تيانشان تورى   ›   جاڭالىقتار   ›   شينجياڭ حابارلارى

جىبەك جولى ەكونوميكالىق بەلدەۋى وزەكتى رايونىنىڭ «ماڭىزدى ارتۋ ۇيەگى»

  − كۇشار ەكونوميكالىق - تەحنيكالىق اشۋ رايونىنان كورگەن - بىلگەنىمىز  

تىلشىلەرىمىز يان شياۋجۋان، گاي يوۋجۇن

  8 - ايدىڭ 24 - كۇنى كۇشار ەكونوميكالىق - تەحنيكالىق اشۋ رايونىنداعى شينجياڭ جيانمۋ موتوتسيكل شەكتى سەرىكتەستىگىنىڭ سەحىندا جۇمىسشىلار ەلەكترلى موتوتسيكلدى قۇراستىرۋدا. سۋرەتتى ءتىلشىمىز وتكىر نيجات تۇسىرگەن

  كۇشار ەكونوميكالىق - تەحنيكالىق اشۋ رايونى «ءبىر بەلدەۋ، ءبىر جول» قۇرىلىسىنىڭ ماڭىزدى ورايىن مىقتى يگەرىپ، 2017 - جىلى ونەركاسىپ جالپى ءونىم قۇنىن 18 ميلليارد 200 ميلليون يۋانعا جەتكىزدى، بۇكىل اۋداننىڭ ونەركاسىپ ءوندىرىس قۇنىنىڭ %82.5ىن ۇستاعان بۇل اشۋ رايونى كۇشاردىڭ ەكونوميكالىق دامۋىنىڭ نەگىزگى قوزعالتقىشىنا اينالۋمەن قاتار، بۇگىندە جىبەك جولى ەكونوميكالىق بەلدەۋى وزەكتى رايونىنىڭ «ماڭىزدى ارتۋ ۇيەگىن» قۇرۋعا قۇلشىنۋدا.

  2015 - جىلدىڭ 4 - ايىندا مەملەكەت دارەجەلى ەكونوميكالىق - تەحنيكالىق اشۋ رايونى دارەجەسىنە كوتەرىلگەن وسى باقشا رايونى 2016 - جىلى ساۋدا مينيسترلىگىنىڭ تۇڭعىش رەتكى مەملەكەت دارەجەلى اشۋ رايوندارىن جالپىلىق باعالاۋدا 204 - ورىندى يەلەدى، بۇكىل شينجياڭ بويىنشا ارتىنان ساناعاندا 2 - ورىندى ۇستادى. ءبىراق 2017 - جىلى بۇكىل ەل بويىنشا 171 - ورىنعا كوتەرىلىپ، شينجياڭ بويىنشا الدىڭعى ۇشتىكتىڭ قاتارىنا كىردى.

  قارجى قوسىپ اشۋداعى دۋماندى جەر

  كۇشار اۋدان قالاشىعىنىڭ شىعىس جاعىنداعى جەر اۋدانى 4500 مۋ، ءوندىرىس قۋاتى 812 مىڭ ۇرشىقتىق «اقسۋ توقىماشىلىق ونەركاسىپ قالاشىعى كۇشار كاسىپ باقشاسىنىڭ» قۇرىلىسىنىڭ جۇمىس باسى ەرەكشە ايبىندى كورىنەدى؛ شينجياڭ جيانمۋ موتوتسيكل شەكتى سەرىكتەستىگىنىڭ ەلەكترلى موتوتسيكلى رەسمي ءوندىرىلدى؛ گرافين كاسىپ باقشاسى جانە 1000 ۇشقىشسىز اپپارات قۇراستىرۋ نىسانى سياقتى ستراتەگيالىق جاڭا گۇلدەنگەن كاسىپتەر جونىندە بەلسەندى كەڭەستەر جۇرىلۋدە...

  «موتوتسيكلدىڭ ورتا ازيادا اسا زور ءوتىمى بار، <ءبىر بەلدەۋ، ءبىر جول> قۇرىلىسى سەرىكتەستىككە بۇرىن بولماعان وراي اكەلدى». شينجياڭ جيانمۋ موتوتسيكل شەكتى سەرىكتەستىگى اكىمشىلىك كەڭسەسىنىڭ جاۋاپتىسى دۋ پيڭفان وسى سەرىكتەستىكتىڭ سىچۋان يۋەچىڭ موتوتسيكل شەكتى سەرىكتەستىگى ءبىر ميلليارد 200 ميلليون يۋان قارجى سالىپ قۇرعان، جىلىنا 200 مىڭ ەلەكترلى موتوتسيكل وندىرەتىن جابدىق جاساۋ كاسىپورنى ەكەنىن، سەرىكتەستىكتىڭ 40 مىڭ شارشى مەترلىك باس قۇراستىرۋ سەحىنىڭ وندىرىسكە تۇسكەنىن ايتتى.

