە وسىنشا جاقسى تۇعىر ازىرلەدى، جاسىم كەلىپ قالعانىمەن، مەن دە جاڭا بىلىمدەردى، جاڭا ۇستانىمداردى بەلسەندىلىكپەن ۇيرەنۋىم كەرەك»، - دەدى حۋا جياڭميڭ.

  حۋا جياڭميڭ قاريا تۇرعان الەۋمەتتىك اۋماقتىڭ قىزمەت ورنىنىڭ اۋدانى بۇرىن 200 شارشى مەتر بولاتىن، بيىل جىل باسىندا بۇراتالا قالاسى الەۋمەتتىك اۋماققا 800 شارشى مەتر كەلەتىن الەۋمەتتىك اۋماقتاعى پارتيانىڭ بۇقاراعا قىزمەت كورسەتۋ ورتالىعىن جاڭادان سالىپ بەردى. نانچىڭ الەۋمەتتىك اۋماعىنىڭ ءبىرىنشى شۋجيى شۇي ۋي: ءبىز يقۋاتتى بايىتىپ، قىزمەت كورسەتۋدى كەڭەيتۋ ارقىلى مەيىرگە تولى، تەبىندى، تەرەڭدىككە يە قالا نەگىزگى ساتى پارتيا قۇرىلىسىن قالىپتاستىرىپ، بۇقارانى كەلگىسى كەلەتىن، وتىرا الاتىن، تۇراقتاپ تۇرا الاتىن ەتتىك، - دەدى.

  سوڭعى جىلدارى بۇراتالا قالاسى قالانىڭ نەگىزگى ساتىلارىنداعى پارتيا قۇرىلىسى بايلىعىن ۇتىمدى رەتتەپ، ماسەلەنى شەشىپ، قامال الىپ، كولدەنەڭ باعىتتا وڭىرلىك بىرگە ورنالاسۋدى، بىرگە قۇرۋدى كورنەكتىلەندىرۋگە، تىك باعىتتا كاسىپ ارقىلى بولەكتەردى ىقپالداسۋعا جەتەكتەۋگە تاباندى بولدى. ەندىك - بويلىق سىزىقتاردى كىرىكتىرىپ، ءار سالا پارتيا ۇيىمدارىنىڭ ارقاۋىن شيراتىپ، قالانىڭ دامۋىن جەبەۋدىڭ تاسقىنداعان كۇشىن ۇيىستىردى.

  فۋنكتسيالىق تاراۋلار كۇشتى تومەنگە ءتۇسىرىپ، ماسەلەلەردى شەشتى

  جۋىردا بۇراتالا قالاسى نانچىڭ رايونى ءمالىسى نانحۋ الەۋمەتتىك اۋماعىنىڭ تۇرعىندارى ەكى كۇننىڭ بىرىندە بىتەلىپ قالاتىن لاس سۋ قۇبىرىنىڭ ىركىلىسسىزدەنگەندىگىن، الاڭداعى قۇلاققا تۇرپىدەي تيەتىن ءبي مۋزيكاسىنىڭ داۋىسى تومەندەگەندىگىن، ويلى - شۇڭقىر جول بەتىنىڭ تەگىستەلگەندىگىن قۋانا بايقادى...

