تيانشان تورى
تيانشان تورى   ›   جاڭالىقتار   ›   ساياحات

شينجياڭنىڭ ساياحات كاسىبى قاۋىرت ارتتى

الدىڭعى 8 ايدا ەل ءىشى - سىرتىنان 100 ميلليون ادام - رەتتەن استام ساياحاتشى قابىلدادى

قابىلداعان ساياحاتشى (رەت)سانى، ساياحات جالپى تۇتىنۋى سايكەس مەزگىلدەگىدەن جەكە - جەكە %40 ارتتى

9- ايدىڭ 18 - كۇنى، «كورىكتى مەكەن جىجياڭ. اقسۋ» اتتى شينجياڭعا كومەكتەسۋ ساياحات ارناۋلى پويەزى اقسۋ قالاسىنا جەتتى. بۇل − بيىل جىجياڭنان اتتاندىرىلعان 3 - رەتكى شينجياڭعا كومەكتەسۋ ساياحات ارناۋلى پويەزى، بۇل پويەز جيىنى 550 ساياحاتشى الا كەلدى.

  ءتىلشىمىز تاڭ كاندۇڭ 9 - ايدىڭ 18 - كۇنى بەيجيڭنەن حابارلايدى. ءتىلشىنىڭ 9 - ايدىڭ 18 - كۇنى بەيجيڭدە اشىلعان «قىستا شينجياڭعا ساياحاتتاۋ» − جۇڭگو باتىس بولەك قار - مۇز ساياحات مەرەكەسى جانە 13 - كەزەكتى شينجياڭ قىسقى ساياحات كاسىبى ساۋدا كورمەسىنىڭ اقپار جاريالاۋ ماجىلىسىنەن ۇعىسۋىنشا، 1 - ايدان 8 - ايعا دەيىن شينجياڭ ەل ءىشى - سىرتىنان جيىنى 105 ميلليون 942 مىڭ 900 ادام - رەت ساياحاتشى قابىلداپ، سايكەس مەزگىلدەن %40.93، ساياحات جالپى تۇتىنۋى 171 ميلليارد 942 ميلليون يۋانعا جەتىپ، سايكەس مەزگىلدەن %43.18 ارتتى. شينجياڭ كەزەكتە ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا، سەيىل - سەرۋەن قۇرۋ ساياحاتىنان سەيىل - سەرۋەن قۇرۋ، دەمالۋ، سەزىنۋ فورماسىنداعى ساياحاتقا، كورىنىس ءتۇيىنى ساياحاتىنان تۇتاس الاپتىق ساياحاتقا، ەسىك بەلەتى ەكونوميكاسىنان ساياحات ۋنيۆەرسال تۇتىنۋ ەكونوميكاسىنا، «جالاڭ» ساياحاتتان «ساياحات + » سىندى توعىسپالى دامۋعا وزگەرۋدە.

  اۆتونوميالى رايوندىق ساياحاتتى دامىتۋ كوميتەتى پارتيا باسشىلىق گرۋپپاسىنىڭ شۋجيى حۋ حانميننىڭ تانىستىرۋىنشا، قازىر شينجياڭ قوعامى جاراسىمدى دا ورنىقتى، ەكونوميكاسى دامىعان، حالىق تۇرمىسى جاقسارعان، ورنىقتىلىقتىڭ تيىمدىلىگى ۇزدىكسىز ىسكە اسىپ، ساياحات كاسىبى زور دامۋعا قول جەتكىزىپ، ەل ءىشى - سىرتى ساياحاتشىلارىنىڭ ماڭىزدى ساياحات نىسانالى جەرىنە اينالعان. جۋىقتا اشىلعان اۆتونوميالى رايوننىڭ ساياحاتتى دامىتۋ جونىندەگى جينالىسى «ساياحات ارقىلى شينجياڭدى گۇلدەندىرۋ ستراتەگياسىن بار كۇشپەن اتقارىپ، شينجياڭنىڭ ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا اينالۋىن ىلگەرىلەتىپ، بولاشاقتا شينجياڭدى دۇنيە جۇزىندەگى ماڭىزدى ساياحات نىسانالى جەرىنە اينالدىرۋعا قۇلشىنىپ، شينجياڭ ساياحاتىنىڭ تارتىمدىلىعى مەن جوعارى ورلەۋىن ۇزدىكسىز ارتتىرۋ كەرەك» دەپ اتاپ كورسەتتى.

  ۇعىسۋعا قاراعاندا، 2 جىلدان بەرى شينجياڭنىڭ ساياحات كاسىبى قارقىندى ارتتى، 2016 - جىلى، 2017 - جىلى شينجياڭ ساياحاتى قابىلداعان ادام - رەت سانى، جالپى تۇتىنۋى جالعاستى 2 جىل بويى ارتۋ قارقىنى %30تەن اسىپ، ارتۋ قارقىنى جاعىنان بۇكىل ەلىمىزدىڭ الدىڭعى قاتارىنا شىققان. 2017 - جىلى تۇتاس رايونىمىزدىڭ ەل ءىشى - سىرتىنان قابىلداعان ساياحاتشى سانى تۇڭعىش رەت 107 ميلليون ادام - رەتتەن اسىپ، سايكەس مەزگىلدەگىدەن %32.38 ارتقان. شينجياڭدا كەزەكتە «كوپ ءتۇرلى كاسىپ ارقىلى ساياحاتتى گۇلدەندىرۋ، ساياحات ارقىلى كوپ ءتۇرلى كاسىپتى جەبەۋ» جاعدايى قالىپتاسۋدا، ءارقايسى تاراۋلاردىڭ، ءارقايسى سالالاردىڭ ساياحات كاسىبىنىڭ دامۋىنا نازار اۋدارۋ، قولداۋ كورسەتۋ، جەبەۋ بەلسەندىلىگى بۇرىن بولىپ كورىلمەگەن دارەجەدە ارتتى. شينجياڭ ساياحات كاسىبىنىڭ دامۋ كومەسكى كۇشى اسا زور، وتە - موتە، قار - مۇز ساياحات بايلىعى دارا دا مول، دامۋ بولاشاعى كەڭ بولعاندىقتان، ونىڭ شينجياڭ ساياحات كاسىبى دامۋىنداعى تاعى ءبىر جارقىن تۇيىنگە اينالارى، ءسوزسىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.