تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ پاكيستاننىڭ قۇرلىق ارميا سانمۋجاڭى باجۋامەن كەزدەستى

  شينحۋا اگەنتتىگىنىڭ 9 - ايدىڭ 19 - كۇنى بەيجيڭنەن بەرگەن حابارى (ءتىلشى مەي شىشيۇڭ). مەملەكەت ءتوراعاسى شي جينپيڭ 9 - ايدىڭ 19 - كۇنى بەيجيڭدە پاكيستاننىڭ قۇرلىق ارميا سانمۋجاڭى باجۋامەن كەزدەستى.

  باجۋا، ەڭ اۋەلى، الۆي زۇڭتۇڭ مەن يمران زۇڭليدىڭ ءتوراعا شي جينپيڭگە جولداعان ىقىلاستى سالەمىن جەتكىزدى. شي جينپيڭ العىس ايتتى ءارى باجۋاعا الۆي زۇڭتۇڭ مەن يمران زۇڭليگە ىقىلاستى سالەمى مەن تاماشا تىلەگىن جەتكىزىپ قويۋدى ايتتى.

  شي جينپيڭ بىلاي دەدى: جۇڭگو مەن پاكيستان بارلىق جاعدايدا بىردەي ستراتەگيالىق سەلبەستىك سەرىكتەر، ناعىز دوستار. ەكى جاق ەلەۋلى حالىقارالىق جانە وڭىرلىك ماسەلەلەردە وسكەلەڭ ءبىر اۋىزدىلىقتى ساقتادى، جۇڭگو جاق جۇڭگو - پاكيستان قارىم - قاتىناسىنا باستان - اياق وسكەلەڭ ءمان بەرىپ كەلەدى. ەكى جاق ءبىر - ءبىرىنىڭ ءجىتى قاداعالاپ وتىرعان كەلەلى ماسەلەلەرىندە وسكەلەڭ ءوزارا سەنىمدىلىكتى ساقتادى. جۇڭگو جاق پاكيستان جاقتىڭ «ءبىر بەلدەۋ، ءبىر جول» جانە جۇڭگو - پاكيستان ەكونوميكالىق ءدالىزى قۇرىلىسىنا قولداۋ كورسەتكەندىگىن جانە حاۋىپسىزدىك كەپىلدىگىن ازىرلەگەندىگىن القايدى. وسكەلەڭ ءوزارا سەنىمدىلىك جانە ناقتى شارالار بولسا بولعانى، جۇڭگو - پاكيستان ەكونوميكالىق ءدالىزى قۇرىلىسى ءساتتى بولادى ءارى ەكى ەل حالقىن باقىتقا كەنەلتەدى. قازىر حالىقارالىق جانە وڭىرلىك جاعداي كۇردەلى دە الماعايىپ، ەكى ەل ءبىرىن - ءبىرى قولداپ، ءوزارا كومەكتەسىپ، ءوزارا تيىمدىلىك جاساپ، قوماقتى جەتىستىكتەرگە قول جەتكىزىپ، ءداۋىردىڭ اعىمىنا ۇيلەستى. ەكى جاق حالىقارالىق جانە وڭىرلىك ماسەلەلەردەگى سايكەستىك پەن سەلبەستىكتى ۇزدىكسىز كۇشەيتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە قارسى جاعىن باتىل قولداۋى ءتيىس.

  شي جينپيڭ مىنالاردى اتاپ كورسەتتى: جۋىقتاعى جىلداردان بەرى، ەكى ارميانىڭ سەلبەستىگى ۇزدىكسىز تەرەڭدەپ، كوپتەگەن ماڭىزدى ناقتى جەتىستىكتەرگە قول جەتكىزدى. پاكيستاننىڭ ارميا قۇرىلىسىنا وسكەلەڭ ءمان بەرگەندىگىن، سونداي - اق مەملەكەتتىڭ حاۋىپسىزدىگى مەن دامۋىن قورعاۋدا اتقارعان ماڭىزدى رولىن القايمىز. ەكى ارميا ءار سالا، ءار ساتىداعى اۋىس - كۇيىستى، سەلبەستىكتى ونان ارى تەرەڭدەتىپ، لاڭكەس كۇشتەرگە باتىل سوققى بەرىپ، جۇڭگو - پاكيستان ەكونوميكالىق ءدالىزى قۇرىلىسىنىڭ حاۋىپسىزدىگىنە كەپىلدىك ەتىپ، ەكى ەلدىڭ ورتاق مۇددەسى مەن ورتاق دامۋىنا سەنىمدى حاۋىپسىزدىك كەپىلىن ازىرلەۋى ءتيىس.

  باجۋا مىنالاردى ءبىلدىردى: پاكيستان جاق «ءبىر بەلدەۋ، ءبىر جول» باستاماسىن باتىل قولدايدى. جاعدايدا مەيلى قالاي وزگەرىس بولسىن، پاكيستان جۇڭگومەن قارىم - قاتىناستى دامىتۋدى باستان - اياق سىرتقى قارىم - قاتىناستاعى ماڭداي الدى ستراتەگيالىق ورىنعا قويىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە جۇڭگو جاقپەن باستان - اياق بىرگە تۇرادى. پاكيستان جاق جۇڭگو جاقتىڭ پاكيستانعا جاساعان ءار جاقتارداعى كومەگىنە شىنايى العىس ايتادى، جۇڭگو ارمياسىمەن ستراتەگيالىق قارىم - قاتىناستى، ناقتى اۋىس - كۇيىستى، لاڭكەستىككە قارسى تۇرۋداعى سەلبەستىكتى ونان ارى كۇشەيتىپ، ءتۇرلى حاۋىپسىزدىك سىن - سايىستارىنا توتەپ بەرۋ قابىلەتىن بىرگە جوعارىلاتىپ، ەكى ەلدىڭ ورتاق مۇددەسى مەن ستراتەگيالىق حاۋىپسىزدىگىن قورعاپ، حالىقارانىڭ، ءوڭىردىڭ بەيبىتشىلىگىنە، ورنىقتىلىعىنا ۇلەس قوسۋدى قالايدى.

  مەملەكەتتىك كەڭەستىڭ مۇشەسى، قوسىمشا مەملەكەت قورعانىس مينيسترى ۋي فىڭحى قاتارلىلار كەزدەسۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.