تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» جەتكىزدى، ۇيرەندى

بولاتتاي بەرىك ءتارتىپتى كۇندەلىكتى ادەتكە جانە سانالىلىق ولشەمىنە اينالدىرايىق

  ءتىلشىمىز ميھىرگۇل عوپۇر 9 - ايدىڭ 18 - كۇنى ۇرىمجىدەن حابارلايدى. 9 - ايدىڭ 18 - كۇنى تۇستەن بۇرىن اۆتونوميالى رايوندىق ءتارتىپ تەكسەرۋ كوميتەتىنىڭ نازاريا ۇيرەنۋ وزەكتى گرۋپپاسى جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» (تومەندە قىسقارتىلىپ «ەرەجە» دەلىنەدى) جەتكىزىپ، ۇيرەنىپ، دايەكتىلەندىرۋ، تياناقتاندىرۋ شاراسىن اقىلداستى.

  اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ ۋاقىتشا مەڭگەرۋشىسى ياڭ شين ۇيرەنۋدى باسقاردى ءارى ءسوز سويلەدى.

  ءماجىلىس مىنانى اتاپ كورسەتتى: اۆتونوميالى رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ قۇرىلىمدارى مەن قالىڭ ءتارتىپ تەكسەرۋ، باقىلاۋ - تەكسەرۋ كادرلارى «ەرەجەگە» وزگەرىس ەنگىزۋدىڭ كەلەلى ماڭىزىن جەتە تانىپ، «ەرەجەنى» ۇيرەنۋدى، ۇگىتتەۋدى، دايەكتى اتقارۋدى كەزەكتەگى ماڭىزدى ساياسي مىندەت ەتىپ، ۇيرەنۋ، ۇگىتتەۋ، دايەكتىلەندىرۋدەگى سانالىلىق پەن تاباندىلىقتى شىنايى كۇشەيتۋ كەرەك. «ەرەجەنىڭ» رۋحىنىڭ شىنايى ءمانى مەن باي مازمۇنىن دۇرىس يگەرىپ، يدەيالىق تانىمدى اناعۇرلىم ءوسىرىپ، يدەيانى قارۋلاندىرۋدى كۇشەيتىپ، ارەكەت سانالىلىعىن ارتتىرىپ، «ەرەجەنى» ۇيرەنۋدى، ۇگىتتەۋدى، دايەكتىلەندىرۋدى وراي ەتىپ، شينجياڭنىڭ ءتارتىپ تەكسەرۋ، باقىلاۋ - تەكسەرۋ قىزمەتىنىڭ تىڭ ساتىعا كوتەرىلۋىن ىلگەرىلەتۋ كەرەك.

  ءماجىلىس مىنانى باسا دارىپتەدى: پارتيانىڭ «ءتارتىپ قوسىنى» بولعان ءار دارەجەلى ءتارتىپ تەكسەرۋ، باقىلاۋ - تەكسەرۋ قۇرىلىمدارى مەن قالىڭ ءتارتىپ تەكسەرۋ، باقىلاۋ - تەكسەرۋ كادرلارى پارتيا ورتالىق كوميتەتىنىڭ، ورتالىق ءتارتىپ تەكسەرۋ كوميتەتىنىڭ حابارلاندىرۋىنىڭ تالاپتارىن مۇقيات دايەكتىلەندىرىپ، «ەرەجەنى» كوپ ءتۇرلى فورما ارقىلى ۇيرەنۋ، ۇگىتتەۋ، دايەكتىلەندىرۋ كەرەك. قاز - قالپىندا ۇيرەنۋدەن، ءبىر - ءبىر ارىپتەن، ءبىر - ءبىر سويلەمنەن ۇيرەنۋدەن، جاڭاسى مەن كونەسىن سالىستىرىپ ۇيرەنۋدەن، تولىق ءتۇسىنىپ ۇيرەنۋدەن جازباي، «ەرەجەنى» ۇيرەنۋدىڭ، «ەرەجەگە» بويسۇنۋدىڭ، «ەرەجەنى» اتقارۋدىڭ ۇلگىسى بولۋعا قۇلشىنۋ كەرەك. ءماجىلىس مىنانى تالاپ ەتتى: اۆتونوميالى رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ قۇرىلىمدارى «ەرەجەنىڭ» اتقارىلۋ جاعدايىن باقىلاۋدى، تەكسەرۋدى كۇشەيتىپ، تۇزىمگە «ءتىس» سالىپ، تارتىپكە «توك» قۇيىپ، بولاتتاي بەرىك ءتارتىپتى شىن مانىندە پارتيالى كادرلاردىڭ كۇندەلىكتى ادەتىنە جانە سانالىلىق ولشەمىنە اينالدىرۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.