ءتىلشىمىز تاڭ كاندۇڭ 9 - ايدىڭ 19 - كۇنى بەيجيڭنەن حابارلايدى. تيانشان ۇلكەن اڭعارى، شينجياڭ حالىقارالىق ۇلكەن بازار، تيانشان تيانچى... 9 - ايدىڭ 18 - كۇنى بەيجيڭدە وتكىزىلگەن شينجياڭعا قىسقى ساياحات. جۇڭگو باتىس بولىك قار - مۇز ساياحات مەرەكەسى جانە 13 - كەزەكتى شينجياڭ قىسقى ساياحات كاسىبى ساۋدا جارمەنكەسى جونىندەگى اقپار جاريالاۋ ماجىلىسىندە «جۇڭگو مەملەكەت جاعراپياسى جۋرنالى» مەكەمەسىنىڭ ورىنباسار باستىعى، جاڭا اقپارات قۇرالىنىڭ باس اتقارۋشىسى ساي حۋايە فوتواپپارات كوزىنە تۇسىرىلەتىن شينجياڭداعى ەڭ كوركەم 100 كورىنىس ءوڭىرىن جاريالاپ، شينجياڭنىڭ ەرەكشە تابيعاتى مەن گۋمانيتارلىق كورىنىستەرىن ءتۇسىندىردى.
ۇعىسۋعا قاراعاندا، اۆتونوميالى رايوندىق پارتكومنىڭ ساياحاتتى دامىتۋدى جەدەلدەتۋ جونىندەگى ءبىرسىپىرا ماڭىزدى نۇسقاۋلارىنىڭ رۋحىن دايەكتىلەندىرۋ، تياناقتاندىرۋ، شينجياڭ ساياحاتىنىڭ اتاق - داڭقى مەن ىقپالىن شىن مانىندە جوعارىلاتۋ، شينجياڭنىڭ ساياحات بايلىعىنىڭ ەرەكشە باۋراۋ قۋاتىن اناعۇرلىم ويداعىداي اشۋ، ايگىلەۋ، ۇگىتتەۋ، جالپىلاستىرۋ ءۇشىن، 2018 - جىلى 8 - ايدا اۆتونوميالى رايوندىق ساياحاتتى دامىتۋ كوميتەتى جۇڭگو مەملەكەت جاعراپياسى جۋرنالى مەكەمەسىمەن بىرگە «فوتواپپارات كوزىنە تۇسىرىلەتىن شينجياڭداعى ەڭ كوركەم 100 كورىنىس ءوڭىرىن ىزدەۋ» قيمىلىن ورىستەتكەن.
2005 - جىلى «جۇڭگو مەملەكەت جاعراپياسى» «جۇڭگوداعى ەڭ كوركەم جەرلەردى تاڭداۋ» قيمىلىن جوبالادى جانە ول شىعارعان «جۇڭگوداعى ەڭ كوركەم جەرلەر تىزىمىنە» شينجياڭنىڭ كوپتەگەن كوركەم كورىنىستەرى ەنگىزىلدى. 2012 - جىلى جۇڭگو مەملەكەت جاعراپياسى تاعى «ەڭ كوركەم كورىنىس تۇسىرەتىن ورىندار» جەلىلەس نىساندارىن جانە «بايقاۋ» جەلىلەس كىتاپتارىن شىعارىپ، كورىنىس وڭىرلەرى جونىندە شىت جاڭا جاعراپيالىق 6 گرادۋس ينفورماتسياسىن بەرىپ، جۇڭگو مەملەكەت جاعراپياسى اقپارات قۇرالى تۇعىرىندا شىعاردى. قازىر «فوتواپپارات كوزىنە تۇسىرىلەتىن ەڭ كوركەم كورىنىس وڭىرلەرىنىڭ» ءتىزىمى جانە «بايقاۋ» جەلىلەس كىتاپتارى جۇڭگونىڭ كورىنىستەرىن تانىستىراتىن جاراتىلىستىق گۋمانيتارلىق تانىسقىعا جانە ساياحاتشىلاردىڭ كوزەۋلى جەردى تاڭداۋىنداعى تاماشا باعدارناماعا اينالدى.
«ەڭ كوركەم كورىنىس وڭىرلەرىن فوتواپپارات كوزىنە ءتۇسىرۋ قيمىلى بويلىق، ەندىك، تەڭىز دەڭگەيىنەن بيىكتىگى، فوتواپپارات كوزىنە ءتۇسىرۋدىڭ ەڭ جاقسى مەزگىلى، ەڭ جاقسى ۋاقىتى، فوتواپپارات كوزىنە ءتۇسىرۋدىڭ ەڭ جاقسى بەتالىسى سىندى جاعراپيالىق 6 گرادۋس ينفورماتسيا ۇعىمى بويىنشا تۇراقتاندىرىپ، جان - جاقتان جيناۋ ارقىلى شينجياڭنىڭ 14 ايماق، وبلىس، قالاسىنداعى ەڭ كوركەم 100 كورىنىستى ساتىلار بويىنشا سارالاپ شىقتى»، - دەدى ساي حۋايە.