  «قازىر اي سايىن 6000نىڭ ۇستىندە تاپسىرىس قابىلداپ وتىرمىز، ونىمدەرىمىز قاجەتتى قامداي الماي وتىر»، - دەدى سەرىكتەستىكتىڭ باس ديرەكتورى حۋ بين. ونىڭ ايتۋىنشا، تاعى ءبىر ءۇش دوڭگەلەكتى موتوتسيكل ءوندىرىس جەلىسى كوپ وتپەي وندىرىسكە قوسىلادى، كەلەر جىلى سەرىكتەستىك تاعى 4 دوڭگەلەكتى موتوتسيكل ءوندىرىس جەلىسىن ىسكە قوسادى ەكەن.

  كۇشار ەكونوميكالىق - تەحنيكالىق اشۋ رايونىن باسقارۋ كوميتەتىنىڭ ورىنباسار مەڭگەرۋشىسى لي يانچىڭ بىلاي دەدى: ءبىر ەلەكترلى موتوتسيكلگە 500دەن استام بولشەك قاجەت، بۇلار پىشىندەۋ، دانەكەرلەۋ، جاعۋ، موتور جانە جالپى قۇراستىرۋ سياقتى بۋىندارعا سايادى، بۇل ونداعان كاسىپتىڭ دامۋىن جەبەي الادى.

  «ءبىز ءار كۇنى قاۋىرت ءوندىرىس جۇرگىزەمىز». 8 - ايدىڭ 21 - كۇنى تۇستەن كەيىن، شينجياڭ شيە - ي توقىماشىلىق عىلىم - تەحنيكا شەكتى سەرىكتەستىگىنىڭ باس ديرەكتورى جۇڭ دان ءسوزىن وسىلاي باستادى.

  «بۇل جەردە تاماشا ماقتا بايلىعى بار، ءبىز تاڭداۋلى شيكىزات پەن بىرەگەي جابدىقتاردان پايدالانىپ، تاڭداۋلى ونىمدەردى وندىرەمىز». جۇڭ دان 2017 - جىلى 12 - ايدىڭ 28 - كۇنى وندىرىسكە تۇسكەننەن باستاپ، جابدىقتاردىڭ ءبىر كۇن توقتاماعانىن، الداعى 2 ايدان استام ۋاقىتتىڭ دا تاپسىرىسىن الىپ بولعانىن ايتتى.

  لي يانچىڭ بىلاي دەدى: «توقىماشىلىق كاسىپ باقشاسى كۇشار سىندى ماقتانى مولىنان وسىرەتىن اۋداندا توقىماشىلىق فابريكاسىنىڭ جوق بولۋ تاريحىن اياقتاتىپ قانا قويماي، توقىماشىلىق كاسىبىنىڭ ارالاس توقۋ، كەزدەمە توقۋ، سۋسىز بوياۋ، كيىم - كەشەك، ءۇي توقىما كاسىبى تىزبەگىنە قاراي دامىپ، ەڭ سوڭىندا ماقتا توقىماشىلىق كاسىبىنىڭ شوعىرلانۋ اسەرىن قالىپتاستىرىپ، اشۋ رايونىنىڭ دامۋىندا جاڭا پاراق اشقاندىعىن كورسەتتى».

  مۇناي، تابيعي گاز نازىك حيميا ونەركاسىپ ءوندىرىس بازاسى

  ءبىر توپ ءىرى كاسىپورىن، ءىرى توپ مۇناي، تابيعي گاز بايلىعىنا، مۇناي، تابيعي گاز نازىك حيميا ونەركاسىبى ءوندىرىس كاسىبىنە سۇيەنە وتىرىپ، اشۋ رايونىندا شوعىرلى دامۋدى ىسكە اسىردى.

  شينجياڭ زىگۋاڭ يۇڭلي نازىك حيميا ونەركاسىبى شەكتى سەرىكتەستىگى − چۇڭچيڭ زىگۋاڭ حيميا ونەركاسىبى جارنا شەكتى سەرىكتەستىگى قارجى قوسىپ جارناسىن مەڭگەرگەن بالا سەرىكتەستىك. چۇڭچيڭ زىگۋاڭ − بۇگىندە ەل ىشىندەگى كولەمى ەڭ ۇلكەن، تەحنيكاسى ەڭ وزىق، باسەكەلىك قۋاتى ەڭ كۇشتى تابيعي گاز نازىك حيميا ونەركاسىبى كاسىپورىندارىنىڭ ءبىرى.

  شينجياڭ زىگۋاڭ يۇڭلي نازىك حيميا ونەركاسىبى شەكتى سەرىكتەستىگىنىڭ باسالقاسى حۋاڭ يۇنفۋ بىلاي دەپ تانىستىردى: كاسىپورىننىڭ جەتەكشى ءونىمى − يمينو ەكى اتسەتونيتريل، بۇل مەملەكەتتىڭ ءتۇيىندى جاڭا ونىمىنە جاتادى، ەلىمىزدىڭ IDA جولى گليفوسات (ءبىر ءتۇرلى ارام ءشوپ جويعىش) كاسىبىنىڭ شاپشاڭ دامۋىن ىلگەرىلەتىپ، الەمدە بازار نورماسىنىڭ اسا زور بولىگىن يەلەدى.

  ورتا ازيا، باتىس ازيا سياقتى شەتەل بازارلارىنىڭ بولاشاعى ايتارلىقتاي جاقسى بولىپ وتىرعان جاعدايدا، شينجياڭ زىگۋاڭ كاسىپورىننىڭ «تۇلعاسىن قۋاتتاندىرىپ»، «سىرتقا كەڭەيۋدەن» «ىشكى ماندىك دامۋعا» قاراي ويىسۋىن، بيىل ەنەرگيا ۇنەمدەۋ، سونداي - اق قورشاعان ورتانى قورعاۋ قۇرىلعىلارىنىڭ تەحنيكالىق جاڭالانۋىنا 120 ميلليون يۋان قارجى سالىپ، ونىمدەرىنىڭ وزەكتى باسەكەلىك قۋاتىن اناعۇرلىم جوعارىلاتۋدى ۇيعاردى.

  اشۋ رايونىندا شينجياڭ زىگۋاڭ، تاحى وڭدەۋ، حۋاجين حيميالىق تىڭايتقىشى، تيانحى حيميا ونەركاسىبى سياقتىلار باستاعان 15 كاسىپورىن اشۋ رايونىنىڭ مۇناي، تابيعي گاز حيميا ونەركاسىبى كاسىبىنىڭ جەرگىلىكتى ورىننىڭ ونەركاسىپ ەكونوميكاسىندا بۇكىلدەي جەتەكشى ورىندا تۇرۋىنا مۇمكىندىك جاساپ، كولەمدى حيميا ونەركاسىبىن دامىتۋداعى كاسىپتەردى سايكەستىرۋ قابىلەتى مەن شيكىزاتپەن قامداۋ قابىلەتىن العاشقى قادامدا ازىرلەدى.

  تاحى وڭدەۋ شەكتى جاۋاپكەرشىلىك سەرىكتەستىگىنىڭ ءبىر جاۋاپتىسى بىلاي دەپ تانىستىردى: قازىر تاحى وڭدەۋ شەكتى جاۋاپكەرشىلىك سەرىكتەستىگى جۇڭگو مۇناي حيميا توبىنىڭ شينجياڭداعى مۇناي بارلاۋ، ءونىمدى ارتتىرۋ جوسپارىمەن ۇشتاستىرىپ، شيكى مۇنايدى وڭدەۋ قۋاتىن جىلىنا 8 ميلليون تونناعا جەتكىزۋدى جوسپارلاپ وتىر، سونىمەن قاتار قازىرگى وڭدەۋ تەحنولوگياسىنىڭ دەڭگەيىن ءوسىرىپ، پوليەستەر، ولەفيندەر سياقتى نەگىزدىك حيميا ونەركاسىبى كاسىپتەرىنە دەن قويىپ، مۇناي، تابيعي گاز بايلىعىن سول جەردىڭ وزىندە وڭدەپ كادەگە جاراتۋدىڭ ونىمدىلىگىن اناعۇرلىم ءوسىرىپ، كاسىپورىننىڭ بازارداعى باسەكەلىك قۋاتىن ارتتىرادى، سونىمەن بىرگە اشۋ رايونىنىڭ نازىك حيميا ونەركاسىبى كاسىبىنىڭ دامۋىنا نەگىزدىك شيكىزات جاعىنان كەپىلدىك ەتەدى.

  8 - ايدىڭ 23 - كۇنى، كۇشار اۋداندىق پارتكومنىڭ ورىنباسار شۋجيى، كۇشار ەكونوميكالىق - تەحنيكالىق اشۋ رايونى پارتيا قىزمەتى كوميتەتىنىڭ شۋجيى باي حىبين بىلاي دەدى: «اشۋ رايونىندا ورنىقتى دامۋ، قۋىپ جەتۋدەي تاماشا جاعداي جارىققا شىعىپ وتىر، بيىل اشۋ رايونى ەنەرگيا حيميا ونەركاسىبى كاسىبىنىڭ <نازىكتىك، كەمەلدىلىك، قۋاتتىلىق> نىساناسىنا قاراي ىلگەرىلەۋىنە كۇش سالا دەم بەرىپ، 5 جىلدا ءونىم قۇنىن 50 ميلليارد يۋاننان اسىرىپ، مەملەكەت دارەجەلى كولەمدى مۇناي، تابيعي گاز نازىك حيميا ونەركاسىبى ءوندىرىس بازاسىن جارىققا شىعارۋعا ۇمتىلادى».

  تيجارات ورتاسى كاسىپورىنداردىڭ جىلۋ باعىشتاۋىنا مۇمكىندىك تۋدىردى

  شينجياڭ جيانمۋ موتوتسيكل شەكتى سەرىكتەستىگىنىڭ زاۆود ءوڭىرى بيىكتەۋ جەرگە ورنالاسقاندىقتان، سۋ جەتكىلىكتى بولماۋ، سۋ توقتاپ قالۋ جايتتەرى ۇنەمى كورىلىپ تۇرادى. وسىعان مەڭزەس، اشۋ رايونىنىڭ باسشىلارى مەن قىزمەتكەرلەرى سۋمەن قامداۋ سەرىكتەستىگىمەن بەلسەندىلىكپەن سايكەسىپ، ماسەلەنى ءساتتى شەشتى.

  دۋ پيڭفان: اشۋ رايونىنىڭ باسشىلارى مەن قىزمەتكەرلەرىنىڭ ىزگى نيەتىنىڭ ناتيجەسىندە، ءبىز ەڭ سوڭىندا كۇشار ەكونوميكالىق - تەحنيكالىق اشۋ رايونىن تاڭدادىق، - دەدى.

  «ۋاقىت، جەر جاعىنان ءتيىمدى بولۋدان سىرت، ەل بەرەكەلى بولۋ كەرەك». باي حىبين بىلاي دەدى: «سۇيىسپەنشىلىك ارقىلى ساۋداگەر شاقىرۋ»، «ادامداردى سۇيىسپەنشىلىك ارقىلى الىپ قالۋ» سىندى تيجارات ورتاسىن بەلسەنە قالىپتاستىرۋ اشۋ رايونىنىڭ «ءبىر بەلدەۋ، ءبىر جول» قۇرىلىسىنىڭ ورايىن مىقتى يگەرىپ، بايلىق باسىمدىعى مەن رايون ورنى باسىمدىعىن ەكونوميكالىق باسىمدىققا اينالدىرۋىندا كەلەلى ماڭىز الادى.

  قازىر كۇشار ەكونوميكالىق - تەحنيكالىق اشۋ رايونىندا «ساۋداگەر شاقىرىپ قارجى تارتۋدا <ءبىرىنشى باسشى> جاۋاپكەرشىلىك ءتۇزىمى مەن نىسانالىق جاۋاپكەرشىلىك ءتۇزىمىن اتقارۋ»، «ءبىر نىسان، ءبىر جوبا، سوڭىنا دەيىن يگەرۋ»، «بارلىق ادام ساۋداگەر شاقىرىپ قارجى تارتۋ قىزمەتىنە كوڭىل ءبولۋ، بارلىق ادام نىسان ەنگىزۋدى يگەرۋ»، «كاسىپورىنداردىڭ بار ىقىلاسپەن دامۋعا ۇمتىلۋىنا مۇمكىندىك جاساۋ» سىندى تاماشا راي قالىپتاسىپ وتىر.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى