ءتىلشىمىز جاۋ جىيۇن 9 - ايدىڭ 19 - كۇنى ۇرىمجىدەن حابارلايدى. 9 - ايدىڭ 11 - كۇنىنەن 18 - كۇنىنە دەيىن مەملەكەتتىك كەڭەستىڭ كەدەيلەردى سۇيەمەلدەۋ - وركەندەتۋگە باسشىلىق ەتۋ گرۋپپاسىنىڭ باقىلاۋ - تەكسەرۋ گرۋپپاسى اۆتونوميالى رايونداعى ولكە دارەجەلى پارتكومدار مەن ۇكىمەتتەردىڭ 2017 - جىلعى كەدەيلەردى سۇيەمەلدەۋ - وركەندەتۋ قىزمەتىنىڭ ونىمدىلىگىن باعالاۋدا بايقالعان ماسەلەلەردى رەتتەۋ - تۇزەتۋ قىزمەتىنە باقىلاۋ - تەكسەرۋ ورىستەتتى. 9 - ايدىڭ 18 - كۇنى تۇستەن بۇرىن باقىلاۋ - تەكسەرۋ گرۋپپاسى ۇرىمجىدە اڭگىمە ءماجىلىس اشىپ، باقىلاۋ - تەكسەرۋ جاعدايىن حابارلاندىردى، اڭىس ەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر رايونىمىزدىڭ كەدەيلەردى سۇيەمەلدەۋ - وركەندەتۋ قىزمەتىنەن مالىمەت بەردى. مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ ورىنباسار مەڭگەرۋشىسى ۋىڭ جيەميڭ رايونىمىزعا باقىلاۋ - تەكسەرۋ گرۋپپاسى اتىنان جاعدايدى اڭىس ەتتى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين ءماجىلىستى باسقاردى.
ۋىڭ جيەميڭ مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ شەشىمدەرىن، ورنالاستىرۋلارىن جان - جاقتى دايەكتىلەندىرىپ، تياناقتاندىرىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، كەدەيلەردى دالمە - ءدال سۇيەمەلدەۋدىڭ، كەدەيلىكتەن دالمە - ءدال قۇتىلدىرۋدىڭ نەگىزگى جالپى جوباسىنا بۇلجىماي تاباندى بولىپ، ورنىقتىلىقتى قورعاۋ مەن كەدەيلىكتەن قۇتىلدىرۋدان قامال الۋدىڭ ەكى جاعىن دا مىقتاپ يگەرۋدەن جازباي، رەتتەۋ - وزگەرتۋدى ولشەمگە قاتاڭ سالىستىرىپ يگەرىپ، قامال الۋدىڭ بىرەۋىن يگەرۋ ارقىلى باسقالارىن جەبەدى، كەدەيلىكتەن قۇتىلدىرۋدان قامال الۋ ساياسات - شارالارىن تياناقتاندىرۋ تەبىنى زور بولىپ، اۋىر كەدەي وڭىرلەردەگى كەدەيلىكتەن قۇتىلدىرۋدان قامال الۋ ورنىقتى ىلگەرىلەدى. اۆتونوميالى رايون وڭتۇستىك شينجياڭنىڭ 3 ايماق، ءبىر وبلىسىنداعى نەگىزگى شايقاس مايدانىن كورنەكتىلەندىرىپ، كۇشتى شوعىرلاندىرىپ قامال الىپ، قيىنشىلىقتاردى جەڭىپ، جۇڭگو ەرەكشەلىگىنە، شينجياڭ وزگەشەلىگىنە يە كەدەيلىكتى ازايتۋ جولىمەن ءجۇردى.
ۋىڭ جيەميڭ مىنالاردى تالاپ ەتتى: كەدەي بۇقارانى باۋلۋدى، كەدەي بۇقارانىڭ ءتىل قابىلەتىن جانە جۇمىسقا ورنالاسۋ شەبەرلىگىن جەتىلدىرۋدى كۇشەيتىپ، كەدەي بۇقارانىڭ كەدەيلىكتەن قۇتىلۋداعى ىشكى قوزعاۋشى كۇشىن قاۋلاتۋ كەرەك؛ شينجياڭنىڭ بايلىق ابزالدىلىعىن ساۋلەلەندىرىپ، ءتىپتى دە كوپ كەدەي بۇقارانىڭ كاسىپتى دامىتۋعا سۇيەنىپ كەدەيلىكتەن ورنىقتى قۇتىلۋىنا مۇمكىندىك جاساۋ كەرەك؛ كەدەيلەردى سۇيەمەلدەۋ نىساندارىن، قاراجاتتارىن باسقارۋدى ونان ارى كۇشەيتىپ، كەدەيلەردى سۇيەمەلدەۋدىڭ ءبىرىنشى شەبىندەگى كادرلاردىڭ رولىن ويداعىداي ساۋلەلەندىرۋ كەرەك.