  بۇل نانچىڭ رايونى ءمالىسى ورىستەتكەن «تۇرعىنداردىڭ جاعدايىن ۇعىسۋ كەشى» قيمىلىنىڭ ناتيجەسى. ءار سارسەنبى كۇنى كەش كىرىسىمەن اۋدان دارەجەلى ءبىر باسشى، ءمالى باسشىلىق القاسىنىڭ ءبىر مۇشەسى، الەۋمەتتىك اۋماقتىڭ 2 قىزمەتكەرى قابات ۇيلەردەگى وتباسىلارىنا بارىپ، تۇرعىنداردىڭ ءۇمىت - تىلەكتەرىن تىڭداپ، جيناپ، «جاي ماسەلەنى سول جەردىڭ وزىندە شەشۋ، وزگەشە ماسەلەنى بىرلەسىپ ءبىتىرۋ، ورتاقتىققا يە قيىن ماسەلەلەردى باسشىلار جەتەكشىلىك ەتىپ تىندىرۋ» پرينسيبى بويىنشا جاعداي ۇعىسۋ بارىسىندا جيناقتالعان حالىق تۇرمىسى ماسەلەلەرىن جازىپ الىپ، ءبىر جاقتى ەتىپ، وتكىزىپ بەرىپ، اڭىس ەتىلگەن ماسەلەلەردىڭ بارلىعىنا جاۋاپ قاتۋعا، بارلىق ءىستىڭ تياناقتانۋىنا كەپىلدىك ەتتى.

  «<توركوز + توركوز> باسقارۋ ۇلگىسى ءمالى باسقارماسىنىڭ شەشىلمەي تۇرعان ماسەلەلەردى دەر كەزىندە قالانىڭ قاتىستى فۋنكتسيالىق تاراۋلارىنا تاپسىرۋىنا مۇمكىندىك تۋدىرىپ، ءىس ءبىتىرۋ ناتيجەسىنە قىزمەت كورسەتۋ وبيەكتىسى رازى بولۋ دارەجەسى بويىنشا باعالاپ، قالانىڭ فۋنكتسيالىق تاراۋلارىنىڭ كۇشتى تومەنگە ءتۇسىرىپ، ماسەلەنى شەشۋىن جەبەيدى»، - دەدى بۇراتالا قالالىق پارتكوم ۇيىمداستىرۋ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ي لۋ.

  بۇراتالا قالاسىنىڭ ءار مالىسىندە تورتتەن استام جولداس پارتيا قۇرىلىسىن ارنايى يگەرىپ، ءمالى الەۋمەتتىك اۋماقتارىنداعى پارتيا ۇيىمدارىنا رايوندا تۇراتىن ورىنداردىڭ پارتيا ۇيىمدارىنىڭ ۇيىمدىق سايكەستىرۋ ۇقىعىن، جاڭادان گۇلدەنگەن ۇيىمداردىڭ پارتيا ۇيىمدارىنىڭ باسشىلىق ەتۋ ۇقىعىن تولىق «تومەنگە ءتۇسىردى»، كادر جىبەرەتىن قۇرىلىمنىڭ كادرىن مىندەتكە قويىپ ىستەتۋدە ءمالىنىڭ پىكىرى تىڭدالادى، رايوندا تۇراتىن ورىننىڭ پارتيا مۇشەلەرى ءمالىنىڭ الەۋمەتتىك اۋماقتارىندا قوسىمشا مىندەت وتەيدى، جىل سوڭىنداعى باعالاۋدا دا ءمالىنىڭ الەۋمەتتىك اۋماقتارى ءنومىر قويادى. قازىر تۇتاس قالاداعى ورگانداردىڭ 3200دەن استام مىندەتتەگى پارتيا مۇشەسى 12 مىڭنان استام قىزمەت كورسەتۋ نىسانىن تاپسىرىپ الدى.

  بۇقارانىڭ ريزا بولۋ دارەجەسى جوعارىلادى

  8 - ايدىڭ 10 - كۇنى − بۇراتالا قالاسى تىڭبو جىلۋ كۇشى سەرىكتەستىگى پارتيا مۇشەلەرىنىڭ قيمىل كۇنى. سەرىكتەستىكتىڭ تىڭبو پارتيا مۇشەلەرى ەرىكتى قىزمەت كورسەتۋ اترەتىنىڭ 10 نەشە پارتيا مۇشەسى چاۋياڭ الەۋمەتتىك اۋماعىنا بارىپ، پايدالانۋشىلاردىڭ ەدەن ارقىلى جىلىتۋ قۇبىرىن تەگىن تازالاپ بەردى. ىستىق كۇندە جۇمىس كيىمى تەرگە مالشىنسا دا، كوپشىلىك جاپا - ماشاقاتتى ەلەڭ قۇرلى كورمەي قۇبىردى مۇقيات تازالاپ، قولدانۋشىلاردىڭ جاقسى باعاسىنا يە بولدى. مۇنان سىرت، سەرىكتەستىكتەگى پارتيا مۇشەلەرى باستاماشىلىقپەن قان بەرىپ، قارتتار ۇيىنە، يگىلىك ورىندارىنا بارىپ حال سۇرادى. سەرىكتەستىك «پارتيا مۇشەلەرىنىڭ كەزەكشى اپتا ءتىزىمىن» جاساپ، اپتالىق كەزەكشى پارتيا مۇشەلەرىنەن ءوز قىزمەتىن تىڭعىلىقتى ىستەۋ نەگىزىندە پارتيا مۇشەلەرىنىڭ اۆانگاردتىق رولىن تولىق ساۋلەلەندىرىپ، قىزمەتتىڭ دەڭگەيىن جوعارىلاتۋدى جەبەۋدى تالاپ ەتتى.

  حالىق باسقارۋىنداعى كاسىپورىنداردىڭ پارتيا قۇرىلىسىنا وسىنشاما ءمان بەرۋى بۇراتالا قالاسىندا تاڭسىق ءىس ەمەس. سوڭعى جىلدارى بۇراتالا قالاسى كاسىپ جۇيەسىندەگى پارتيا قۇرىلىسىن قالانىڭ نەگىزگى ساتى پارتيا قۇرىلىسىنىڭ ماڭىزدى مازمۇنى رەتىندە مىقتاپ ۇستادى. «قالا، ءمالى، الەۋمەتتىك اۋماق، تور كوزىنەن قۇرالعان تۇرلىشە راديۋستاعى بويلىق سىزىعى مەن كاسىپ جۇيەسىندەگى ءجيى ەندىك سىزىعى ءوزارا ايقاسىپ، ورتاق مۇددە ءتۇيىنىن، شەشۋشى دانەكەر ءتۇيىنىن دالمە - ءدال تاۋدى»، - دەدى بۇراتالا قالالىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يۇنشياڭ.

  سىزىق قىزمەتىن قالاي ىستەۋ كەرەك؟ ءتۇيىنى شەشۋشى ادامدى مىقتاپ يگەرۋدە. بۇراتالا قالاسى مەملەكەت مەنشىگىندەگى مال - مۇلىكتى باقىلاۋ - باسقارۋ، وقۋ - اعارتۋ، دەنساۋلىق ساقتاۋ، جوسپارلى تۋىت، قامداۋ - ساۋدا قاتارلى حالىق تۇرمىسىنا ساياتىن كاسىپ جۇيەلەرىندەگى «مەڭگەرۋشىگە، مەكەمە باستىعىنا، مەكتەپ باستىعىنا» پارتيا قۇرىلىسى جانە كاسىپتىك قىزمەتى بويىنشا قوس 100 ءنومىر ءتۇزىمى بويىنشا باعالاۋ جاسادى. پارتيا قۇرىلىسى قىزمەتىن جاقسى ىستەمەسە، جىل سوڭىندا باعالاۋدا تولىمسىز بولادى!

  «بۇرىندارى قالالىق دەنساۋلىق ساقتاۋ جانە جوسپارلى تۋىت كوميتەتى قالاداعى ەمدەۋ قۇرىلىمدارىنا كاسىپتىك باسقارۋ جۇرگىزەتىن، قازىر سونىمەن قوسا پارتيا قۇرىلىسىنا دا جەتەكشىلىك ەتىپ، ەمدەۋ قۇرىلىمدارىنىڭ قاراستىلىق سەزىمىن ايتارلىقتاي جوعارىلاتتى، بۇقارانىڭ دا قۇپتاۋىنا يە بولدى»، - دەدى بۇراتالا قالالىق دەنساۋلىق ساقتاۋ جانە جوسپارلى تۋىت كوميتەتى پارتيا باسشىلىق گرۋپپاسىنىڭ باستىعى زو نيڭ.

  ۇيىمدىق تۇرمىس تاسىلىنە جاڭالىق ەنگىزۋ قارسى الۋعا بولەندى

  «تيجارات سالىعىن ارتقان قۇن سالىعىنا وزگەرتۋ دەپ نەنى ايتامىز؟ باجى رەفورماسىنان كەيىن ءبىز سياقتى شاعىن كاسىپورىنداردىڭ قارجى قۇراۋ تاسىلىنە قانداي ىقپال تۋدىرادى؟» بۇراتالا قالالىق دوستىق ساۋدا ورتالىعى پارتيا ياچەيكاسى وتكىزگەن قازىنا - ەكونوميكا ساباقحاناسى كوپتەگەن جاس شارۋاشىلىق قۇرۋشىلاردى وزىنە باۋرادى.

  جاس پارتيا مۇشەلەرى كوپ، ءداستۇرلى ۇيىمدىق تۇرمىس قاتاردان قالىپ بارادى... جاڭادان گۇلدەنگەن سالالاردا پارتيا قۇرىلىسى قىزمەتىن قالاي ورىستەتۋ كەرەك؟ بۇراتالا قالالىق دوستىق ساۋدا ورتالىعى پارتيا ياچەيكاسى پارتيا قۇرىلىسىن «جەلىگە» شىعارىپ، كاسىپورىنعا، ساۋداگەرلەرگە قىزمەت كورسەتۋدى وزەك ەتىپ، ءۇنحات توپتارىندا ۇقساماعان تۇردەگى ۇيىمدىق تۇرمىستى تۇراقتى مەرزىمدە جاريالاپ، ءاربىر ياچەيكا گرۋپپالارى وزدەرى قىزىققان قيمىل جوباسىن الىپ، اتقارۋ جوباسىن دەربەس جوبالاپ، جاس پارتيا مۇشەلەرىنىڭ قارسى الۋىنا بولەندى.

  دوستىق ساۋدا ورتالىعى پارتيا ياچەيكاسى باتىلدىقپەن جاڭالىق اشىپ، باجى، ونەركاسىپ - ساۋدا، ادام كۇشى بايلىعى جانە قوعامدىق قامتاماسىزداندىرۋ، فينانس، ساۋدا - ەكونوميكا، ينفورماتسيالاندىرۋ سياقتى تاراۋلارمەن ۇيىرمە فورماسىندا قىزمەت كورسەتىپ، كاسىپورىننىڭ دامۋ قاجەتىنە قاراي ارەكەت بەلگىلەدى. «كينوحانا قىزمەتكەر قابىلداۋ، ءورت ءوشىرۋدى وتكەرىپ الۋ سياقتى جاقتاردا پارتيا ياچەيكاسىنىڭ كوپتەگەن جەتەكشىلىگىنە يە بولدى»، - دەدى دوستىق كينوحاناسى بۇراتالا دۇكەنىنىڭ جاۋاپتىسى جاۋ يۇي تەرەڭ سەزىممەن.

  3 جىلدان بەرى دوستىق ساۋدا ورتالىعى پارتيا ياچەيكاسى زاڭدىق جاقتان قىزمەت كورسەتۋ ءۇيى، سۇيىسپەنشىلىك ايالداماسى سياقتى تۇرلىشە قىزمەت كورسەتۋ پۋنكتىنەن 10ىن، «تاڭداۋلى پارتيا مۇشەسى قىزمەت ورنىنان» 12سىن قۇردى، جەكە ساۋداگەرلەر ورتاسىندا «پارتيا مۇشەسى سەنىمدى تيجاراتشىسىنان» 11ىن قۇرىپ، نەگىزگى ساتى پارتيا ۇيىمىنىڭ ىقپال كۇشىن ءونىمدى كۇشەيتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى