تيانشان تورى   ›   جاڭالىقتار   ›   شينجياڭ حابارلارى

قۇمىل: بارلىق ءادىس - امالدارمەن سۋدى ۇنەمدەدى

  سۋ بايلىعىنىڭ ەڭ زور ونىمدىلىگىن ساۋلەلەندىرۋگە قۇلشىندى 

  ءتىلشىمىز ما ينيڭ 9 - ايدىڭ 19 - كۇنى قۇمىلدان حابارلايدى. سۋ تازارتۋ پۋنكتى، كومىرلى جاراقسىز سۋدى ءبىر جاقتى ەتۋ پۋنكتى، ونەركاسىپتىك جاراقسىز سۋلاردى ءبىر جاقتى ەتۋ پۋنكتى... تاياۋدا قۇمىل كومىر ەلەكتر شەكتى سەرىكتەستىگىنىڭ دانانحۋ ەلەكتر ستانسياسىنا بارعاندا ءتىلشى سۋدى ءبىر جاقتى ەتەتىن ءار ءتۇرلى قۇرىلعىلاردى كوردى. وسى سەرىكتەستىكتىڭ ءوندىرىس - تەحنيكا ءبولىمىنىڭ ديرەكتورى پىڭ گۋاڭميڭ: كاسىپورنىمىز سۋ ىعىستىراتىن شۇمەك ورناتقان جوق، سۋ بايلىعىن تۇگەلىمەن قايتالاي پايدالانادى. سۋ ۇنەمدەۋدە بارلىق ءادىس - امالداردى قولدانۋ ارقىلى كاسىپورىن جىلىنا قايتالاي پايدالاناتىن سۋ مولشەرىن 800 مىڭ تەكشەمەترگە جەتكىزدى، - دەدى.

  دانانحۋ ەلەكتر ستانسياسى − قۇمىلدىڭ سۋ بايلىعىنان پايدالانۋ ونىمدىلىگىن ءۇرتىس جوعارىلاتقاندىعىنىڭ شاعىن كورىنىسى. قۇمىلدا سۋ وتە تاپشى، جان باسىنا تۋرا كەلەتىن سۋ بايلىعى تۇتاس شينجياڭنىڭ ورتاشا دەڭگەيىنىڭ تەڭ جارتىسىنداي عانا. قۇمىل قالالىق سۋ يگىلىگى مەكەمەسىنىڭ باستىعى تيان يادۇڭ بىلاي دەپ تانىستىردى: ءبىز ۇزدىكسىز قۇنتتاپ باسقارىپ، سۋ بايلىعىنىڭ ەڭ ۇلكەن ونىمدىلىگىن ساۋلەلەندىرۋگە قۇلشىندىق. قۇمىل قالاسى وسى وڭىردەگى باستى ەگىس داقىلدارىنا، نەگىزگى ونەركاسىپ ونىمدەرىنە، قالا تۇرمىسىنا قاجەتتى سۋدىڭ نورماسىنا سىناق جانە تالداۋ جاساۋ ارقىلى ءجۇزىم، قۇمىل قاۋىنى سياقتى 9 ءتۇرلى ەگىس داقىلىنا، 10 سالاداعى 25 ءىرى تۇردەگى 199 نەگىزگى ونەركاسىپ ونىمىنە، سونداي - اق قالاداعى 22 سۋ ىستەتەتىن ءتۇردىڭ 35ىنە سۋدان پايدالانۋ نورما ولشەمىن بەلگىلەدى.

  ەگىن شارۋاشىلىعىندا سۋ ۇنەمدەۋ جاعىندا، قۇمىل «جەردە نورما بولۋ، وتباسىندا جالپى مولشەر بولۋ» سىندى ولشەمدەندىرىپ باسقارۋدى جولعا قويىپ، ءبىر ميلليون مۋ جەردى ولشەمدەندىرىپ باسقارىپ، ەگىن شارۋاشىلىعىندا ءبىر مۋ جەردى سۋارۋعا كەتەتىن سۋ مولشەرىن 487 تەكشەمەترگە تومەندەتتى. سۋ كوپ كەتەتىن داقىلداردى ەگۋدى باتىل تەجەپ، زاڭسىزدىقپەن تىڭ يگەرۋ، زاڭعا قايشى تۇردە سۋ الۋ ارەكەتتەرىن قاتاڭ تەكسەرىپ، ءبىر جاقتى ەتىپ، سوققى بەردى. يجوۋ رايونى بۇلۇڭتوعىراق اۋىلىندا ەگىمشىلىكپەن شۇعىلداناتىن تىڭ ۋيشين: سۋ ىستەتۋ مولشەرى ازايتىلعانىمەن، «سۋدان دالمە - ءدال پايدالانىلعاندىقتان» داقىلداردىڭ ءونىم مولشەرى ىقپالعا ۇشىرامادى، - دەدى.

  ونەركاسىپتە سۋ ۇنەمدەۋ جاعىندا، قۇمىل «ونىمدە نورما بولۋ، كاسىپورىندا جالپى مولشەر بولۋ» سىندى ولشەمدەندىرىپ باسقارۋدى جالپىلاستىرۋعا كۇش شىعاردى. قۇمىل قالالىق سۋ ىستەرىن، سۋ بايلىعىن باسقارۋ ورتالىعىنىڭ ورىنباسار مەڭگەرۋشىسى اسقار اسەن بىلاي دەدى: قۇمىل سۋ بايلىعى دالەل - سىپاتى جونىندە «ءبىر داۋىسپەن تەرىسكە شىعارۋ ءتۇزىمىن» قاتاڭ تياناقتاندىردى، جاڭادان قوسىلعان ونەركاسىپ نىساندارى ەل ىشىندەگى كاسىپ سالاسىنىڭ سۋ ۇنەمدەۋدەگى وزىق تەحنيكاسىن، وزىق تەحنولوگياسىن، ءسوزسىز، ازىرلەۋى كەرەك. كەزەكتە، تۇتاس قالا كولەمىنەن جوعارعى جانە ءتۇيىندى ونەركاسىپ كاسىپورىنداردىڭ نورما بەلگىلەپ باسقارۋى %100كە، باسقا ونەركاسىپ كاسىپورىندارىنىڭ نورما بەلگىلەپ باسقارۋى %98كە جەتتى.

  قۇمىل «سۋ ۇنەمدەگىش قالا» قۇرۋعا قۇلشىندى، كەزەكتە سۋ ۇنەمدەۋدەگى ۇزدىك ۇلگىلى ورىندار سانى جيىنى 177گە جەتتى. قازىر قالادا سۋ ۇنەمدەيتىن اسپاپ ىستەتەتىن جاڭادان قۇرىلعان الەۋمەتتىك قۇرىلعىلار، وتباسىلار %100كە جەتتى. سۋ ۇنەمدەيتىن اسپاپتىڭ جالپىلاسۋ مولشەرى %90تەن استى، قالانى جاسىلداندىرۋدا سۋ ۇنەمدۋ كولەمى %96تەن استى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى