تيانشان تورى
تيانشان تورى   ›   جاڭالىقتار   ›   ساياحات

اۆتونوميالى رايوندىق ساياحات كاسىبىن دامىتۋعا باسشىلىق ەتۋ گرۋپپاسى ءماجىلىس اشتى

رايونىمىز ساياحات كاسىبىنىڭ جوعارى ساپالى دامۋىن ىلگەرىلەتەيىك

  ءتىلشىمىز جاۋ جىيۇن 9 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق ساياحات كاسىبىن دامىتۋعا باسشىلىق ەتۋ گرۋپپاسى 9 - ايدىڭ 17 - كۇنى تۇستەن كەيىن ءماجىلىس اشتى. ءماجىلىس مىنالاردى باسا دارىپتەدى: ورىندار، تاراۋلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە بارىنشا تىعىز ىنتىماقتاسىپ، اۆتونوميالى رايوندىق پارتكومنىڭ ورنالاستىرۋىنا ساي، اۆتونوميالى رايوننىڭ ساياحاتتى دامىتۋ جونىندەگى جينالىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ساياحات ارقىلى شينجياڭدى گۇلدەندىرۋ ستراتەگياسىن پارمەندى اتقارىپ، ءبىر نيەتتە بولا وتىرىپ كۇش بىرىكتىرىپ، كەزەكتە رايونىمىز ساياحات كاسىبىنىڭ دامۋىنا تۇساۋ بولىپ وتىرعان كورنەكتى ماسەلەلەردى شەشىپ، رايونىمىز ساياحات كاسىبىنىڭ جوعارى ساپالى دامۋىن جۇزەگە اسىرۋدى قۇلشىنا ىلگەرىلەتىپ، ساياحات ەكونوميكاسىنداعى قۋاتتى رايون، دۇنيە جۇزىندەگى ماڭىزدى ساياحات نىسانالى جەر قۇرۋعا ويداعىداي نەگىز قالاۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى لي پىڭشين ماجىلىسكە قاتىناستى.

  ءماجىلىس مىنالاردى اتاپ كورسەتتى: اۆتونوميالى رايوندىق پارتكوم ساياحات قىزمەتىنە ايرىقشا نازار اۋدارىپ، ونى شينجياڭنىڭ تىرەكتى كاسىبى جانە ەكونوميكانىڭ جوعارى ساپالى دامۋىن جۇزەگە اسىرۋداعى ماڭىزدى قوزعالتقىش رەتىندە يگەرىپ وتىر. اۆتونوميالى رايوننىڭ ساياحاتتى دامىتۋ جونىندەگى جينالىسى ساياحات ارقىلى شينجياڭدى گۇلدەندىرۋ ستراتەگياسىن اتقارۋدىڭ، ساياحات ەكونوميكاسىنداعى قۋاتتى رايون قۇرۋدى تەزدەتۋدىڭ جالپى تالابى مەن ءتۇيىندى مىندەتتەرىن ايقىن العا قويدى، بۇل رايونىمىز ساياحاتىنىڭ دامۋ تاريحىندا بەلەستىك، نىشاندىق مانگە يە. قازىر اۆتونوميالى رايوننىڭ ساياحاتتى دامىتۋ جونىندەگى جينالىسىنىڭ رۋحىن مىقتاپ يگەرىپ، شينجياڭ قىزمەتىنىڭ باس نىساناسىن دايەكتىلەندىرۋ، تياناقتاندىرۋ، باياندى تىنىشتىقتى ىسكە اسىرۋ تۇرعىسىنان جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى ىسكە اسىرۋ تۇرعىسىنان اۆتونوميالى رايوندىق پارتكومنىڭ ساياحات ارقىلى شينجياڭدى گۇلدەندىرۋ ستراتەگياسىن اتقارۋ جالپى تالابى مەن نىسانا - مىندەتتەرىن بەكەم، باتىل، قاز - قالپىندا دايەكتىلەندىرىپ، تياناقتاندىرىپ، ۋاقىتتى ۇتا ءبىلۋ، تەز قيمىلداۋ رۋحىمەن، قولعا العان ىستەن ناتيجە شىعاراتىن تەبىنمەن رايونىمىز ساياحات كاسىبىنىڭ جوعارى ساپالى دامۋىنىڭ جاڭا جاعدايىن جەدەل قالىپتاستىرۋ كەرەك.

  ءماجىلىس بىلاي دەپ باسا دارىپتەدى: اۆتونوميالى رايوندىق ساياحات كاسىبىن دامىتۋعا باسشىلىق ەتۋ گرۋپپاسىنىڭ فۋنكتسيالىق رولىن تولىق ساۋلەلەندىرىپ، ساياحات كاسىبىن دامىتۋعا ساياتىن شەشۋشى ماسەلەلەردى شەشۋگە كۇش سالۋ كەرەك. تۇتاس رايونىمىزدىڭ ساياحات قىزمەتىن جوعارى دەڭگەيدە جوبالاۋدى، عىلمي جوسپارلاۋدى، ءبىر تۇتاس ۇيىمداستىرۋدى جانە قاداعالاپ، تەكسەرۋدى كۇشەيتۋ ارقىلى رايونىمىز ساياحات كاسىبىنىڭ جوعارى ساپالى دامۋىن ىسكە اسىرۋداعى بوگەتتەردى الاستاپ، وعان شارت - جاعداي ازىرلەپ، قامتاماسىز ەتۋدى كۇشەيتىپ، 2020 - جىلى رايونىمىزدىڭ ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا قاراي ويىسۋ نىساناسىن نەگىزىنەن ىسكە اسىرۋىنا كەپىلدىك ەتۋ كەرەك. اۆتونوميالى رايوندىق ساياحات كاسىبىن دامىتۋعا باسشىلىق ەتۋ گرۋپپاسىنىڭ كەڭسەسى، ءارقايسى ارناۋلى گرۋپپالار ساياسي دەڭگەيدى جوعارىلاتىپ، مىندەتتى سانالىلىقپەن ۇستىلەرىنە الىپ، سەلبەسۋدى، سايكەسۋدى كۇشەيتىپ، رايونىمىز ساياحات كاسىبىنىڭ دامۋىن ىلگەرىلەتۋگە شىنايى قۇدىرەتتى بىرىككەن كۇش قالىپتاستىرۋ كەرەك.

  اۆتونوميالى رايوننىڭ جانە بيڭتۋاننىڭ باسشىلارىنان ەركىن تۇنياز، پىڭ جيارۇي قاتارلىلار ماجىلىسكە قاتىناستى. اۆتونوميالى رايوندىق ساياحات كاسىبىن دامىتۋعا باسشىلىق ەتۋ گرۋپپاسىنىڭ مۇشەلەرى ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.