ءتىلشىمىز لياڭ ليحۋا 9 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 6 - ءماجىلىسى 9 - ايدىڭ 18 - كۇنى ۇرىمجىدە وتكىزىلدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 6 - ءماجىلىسىنىڭ كەڭەستىك ءتارتىبىن ماقۇلدادى، «شينجياڭ ۇيعۇر اۆتونوميالى رايونىنىڭ ينفورماتسيالاندىرۋدى جەبەۋ ەرەجەسىن (وزگەرتىلگەن جوبا)» قاراۋ ناتيجەسىنىڭ بايانداماسىن، «شينجياڭ ۇيعۇر اۆتونوميالى رايونىنىڭ نەگىزگى زاڭعا سەرت بەرۋ ءتۇزىمىن اتقارۋ ءادىسىنىڭ (جوبا)» تۇسىنىگىن، «شينجياڭ ۇيعۇر اۆتونوميالى رايونىنىڭ اراق - شاراپ باسقارۋ ەرەجەسىن» كۇشىنەن قالدىرۋ جونىندەگى تۇسىنىكتى، «<شينجياڭ ۇيعۇر اۆتونوميالى رايونىنىڭ جاراتىلىستىق قورىقتاردى باسقارۋ ەرەجەسى> سياقتىلارعا شوعىرلى وزگەرىس ەنگىزۋ جونىندەگى 7 جەرگىلىكتى زاڭ - ەرەجەنىڭ ۇسىنىسىن (جوبا)»، «شينجياڭ ۇيعۇر اۆتونوميالى رايونىنىڭ پوچتا ەرەجەسىن (وزگەرىس ەنگىزىلگەن العاشقى جوبا)»، «شينجياڭ ۇيعۇر اۆتونوميالى رايونىنىڭ تاس جول قۇرىلىسىنىڭ ينجەنەريالىق ساپاسىن باقىلاۋ - باسقارۋ ەرەجەسىن (جوبا)»، «شينجياڭ ۇيعۇر اۆتونوميالى رايونىنىڭ اتموسفەرانىڭ لاستانۋىنان ساقتانۋ جانە ونى وڭاۋ ەرەجەسىن (جوبا)»، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ەكولوگيالىق قورشاعان ورتانى قورعاۋدى جان - جاقتى كۇشەيتىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزۋدى زاڭ بويىنشا ىلگەرىلەتۋ جونىندەگى قاراردىڭ (جوبا) تۇسىنىگىن» تىڭدادى، اۆتونوميالى رايوندىق حالىق ۇكىمەتىنىڭ اۆتونوميالى رايونداعى فينانس كاسپورىندارىنىڭ مەملەكەت مەنشىگىندەگى مال - مۇلىكتى باسقارۋ جاعدايى جونىندەگى بايانداماسىن، اۆتونوميالى رايوننىڭ ساياحات قىزمەتى جاعدايى جونىندەگى بايانداماسىن تىڭدادى، اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ اۋىل شارۋاشىلىق ونىمدەرى ساپا حاۋىپسىزدىگى زاڭىنىڭ» جانە «اۆتونوميالى رايوننىڭ <اۋىل شارۋاشىلىق ونىمدەرى ساپا حاۋىپسىزدىگى زاڭىن> اتقارۋ ءادىسىنىڭ» اتقارىلۋ جاعدايىن تەكسەرۋ جونىندەگى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى تەكسەرۋ گرۋپپاسىنىڭ اۆتونوميالى رايوننىڭ ەمدەۋ قامسىزداندىرۋ قىزمەتى جاعدايى بايانداماسىن قاراۋ پىكىرىنىڭ تياناقتاندىرىلۋ جاعدايىن قاداعالاي باقىلاۋ جونىندەگى تەكسەرۋ بايانداماسىن تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ يۇڭميڭ، ءمۇتالىپ قاسىم، دۇڭ شينگۋاڭ، گۇلشات ابدىقادىر، مانەن زەينەل ۇلى، سو يۋە ماجىلىسكە قاتىناستى. اۆتونوميالى رايوننىڭ ورىنباسار ءتوراعاسى رىن حۋا، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق باقىلاۋ - تەكسەرۋ كوميتەتىنىڭ جانە اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ارناۋلى كوميتەتتەرىنىڭ، تۇراقتى كوميتەت قىزمەت تاراۋلارىنىڭ جاۋاپتىلارى، ءارقايسى ايماقتىق، وبلىستىق، قالالىق حالىق قۇرىلتايلارىنىڭ جاۋاپتىلارى، مەملەكەتتىك جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، سونداي - اق قاتىستى تاراۋلاردىڭ جاۋاپتىلارى قاتارلىلار ماجىلىسكە سىرتتاي قاتىناستى.
