تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

قاعىلىق: «كىرىستى ارتتىرۋ جەمىسى» پىستى، شارۋالاردىڭ جۇزىنەن كۇلكى ەستى

  ءتىلشىمىز شى شين

  كۇز كەلدى، قاعىلىق اۋدانىنداعى 580 مىڭ مۋ جەردەگى جاڭعاقتان مول ءونىم الىندى.

  شاقاپ اۋىلى تيىرمەنباسى قىستاعىنا بارساڭىز، اتىز باسىنان، ءۇي ماڭدارىنان جاڭعاق جيىپ قاربالاس جۇرگەن قىستاق تۇرعىندارىن كورەسىز. ولاردىڭ كەيبىرەۋى جاڭعاق اعاشىن ۇرعىلاسا، كەيبىرەۋى جاڭعاق تەرىپ، تاعى بىرەۋلەرى جاڭعاقتىڭ كوك قابىعىن ارشىپ جاتىر، قۋانىشقا تولعان جانارلارىنان وسى ءبىر كىشكەنتاي جاسىل جەمىستىڭ كىرىستى ارتتىراتىن باقىت جەمىسىنە اينالعاندىعى ءبىلىنىپ تۇر.

  قىستاق تۇرعىنى ءابدىقادىر ياسىننىڭ 95 مۋ جەردە جاڭعاعى بار، ول قىستاقتاعى ءىرى ەگىنشى. جاڭعاقتى جەدەل جيىپ، قامباعا الۋ ءۇشىن، 9 - ايدىڭ 18 - كۇنى تاڭ اتىسىمەن، ول تۋىسقاندارىن، دوس - جاراندارىن كومەككە شاقىردى.

  «قاراشى! ءتۇيىنى جۋان، جەمىسى تولىق ەكەن، ءتۇسىمى بىلتىرعىدان كوپ، تارتا مەجەلەگەندە ءار مۋىنان بىلتىرعىدان 600 يۋان ارتىق كىرىس كىرەتىن سياقتى»، - دەدى ءابدىقادىر قۋانىشپەن.

  بىلتىر ءابدىقادىر جاڭعاق ساتىپ 78 مىڭ يۋان تاۋىپتى، بيىلعى كىرىسى مەجەمەن 130 مىڭ يۋاننان 150 مىڭ يۋانعا دەيىن بولاتىن سياقتى. ول: بۇل اۆتونوميالى رايوننىڭ وڭتۇستىك شينجياڭنىڭ جەمىس ورمان شارۋاشىلىعىنىڭ ساپاسىن كوتەرىپ، ونىمدىلىگىن جوعارىلاتۋ ارەكەتىنىڭ ارقاسى، - دەدى.

  اۆتونوميالى رايون ماماندارىنىڭ تەحنيكالىق قىزمەت كورسەتۋ توبىنىڭ مۇشەلەرى بيىل 3 - ايدان باستاپ قاعىلىق اۋدانىندا تۇرىپ، جاڭعاق اعاشىن تەلۋدەن تىڭايتقىش بەرۋگە، ونان دەرت - دەربەزدەن، زياندى جاندىكتەردەن ساقتانۋعا جانە ونى جونگە سالۋعا، اتىز باپتاۋعا دەيىن شارۋالارعا تىكەلەي جەتەكشىلىك ەتىپ جانە ولاردى تاربيەلەپ، بيىلعى جاڭعاق ءونىمىنىڭ مولايۋىنا، شارۋالار كىرىسىنىڭ ارتۋىنا كەپىلدىك ەتتى.

  «مەن 20 نەشە جىل ەگىنشى دەلدالى بولىپپىن، بيىلعى جاڭعاقتىڭ ساپاسى وتكەن جىلدارداعىدان جاقسى، باعاسى دا جوعارى بولدى، - دەدى جاڭعاق باعىندا جاڭعاق تاڭداپ جۇرگەن قاعىلىق اۋدانى يىڭيا شارۋالار كاسىپتىك كووپەراتيۆىنىڭ القا باستىعى تۇرامەت ءامدوللا، − بيىل 1700 توننا جاڭعاق ساتىپ الۋدى جوسپارلاپ وتىرمىن، ۋاكىلدىك جۇمىس بىتىرۋشىلەر مەن ۋاكىلدىك ساتۋشىلاردى قوسقاندا، جالپى شاماسى 3000 تونناعا جەتەدى، مۇنىڭ %60ى ىشكى ولكەلەردەگى ءىرى توپ ساتۋ بازارلارىنا ساتىلادى، قالعانى پاكيستان سياقتى ەلدەرگە ەكسپورت ەتىلەدى».

  ءداستۇرلى ساۋدا تاسىلىنەن سىرت، تۇرامەت ينتەرنەتكە سۇيەنىپ، جاڭعاقتىڭ ساتىلىم بازارىن كەڭەيتە باستاعان. تاياۋدا، شينجياڭ جاڭعاق (قاعىلىق) توپ ساتۋ ساۋدا بازارى قۇرىلىس باستادى، ول «جەلىدەگى ەلەكتروندىق ساۋدا تۇعىرى مەن جەلىدەن سىرتقى وندىرىلگەن جەردىڭ توپ ساتۋ بازارىن ءبىر تۇلعالاندىرۋ» ۇلگىسىن ەنگىزەدى.

  «وسى تۇعىر ىسكە قوسىلعان سوڭ، قاعىلىق جاڭعاعىنىڭ اتاعى اناعۇرلىم اسپاندايتىن بولادى، ءبىز دە <دوستار شەڭبەرىمىزدى> ونان ارى كەڭەيتىپ، اناعۇرلىم كوپ شارۋالاردى كەدەيلىكتەن قۇتىلىپ، كىرىسىن ارتتىرۋعا جەتەكتەي الامىز»، - دەدى تۇرامەت.

  قازىر قاعىلىق جاڭعاعىنىڭ ساپاسى جاقسارىپ، ءتۇسىمى مولايعان، ساۋداسى اناعۇرلىم وسىزاماندىق، قولايلى تاسىلگە كوشىپ، كاسىپ تىزبەگى اناعۇرلىم ۇزارعان.

   «ءبىر تال جاڭعاقتىڭ قابىعىنان دانىنە دەيىن تۇگەلدەي اسىل ەسەپتەلەدى، ءىشى - سىرتىنىڭ بارلىق جەرىن جاقسى باعادا ساتۋعا بولادى دەدى، - ءابدىقادىر، − بۇرىن جاڭعاق ءدانىن عانا ساتاتىنبىز، قازىر جاڭعاق جەگەندە قابىعىن تاستامايمىز، قاعىلىق اۋدانىندا جاڭعاق وڭدەيتىن 7 كاسىپورىن بار، كوك قابىعىن دا اقشاعا ساتۋعا بولادى، جاڭعاق قابىرشاعىنان اكتيۆتەنگەن كومىر جاساۋعا بولادى، ال جاڭعاق ءدانىنىڭ ورتاسىنداعى وزەك بولگىش قابىرشاعىنان مي سەرگىتەتىن شاي وندىرۋگە بولادى، اۋەلى، جاڭعاق ءدانىنىڭ وزىنەن تەك كەپتىرىلگەن جەمىس قانا جاسالمايتىن بولدى، ونان سۋسىن، جاڭعاق ۇنتاعىن جاساۋعا، تاعى ماي ايىرۋعا بولادى، جاڭعاق شىنىمەن بۇقارانىڭ <كىرىسىن ارتتىراتىن جەمىسكە> اينالدى».

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى