شينجياڭ مۇناي الابى سەرىكتەستىگى فىڭچىڭ مۇناي الابى جۇمىس رايونىنىڭ كومەكشى ينجەنەرى
ناديرا عالىپ
مەن قارامايلىنىڭ 3 - ۇرپاق مۇناي جۇمىسشىسىمىن. ناعاشى اتام، ناعاشى اپام، شەشەم بارلىعى كومپارتيا مۇشەسى. مەن ەكى ۇرپاققا جالعاسقان مۇنايشى وتباسىندا ەرجەتتىم، ۇيدە ۇنەمى ناعاشى اتامنىڭ: «ءبىزدىڭ قازىر قام - قايعىسىز تۇرمىس كەشىرىپ جاتقانىمىز استە وتباسى شارت - جاعدايىمىزدىڭ جاقسىلىعىنان ەمەس، قايتا ۇلى وتانىمىزدىڭ جانە ۇلى پارتيامىزدىڭ ءبىزدى قورعاعاندىعىنان ەكەندىگىن ماڭگى ەستە ساقتاۋىمىز كەرەك، العىس ايتۋدى، جاقسىلىعىن وتەۋدى ۇيرەنىپ الۋىمىز كەرەك» دەگەنىن ەستيتىنمىن. بالا كەزىمدە بۇل سوزدەردىڭ مانىنە تەرەڭ بويلاماپپىن، تەك ناعاشى اتامنىڭ ءسوزىنىڭ تەرىس كەتپەيتىندىگىن بىلەتىنمىن. ەسەيە كەلە بۇل سوزدەردىڭ ءمانىن بىرتىندەپ ءتۇسىندىم. ءبىز بەيبىت مەملەكەتتە تۇرمىس كەشىرىپ جاتىرمىز، قازىر تۇرمىسىمىز وسىنشاما تاماشا، بۇل پارتيامىزدىڭ ءار ۇلت حالقىن ىنتىماقتاستىرا باستاپ، جاپالى دا ەگەي كۇرەستەر جاساۋىنىڭ ارقاسىندا جۇزەگە استى، ءبىز باقىتتى تۇرمىستان يگىلىكتەنۋمەن ءبىر ۋاقىتتا، العىسقا تولى جۇرەكپەن پارتياعا ىلەسىپ، اناعۇرلىم نۇرلى، اناعۇرلىم تاماشا بولاشاققا بەت الۋعاءتيىسپىز.
مەن بالاباقشادان داشۋە بىتىرگەنگە دەيىن ۇنەمى ءار ۇلت باۋىرلاستارمەن بىرگە تاماقتانىپ، بىرگە تۇرىپ، بىرگە ۇيرەنىپ، بىرگە وينادىم، ۇلتتار ىنتىماعىنىڭ تۇقىمى بالا كەزىمنەن جۇرەگىمدە تامىر تارتقان. جاقىنعى جىلداردان بەرى، «ءۇش ءتۇرلى كۇش» زورلىقتى كۇش، لاڭكەستىك دەلولارىن تۋدىردى، ولار اككى دە جاۋىز، تاسىلدەرى قانقۇيلى، ىقپالى اسا جيىركەنىشتى، ادامگەرشىلىكتەن بەزدى دەۋگە بولادى. ءبىر ايەل كادر رەتىندە، مەن «ءۇش ءتۇرلى كۇشتىڭ» وتاندى بولشەكتەۋگە ۇرىنعان سۇرقيا ءمانى مەن اۋىر زيانىن جىعا تانىپ، قالىڭ اپەكە - سىڭلىلەردى قىراعىلىقتى ارتتىرىپ، دۇرىس پەن بۇرىستى ايقىن پارىقتاپ، باتىلدىقپەن بارلىق بولشەكتەۋشىلىك يدەيامەن جانە ءسوز - ارەكەتتەرمەن كۇرەسىپ، «ءۇش ءتۇرلى كۇشكە» قارسى قۇرىش قامالدى سوعىپ، «ءۇش ءتۇرلى كۇشتى» كوشەدەن قاشقان تىشقانداي ۇر - ۇردىڭ استىنان الۋعا تاربيەلەيمىن، جەتەكتەيمىن.
ىنتىماقتىلىق، ورنىقتىلىق − قۇت، بولشەكتەۋشىلىك، بىلىقپالىق − جۇت. ورنىقتى ورتا بولماسا، ەشقانداي ءىستى دە تىندىرۋعا بولمايدى. ءبىز ۇلتتار ىنتىماعىنىڭ، قوعام ورنىقتىلىعىنىڭ ماڭىزدىلىعىن تولىق تانۋىمىز، ۇلتتار ىنتىماعى مەن قوعام ورنىقتىلىعى بولماسا، شينجياڭنىڭ كوركەم بولاشاعىنىڭ بولمايتىندىعىن، ءبىز ءار ۇلت حالىق بۇقاراسىنىڭ تاماشا ەرتەڭىنىڭ دە بولمايتىندىعىن تولىق تانۋىمىز كەرەك. مەن ۇلتتار ىنتىماعىن قورعاۋدى وزىمنەن باستاپ ىستەپ، ۇلتتار ىنتىماعىن كوز قاراشىعىمدى ايالاعانداي ايالاپ، ءوز ءومىرىمدى قاستەرلەگەندەي قاستەرلەيمىن، ۇلتتار ىنتىماعىنا ءتيىمسىز سوزدەردى استە سويلەمەيمىن، ۇلتتار ىنتىماعىنا ءتيىمسىز ىستەردى استە ىستەمەيمىن، سوقىر سەنىمگە قارسى تۇرىپ، توپاستىققا تويتارىس جاساپ، وزىمدەگى وڭ ەنەرگيا ارقىلى قاسىمداعى ادامدارعا اسەر ەتىپ، ىقپال جاساپ، ولاردى باستاپ، بۇكىل قوعامعا ۇلتتار ىنتىماعىنىڭ، قوعام ورنىقتىلىعىنىڭ وڭ ەنەرگياسىن بەلسەنە تاراتىپ، ىنتىماقتىلىقتىڭ، ءوزارا قارايلاسۋدىڭ گۇلىن جەتىلدىرەمىن.
الداعى قىزمەت بارىسىندا، مەن مەملەكەتتىڭ زاڭدارى مەن زاڭ - ەرەجەلەرىنە جانە مەكەمەنىڭ ەرەجە - تۇزىمدەرىنە قاتاڭ بويسۇنىپ، جوعارىنىڭ قىزمەت ورنالاستىرۋلارىن مۇقيات تياناقتاندىرامىن، «ءۇش ءتۇرلى كۇشكە» قارسى كۇرەستە ءدۇدامال بولماي، شەگىنشەكتەمەي، شەشۋشى ساتتە تۇرعىدان تاپجىلماي، ايقىن تۋ ۇستاپ الدا ءجۇرىپ، شينجياڭ قوعامىنىڭ ورنىقتىلىعى، جاراسىمدىلىعى، ىنتىماقتىلىعى ءۇشىن ءتيىستى ۇلەس قوسامىن.