شوكىرات زاكىر مىنالاردى ءبىلدىردى: باقىلاۋ - تەكسەرۋ گرۋپپاسىنىڭ اڭىس پىكىرى ءبىزدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءتىپتى دە جاقسى دايەكتىلەندىرۋىمىز، تياناقتاندىرۋىمىز، رايونىمىزداعى كەدەيلىكتەن قۇتىلدىرۋدان قامال الۋداعى قيىن تۇيىندەردى، ماسەلەلەردى شەشۋدى ىلگەرىلەتۋىمىز جونىنەن توتەنشە كۇشتى باعىتتامالىلىققا جانە جەتەكشىلىككە يە. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، نازاردى شينجياڭ قىزمەتىنىڭ باس نىساناسىنا مىقتاپ شوعىرلاندىرىپ، ساياسي تۇرعىنى جوعارىلاتىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە باتىلدىقپەن جەتۋدى «ءتورت تانىمدى» بەرىك ورناتۋدىڭ جانە باتىلدىقپەن «ەكىنى قورعاۋدىڭ» ناقتى بەينەسى، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ ماڭىزدى تۇتقاسى ەتىپ، رايونىمىزدىڭ كەدەيلىكتەن قۇتىلدىرۋدان قامال الۋ قىزمەتىنىڭ ساپاسى مەن دەڭگەيىن جان - جاقتى جوعارىلاتۋىمىز كەرەك.
شوكىرات زاكىر مىنالاردى ءبىلدىردى: اۆتونوميالى رايون باقىلاۋ - تەكسەرۋ گرۋپپاسىنىڭ تالاپتارىن مۇقيات تياناقتاندىرىپ، باقىلاۋ - تەكسەرۋدەن اڭىس ەتىلگەن پىكىر بويىنشا رەتتەۋ - تۇزەتۋدى ماڭىزدى مىندەت ەتىپ، ساياسي جاۋاپكەرشىلىكتى كۇشەيتىپ، قاتاڭ، مۇقيات رەتتەپ - تۇزەتەدى؛ شىندىققا جۇگىنىپ ناقتى ىستەر ىستەۋدەن جازباي، رەتتەۋ - تۇزەتۋدىڭ ونىمدىلىگىن جوعارىلاتادى؛ باقىلاۋ - تەكسەرۋدى، جەتەكشىلىك ەتۋدى كۇشەيتىپ، جاۋاپكەرشىلىكتى تياناقتاندىرۋدى ىلگەرىلەتەدى؛ باقىلاۋ - تەكسەرۋ جەتىستىكتەرىنەن جاقسى پايدالانىپ، قىزمەت ورەسىن جوعارىلاتىپ، كەدەيلىكتەن قۇتىلدىرۋدان قامال الۋ قىزمەتىن اناعۇرلىم دالمە - ءدال، اناعۇرلىم ەگجەي - تەگجەيلى، اناعۇرلىم ناقتى ىستەپ، كەدەي بۇقارانىڭ ناقتى تيىمدىلىككە كەنەلۋىنە، كەدەيلىكتەن شىن قۇتىلۋىنا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىن شىن مانىندە سەزىنۋىنە كەپىلدىك ەتەدى.
مەملەكەتتىك كەڭەستىڭ كەدەيلەردى سۇيەمەلدەۋ - وركەندەتۋگە باسشىلىق ەتۋ گرۋپپاسى باقىلاۋ - تەكسەرۋ گرۋپپاسىنىڭ مۇشەلەرى، اۆتونوميالى رايوننىڭ قاتىستى تاراۋلارىنىڭ نەگىزگى جاۋاپتى جولداستارى ماجىلىسكە قاتىناستى.
